ಮೈಸೂರಿನಲ್ಲಿ ಕೇರಳ ಮಾದರಿ ಘಟನೆ; ಸಿಡಿಮದ್ದು ತುಂಬಿದ ಆಹಾರ ಸೇವಿಸಿದ ಹಸುವಿಗೆ ಗಂಭೀರ ಗಾಯ

ಕಾಡು ಪ್ರಾಣಿಗಳ ಬೇಟೆಗೆ ಕಿಡಿಗೇಡಿಗಳು ಆಹಾರದಲ್ಲಿ ಸಿಡಿಮದ್ದು ಸೇರಿಸಿ ಇಟ್ಟಿದ್ದಾರೆ. ಮೂಕ ಪ್ರಾಣಿ ರೋಧನ ಕಂಡು ಎಲ್ಲರೂ ಮಮಲ ಮರುಗಿದ್ದಾರೆ. ಸಿಡಿಮದ್ದು ಇರಿಸಿದ್ದ ಕಿಡಿಗೇಡಿಗಳಿಗೆ ಪ್ರಾಣಿಪ್ರಿಯರು ಹಿಡಿಶಾಪ ಹಾಕಿ, ಸೂಕ್ತ ಕಾನೂನು ಕ್ರಮ ಜರುಗಿಸುವಂತೆ ಆಗ್ರಹಿಸಿದ್ದಾರೆ.

ಪ್ರಾತಿನಿಧಿಕ ಚಿತ್ರ.

ಪ್ರಾತಿನಿಧಿಕ ಚಿತ್ರ.

  • Share this:
    ಮೈಸೂರು; ಕೇರಳದಲ್ಲಿ ಗರ್ಭಿಣಿ ಕಾಡಾನೆಯೊಂದು ಪಟಾಕಿ ತುಂಬಿದ ಪೈನಾಪಲ್ ಸೇವಿಸಿ ಸಾವನ್ನಪ್ಪಿದ ಘಟನೆ ಇಡೀ ದೇಶದ ಜನರ ಮನ ಕಲಕಿತ್ತು. ಇದೀಗ ಅದೇ ಮಾದರಿಯ ಘಟನೆಯೊಂದು ಮೈಸೂರಿನಲ್ಲೂ ನಡೆದಿದೆ. ಕಿಡಿಗೇಡಿಗಳು ಮೇವಿನಲ್ಲಿ ಸಿಡಿಮದ್ದು ತುಂಬಿದ್ದ ಆಹಾರ ಸೇವಿಸಿದ ಹಸುವೊಂದು ತೀವ್ರವಾಗಿ ಗಾಯಗೊಂಡಿದ್ದು, ಸಾವು-ಬದುಕಿನ ನಡುವೆ ಹೋರಾಡುತ್ತಿದೆ.

    ಮೈಸೂರಿನ ಹೆಚ್.ಡಿ.ಕೋಟೆ ತಾಲ್ಲೂಕಿನ ಬೆಟ್ಟದಬೀಡು ಗ್ರಾಮದ ನರಸಿಂಹೇಗೌಡ ಎಂಬುವವರಿಗೆ ಸೇರಿದ ಹಸು ಯಾರೋ ಇಟ್ಟಿದ್ದ ಆಹಾರ ಸೇವಿಸಿದೆ. ಆದರೆ, ಆ ಆಹಾರದಲ್ಲಿ ಕಿಡಿಗೇಡಿಗಳು ಸಿಡಿಮದ್ದು ತುಂಬಿಟ್ಟಿದ್ದಾರೆ. ಹಸು ಆಹಾರ ಸೇವಿಸುತ್ತಿದ್ದಂತೆ ಅದು ಬಾಯಿಯೊಳಗೆ ಸ್ಪೋಟಗೊಂಡಿದೆ. ಸ್ಪೋಟದ ರಭಸಕ್ಕೆ ಹಸುವಿನ ಬಾಯಿ ಸಂಪೂರ್ಣ ಛಿದ್ರವಾಗಿದ್ದು, ಸಾವು-ಬದುಕಿನ ನಡುವೆ ಹೋರಾಡುತ್ತಿದೆ. ಹಸುವಿಗೆ ವೈದ್ಯರು ಚಿಕಿತ್ಸೆ ನೀಡಿದ್ದಾರೆ.

    ಕಾಡು ಪ್ರಾಣಿಗಳ ಬೇಟೆಗೆ ಕಿಡಿಗೇಡಿಗಳು ಆಹಾರದಲ್ಲಿ ಸಿಡಿಮದ್ದು ಸೇರಿಸಿ ಇಟ್ಟಿದ್ದಾರೆ. ಮೂಕ ಪ್ರಾಣಿ ರೋಧನ ಕಂಡು ಎಲ್ಲರೂ ಮಮಲ ಮರುಗಿದ್ದಾರೆ. ಸಿಡಿಮದ್ದು ಇರಿಸಿದ್ದ ಕಿಡಿಗೇಡಿಗಳಿಗೆ ಪ್ರಾಣಿಪ್ರಿಯರು ಹಿಡಿಶಾಪ ಹಾಕಿ, ಸೂಕ್ತ ಕಾನೂನು ಕ್ರಮ ಜರುಗಿಸುವಂತೆ ಆಗ್ರಹಿಸಿದ್ದಾರೆ.

    ಇದನ್ನು ಓದಿ: ಗರ್ಭಿಣಿ ಆನೆಯ ದುರಂತ ಸಾವು ಪ್ರಕರಣ; ಕೇರಳ ಸರ್ಕಾರದಿಂದ ವಿಶೇಷ ತನಿಖಾ ತಂಡ ರಚನೆ

    ಕೇರಳದ ಪಲಕ್ಕಾಡ್​ನ ಸೈಲೆಂಟ್ ವ್ಯಾಲಿ ನ್ಯಾಷನಲ್ ಪಾರ್ಕ್​ (ಎಸ್​ವಿಎನ್​ಪಿ)ನ ಗರ್ಭಿಣಿ ಆನೆ ಮೇ 27ರಂದು ಊರೊಳಗೆ ಪ್ರವೇಶಿಸಿತ್ತು. ಆಹಾರ ಹುಡುಕಿ ಬಂದ ಆನೆಗೆ ಯಾರೋ ಆನೆಗೆ ತಿನ್ನಲು ಪೈನಾಪಲ್ ಹಣ್ಣನ್ನು ನೀಡಿದರು. ಆನೆ ಆ ಹಣ್ಣನ್ನು ತಿನ್ನುತ್ತಿದ್ದಂತೆ ಅದರೊಳಗಿದ್ದ ಮದ್ದುಗುಂಡು ಸ್ಫೋಟವಾಯಿತು. ಪೈನಾಪಲ್ ಹಣ್ಣಿನೊಳಗೆ ಸ್ಫೋಟಕವನ್ನು ತುಂಬಿದ್ದರಿಂದ ಆನೆಯ ಬಾಯಿಗೆ ತೀವ್ರ ಗಾಯವಾಗಿತ್ತು. ಬಳಿಕ ಆ ಆನೆ ಕಾಡಿನೊಳಗೆ ಹೋಗಿ ಪ್ರಾಣ ಬಿಟ್ಟಿತ್ತು.
    Published by:HR Ramesh
    First published: