Corona 3rd Wave in India| 6 ರಿಂದ 8 ವಾರದಲ್ಲಿ ಭಾರತಕ್ಕೆ ಅಪ್ಪಳಿಸಲಿದೆ ಕೊರೋನಾ 3ನೇ ಅಲೆ; ಏಮ್ಸ್​ ಮುಖ್ಯಸ್ಥ ಎಚ್ಚರಿಕೆ!

ನವ ದೆಹಲಿ (ಜೂನ್ 19); ಕೊರೋನಾ ಎರಡನೇ ಅಲೆ ಈಗಾಗಲೇ ಭಾರತದಲ್ಲಿ ಸಾಕಷ್ಟು ಅನಾಹುತಗಳನ್ನು ಸೃಷ್ಟಿಸಿದೆ. ಅಲ್ಲದೆ, ಸಾವಿರಾರು ಜನರ ಸಾವಿಗೆ ಕಾರಣವಾಗಿದೆ. ಭಾರತದ ಆರ್ಥಿಕತೆ ಮತ್ತು ಜನರ ಹಣಕಾಸು ಸ್ಥಿತಿ ತೀರಾ ಪಾತಾಳಕ್ಕೆ ತಲುಪಿದೆ. ಇದರ ಬೆನ್ನಿಗೆ ಇಂದು ಸರ್ಕಾರ ಮತ್ತೊಂದು ಎಚ್ಚರಿಕೆ ನೀಡಿರುವ ಏಮ್ಸ್​ (Aiims) ಮುಖ್ಯಸ್ಥ ಡಾ ರಣದೀಪ್ ಗುಲೇರಿಯಾ "ಇನ್ನೂ 6 ರಿಂದ 8 ವಾರಗಳಲ್ಲಿ ಕೊರೋನಾ ಮೂರನೇ ಅಲೆ ಭಾರತಕ್ಕೆ ಅಪ್ಪಳಿಸುವ ಸಾಧ್ಯತೆ ಇದೆ. ಅಲ್ಲದೆ, ವೈರಸ್ ರೂಪಾಂತರವನ್ನು ಇನ್ನಷ್ಟು ಅಧ್ಯಯನ ಮಾಡಲು ಕೋವಿಡ್ ವಿರುದ್ಧದ ಭಾರತದ ಹೋರಾಟದಲ್ಲಿ ಹೊಸ ಗಡಿಯನ್ನು ಅಭಿವೃದ್ಧಿಪಡಿಸ ಬೇಕಾಗಿದೆ. COVID-19 ರ ಡೆಲ್ಟಾ ರೂಪಾಂತರದಿಂದ ವಿಕಸನಗೊಳ್ಳಲಿದೆ. ಹೀಗಾಗಿ ಮೊನೊಕ್ಲೋನಲ್ ಆಂಟಿಬಾಡಿ ಚಿಕಿತ್ಸೆಯ ಬಗ್ಗೆ ಹೊಸ ಕಾಳಜಿ ವಹಿಸಬೇಕಿದೆ" ಎಂದು ತಿಳಿಸಿದ್ದಾರೆ.

ರಾಜ್ಯ ಸರ್ಕಾರಗ ಳು ಈಗಾಗಲೇ ಅನ್​ಲಾಕ್ ಪ್ರಕ್ರಿಯೆಯನ್ನು ಆರಂಭಿಸಿವೆ. ಈ ಬಗ್ಗೆ ಅಸಮಾಧಾನ ವಕ್ತಪಡಿಸಿ ಮೂರನೇ ಅಲೆ ಬಗ್ಗೆ ಎಚ್ಚರಿಕೆ ನೀಡಿರುವ ಏಮ್ಸ್​ ಮುಖ್ಯಸ್ಥ ಡಾ. ರಣದೀಪ್ ಗುಲೇರಿಯಾ, "ಮೊದಲ ಮತ್ತು ಎರಡನೆಯ ಕೊರೋನಾ ಅಲೆಯಿಂದ ಏನಾಯಿತು ಎಂಬುದನ್ನು ನಾವು ಅರಿತಂತೆ ಕಾಣುತ್ತಿಲ್ಲ. ಮತ್ತೆ ಜನಸಂದಣಿ ಹೆಚ್ಚುತ್ತಿದೆ. ಅನ್​ಲಾಕ್ ಆರಂಭವಾಗುತ್ತಿದ್ದಂತೆ ಜನರು ಗುಂಪು ಸೇರುತ್ತಿದ್ದಾರೆ. ಇದು ರಾಷ್ಟ್ರೀಯ ಮಟ್ಟದಲ್ಲಿ ಪ್ರಕರಣಗಳ ಸಂಖ್ಯೆ ಹೆಚ್ಚಾಗಲು ಮತ್ತೆ ಆರಂಭವಾಗುತ್ತದೆ

ಮೂರನೇ ತರಂಗ ಅನಿವಾರ್ಯ ಮತ್ತು ಇದು ಮುಂದಿನ ಆರರಿಂದ ಎಂಟು ವಾರಗಳಲ್ಲಿ ದೇಶಕ್ಕೆ ಅಪ್ಪಳಿಸಬದು. ಅಲ್ಲದೆ, ಕೆಲ ದಿನಗಳ ವರೆಗೆ ಇಡೀ ದೇಶವನ್ನು ಹೆಚ್ಚಿನ ಸಾವಿನ ಸಂಖ್ಯೆಗಳ ಮೂಲಕ ಈ ಅಲೆ ಕಾಡಬಹುದು. ಕೂಡಲೇ ಮತ್ತೆ ಲಾಕ್​ಡೌನ್ ಹೇರಿ ಜನ ಸಂದಣಿಯನ್ನು ನಾವು ತಡೆಯದೆ ಇದ್ದಲ್ಲಿ ಮತ್ತಷ್ಟು ಸಾವು-ನೋವನ್ನು ನಾವು ಎದುರಿಸಬೇಕಾಗುತ್ತದೆ" ಎಂದು ಗುಲೇರಿಯಾ ಎಚ್ಚರಿಕೆ ನೀಡಿದ್ದಾರೆ.

ಇದನ್ನೂ ಓದಿ: Swiss Bank: ಸ್ವಿಸ್ ಬ್ಯಾಂಕ್​ನಲ್ಲಿನ ಭಾರತೀಯರ ಠೇವಣಿ 20,700 ಕೋಟಿಗೆ ಏರಿಕೆ; ಕಳೆದ 13 ವರ್ಷದಲ್ಲೇ ಅತಿ ಹೆಚ್ಚು!

ಲಸಿಕೆ ಕಾರ್ಯಕ್ರಮದ ಬಗ್ಗೆಯೂ ಮಾತನಾಡಿರುವ ರಣದೀಪ್ ಗುಲೇರಿಯಾ, "ದೇಶದ ಜನಸಂಖ್ಯೆಯ ಸುಮಾರು ಶೇ.5 ಪ್ರತಿಶತದಷ್ಟು ಜನರಿಗೆ ಎರಡು ಡೋಸ್ ಲಸಿಕೆ ನೀಡಲಾಗಿದೆ. ಈ ವರ್ಷದ ಅಂತ್ಯದ ವೇಳೆಗೆ ದೇಶದ 130 ಕೋಟಿಗೂ ಅಧಿಕ ಜನರ ಪೈಕಿ 108 ಕೋಟಿ ಜನರಿಗೆ ಲಸಿಕೆ ಹಾಕುವ ಗುರಿ ಸರ್ಕಾರ ಹೊಂದಿದೆ.

ಅದು (ವ್ಯಾಕ್ಸಿನೇಷನ್) ಮುಖ್ಯ ಸವಾಲು. ಹೊಸ ತರಂಗವು ಸಾಮಾನ್ಯವಾಗಿ ಮೂರು ತಿಂಗಳವರೆಗೆ ತೆಗೆದುಕೊಳ್ಳಬಹುದು. ಆದರೆ, ಇದು ವಿವಿಧ ಅಂಶಗಳನ್ನು ಅವಲಂಬಿಸಿ ಹೆಚ್ಚು ಕಡಿಮೆ ಸಮಯ ತೆಗೆದುಕೊಳ್ಳಬಹುದು. ಕೋವಿಡ್-ಸೂಕ್ತವಾದ ನಡವಳಿಕೆಯ ಹೊರತಾಗಿ, ನಾವು ಕಟ್ಟುನಿಟ್ಟಿನ ಕಣ್ಗಾವಲು ಖಚಿತಪಡಿಸಿಕೊಳ್ಳಬೇಕು. ಕೊನೆಯ ಬಾರಿ , ನಾವು ಹೊಸ ರೂಪಾಂತರವನ್ನು ನೋಡಿದ್ದೇವೆ. ಅದು ವಿದೇಶದಿಂದ ಬಂದು ಇಲ್ಲೇ ರೂಪಾಂತರಗೊಂಡಿತ್ತು. ಪ್ರಕರಣಗಳ ಸಂಖ್ಯೆಯಲ್ಲಿ ಭಾರಿ ಏರಿಕೆಗೆ ಕಾರಣವಾಯಿತು.

ಇದನ್ನೂ ಓದಿ: Photo Viral: ಪ್ಲಾಸ್ಟಿಕ್ ಚೇರ್, ಬಿದಿರಿನ ಬುಟ್ಟಿಯಿಂದ ಸಸ್ಪೆಂಡ್ ಆದ ಪೋಲೀಸ್ !

ವೈರಸ್ ರೂಪಾಂತರಗೊಳ್ಳುವುದನ್ನು ನಾವು ತಿಳಿದಿದ್ದೇವೆ. ಹೀಗಾಗಿ ಹಾಟ್‌ಸ್ಪಾಟ್‌ಗಳಲ್ಲಿ ಆಕ್ರಮಣಕಾರಿ ಕಣ್ಗಾವಲು ಅಗತ್ಯವಿದೆ. ಅಲ್ಲದೆ, ದೇಶದ ಯಾವುದೇ ಭಾಗದಲ್ಲಿ ಮಿನಿ-ಲಾಕ್‌ಡೌನ್ ಶೇ. 5 ಕ್ಕಿಂತ ಹೆಚ್ಚಿನ ಸಕಾರಾತ್ಮಕ ದರ ಹೆಚ್ಚಳಕ್ಕೆ ಸಾಕ್ಷಿಯಾಗಲಿದೆ. ನಮಗೆ ಲಸಿಕೆ ನೀಡದಿದ್ದಲ್ಲಿ, ಮುಂಬರುವ ತಿಂಗಳುಗಳಲ್ಲಿ ಕೊರೋನಾ ಹೋರಾಟದಲ್ಲಿ ನಾವು ಮತ್ತಷ್ಟು ದುರ್ಬಲರಾಗುತ್ತೇವೆ" ಎಂದು ಅವರು ಎಚ್ಚರಿಸಿದ್ದಾರೆ.