Crime News: ಸ್ನೇಹಿತನನ್ನು ಮನೆಗೆ ಕರೆದರೆ ಹೆಂಡತಿಯನ್ನೇ ಕರೆದೊಯ್ದ, ಪತ್ನಿ ಕೋಪ ಮಾಡಿಕೊಂಡಳೆಂದು ಮಗನನ್ನೇ ಕೊಂದ!
ಸ್ನೇಹಿತ ಅಂತಾ ಮನೆಗೆ ಕರೆತಂದ ಹೆಂಡತಿಯೇ ಹೋದ್ಲು!
ಪುಷ್ಪಾ ಮೇಲಿನ ಸಿಟ್ಟಿಗೆ ಬಾಲಕ ಚೇತನ್ನನ್ನು ಕೆರೆಗೆ ತಳ್ಳಿದ್ದಾಗಿ ಸಂಪತ್ ಸದ್ಯ ಬಾಯಿ ಬಿಟ್ಟಿದ್ದಾನೆ. ಬಾಗಲೂರು ಪೊಲೀಸರು ಕೆರೆಯಲ್ಲಿ ಹುಡುಕಾಟ ನಡೆಸಿದಾಗ 9 ದಿನಗಳ ನಂತರ ಬಾಲಕ ಚೇತನ್ ಮೃತ ದೇಹ ಪತ್ತೆಯಾಗಿದೆ.
ಬೆಂಗಳೂರು: ಇಬ್ಬರು ಟಿಪ್ಪರ್ ಲಾರಿ ಡ್ರೈವರ್ಸ್ (Drivers). ಜೊತೆಯಲ್ಲಿ ಕೆಲಸ ಮಾಡುತ್ತಿದ್ದ ಕಾರಣ ಇಬ್ಬರ ನಡುವೆ ಆತ್ಮೀಯತೆ, ಸ್ನೇಹ (Friendship) ಬೆಳೆದಿತ್ತು. ಹೀಗಿರುವಾಗ ಸ್ನೇಹಿತ ಅಂತ ಮನೆಗೆ ಕರೆದುಕೊಂಡು ಬಂದಿದ್ದಾಗ ಹೆಂಡತಿಯನ್ನೇ (Wife) ಸ್ನೇಹಿತ ಪಟಾಯಿಸಿ ಬಿಟ್ಟಿದ್ದ. ಆದರೆ ಈ ಸ್ಟೋರಿಯಲ್ಲಿ ಕೊನೆಗೆ ಆಗಿದ್ದು ಮಾತ್ರ ದುರಂತ. ಹೌದು, ಇಲ್ಲಿ ಕಾಣಿಸುತ್ತಿರುವ ಇವರ ಹೆಸರು ಪ್ರವೀಣ್ ಮತ್ತು ಸಂಪತ್. ಇವರಿಬ್ಬರು ಒಂದೇ ಕಡೆ ಟಿಪ್ಪರ್ ಲಾರಿ (Tipper) ಡ್ರೈವರ್ ಆಗಿ ಕೆಲಸ ಮಾಡುತ್ತಿದ್ದರು. ಒಂದೇ ಕಡೆ ಕೆಲಸ ಮಾಡುತ್ತಿದ್ದ ಪ್ರವೀಣ್ ಹಾಗೂ ಸಂಪತ್ ನಡುವೆ ಸ್ನೇಹ, ವಿಶ್ವಾಸ ಬೆಳೆದಿತ್ತು. ಸ್ನೇಹಿತ ಅನ್ನುವ ಕಾರಣಕ್ಕೆ ಮನೆಗೆ ಕರೆಸಿದರೆ ಪ್ರವೀಣ್ ಹೆಂಡತಿ ಪುಷ್ಪಾವತಿ ಮೇಲೆ ಸಂಪತ್ ಕಣ್ಣು ಹಾಕಿದ್ದನಂತೆ.
ಗಂಡನ ಬಿಟ್ಟು ಬಂದವಳು ಬದುಕು ಮೂರಾಬಟ್ಟೆ!
ಈಗಾಗಲೇ ಪ್ರವೀಣ್ನನ್ನು ಮದುವೆ ಆಗಿದ್ದ ಪುಷ್ಪಾವತಿಗೆ ಇಬ್ಬರು ಮಕ್ಕಳಿದ್ದರು. ಆದರೆ ಪ್ರವೀಣ್ ಡ್ಯೂಟಿಗೆ ಹೋದಾಗ ಆಗಾಗ ಮನೆಗೆ ಬಂದು ಸಂಪತ್ ಲವ್ವಿ ಡವ್ವಿ ಸ್ಟಾರ್ಟ್ ಮಾಡಿದ್ದನಂತೆ. ಈ ವಿಚಾರ ಪ್ರವೀಣ್ಗೆ ಗೊತ್ತಾಗಿ ಸಂಸಾರದಲ್ಲಿ ವೈಮನಸ್ಸು ಮೂಡಿತ್ತಂತೆ. ಆ ಬಳಿಕ ಪತ್ನಿಗೆ ಡಿವೋರ್ಸ್ ಕೊಟ್ಟ ಪ್ರವೀಣ್, ಒಬ್ಬ ಮಗನನ್ನು ತನ್ನ ಜೊತೆಯಲ್ಲಿಟ್ಟುಕೊಂಡಿದ್ದ. ಮಗಳನ್ನು ಜೊತೆಗೆ ಕರೆದುಕೊಂಡು ಹೊರಟ ಪುಷ್ಪಾವತಿ, ಸಂಪತ್ ಜೊತೆಗೆ ಸಂಸಾರ ಶುರು ಮಾಡಿದ್ದಳು.
ಸಂಪತ್/ಪ್ರವೀಣ್
ಇದನ್ನೂ ಓದಿ: Crime News: ಅತ್ತೆಯ ಮೂಗನ್ನು ಕಚ್ಚಿ ಕತ್ತರಿಸಿದ ಅಳಿಯ! ಕಾರಣ ಕೇಳಿದ್ರೆ ಶಾಕ್ ಆಗ್ತೀರಿ
ಪುಷ್ಪಾವತಿಯನ್ನ ರಿಜಿಸ್ಟರ್ ಮ್ಯಾರೇಜ್ ಆಗಿದ್ದ ಸಂಪತ್ ಕೆಜಿಎಫ್ನಲ್ಲಿ ವಾಸವಿದ್ದ. ಪುಷ್ಪಾ ಯಾರ ಜೊತೆ ಮಾತಾಡಿದರೂ ಅನುಮಾನ ಪಡುತ್ತಿದ್ದ ಅನ್ನೋ ಕಾರಣಕ್ಕೆ ಪುಷ್ಪಾ ಆತನಿಂದಲೂ ದೂರವಾಗಲು ಯತ್ನಿಸಿದ್ದಳಂತೆ. ಎರಡನೇ ಗಂಡನ ಕಿರುಕುಳ ಹೆಚ್ಚಾದಾಗ ಮೊಬೈಲ್ ನಂಬರ್ ಕೂಡಾ ಬ್ಲಾಕ್ ಲಿಸ್ಟ್ ಹಾಕಿದ್ದ ಪುಷ್ಪಾ, ಕೆಜಿಎಫ್ನ ಬೇರೆ ಕಡೆ ಮನೆ ಮಾಡಿಕೊಂಡು ವಾಸ ಮಾಡಲು ಆರಂಭಿಸಿದ್ದಳಂತೆ.
ಆದರೆ ಪುಷ್ಪಾವತಿಗೆ ಬ್ಲಾಕ್ ಮೇಲ್ ಮಾಡಲು, ಮನೆ ಬಳಿ ತೆರಳಿ ಮಗಳನ್ನು ಕಿಡ್ನಾಪ್ ಮಾಡಲು ಸಂಪತ್ ಮುಂದಾಗಿದ್ದನಂತೆ. ಆದರೆ ಅದು ಸಾಧ್ಯವಾಗದೆ ಇದ್ದಾಗ ಮಗನನ್ನು ಬಾಗಲೂರಿನ ವಿಲೇಜ್ ಚಿಲ್ಡ್ರನ್ ಕೇಂದ್ರದಿಂದ ಕಿಡ್ನ್ಯಾಪ್ ಮಾಡಿದ್ದ.
11 ವರ್ಷದ ಮಗ ಚೇತನ್ ರೆಡ್ಡಿಯನ್ನು ಸಾಕಲಾರದ ತಂದೆ ಪ್ರವೀಣ್, ಬಾಗಲೂರಿನ ವಿಲೇಜ್ ಚಿಲ್ಡ್ರನ್ ಕೇಂದ್ರದಲ್ಲಿ ಬಿಟ್ಟಿದ್ದ. ಪುಷ್ಪಾ ಜೊತೆಗೆ ಇಲ್ಲಿಗೆ ಭೇಟಿ ಕೊಡುತ್ತಿದ್ದ ಸಂಪತ್, ಮಗ ಇಲ್ಲಿ ಇರುವುದನ್ನು ಚೆನ್ನಾಗಿ ತಿಳಿದಿದ್ದ. ಅಲ್ಲಿಗೆ ಬಂದು ಬೈಕ್ನಲ್ಲಿ ಬಾಲಕನನ್ನು ಕರೆಕೊಂಡು ಹೋಗಿ ಕೆಜಿಎಫ್ ಬಳಿ ಬಿರಿಯಾನಿ ಹಾಗೂ ಚಾಕೊಲೇಟ್ ಕೊಡಿಸಿ ಪುಷ್ಪಾಗೆ ಕಾಲ್ ಮಾಡಿದ್ದನಂತೆ.
ನಂಬರ್ ಬ್ಲಾಕ್ ಮಾಡಿದ್ದರಿಂದ ಪುಷ್ಪಾ ಕಾಲ್ ರಿಸೀವ್ ಮಾಡಿರಲಿಲ್ಲವಂತೆ. ಇದರಿಂದ ಸಿಟ್ಟಿಗೆದ್ದ ಸಂಪತ್ ಹೆಂಡತಿಗೆ ಹೇಗಾದರೂ ಮಾಡಿ ಬುದ್ಧಿ ಕಲಿಸಬೇಕು ಅಂತ ಹೇಳಿ ಪಕ್ಕದಲ್ಲಿದ್ದ ಕೆರೆಗೆ ಚೇತನ್ನನ್ನು ತಳ್ಳಿ ಕೊಲೆ ಮಾಡಿದ್ದ. ಬಾಲಕನನ್ನು ಕರೆಕೊಂಡು ಹೋದ ದೃಶ್ಯ ಸ್ಥಳದಲ್ಲಿದ್ದ ಸಿಸಿಟಿವಿಯಲ್ಲೂ ಸೆರೆಯಾಗಿದೆ.
ಕೊಲೆಯಾದ ಬಾಲಕ ಚೇತನ್
ಪುಷ್ಪಾ ಮೇಲಿನ ಸಿಟ್ಟಿಗೆ ಬಾಲಕ ಚೇತನ್ನನ್ನು ಕೆರೆಗೆ ತಳ್ಳಿದ್ದಾಗಿ ಸಂಪತ್ ಸದ್ಯ ಬಾಯಿ ಬಿಟ್ಟಿದ್ದಾನೆ. ಬಾಗಲೂರು ಪೊಲೀಸರು ಕೆರೆಯಲ್ಲಿ ಹುಡುಕಾಟ ನಡೆಸಿದಾಗ 9 ದಿನಗಳ ನಂತರ ಬಾಲಕ ಚೇತನ್ ಮೃತ ದೇಹ ಪತ್ತೆಯಾಗಿದೆ. ಮಗನನ್ನು ಕೊಲೆ ಮಾಡಿ ವಿಷ ಸೇವಿಸಿದ್ದ ಆರೋಪಿ ಸಂಪತ್ ಸದ್ಯ ಚೇತರಿಸಿಕೊಂಡಿದ್ದು, ಬಾಗಲೂರು ಪೊಲೀಸರು ಬಂಧಿಸಿ ವಿಚಾರಣೆ ನಡೆಸಿದ್ದಾರೆ.
ಬ್ರೇಕಿಂಗ್ ನ್ಯೂಸ್ ಎಲ್ಲರಿಗಿಂತ ಮೊದಲು ನ್ಯೂಸ್ 18 ಕನ್ನಡದಲ್ಲೇ ಓದಿ. ಪ್ರತಿದಿನದ ತಾಜಾ ಸುದ್ದಿ, ಲೈವ್ ನ್ಯೂಸ್ ಅಪ್ಡೇಟ್ ನಂಬಿಕೆಯುಳ್ಳ ನ್ಯೂಸ್ 18 ಕನ್ನಡದಲ್ಲೇ ಪಡೆಯಿರಿ