ದೊಡ್ಡಬಳ್ಳಾಪುರ - ದೇವನಹಳ್ಳಿ ಮಾರ್ಗದುದ್ದಕ್ಕೂ ಅರಳಿ ನಿಂತ ಗುಲ್ ಮೊಹರ್ - ವಾಹನ ಸವಾರರಿಗೆ ಸಂಭ್ರಮ

ದೊಡ್ಡಬಳ್ಳಾಪು(ಜೂ. 11) : ಮೇ ಮತ್ತು ಜೂನ್ ತಿಂಗಳಲ್ಲಿ ದೊಡ್ಡಬಳ್ಳಾಪುರ-ದೇವನಹಳ್ಳಿ ಮಾರ್ಗವಾಗಿ ಸಂಚಾರಿಸುವ ವಾಹನ ಸವಾರರಿಗೆ ಸಂಭ್ರಮ, ದಾರಿಯುದ್ದಕ್ಕೂ ಅರಳಿ ನಿಂತಿರುವ ಗುಲ್ ​ಮೊಹರ್ ಹೂಗಳು ಕಣ್ಣಿಗೆ ಹಬ್ಬವನ್ನುಂಟು ಮಾಡುತ್ತವೆ.

ರಾಷ್ಟ್ರೀಯ ಹೆದ್ದಾರಿ 207ರ ದೊಡ್ಡಬಳ್ಳಾಪುರ ಮಾರ್ಗವಾಗಿ ಜಗದೀಶ್ ಸರ್ಕಲ್ ನಿಂದ ಪ್ರಾರಂಭವಾಗುವ ಗುಲ್ ಮೊಹರ್ ಮರಗಳ ಸಾಲು ರಘುನಾಥಪುರದವರೆಗೂ ಸಾಗುತ್ತೆ ಸುಮಾರು ಮೂರೂವರೆ ಕಿ.ಮೀ ರಸ್ತೆಯೆಲ್ಲೆ ಕೆಂಪಾಗಿರುತ್ತದೆ.

ಮೇ ತಿಂಗಳಲ್ಲಿ ಹೂವು ಅರಳುವ ಕಾರಣಕ್ಕೆ ಮೇ ಎಂದು ಆಡು ಭಾಷೆಯಲ್ಲಿ ಕರೆಯಲಾಗುತ್ತದೆ. ಮೇ ತಿಂಗಳಿಂದ ಜೂನ್ ತಿಂಗಳಲ್ಲಿ ಮೇ ಫ್ಲವರ್ ಸೌಂದರ್ಯ  ಸವಿಯಬಹುದು. ಉಷ್ಣ ವಲಯದಲ್ಲಿ ಗುಲ್‌ಮೊಹರ್‌ ಮರಗಳು ಹೆಚ್ಚಾಗಿ ಕಂಡು ಬರುತ್ತದೆ. ಕರ್ನಾಟಕದ ಗ್ರಾಮೀಣ ಭಾಗದಲ್ಲಿ ಗುಲ್ ಮೊಹರ್ ಮರಗಳನ್ನ ಸಾಮಾನ್ಯವಾಗಿ ಕಾಣಬಹುದು.

ಇದನ್ನೂ ಓದಿ : ಎಸ್​ಎಸ್​ಎಲ್​​ಸಿ ಪ್ರಥಮ ಸ್ಥಾನಕ್ಕಾಗಿ ಚಿಕ್ಕೋಡಿ ಶೈಕ್ಷಣಿಕ ಜಿಲ್ಲೆಯ ಕಸರತ್ತು ; ಕೊರೊನಾ ಆತಂಕದ ನಡುವೆ ಪರೀಕ್ಷೆಗೆ ಭರದ ಸಿದ್ಧತೆ

ಗ್ರಾಮೀಣ ಪ್ರದೇಶದಲ್ಲಿ ಮದುವೆ ಇನ್ನಿತರ ಶುಭ, ಸಮಾರಂಭಗಳಿಗೆ ಕಲ್ಯಾಣ ಮಂಟಪ ಹಾಗೂ ಮನೆಯ ಆವರಣವನ್ನು ಈ ಮರದ ಹೂಗಳನ್ನು ಬಳಸಿ ಸಿಂಗರಿಸುವುದನ್ನ ನಾವು ನೋಡಬಹುದು.

ಹಾಗೆಯೇ ಗ್ರಾಮ ದೇವತೆಗಳ ಜಾತ್ರೆಯಲ್ಲಿ ಅರತಿಯ ಅಲಂಕಾರವನ್ನ ಗುಲ್ ಮೋಹರ್ ಹೂಗಳಿಂದ ಮಾಡುತ್ತಾರೆ.  ಮಕ್ಕಳು ಹೂಗಳಲ್ಲಿನ ದಳಗಳಿಂದ ಆಟವನ್ನು ಆಡಿ ಮನರಂಜನೆ ಪಡೆಯುತ್ತಾರೆ.