ನನ್ನಿಂದಾದ ತಪ್ಪಿಗೆ ನನ್ನ ತಂದೆಯನ್ನು ಅಪಹಾಸ್ಯ ಮಾಡುವುದು ಸರಿಯೇ?; ಹಾರ್ದಿಕ್ ಪಾಂಡ್ಯ

ಟೀಂ ಇಂಡಿಯಾದ ಆಲ್​ರೌಂಡರ್​ ಹಾರ್ದಿಕ್ ಪಾಂಡ್ಯ ಕಾಫಿ ವಿಥ್​​ ಕರಣ್​ ಕಾರ್ಯಕ್ರಮದಲ್ಲಿ ನಡೆದ ವಿವಾದವನ್ನು ಮತ್ತೆ ನೆನಪಿಸಿಕೊಂಡಿದ್ದಾರೆ. ನನ್ನಿಂದಾದ ತಪ್ಪಿಗೆ ತಂದೆಯನ್ನು ಅಪಹಾಸ್ಯ ಮಾಡುವುದು ಎಷ್ಟು ಸರಿ? ಎಂದು ಪಾಂಡ್ಯ ಹೇಳಿದ್ದಾರೆ.

ಇತ್ತೀಚೆಗೆ ಖ್ಯಾತ ಕ್ರಿಕೆಟ್​ ಕಾಮೆಂಟರೇಟ್​  ಹರ್ಷ ಭೋಗ್ಲೆ ಅವರೊಂದಿಗೆ ಲೈವ್​ ಚಾಟ್​ನಲ್ಲಿ ಮಾತನಾಡಿದ್ದ ಪಾಂಡ್ಯ, ಈ ವಿಚಾರವನ್ನು ನೆನೆದುಕೊಂಡಿದ್ದಾರೆ. ಮತ್ತೊಮ್ಮೆ ಅಂತಹ ತಪ್ಪನ್ನು ನನ್ನಿಂದ ಮರುಕಳಿಸುವುದಿಲ್ಲ ಎಂದಿದ್ದಾರೆ.

ಕಳೆದ ವರ್ಷ ‘ಕಾಫಿ ವಿಥ್​ ಕರಣ್‘​ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಹಾರ್ದಿಕ್​ ಪಾಂಡ್ಯ ಹೇಳಿರುವ ಹೇಳಿಕೆಯೊಂದು ವಿವಾದಕ್ಕೆ ಕಾರಣವಾಗಿತ್ತು. ಹಾಗಾಗಿ ಅವರನ್ನು ಕೆಲ ಕಾಲ ಟೀಂ ಇಂಡಿಯಾದಿಂದ ಅಮಾನತುಗೊಳಿಸಲಾಗಿತ್ತು.

ಇನ್ನೂ ಲೈವ್​ ಚಾಟ್​​ನಲ್ಲಿ ಮಾತು ಮುಂದುವರೆಸಿದ ಹಾರ್ದಿಕ್​, ‘ನಾನು ನನ್ನ ಕುಟುಂಬವನ್ನು ಹೆಚ್ಚು ಪ್ರೀತಿಸುತ್ತೇನೆ. ಕುಟುಂಬವಿಲ್ಲದೆ ನಾನು ಏನೂ ಅಲ್ಲ. ಕುಟುಂಬ ನನ್ನ ಬೆನ್ನೆಲುಬು. ಸಾಕಷ್ಟು ಜನರು ಹಾರ್ದಿಕ್ ಪಾಂಡ್ಯರನ್ನು ತೆರೆಮರೆಯಲ್ಲಿ ನೋಡಿರುತ್ತಾರೆ. ನಾನು ಮಾನಸಿಕವಾಗಿ ಸ್ಥಿರವಾಗಿ, ಸಂತೋಷವಾಗಿರುತ್ತೇನೆ ಎಂದು ಅವರು ಗ್ರಹಿಸಿರುತ್ತಾರೆ.

ಕಾಫಿ ವಿಥ್​ ಕರಣ್​​ ವಿವಾದದ ತಪ್ಪನ್ನು ನಾನು ಒಪ್ಪಿಕೊಳ್ಳಲು ಮತ್ತು ಸರಿ ಪಡಿಸಲು ಮುಂದಾಗಿದ್ದೆ. ಈ ಸಮಯದಲ್ಲಿ ಜನರು ನನ್ನ ಕುಟುಂಬದ ಬಗ್ಗೆ ಕೆಟ್ಟದಾಗಿ ಮಾತನಾಡಿದರು. ನನ್ನ ತಂದೆ ಸಂದರ್ಶನದಲ್ಲಿ ಮಾತನಾಡಿದ್ದನ್ನು ಅಪಹಾಸ್ಯ ಮಾಡಿದ್ದರು. ನನ್ನಿಂದಾದ ತಪ್ಪಿಗೆ ನನ್ನ ಕುಟುಂಬವನ್ನುದೂರುವುದು ಮತ್ತು ಅಪಹಾಸ್ಯ ಮಾಡುವುದು ಎಷ್ಟು ಸರಿ?ಎಂದು ಅಸಮಾಧಾನ ಹೊರಹಾಕಿದ್ದಾರೆ.

Oppo Fantastic Days sale; ಫ್ಯಾಂಟಾಸ್ಟಿಕ್​​​ ಡೇಸ್​​​​ ಸೇಲ್​; ಡಿಸ್ಕೌಂಟ್​ ಬೆಲೆಗೆ ಒಪ್ಪೊ ಸ್ಮಾರ್ಟ್​ಫೋನ್​