'ನಮ್ಮೂರಿಗೆ ಏನ್​ ಕೆಲ್ಸಾ ಮಾಡಿದ್ಯಾ?'- ಎಣ್ಣೆ ಏಟಲ್ಲಿ ಮಾಗಡಿ ಶಾಸಕ ಮಂಜುಗೆ ಖಡಕ್​​ ಪ್ರಶ್ನೆ ಕೇಳಿದ ಕುಡುಕರು

ರಾಮನಗರ(ಮೇ.04): ಎಣ್ಣೆ ಏಟಲ್ಲಿ ಕೆಲವರು ಮಾಗಡಿ ಶಾಸಕ ಎ. ಮಂಜುಗೆ ಬಹಿರಂಗವಾಗಿ ಧಮ್ಕಿ ಹಾಕಿರುವ ಘಟನೆ ರಾಮನಗರ ಜಿಲ್ಲೆ ಮಾಗಡಿಯಲ್ಲಿ ನಡೆದಿದೆ. ಮಾಗಡಿಯ ಬಸವನಪಾಳ್ಯದಲ್ಲಿ ರಸ್ತೆ ಕಾಮಗಾರಿಯ ಪೂಜೆಗೆ ಶಾಸಕ ಎ.ಮಂಜು ಗ್ರಾಮಕ್ಕೆ ಭೇಟಿ ಕೊಟ್ಟಿದ್ದರು. ಈ ವೇಳೆ ಕೆಲ ಕುಡುಕರು ಶಾಸಕರ ಮೇಲೆ ಗರಂ ಆಗಿ ಬಾಯಿಗೆಬಂದಂತೆ ಅವಾಜ್ ಹಾಕಿದ್ದಾರೆ.

ಗ್ರಾಮದ ಹಾಲಿನ ಡೈರಿಯ ಆಡಳಿತ ಮಂಡಳಿ ಸೂಪರ್ ಸೀಡ್ ಆದರೂ ನೀವು ಯಾವ ಕ್ರಮವೂ ಕೈಗೊಳ್ಳುತ್ತಿಲ್ಲ. ಬೇಕಾಬಿಟ್ಟಿ ಗ್ರಾಮಕ್ಕೆ ಬರುತ್ತೀರಿ. ನಮ್ಮ ಊರಿಗೆ ಏನ್​ ಕೆಲಸ ಮಾಡಿದ್ದೀರಿ? ಯಾವ ಅಭಿವೃದ್ಧಿ ಕೆಲಸಗಳು ಮಾಡಿಲ್ಲ ಎಂದು ಎಣ್ಣೆ ಕುಡಿದ ಮತ್ತಿನಲ್ಲಿ ಪ್ರಶ್ನಿಸಿದ್ಧಾರೆ.

ಇನ್ನು, ಈ ಘಟನೆ ನಡೆದ ಕೂಡಲೇ ಮಾಗಡಿ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿದ್ದರು. ಇನ್ನು ಕೆಲವರನ್ನು ವಿಚಾರಣೆಗೊಳಪಡಿಸಿ ಪರಿಸ್ಥಿತಿ ನಿಯಂತ್ರಣ ಮಾಡಿದ್ದಾರೆ. ಜತೆಗೆ ಗ್ರಾಮದ ಶಾಸಕ ಎ. ಮಂಜು ಬೆಂಬಲಿಗರು ಮತ್ತು ಎಣ್ಣೆ ಹೊಡೆದು ಗಲಾಟೆ ಮಾಡಿದವರ ನಡುವೆಯೂ ವಾಗ್ವಾದ ನಡೆದಿದೆ.

ಇನ್ನು, ಈ ಗಲಾಟೆ ಹಿಂದೆ ಮಾಜಿ ಶಾಸಕ ಮತ್ತು ಕಾಂಗ್ರೆಸ್​ ಮುಖಂಡ ಬಾಲಕೃಷ್ಣಾ ಬೆಂಬಲಿಗರ ಕೈವಾಡ ಇದೆ ಎಂದು ಶಾಸಕ ಎ ಮಂಜು ಬೆಂಬಲಿರು ಸಂಶಯ ವ್ಯಕ್ತಪಡಿಸಿದ್ದಾರೆ.

(ವರದಿ: ಎ.ಟಿ ವೆಂಕಟೇಶ್​)

ಇದನ್ನೂ ಓದಿ: LockDown News: ದೇಶದಾದ್ಯಂತ ವಲಸೆ ಕಾರ್ಮಿಕರ ರೈಲ್ವೆ ಪ್ರಯಾಣ ದರ ತುಂಬುವುದಾಗಿ ಘೊಷಿಸಿದ ಕಾಂಗ್ರೆಸ್