Davanagere Dog Show: ಬೆಣ್ಣೆ ನಗರಿಯಲ್ಲಿ ಶ್ವಾನ ಪ್ರದರ್ಶನ, ದಾವಣಗೆರೆ ಡಾಗ್ ಶೋ ಸಂಭ್ರಮ!

ದಾವಣಗೆರೆ: ಮುದ್ದು ಮುದ್ದಾದ ನಾಯಿ ಮರಿ, ಮುಟ್ಟೋಣ ಅಂತ ಹೋದ್ರೆ ಪಕ್ಕದಲ್ಲೇ ಕಚ್ಚೋಕೆ ರೆಡಿಯಾಗಿರೋ ಕೋಪಿಷ್ಟ ನಾಯಿಗಳು! ದಾವಣಗೆರೆಯಲ್ಲಿ (Davanagere News) ನಡೆದ ರಾಜ್ಯಮಟ್ಟದ 6ನೇ ಶ್ವಾನ ಪ್ರದರ್ಶನಕ್ಕೆ (Dog Show In Davanagere)ಬಂದಿದ್ದ ನಾಯಿಗಳಿವು.  ಈ ಬಗೆಬಗೆಯ ಶ್ವಾನಗಳನ್ನು ನೋಡೋಕೆ ದಾವಣಗೆರೆಯ (Davanagere Dog Show) ಸಾವಿರಾರು ಜನ ಆಗಮಿಸಿದ್ರು.

ಬೆಣ್ಣೆ ನಗರಿ ಜನರಿಗೆ ಶ್ವಾನ ಪ್ರದರ್ಶನ ಮುದ ನೀಡಿತು. ದಾವಣಗೆರೆ ಪೆಟ್ ಲವರ್ಸ್ ಅಸೋಸಿಯೇಷನ್​ನಿಂದ ನಗರದ ಹೈಸ್ಕೂಲ್ ಮೈದಾನದಲ್ಲಿ ಶ್ವಾನ ಪ್ರದರ್ಶನ ಕಾರ್ಯಕ್ರಮ ನಡೆಯಿತು.

ಹೊ ರಾಜ್ಯಗಳಿಂದಲೂ ಬಂದಿದ್ದ ನಾಯಿಗಳು!
ಶ್ವಾನ ಪ್ರದರ್ಶನಕ್ಕೆ ಹೊರ ರಾಜ್ಯ ಹಾಗೂ ರಾಜ್ಯದ ನಾನಾ ಜಿಲ್ಲೆಗಳಿಂದ ನಾಯಿಗಳು ಬಂದಿದ್ದವು. ಗೋವಾ , ಮಹಾರಾಷ್ಟ್ರ, ತಮಿಳುನಾಡು, ಕೇರಳ ಸೇರಿದಂತೆ ರಾಜ್ಯದ ಬೆಂಗಳೂರು, ಶಿವಮೊಗ್ಗದ, ಹೊಸಪೇಟೆ, ಚಿಕ್ಕಮಗಳೂರು, ಸೇರಿದಂತೆ ವಿವಿಧ ಜಿಲ್ಲೆಗಳಿಂದ ಶ್ವಾನಗಳು ಕಾರ್ಯಕ್ರಮದಲ್ಲಿ ಮಿಂಚಿದವು.

ಇದನ್ನೂ ಓದಿ: Aghanashini Aarti: ಕಾಶಿಯ ಗಂಗಾರತಿಯಂತೆಯೇ ಕುಮಟಾದಲ್ಲಿ ನಡೆಯಿತು ಅಘನಾಶಿನಿ ಆರತಿ!

ಗಮನ ಸೆಳೆದ ಈ ತಳಿಯ ನಾಯಿಗಳು
ಚೌ ಚೌ, ಬಾರ್ಡರ್ ಕಾಲಿ, ಜರ್ಮನ್ ಶೆಫರ್ಡ್ ರ್ಯಾಟ್ ವಿಲ್ಲರ್, ಬುಲ್ ಡಾಗ್ ಡಾಬರ್ ಮೆನ್, ಇಂಡಿಯನ್ ಮುಧೋಳ ಒಟ್ಟು 200ಕ್ಕೂ ಅಧಿಕ ತಳಿಯ ಶ್ವಾನ ನಾಯಿಗಳು ಭಾಗವಹಿಸಿತ್ತು.

ಇದನ್ನೂ ಓದಿ: Karwar: ಮೊಟ್ಟೆ ಇಡುವ ಸಮಯ ಬದಲಾಯಿಸಿದ ಕಡಲಾಮೆ!

ಪೆಟ್ ಲವರ್ಸ್ ಅಸೋಸಿಯೇಷನ್ ವತಿಯಿಂದ ಮೂರು ಬಹುಮಾನ ಆಯೋಜನೆ ಮಾಡಲಾಗಿತ್ತು. ಪ್ರಥಮ ಬಹುಮಾನ 25 ಸಾವಿರ, ದ್ವಿತೀಯ ಬಹುಮಾನ 15 ಸಾವಿರ, ತೃತೀಯ 10 ಸಾವಿರ ರೂಪಾಯಿಗಳಾಗಿತ್ತು.