ಕೊರೋನಾ ಸೋಂಕು ಭೀತಿ: ತ್ರಿಪುರಾ, ಮಿಜೋರಾಂನಲ್ಲಿ ಜಾಮೀನಿನ ಮೇಲೆ 900 ಕೈದಿಗಳ ಬಿಡುಗಡೆ

ಕೈದಿಗಳನ್ನು ಸುರಕ್ಷಿತವಾಗಿ ಆಯಾ ಮನೆಗಳಿಗೆ ಕರೆದೊಯ್ಯುವ ಉಸ್ತುವಾರಿಯನ್ನು ಉನ್ನತ ಜಿಲ್ಲಾ ಸಮಿತಿಯು ಪ್ರತಿ ಜಿಲ್ಲಾ ಜಿಲ್ಲಾಧಿಕಾರಿ ಮತ್ತು ಪೊಲೀಸ್ ವರಿಷ್ಠಾಧಿಕಾರಿಗೆ ವಹಿಸಿದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಅಗರ್ತಲಾ(ಏ.04): ಸುಪ್ರೀಂ ಕೋರ್ಟ್‌ನ ಆದೇಶದ ಅನುಸಾರವಾಗಿ ತ್ರಿಪುರಾ ಮತ್ತು ಮಿಜೋರಾಂ ಸರ್ಕಾರಗಳು ಜೈಲಿನಲ್ಲಿ ಕೊರೋನಾ ವೈರಸ್ ತಡೆಗಟ್ಟುವ ಸಲುವಾಗಿ 900 ಕೈದಿಗಳಿಗೆ ಮಧ್ಯಂತರ ಜಾಮೀನಿನ ಮೇಲೆ ಬಿಡುಗಡೆ ಮಾಡುವ ಪ್ರಕ್ರಿಯೆಯನ್ನು ಪ್ರಾರಂಭಿಸಲಾಗಿದೆ ಎಂದು ಅಧಿಕಾರಿಗಳು ಶನಿವಾರ ತಿಳಿಸಿದ್ದಾರೆ.

    ಮಿಜೋರಾಂ ಸರ್ಕಾರದ ಅಧಿಕೃತ ಮಾಹಿತಿ ಪ್ರಕಾರ, ಗೌಹಾತಿ ಹೈಕೋರ್ಟ್ ನ್ಯಾಯಮೂರ್ತಿ ಮೈಕೆಲ್ ಜೊಥಾಂಖುಮಾ ಅವರ ನೇತೃತ್ವದ ಉನ್ನತ-ಸಮಿತಿಯು ಕೇಂದ್ರ ಮತ್ತು ಜಿಲ್ಲಾ ಜೈಲುಗಳಿಂದ ಬಿಡುಗಡೆ ಮಾಡಲು 48 ಕೈದಿಗಳನ್ನು ಆಯ್ಕೆ ಮಾಡಲಾಗಿದೆ. ಇವರ ಶಿಕ್ಷೆಯ ಅವಧಿ ಪೂರ್ಣಗೊಳ್ಳುವ ಹಂತದಲ್ಲಿರುವುದು ಒಂದು ಪ್ರಮುಖ ಕಾರಣವಾಗಿದೆ. ಅಲ್ಲದೆ, ಪಿಆರ್ ಬಾಂಡ್ (ವೈಯಕ್ತಿಕ ಗುರುತಿಸುವಿಕೆ ಬಾಂಡ್) ನಲ್ಲಿ ವಿಚಾರಣಾ ಕೈದಿಗಳ ಅಡಿಯಲ್ಲಿ 290 ಜನರನ್ನು ಬಿಡುಗಡೆ ಮಾಡಲು ಸಮಿತಿ ನಿರ್ಧರಿಸಿದೆ. ಇದರಿಂದಾಗಿ ಜಾಮೀನಿನ  ಮೇಲೆ ಬಿಡುಗಡೆಯಾಗಬೇಕಾದ ಒಟ್ಟು ಕೈದಿಗಳ ಸಂಖ್ಯೆ 338 ಎಂದು ಪ್ರಕಟಣೆ ತಿಳಿಸಿದೆ.

    ಕೈದಿಗಳನ್ನು ಸುರಕ್ಷಿತವಾಗಿ ಆಯಾ ಮನೆಗಳಿಗೆ ಕರೆದೊಯ್ಯುವ ಉಸ್ತುವಾರಿಯನ್ನು ಉನ್ನತ ಜಿಲ್ಲಾ ಸಮಿತಿಯು ಪ್ರತಿ ಜಿಲ್ಲಾ ಜಿಲ್ಲಾಧಿಕಾರಿ ಮತ್ತು ಪೊಲೀಸ್ ವರಿಷ್ಠಾಧಿಕಾರಿಗೆ ವಹಿಸಿದೆ.

    ಅಗರ್ತಲಾದಲ್ಲಿ, ತ್ರಿಪುರಾದ ಐಜಿಪಿ ಜೈದೀಪ್ ನಾಯಕ್ ಅವರು 557 ಕೈದಿಗಳನ್ನು ಮಧ್ಯಂತರ ಜಾಮೀನಿನ ಮೇಲೆ ಬಿಡುಗಡೆ ಮಾಡಲು ಶಿಫಾರಸು ಮಾಡಿದ್ದಾರೆ.

    ಇದನ್ನೂ ಓದಿ : ಆರೋಗ್ಯವಂತ ಗಂಡು ಮಗುವಿಗೆ ಜನ್ಮ ನೀಡಿದ ಕೊರೋನಾ ಸೋಂಕಿತ ಮಹಿಳೆ

    ಈ 557 ಕೈದಿಗಳಿಗೆ ವಿವಿಧ ನ್ಯಾಯಾಲಯಗಳು ಮೂರರಿಂದ ಏಳು ವರ್ಷಗಳ ಜೈಲು ಶಿಕ್ಷೆಯನ್ನು ವಿಧಿಸಿದ್ದವು. 557 ಕೈದಿಗಳನ್ನು ಮಧ್ಯಂತರ ಜಾಮೀನಿನ ಮೇಲೆ ಬಿಡುಗಡೆ ಮಾಡುವ ವಿಷಯವನ್ನು ತ್ರಿಪುರ ಹೈಕೋರ್ಟ್ ನ್ಯಾಯಮೂರ್ತಿ ಸುಭಾಶಿಶ್ ತಲಪಾತ್ರ ನೇತೃತ್ವದ ಉನ್ನತ ಶಕ್ತಿಯ ಸಮಿತಿಯು ಪರಿಶೀಲಿಸಿದೆ. ಮಧ್ಯಂತರ ಜಾಮೀನು ಅವಧಿಯು ಕನಿಷ್ಠ 60 ದಿನಗಳು ಎಂದು ತ್ರಿಪುರಾದ ಕಾನೂನು ಸೇವಾ ಪ್ರಾಧಿಕಾರದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

    ಸುಪ್ರೀಂ ಕೋರ್ಟ್‌ನ ಆದೇಶದ ಅನುಸಾರವಾಗಿ, ಈಶಾನ್ಯ ಪ್ರದೇಶದ ವಿವಿಧ ರಾಜ್ಯ ಸರ್ಕಾರಗಳು ಜೈಲುಗಳಲ್ಲಿ ಕೊರೋನಾ ವೈರಸ್ ಹರಡುವುದನ್ನು ತಡೆಯಲು ಹಲವಾರು ಕ್ರಮಗಳನ್ನು ಕೈಗೊಂಡಿವೆ.
    First published: