Bengaluru: ಒಂದು ತಿಂಗಳ ಸ್ಕೆಚ್, ಮಧ್ಯರಾತ್ರಿ ದೊಡ್ಡ ಮನೆ ಲೂಟಿಗೆ ಬಂದು ಸಿಕ್ಕಿಬಿದ್ದ ಕಳ್ಳರು; ಬಾಂಬೆ ಫ್ರೆಂಡ್ಸ್​ ಗ್ಯಾಂಗ್ ಅರೆಸ್ಟ್

ಬೆಂಗಳೂರು: ಅದು ಪಕ್ಕ ಪ್ಲ್ಯಾನ್ ನಂತೆ ಎಲ್ಲಾ ಕೆಲಸ ನಡೆಯುತಿತ್ತು. ಎರಡು ತಿಂಗಳಿಂದ ವಾಚ್ ಮಾಡಿದ್ದ ಕಳ್ಳರು ಐಷಾರಾಮಿ ಮನೆಯ (Luxury House) ತಿಜೋರಿ ಹೊಡೆಯಲು ಎಂಟ್ರಿ ಕೊಟ್ಟಿದ್ದರು. ಸೂರ್ಯೋದಕ್ಕೆ ಕೊಂಚ ಸಮಯವಿದ್ದ ಆ ಟೈಂ ಅವರಿಗೆ ಕೈ ಕೊಟ್ಟಿತ್ತು. ಪರಿಣಾಮ ಆದ ಎಡವಟ್ಟು ಅವರನ್ನು ಈಗ ಜೈಲಿಗೆ ಸೇರಿಸಿದೆ. ಹಣದ ಆಸೆಗಾಗಿ ದೊಡ್ಡ ಮನೆಯೊಂದಕ್ಕೆ ಬರೋಬ್ಬರಿ ಒಂದು ತಿಂಗಳು ಸ್ಕೆಚ್ ಹಾಕಿಪ್ಲಾನ್​​ ಎಕ್ಸಿಕ್ಯೂಟ್​​ಗೆ ಬಂದ ಕಳ್ಳರು ಗ್ಯಾಂಗ್, ಮನೆ ಮಾಲೀಕನ ಮಗನ ಸಮಯ ಪ್ರಜ್ಞೆಗೆ ಲಾಕ್ ಆದ ಘಟನೆ ರಾಜಧಾನಿ ಬೆಂಗಳೂರಿನ (Bengaluru) ತಲಘಟ್ಟಪುರದ (Talaghattapura) ವಿಶ್ರಾಂತಿ ಲೇಔಟ್​​ನಲ್ಲಿ ನಡೆದಿದೆ.

ಬರೋಬ್ಬರಿ ಒಂದು ತಿಂಗಳು ಮನೆ ವಾಚ್ ಮಾಡಿದ್ದ ಆರೋಪಿಗಳು

ವಿಶ್ರಾಂತಿ ಲೇಔಟ್​​ನ ಉದ್ಯಮಿ ಅಜಯ್ ರಾಮ ಗೋಪಾಲ್ ಮನೆಯಲ್ಲಿ ಈ ಕಳ್ಳತನಕ್ಕೆ ಯತ್ನ ನಡೆದಿದೆ. ಆರೋಪಿಗಳಾದ ಶೇಕ್ ಕಲೀಂ, ಮೊಹಮದ್ ನಿನಾಜ್, ಮೊಹಮದ್ ಇಮ್ರಾನ್, ಸೈಯದ್ ಫೈಜಲ್, ರಾಮ್ ಬಿಲಾಸ್, ಸುನೀಲ್ ಹಾಗೂ ರಜತ್ ಮಲಿಕ್ ಎಂಬುವವರು 1 ತಿಂಗಳ ಕಾಲ ಈ ಮನೆಯನ್ನ ದೋಚಲು ಪ್ಲ್ಯಾನ್ ಮಾಡಿದ್ದರು. ಅದೇ ರೀತಿ ಮೊನ್ನೆ ಕಳ್ಳತನ ಮಾಡಲು ಹೋಗಿ ಈಗ ಪೊಲೀಸರ ಅತಿಥಿಗಳಾಗಿದ್ದಾರೆ.

ಮಚ್ಚು, ಲಾಂಗು, ಖಾರದ ಪುಡಿಯೊಂದಿಗೆ ಬಂದಿದ್ದ ಖದೀಮರು

ಆರೋಪಿಗಳು ಲಾಂಗು ಮಚ್ಚು, ಖಾರದ ಪುಡಿ ಹಾಗೂ ಟೂಲ್ಸ್ ಗಳ ಸಮೇತ ಮನೆಗೆ ಮುಂಜಾನೆ 5 ಗಂಟೆ ಸುಮಾರಿಗೆ ಎಂಟ್ರಿ ಕೊಟ್ಟಿದ್ದರು. ಉದ್ಯಮಿಯ ಮಗ ರಾಹುಲ್ ಆಗ ತಾನೇ ಎದ್ದು ಜಾಗಿಂಗ್ ಎಂದು ರೆಡಿಯಾಗುತಿದ್ದರಂತೆ. ಈ ವೇಳೆ ಮನೆಯಲ್ಲಿ ಚೆಲ್ಲಾಪಿಲ್ಲಿಯಾಗಿ ಬಿದ್ದಿದ್ದ ವಸ್ತುಗಳನ್ನ ಗಮನಿಸಿದ್ದಾರೆ.

ಬಳಿಕ ಅನುಮಾನಗೊಂಡು ಮನೆಯ ಸಿಸಿಟಿವಿಯನ್ನೂ ಅದೇ ವೇಳೆ ಪರೀಕ್ಷಿಸಿದ್ದಾರೆ. ಆಗ ಕಳ್ಳರು ಮನೆಯೊಳಕ್ಕೆ ಎಂಟ್ರಿ ಕೊಟ್ಟಿರೋದು ಕಾಣಿಸಿದೆ. ಅಲ್ಲದೇ ಇದೇ ವೇಳೆ ಕಳ್ಳರು ಒಂದು ರೂಮ್​​ನಲ್ಲಿ ಇರೋದು ಗೊತ್ತಾಗಿದೆ. ಕೂಡಲೇ ಎಚ್ಚೆತ್ತುಕೊಂಡ ಅವರು ರೂಮ್​ ಡೋರ್ ಕ್ಲೋಸ್ ಮಾಡಿ ಲಾಕ್​ ಮಾಡಿದ್ದಾರೆ. ಬಳಿಕ 122ಗೆ ಕರೆ ಮಾಡಿ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ಕೇವಲ 10 ನಿಮಿಷಕ್ಕೆ ಸ್ಥಳಕ್ಕೆ ಬಂದ ಪೊಲೀಸರು ಆರೋಪಿಗಳನ್ನು ಬಂಧಿಸಿ ಜೈಲಿಗಟ್ಟಿದ್ದಾರೆ.

ಬಂಧಿತ ಆರೋಪಿಗಳು

ಅಸಲಿಗೆ ಕಳ್ಳರು ಮನೆಯೊಳಕ್ಕೆ ಬರುವಾಗಲೇ ಮನೆಯಲ್ಲಿದ್ದ ಶ್ವಾನ ಬೊಗಳಿದೆ. ಆದರೆ ನಿದ್ದೆಯಲ್ಲಿದ್ದ ಮನೆಯವರು ಈ ಬಗ್ಗೆ ಅಷ್ಟು ಗಮನಹರಿಸಿರಲಿಲ್ಲ. ಆದರೆ ಉದ್ಯಮಿ ಮಗನ ಸಮಯ ಪ್ರಜ್ಞೆಯಿಂದ ಕಳ್ಳರು ಸಿಕ್ಕಿಬಿದ್ದಿದ್ದಾರೆ. ಸಂಪತ್ತು ದೋಚಲು ಬಂದರು ಪ್ಲಾನ್​ ಈಡೇರೋ ಮೊದಲೇ ಜೈಲೂಟ ಅನುಭವಿಸುವಂತಾಗಿದೆ.

ಬಾಂಬೇ ಫ್ರೆಂಡ್ಸ್ ಗ್ಯಾಂಗ್ ಕಟ್ಟಿದ್ದ ಆರೋಪಿಗಳು

ಶೇಕ್ ಕಲೀಂ, ಮೊಹಮದ್ ನಿನಾಜ್, ಮೊಹಮದ್ ಇಮ್ರಾನ್, ಸೈಯದ್ ಫೈಜಲ್, ರಾಮ್ ಬಿಲಾಸ್, ಸುನೀಲ್ ಹಾಗೂ ರಜತ್ ಮಲಿಕ್ ಎಲ್ಲರೂ ಬಾಂಬೆಗೆ ಲಿಂಕ್​​ಗೆ ಹೊಂದಿದ್ದಾರೆ. ಆರೋಪಿ ಶೇಕ್ ಕಲೀಂ ಬಾಂಬೆ ಇಂದ ವಾಪಸ್​ ಆಗಿ ಬಾಂಬೆ ಹೋಟೆಲ್​ ಒಂದರಲ್ಲಿ ಕೆಲಸ ಮಾಡಿಕೊಂಡಿದ್ದ.

ಬಂಧಿತ ಆರೋಪಿಗಳು

ಇದನ್ನೂ ಓದಿ: Santro Ravi: ಕೊನೆಗೂ ಗುಜರಾತ್​ನಲ್ಲಿ ಸ್ಯಾಂಟ್ರೋ ರವಿ ಅರೆಸ್ಟ್; ಆರೋಪಿ ರಕ್ಷಣೆಗೆ ಗುಜರಾತ್​​ಗೆ ಹೋಗಿದ್ರಾ ಸಚಿವರು? ಕಾಂಗ್ರೆಸ್​ನಿಂದ ಪ್ರಶ್ನೆಗಳ ಸುರಿಮಳೆ

ಇತ್ತೀಚೆಗೆ ನಗರಕ್ಕೆ ವಾಪಸ್ ಆಗಿದ್ದ ಆರೋಪಿ ಹಣ ಆಸೆಗೆ ನಗರದ ಹೊರವಲಯದಲ್ಲಿದ್ದ ಮನೆಯನ್ನು ಟಾರ್ಗೆಟ್​ ಮಾಡಿ ಕಳ್ಳತನ ಮಾಡಲು ನಿರ್ಧರಿಸಿ ತನ್ನದೇ ಗ್ಯಾಂಗ್ ಕಟ್ಟಿದ್ದ. ಆರೋಪಿ ಶೇಕ್​ ಕಲೀಂ ಈ ಗ್ಯಾಂಗ್​ನ ಲೀಡರ್​ ಆಗಿದ್ದು, ಉಳಿದರ ಎಲ್ಲರೂ ಹೊರ ರಾಜ್ಯದವರಾಗಿದ್ದಾರೆ.