• Home
  • »
  • News
  • »
  • coronavirus-latest-news
  • »
  • ಒಮ್ಮೆಲೇ ದೇಶಾದ್ಯಂತ ಲೈಟ್ಸ್​​ ಆಫ್ ಮಾಡುವುದರಿಂದ ವಿದ್ಯುತ್​​ ಪ್ರಸರಣ ಸಮಸ್ಯೆಯಾಗಲ್ಲ: ಕೇಂದ್ರ ಸರ್ಕಾರ

ಒಮ್ಮೆಲೇ ದೇಶಾದ್ಯಂತ ಲೈಟ್ಸ್​​ ಆಫ್ ಮಾಡುವುದರಿಂದ ವಿದ್ಯುತ್​​ ಪ್ರಸರಣ ಸಮಸ್ಯೆಯಾಗಲ್ಲ: ಕೇಂದ್ರ ಸರ್ಕಾರ

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಇತ್ತ, ಕೇಂದ್ರ ವಿದ್ಯುತ್​​ ಸಚಿವಾಲಯದ ವಕ್ತಾರರೊಬ್ಬರು, ಇಡೀ ದೇಶ ಒಂದೇ ಸಲ ಲೈಟ್​ ಆಫ್​​ ಮಾಡಿದರೆ ಪವರ್​​ ಗ್ರಿಡ್​​ಗಳ ಕಾರ್ಯವೂ ಸ್ಥಗಿತಗೊಳ್ಳಲಿದೆ ಎಂದು ಹೇಳಲಾಗುತ್ತಿದೆ. ಹೀಗಾಗದಂತೆ ಕೇಂದ್ರ ಸರ್ಕಾರ ಮತ್ತು ವಿದ್ಯುತ್​​ ಸರಬರಾಜು ಸಂಸ್ಥೆಗಳು ಎಚ್ಚರಿಕೆವಹಿಸಿವೆ ಎಂದು ಹೇಳಿದ್ದಾರೆ.

ಮುಂದೆ ಓದಿ ...
  • Share this:

    ನವದೆಹಲಿ(ಏ.05): ಒಮ್ಮೆಲೇ ಇಡೀ ದೇಶಾದ್ಯಂತ ವಿದ್ಯುತ್​​​​ ದೀಪಗಳನ್ನು ಆರಿಸಿದರೆ ಪವರ್​​ ಗ್ರಿಡ್​​ಗಳಲ್ಲಿ ಅಸ್ಥಿರತೆ ಉಂಟಾಗಲಿದ ಎಂಬುದು ಸುಳ್ಳು ಎಂದು ಇಂಧನ ಸಚಿವಾಲಯ ಸ್ಪಷ್ಟಪಡಿಸಿದೆ. ಅಪಾರ ಸಂಖ್ಯೆಯಲ್ಲಿ ಏಕಕಾಲದಲ್ಲಿ ದಿಢೀರ್​ ವಿದ್ಯುತ್ ದೀಪಗಳನ್ನು ಆರಿಸಿದರೆ ಸಮಸ್ಯೆಯಾಗಲಿದೆ. ಪವರ್​​ ಗ್ರಿಡ್​​ಗಳ ವೋಲ್ಟೇಜ್‌ನಲ್ಲಿ ಏರಿಳಿತ ಆಗಲಿದೆ ಎಂದು ಹಲವರು ಟೀಕೆ ಮಾಡುತ್ತಿದ್ದರು. ಈ ಬೆನ್ನಲ್ಲೀಗ ಇದನ್ನು ತಳ್ಳಿ ಹಾಕಿರುವ ಕೇಂದ್ರ ಇಂಧನ ಸಚಿವಾಲಯ ಏನು ಆಗುವುದಿಲ್ಲ, ಯಾರು ಆತಂಕಪಡುವ ಅವಶ್ಯಕತೆ ಇಲ್ಲ ಎಂದು ಹೇಳಿದೆ.


    ಇತ್ತೀಚೆಗೆ ಪ್ರಧಾನಿ ನರೇಂದ್ರ ಮೋದಿಯವರು ನೀಡಿದ ಕರೆಯಂತೆ ಇಂದು ಭಾನುವಾರ ಏಪ್ರಿಲ್​​ 5ನೇ ತಾರೀಕು ರಾತ್ರಿ 9 ಗಂಟೆಗೆ ಒಂಬತ್ತು ನಿಮಿಷಗಳ ಕಾಲ ಜನ ತಮ್ಮ ಮನೆಯ ಎಲ್ಲಾ ವಿದ್ಯುತ್​​ ದೀಪಗಳನ್ನು ಆಫ್​​ ಮಾಡಿ ಮೇಣದ ಬತ್ತಿ ಮತ್ತು ಹಣತೆ ಉರಿಸಲಿದ್ದಾರೆ. ಆದರೆ, ಪ್ರಧಾನಿ ಹೇಳಿದಂತೆ ಒಮ್ಮೆಲೇ ದೇಶಾದ್ಯಂತ ಲೈಟ್​ ಆಫ್​​ ಮಾಡಿದರೆ ಪವರ್​​ ಗ್ರಿಡ್​​ಗಳು ಹಾಳಾಗುವ ಸಾಧ್ಯತೆಗಳಿವೆ. ತಾಂತ್ರಿಕ ಸಮಸ್ಯೆಯಾಗಿ ತುಸು ಯಡವಟ್ಟಾದರೂ ಇಡೀ ದೇಶದ 10-16 ಗಂಟೆಗಳ ಕಾಲ ಕತ್ತಲಲ್ಲೇ ಕಳೆಯಬೇಕಾಗುತ್ತದೆ ಎಂಬ ಮಾತುಗಳು ಕೇಳಿಬಂದಿವೆ. ಈ ಹಿನ್ನೆಲೆಯಲ್ಲಿ ಇಂಧನ ಇಲಾಖೆ ಹೀಗೆ ಸ್ಪಷ್ಟನೆ ನೀಡಿದೆ.


    ಅತ್ತ ಒಂದೇ ಬಾರಿಗೆ ದೀಪಗಳನ್ನು ಆಫ್ ಮಾಡುವುದರಿಂದ ವಿದ್ಯುತ್​​ನಲ್ಲೇನಾದರೂ ವ್ಯತ್ಯಾಸ ಉಂಟಾಗಬಹುದು. ಏಕೆಂದರೇ, ಒಮ್ಮಲೇ ಇಡೀ ದೇಶ ಕರೆಂಟ್​ ತೆಗೆದರೆ ವಿದ್ಯುತ್​ ಪೂರೈಸುವ ಪವರ್​ ಗ್ರಿಡ್​ನ ಟ್ರಿಪ್​ ಆಗುವ ಸಾಧ್ಯತೆ ಇದೆ ಎಂದು ಹಲವರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಇದರಿಂದ ಈಗ ದೇಶದ ವಿದ್ಯುತ್ ಸರಬರಾಜು ಸಂಸ್ಥೆಗಳ ಹೆದರಿಕೆ ಶುರುವಾಗಿದೆ. ಹಾಗಾಗಿ ಮುಂಜಾಗೃತ ಕ್ರಮವಾಗಿ ವಿದ್ಯುತ್​ ಪೂರೈಕೆ ಮಾಡುವ ಪವರ್ ಗ್ರಿಡ್​ಗಳ ರಕ್ಷಣೆಗೆ ಮುಂದಾಗಿವೆ.


    ಇದನ್ನೂ ಓದಿ: ‘ದೇಶಾದ್ಯಂತ ಒಮ್ಮೆಲೇ ಲೈಟ್ ಆಫ್ ಮಾಡಿದರೆ ಪವರ್ ಗ್ರಿಡ್ ಹಾಳಾದೀತು; ಫ್ಯಾನ್ ಆನ್​ನಲ್ಲೇ ಇರಲಿ’


    ಇತ್ತ, ಕೇಂದ್ರ ವಿದ್ಯುತ್​​ ಸಚಿವಾಲಯದ ವಕ್ತಾರರೊಬ್ಬರು, ಇಡೀ ದೇಶ ಒಂದೇ ಸಲ ಲೈಟ್​ ಆಫ್​​ ಮಾಡಿದರೆ ಪವರ್​​ ಗ್ರಿಡ್​​ಗಳ ಕಾರ್ಯವೂ ಸ್ಥಗಿತಗೊಳ್ಳಲಿದೆ ಎಂದು ಹೇಳಲಾಗುತ್ತಿದೆ. ಹೀಗಾಗದಂತೆ ಕೇಂದ್ರ ಸರ್ಕಾರ ಮತ್ತು ವಿದ್ಯುತ್​​ ಸರಬರಾಜು ಸಂಸ್ಥೆಗಳು ಎಚ್ಚರಿಕೆವಹಿಸಿವೆ ಎಂದು ಹೇಳಿದ್ದಾರೆ.


    ಕೊರೋನಾ ವೈರಸ್ ಬಿಕ್ಕಟ್ಟನ್ನು "ತಪ್ಪಾಗಿ ನಿರ್ವಹಿಸುವುದು" ಮತ್ತು ಜನರನ್ನು ಹೀಗೆ ಹುಚ್ಚು ಟಾಸ್ಕ್​​​ ನೀಡಿ ದಾರಿ ತಪ್ಪಿಸುವ ಕೆಲಸ ಪ್ರಧಾನಿ ಮಾಡುತ್ತಿದ್ದಾರೆ ಎಂದು ಕೇಂದ್ರ ಪ್ರತಿಪಕ್ಷಗಳು ಟೀಕಿಸಿವೆ.

    Published by:Ganesh Nachikethu
    First published: