• Home
  • »
  • News
  • »
  • district
  • »
  • ನಾಗೇಶ್ ಅಬಕಾರಿ ಸಚಿವರಾದ ಮೇಲೆ ಎಲ್ಲದಕ್ಕೂ ಪರ್ಸೇಂಟೇಜ್ ಫಿಕ್ಸ್ ಆಗಿದೆ; ಕೊತ್ತೂರು ಮಂಜುನಾಥ್ ಆರೋಪ

ನಾಗೇಶ್ ಅಬಕಾರಿ ಸಚಿವರಾದ ಮೇಲೆ ಎಲ್ಲದಕ್ಕೂ ಪರ್ಸೇಂಟೇಜ್ ಫಿಕ್ಸ್ ಆಗಿದೆ; ಕೊತ್ತೂರು ಮಂಜುನಾಥ್ ಆರೋಪ

ಅಬಕಾರಿ ಸಚಿವ ಎಚ್.ನಾಗೇಶ್

ಅಬಕಾರಿ ಸಚಿವ ಎಚ್.ನಾಗೇಶ್

ಉಸ್ತುವಾರಿ ಸಚಿವ ನಾಗೇಶ್ ಆಪ್ತ ಎವಿ ಶ್ರೀನಿವಾಸ್ ಮೂಲಕ ಹೆಚ್​. ನಾಗೇಶ್​ ಎಲ್ಲಾ ವಿಭಾಗದಲ್ಲೂ ಕಮಿಷನ್​ ವಸೂಲಿಗೆ ಇಳಿದಿದ್ದಾರೆ. ಎಲ್ಲಾ ಕೆಲಸಗಳಿಗೂ ಪರ್ಸೇಂಟೆಜ್ ಪಡೆದುಕೊಂಡು  ಕಾಮಗಾರಿಗಳಿಗೆ ಅನುಮತಿ ನೀಡುತ್ತಿದ್ದಾರೆ ಎಂದು ಮಾಜಿ ಶಾಸಕ ಕೊತ್ತೂರು ಮಂಜುನಾಥ್​ ಕಿಡಿಕಾರಿದ್ದಾರೆ.

ಮುಂದೆ ಓದಿ ...
  • Share this:

ಕೋಲಾರ; ಬಾರ್ ಗಳ ಲೈಸೆನ್ಸ್ ನವೀಕರಣ ವಿಚಾರದಲ್ಲಿ ಮುಳಬಾಗಿಲು ತಾಲೂಕಿನಲ್ಲಿ ಭ್ರಷ್ಟಾಚಾರ ಮಿತಿಮೀರಿದ್ದು, ಮುಳಬಾಗಿಲು ಶಾಸಕರಾಗಿರೋ ಸಚಿವ ಹೆಚ್​. ನಾಗೇಶ್ ಅವರ ಭ್ರಷ್ಟಾಚಾರ ಸಾರ್ವಜನಿಕರ ವಲಯದಲ್ಲಿ ಚರ್ಚೆಯಾಗುತ್ತಿದೆ. ಹೆಚ್​. ನಾಗೇಶ್​ ಸಚಿವರಾದ ನಂತರ ಎಲ್ಲಾ ವಿಭಾಗದಲ್ಲೂ ಲಂಚ ಅಧಿಕವಾಗಿದೆ, ಕಮಿಷನ್ ಕಾಮನ್ ಆಗಿದೆ ಎಂದು ಮಾಜಿ ಶಾಸಕ ಕೊತ್ತೂರು ಮಂಜುನಾಥ್​ ಕಿಡಿಕಾರಿದ್ದಾರೆ. ಜಿಲ್ಲೆಯ ಮುಳಬಾಗಿಲು ತಾಲೂಕಿನಲ್ಲಿ ಗ್ರಾಮ ಪಂಚಾಯಿತಿ ಚುನಾವಣೆ ರಂಗೇರಿದೆ. ಮಾಜಿ ಶಾಸಕ ಕೊತ್ತೂರು ಮಂಜುನಾಥ್ ಬೆಂಬಲಿತ 45 ಮಂದಿ ಸದಸ್ಯರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. ಮುಳಬಾಗಿಲು ಪಟ್ಟಣದಲ್ಲಿ ಬೆಂಬಲಗರ ಜೊತೆಗೂಡಿ, ಅವಿರೋಧವಾಗಿ ಆಯ್ಕೆಯಾದ ಎಲ್ಲಾ ಸದಸ್ಯರನ್ನ ಅಭಿನಂದಿಸಿ ಮಾತನಾಡಿರುವ ಕೊತ್ತೂರು ಮಂಜುನಾಥ್​,


"ತಾಲೂಕಿನಲ್ಲಿ ಎಲ್ಲಾ ಪಂಚಾಯಿತಿಯಲ್ಲಿ ನಾನು ಶಾಸಕನಾಗಿದ್ದಾಗ ಏನಾದರು ಒಂದು ಅಭಿವೃದ್ದಿ ಕೆಲಸ ಮಾಡಿರುವೆ. ಇಲ್ಲವಾದರೆ ನನ್ನ ಸ್ವಂತ ನೆರವು ನೀಡಿ ಜನರ ಸಂಕಷ್ಟಕ್ಕೆ ಸ್ಪಂಧಿಸಿರುವೆ. ಹೀಗಾಗಿ ನಾನು ಜನರ ಬಳಿ ಮತ ಕೇಳಲು ಹೊರಟಿದ್ದೇನೆ. ಮುಂದೆಯೂ ಇದೇ ಕ್ಷೇತ್ರದಲ್ಲಿ ಇರುವೆ. ನನಗೆ ಕ್ಷೇತ್ರದ ಜನತೆಯೆ ದೇವರುಗಳು, ನಂತರ ನಮ್ಮ ನಾಯಕರು ಕ್ಷೇತ್ರವನ್ನ ಬಿಡುವ ಮಾತೇ ಇಲ್ಲ" ಎಂದು ತಿಳಿಸಿದ್ದಾರೆ.


ಇದನ್ನೂ ಓದಿ : ತಮಿಳುನಾಡು ಸರ್ಕಾರದಿಂದ ಭರ್ಜರಿ ಪೊಂಗಲ್ ಗಿಫ್ಟ್​; ಜನರಿಗೆ 2500 ರೂ ನಗದು ಹಾಗೂ ಬಟ್ಟೆ ವಿತರಣೆ


ಇದೇ ವೇಳೆ ಹೆಚ್​. ನಾಗೇಶ್​ ವಿರುದ್ಧ ಕಿಡಿಕಾರಿರುವ ಅವರು, " ಉಸ್ತುವಾರಿ ಸಚಿವರ ಆಪ್ತ ಎವಿ ಶ್ರೀನಿವಾಸ್ ಮೂಲಕ ಹೆಚ್​. ನಾಗೇಶ್​ ಎಲ್ಲಾ ವಿಭಾಗದಲ್ಲೂ ಕಮಿಷನ್​ ವಸೂಲಿಗೆ ಇಳಿದಿದ್ದಾರೆ. ಎಲ್ಲಾ ಕೆಲಸಗಳಿಗೂ ಪರ್ಸೇಂಟೆಜ್ ಪಡೆದುಕೊಂಡು  ಕಾಮಗಾರಿಗಳಿಗೆ ಅನುಮತಿ ನೀಡುತ್ತಿದ್ದಾರೆ. ಕ್ಷೇತ್ರದಲ್ಲಿ ಆಡಳಿತ ಹಾಳಾಗಿದೆ. ಕುರುಡುಮಲೆ ವಿನಾಯಕ ದೇಗುಲದಲ್ಲಿ ನಾನು ಆಣೆ ಮಾಡಿ ಹೇಳಲು ಸಿದ್ದ. ಸಚಿವರ ಇಬ್ಬರು ಆಪ್ತರು ಆಣೆ ಪ್ರಮಾಣ ಮಾಡಲಿ" ಎಂದು ಸವಾಲು ಹಾಕಿದ್ದಾರೆ.

Published by:MAshok Kumar
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು