Bengaluru: ಕೋರಮಂಗಲ ಕಿಡ್ನಾಪ್​ ಕೇಸ್​​ಗೆ ರೋಚಕ ಟ್ವಿಸ್ಟ್​; ಮಹಿಳೆಯ ಮೊಬೈಲ್​​ನಲ್ಲಿತ್ತು ನಗ್ನ ಫೋಟೋ, ತನಿಖೆ ಚುರುಕು

ಬೆಂಗಳೂರು: ಕೋರಮಂಗಲ (koramangala) ಕಿಡ್ನಾಪ್ ಪ್ರಕರಣ  (Kidnap) ರೋಚಕ ಟ್ವಿಸ್ಟ್ ಪಡೆದುಕೊಂಡಿದೆ. ಹಣಕ್ಕಾಗಿ ತೌಹಿದ್​ನನ್ನು ಕಿಡ್ನಾಪ್ ಮಾಡಿದ್ದ ಆರೋಪಿಗಳು (Kidnappers), ಹೆಣ್ಣಿಗಾಗಿ ಆತನನ್ನು ಒತ್ತೆ ಇರಿಸಿಕೊಂಡದ್ದರು ಎಂಬುದು ಪೊಲೀಸರ ತನಿಖೆಯಿಂದ ಗೊತ್ತಾಗಿದೆ. ಆರೋಪಿಗಳು ಕೇಳಿದಷ್ಟು ಹಣ ಕೊಟ್ಟರು, ಯುವಕನನ್ನು ಬಿಡದೆ ನಗರದಲ್ಲಿ ಸುತ್ತಾಡಿಸಿದ್ದರು. ಆದರೆ ಈ ವೇಳೆ ತೌಹಿದ್​​ನನ್ನು ಒಂದು ಕಡೆಯಿಂದ ಮತ್ತೊಂದು ಕಡೆಗೆ ಕಾರಿನಲ್ಲಿ ಶಿಫ್ಟ್​ ಮಾಡುವಾಗಿ ಪೊಲೀಸರು ಕೈಗೆ ಕಿಡ್ನಾಪ್ ಗ್ಯಾಂಗ್ (Kidnap Gang) ಸಿಕ್ಕಿ ಬಿದ್ದತ್ತು.

ಏನಿದು ಪ್ರಕರಣ?

ಬಂಡೆಪಾಳ್ಯ ಬಳಿ ತೌಹಿದ್​ ಎಂಬ ಯುವಕನನ್ನು ಅಪಹರಣ ಮಾಡಿದ್ದ ಆರೋಪಿಗಳು 60 ಸಾವಿರ ಹಣ ನೀಡುವಂತೆ ಕುಟುಂಬಸ್ಥರಿಗೆ ಬೆದರಿಕೆ ಹಾಕಿದ್ದರು. ಪೊಲೀಸರಿಗೆ ವಿಷಯ ತಿಳಿಸಿದರೆ ನಿಮ್ಮ ಮಗನನ್ನು ಕೊಲ್ಲೋದಾಗಿ ಬೆದರಿಕೆ ಹಾಕಲಾಗಿತ್ತು. ಮೂರು ದಿನಗಳ ಗೌಪ್ಯ ಸ್ಥಳದಲ್ಲಿರಿಸಿಕೊಂಡು ಕುಟುಂಬಸ್ಥರಿಗೆ ಬೆದರಿಕೆ ಹಾಕಿದ್ದರು. ಅಲ್ಲದೇ ಆರೋಪಿ ಹಿಂದಿರುಗಿಸಬೇಕಿದ್ದ ಬೈಕ್ ಹಣ ನೀಡುವಂತೆ ಕಿಡ್ನಾಪರ್ಸ್ ತೌಹಿದ್ ಗೆ ಬೆದರಿಕೆ ಹಾಕಿದ್ದರು.

ಇದರಿಂದ ಆತಂಕಗೊಂಡಿದ್ದ ಪೋಷಕರು, 35 ಸಾವಿರ ರೂಪಾಯಿ ಹಣವನ್ನ ಆರೋಪಿಗಳಿಗೆ ನೀಡಿದ್ದರು. ಹಣ ಕೊಡುವ ವೇಳೆ ಮಹಿಳೆಯ ಪೋನ್ ಕಸಿದುಕೊಂಡು ಕಿಡ್ನಾಪರ್ಸ್ ಮತ್ತೆ ಎಸ್ಕೇಪ್ ಆಗಿದ್ದರು. ಇದರಿಂದ ಮತ್ತಷ್ಟು ಆತಂಕಗೊಂಡ ಪೋಷಕರು ಮಡಿವಾಳ‌ ಪೊಲೀಸ್ ಠಾಣೆಗೆ ದೂರು‌ ನೀಡಲು ಆಗಮಿಸಿದ್ದರು.

ಸಿನಿಮೀಯ ರೀತಿಯಲ್ಲಿ ಆರೋಪಿಗಳ ಬಂಧನ

ಆದರೆ, ಕೋರಮಂಗಲ 100 ಅಡಿ ರಸ್ತೆಯಲ್ಲಿ ಇನ್​​ಸ್ಪೆಕ್ಟರ್ ಮಂಜುನಾಥ್ ಚೆಕ್ ಪೋಸ್ಟ್ ಹಾಕಿದ್ದ ವೇಳೆ ವೇಗವಾಗಿ ಬಂದ ಹೋಂಡಾ ಸಿಟಿ ಕಾರ್​​ ಬ್ಯಾರಿಕೇಡ್​​ಗೆ ಡಿಕ್ಕಿ ಹೊಡೆದು ಅಲ್ಲಿಂದ ಎಸ್ಕೇಪ್ ಆಗಿತ್ತು. ಆ ವೇಳೆ ಕಾರ್​ನಲ್ಲಿದ್ದ ಯುವಕ ತೌಹಿದ್ ಕಾಪಾಡಿ.. ಕಾಪಾಡಿ ಎಂದು ಕೂಗಿಕೊಂಡಿದ್ದ. ಸಿನಿಮೀಯ ರೀತಿಯಲ್ಲಿ ಆರೋಪಿಗಳ ಕಾರನ್ನು ಆಡಗೋಡಿ ಪೊಲೀಸರು 2 ಕಿ.ಮೀ ಚೇಸ್​ ಮಾಡಿ ಕಿಡ್ನಾಪರ್​ಗಳನ್ನು ಬಂಧಿಸಿ ಯುವಕನ ರಕ್ಷಣೆ ಮಾಡಿದ್ದರು.

ಇದನ್ನೂ ಓದಿ: Bengaluru: ಒಂದು ತಿಂಗಳ ಸ್ಕೆಚ್, ಮಧ್ಯರಾತ್ರಿ ದೊಡ್ಡ ಮನೆ ಲೂಟಿಗೆ ಬಂದು ಸಿಕ್ಕಿಬಿದ್ದ ಕಳ್ಳರು; ಬಾಂಬೆ ಫ್ರೆಂಡ್ಸ್​ ಗ್ಯಾಂಗ್ ಅರೆಸ್ಟ್

ವಿಚಾರಣೆ ವೇಳೆ ಬೆಳಕಿಗೆ ಬಂತು ಸ್ಫೋಟಕ ಸಂಗತಿ

ಇನ್ನು, ಕಿಡ್ನಾಪ್​ ಆಗಿದ್ದ ತೌಹಿದ್​ನನ್ನು ಹಣ ನೀಡಿ ಬಿಡಿಸಿಕೊಳ್ಳಲು ಹೋದಾಗ ಮಹಿಳೆ ತಮ್ಮ ಮೊಬೈಲ್​​ಅನ್ನು ತೆಗೆದುಕೊಂಡು ಹೋಗಿದ್ದರು. ಆ ವೇಳೆ ಮಹಿಳೆ ಬಳಿ ಇದ್ದ ಮೊಬೈಲ್​​ಅನ್ನು ಆರೋಪಿಗಳು ಕಿತ್ತುಕೊಂಡು ಎಸ್ಕೇಪ್​ ಆಗಿದ್ದರು. ಆದರೆ ಮಹಿಳೆ ಬಳಿ ಕಿತ್ತುಕೊಂಡಿದ್ದ ಮೊಬೈಲ್ ನೋಡಿದಾಗ ಅದರಲ್ಲಿ ನಗ್ನ ಫೋಟೋಗಳು ಇರೋದನ್ನು ಆರೋಪಿಗಳು ನೋಡಿದ್ದರು.

ಕೋರಮಂಗಲ ಕಿಡ್ನಾಪ್​ ಕೇಸ್

ಅಲ್ಲದೇ, ಮೊಬೈಲ್ ನಲ್ಲಿರುವ ಹುಡುಗಿಯನ್ನು ಕರೆಸುವಂತೆ ಆರೋಪಿಗಳು ತೌಹಿದ್ ಗೆ ಒತ್ತಾಯಿಸಿದ್ದರು ಎಂದು ತಿಳಿದು ಬಂದಿದೆ. ಆ ಯುವತಿಯನ್ನು ನಾವು ಹೇಳಿದ ಜಾಗಕ್ಕೆ ಕರೆಸಬೇಕು ಅಂತಾ ದಮ್ಕಿ ಹಾಕಿದ್ದ ಗ್ಯಾಂಗ್, ಆಕೆ ಬರುವವರೆಗೂ ನಿನ್ನ ಬಿಡಲ್ಲ ಅಂತಾ ಸಿಟಿಯಲ್ಲಿ ತಿರುಗಾಡಿದ್ದರು ಎನ್ನಲಾಗಿದೆ.

ಇದನ್ನೂ ಓದಿ: Bengaluru: ಪೋಷಕರು ದೂರು ನೀಡುವ ಮೊದಲೇ ಪೊಲೀಸರಿಂದ ಅಪಹರಣಕ್ಕೊಳಗಾಗಿದ್ದ ಯುವಕನ ರಕ್ಷಣೆ

ರಾತ್ರಿ ತಿರುಗಾಡೋ ವೇಳೆ ಕೋರಮಂಗಲ 100 ಅಡಿ ರಸ್ತೆಯಲ್ಲಿ ನೈಟ್ ರೌಂಡ್ಸ್ ಪೊಲೀಸರ ಕಣ್ಣಿಗೆ ಕಿಡ್ನಾಪರ್ಸ್ ಗ್ಯಾಂಗ್ ಬಿದ್ದಿದೆ. ಈ ವೇಳೆ ಅನುಮಾನಗೊಂಡ ಪೊಲೀಸರು ಕಾರು ಚೇಸ್ ಮಾಡಿ ಓರ್ವನನ್ನ ವಶಕ್ಕೆ ಪಡೆದಿದ್ದಾರೆ. ಸದ್ಯ ಕಿಡ್ನಾಪ್ ಪ್ರಕರಣದ ತನಿಖೆಯನ್ನ ಬಂಡೆಪಾಳ್ಯ ಪೊಲೀಸರು ಚುರುಕುಗೊಳಿಸಿದ್ದು, ಉಳಿದ ಆರೋಪಿಗಳಿಗೆ ಶೋಧ ನಡೆಸಿದ್ದಾರೆ. ಬಂಡೆಪಾಳ್ಯ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.