Video: ಮಾಜಿ ಕ್ರಿಕೆಟಿಗ ವೆಂಕಟೇಶ್​ ಪ್ರಸಾದ್​ ಅವರ ಹೃದಯ ಹಾಡಿದಾಗ..!

- ಅನಿತಾ ಈ, 

ಭಾರತ ಕ್ರಿಕೆಟ್​ ತಂಡದ ಮಾಜಿ ಮಧ್ಯಮ ವೇಗಿ ವೆಂಕಟೇಶ್ ಪ್ರಸಾದ್. ಮೈದಾನದಲ್ಲಿ ಅವರು ಬೌಲಿಂಗ್ ಮಾಡ್ತಿರೋದನ್ನ ಎಲ್ಲರೂ ನೋಡಿರುತ್ತಾರೆ. ಆದರೆ ಕ್ರಿಕೆಟ್​ ಹೊರತುಪಡಿಸಿ ಅವರಿಗೆ ಮತ್ತೊಂದು ಟ್ಯಾಲೆಂಟ್​ ಇದೆ ಅಂದ್ರೆ ನೀವು ನಂಬುತ್ತೀರಾ..? ನಂಬಲೇಬೇಕು.

ಬಲಗೈ ವೇಗದ ಬೌಲರ್ ಕೈ ಯಲ್ಲಿ ಚೆಂಡು ಹಿಡಿದು ಮೈದಾನಕ್ಕಿಳಿದರೆ, ಒಂದೆರಡು ವಿಕೆಟ್​ ಪಕ್ಕಾ  ಆಗಿತ್ತು. ಭಾರತೀಯ ತಂಡ ಬೌಲಿಂಗ್​ ತರಬೇತುದಾರನಾಗಿಯೂ ವೆಂಕಿ ಕೆಲಸ ಮಾಡಿದ್ದರು. ಇಂತಹ ಪ್ರತಿಭಾನ್ವಿತ ಆಟಗಾರ ಈಗ ಸಿಂಗರ್​ ಆಗಿದ್ದಾರೆ.

ಇದನ್ನೂ ಓದಿ: ಸಾಮಾಜಿಕ ಜಾಲತಾಣದಲ್ಲಿ ತನ್ನ ನಗ್ನ ಫೋಟೋ ಪೋಸ್ಟ್​ ಮಾಡಿ ಸುದ್ದಿಯಾದ ಕನ್ನಡ ನಟಿ

ಹೌದು, ಈಗ ಐಪಿಎಲ್​ಗೆ ಕಮೆಂಟ್ರಿ ಮಾಡ್ತಿರೋ ಅವರು ಸುಶ್ರಾವ್ಯವಾಗಿ ಹಾಡನ್ನೂ ಹಾಡುತ್ತಾರೆ. ಸದ್ಯ ವೆಂಕಟೇಶ್​ ಪ್ರಸಾದ್​ ಹಾಡಿರುವ ಹಾಡಿನ ವಿಡಿಯೋವನ್ನು ಮಾಜಿ ಕ್ರಿಕೆಟಿಗರು ತಮ್ಮ ಸಾಮಾಜಿಕ ಜಾಲತಾಣದ ಖಾತೆಗಳಲ್ಲಿ ಶೇರ್​ ಮಾಡುತ್ತಿದ್ದು, ವೈರಲ್​ ಆಗುತ್ತಿದೆ. ಇದು ಮೊನ್ನೆ ಅಂದರೆ ಮೇ.8ರಂದು ನಡೆದ ಐಪಿಎಲ್​ ಪಂದ್ಯದ ಕಮೆಂಟ್ರಿ ರೂಮ್​ನಲ್ಲಿ ಹಾಡಿದ ಹಾಡು.

What a start today 😊 can you beat this ..hahaha ..@SujithSomsu @StarSportsIndia #starsportskannada #starnakelu @SunilJoshi_Spin @anilkumar_gk pic.twitter.com/YUmr5IlUzL

— vijay Bharadwaj ಮುಂದೆ ಹಾಕಿದ್ರೆ ಆಚೆ... (@Bharadwajvcric1) May 8, 2019

ರೆಬೆಲ್ ಸ್ಟಾರ್ ಅಂಬರೀಷ್​ ಹಾಗೂ ಮಾಲಾಶ್ರೀ ಅಭಿನಯದ 'ಹೃದಯ ಹಾಡಿತು' ಚಿತ್ರದ 'ನಲಿಯುತಾ ಹೃದಯ ಹಾಡಿತು ಹಾಡನು...' ಎಂಬ ಹಾಡನ್ನು ಹಾಡಿದ್ದಾರೆ. ಐಪಿಎಲ್ ಕಮೆಂಟ್ರಿ ನಡುವೆಯೇ ಸ್ಟುಡಿಯೋದಲ್ಲಿ ಹಾಡುವ ಮೂಲಕ ಮತ್ತೊಬ್ಬ ಮಾಜಿ ಕ್ರಿಕೆಟರ್ ಸುಜಿತ್ ಸೋಮ್​ಸುಂದರ್​ ಅವರನ್ನೂ ರಂಜಿಸಿದ್ದಾರೆ.

1991ರ ಹೃದಯ ಹಾಡಿತು ಚಿತ್ರಕ್ಕೆ ಉಪೇಂದ್ರ ಕುಮಾರ್ ಸಂಗೀತ ನೀಡಿದ್ದರು. ಆ ಹಾಡನ್ನು ರಾಜಣ್ಣ ಹಾಡಿದ್ದು, ಅದು ಅವರ ಎವರ್​ ಗ್ರೀನ್​ ಕ್ಲಾಸಿಕ್​ಗಳಲ್ಲಿ ಒಂದು.