‘ಏನ್​​ ಹೋರಾಟ ಬೇಕಾದ್ರೂ ಮಾಡಿ, ಮೇಲ್ಸೇತುವೆಗೆ ಸಾವರ್ಕರ್​​ ಹೆಸರಿಟ್ಟೇ ತೀರುತ್ತೇವೆ‘ - ಎಚ್​​ಡಿಕೆಗೆ ಬಿಜೆಪಿ ಶಾಸಕ ವಿಶ್ವನಾಥ್​​ ತಿರುಗೇಟು

ನೀವು ಎಷ್ಟೇ ಹೋರಾಟ ಮಾಡಿದರೂ ಮೇಲ್ಸೇತುವೆಗೆ ಸಾವರ್ಕರ್ ಹೆಸರು ನಾಮಕರಣ ಮಾಡುವುದನ್ನು ತಡೆಯಲಾಗುವುದಿಲ್ಲ. ಅದೇನ್​ ಹೋರಾಟ ಮಾಡುತ್ತಿರೋ ಮಾಡಿಕೊಳ್ಳಿ. ನೀವು ಮೊದಲಿನಿಂದಲೂ ಹಿಟ್​ ಅಂಡ್​ ರನ್​ ಕೇಸ್​ ಎಂಬುದು ಗೊತ್ತಿದೆ ಎಂದು ವ್ಯಂಗ್ಯವಾಡಿದರು.

ಯಲಹಂಕ ಶಾಸಕ ಎಸ್.ಆರ್.ವಿಶ್ವನಾಥ.

ಯಲಹಂಕ ಶಾಸಕ ಎಸ್.ಆರ್.ವಿಶ್ವನಾಥ.

  • Share this:
ಬೆಂಗಳೂರು(ಮೇ.28): "ಯಲಹಂಕದ 'ಮೇಜರ್‌ ಸಂದೀಪ್‌ ಉನ್ನಿಕೃಷ್ಣನ್'‌ ರಸ್ತೆಯ ಮೇಲ್ಸೇತುವೆಗೆ ವಿನಾಯಕ ದಾಮೋದರ ಸಾವರ್ಕರ್​​ ಹೆಸರು ನಾಮಕರಣ ಮಾಡಿಯೇ ತೀರುತ್ತೇವೆ" ಎಂದು ಮುಖ್ಯಮಂತ್ರಿಗಳ ರಾಜಕೀಯ ಕಾರ್ಯದರ್ಶಿ ಮತ್ತು ಬಿಜೆಪಿ ಶಾಸಕ ಎಸ್.ಆರ್ ವಿಶ್ವನಾಥ್ ಹೇಳಿದ್ದಾರೆ. ಈ ಸಂಬಂಧ ಸುದ್ದಿಗಾರರೊಂದಿಗೆ ಮಾತಾಡಿದ ಅವರು, ಯಾರು ಏನೇ ಹೇಳಲಿ. ದೇಶಕ್ಕಾಗಿ ಪ್ರಾಣತೆತ್ತ ಸ್ವಾತಂತ್ರ್ಯ ಸೇನಾನಿ ಸಾವರ್ಕರ್​ ಹೆಸರು ಮೇಲ್ಸೇತುವೆಗೆ ಇಡುತ್ತೇವೆ ಎಂದರು.

ಇನ್ನು, ಮಾಜಿ ಸಿಎಂ ಎಚ್​.ಡಿ ಕುಮಾರಸ್ವಾಮಿಯವರು ವೀರ ಸ್ವಾತಂತ್ರ್ಯ ಸೇನಾನಿಗೆ ಅವಮಾನ ಮಾಡುತ್ತಿದ್ದಾರೆ. ನಿಮ್ಮ ಮನೆಯವರ ಹೆಸರು ಇಡಬೇಕೆಂದರೆ ಹೇಳಿ ಮುಂದೆ ಅವರ ಹೆಸರು ನಾಮಕರಣ ಮಾಡುತ್ತೇವೆ. ಮಣ್ಣಿನ ಮಕ್ಕಳ ಮೇಲೆ ಗೌರವ ನಮಗೂ ಇದೆ ಎನ್ನುವ ಮೂಲಕ ಎಚ್​ಡಿಕೆ ತಿರುಗೇಟು ನೀಡಿದರು ಎಸ್​.ಆರ್​ ವಿಶ್ವನಾಥ್​​.

ನೀವು ಎಷ್ಟೇ ಹೋರಾಟ ಮಾಡಿದರೂ ಮೇಲ್ಸೇತುವೆಗೆ ಸಾವರ್ಕರ್ ಹೆಸರು ನಾಮಕರಣ ಮಾಡುವುದನ್ನು ತಡೆಯಲಾಗುವುದಿಲ್ಲ. ಅದೇನ್​ ಹೋರಾಟ ಮಾಡುತ್ತಿರೋ ಮಾಡಿಕೊಳ್ಳಿ. ನೀವು ಮೊದಲಿನಿಂದಲೂ ಹಿಟ್​ ಅಂಡ್​ ರನ್​ ಕೇಸ್​ ಎಂಬುದು ಗೊತ್ತಿದೆ ಎಂದು ವ್ಯಂಗ್ಯವಾಡಿದರು.

ಇದನ್ನೂ ಓದಿ: ಕ್ಯಾಂಟೀನ್​​ಗೆ ಇಂದಿರಾ ಗಾಂಧಿ ಹೆಸರಿಡುವಾಗ ಕನ್ನಡಿಗರ ಹೆಸರು ಕಾಣಲಿಲ್ಲವೇ? - ಸಿದ್ದರಾಮಯ್ಯಗೆ ಪ್ರತಾಪ್​ ಸಿಂಹ ಪ್ರಶ್ನೆ

ಇನ್ನು, ಕೊರೋನಾ ವಿಚಾರದಲ್ಲಿ ಸರ್ಕಾರಕ್ಕೆ ಸಹಕಾರ ನೀಡಿದ್ದೀನಿ ಎಂದಿದ್ದೀರಿ. ನೀವೆಲ್ಲಿ ಕೊರೋನಾ ವಿರುದ್ಧದ ಹೋರಾಟದಲ್ಲಿ ಭಾಗಿಯಾಗಿದ್ದೀರಿ? ಎಂದು ಪ್ರಶ್ನಿಸಿದ ವಿಶ್ವನಾಥ್​​, ಎಚ್​ಡಿಕೆ ಮನೆಯಿಂದ ಹೊರಗೆ ಬಂದೇ ಇಲ್ಲ ಎಂದು ಕುಟುಕಿದರು.

ಹೀಗೆ ಮುಂದುವರಿದ ಅವರು, ಕಾಂಗ್ರೆಸ್​ ಸ್ಥಾಪಿಸಿದ ಎ.ಒ ಹ್ಯೂಮ್​​ ಹೊರದೇಶದವ.  ಹೀಗಾಗಿ ಕಾಂಗ್ರೆಸ್​ ಇನ್ನೂ ಹೊರ ದೇಶದವರ ದಾಸ್ಯದಲ್ಲೇ ಇದೆ. ನಾವು ಹಿಂದೆ ಇಂದಿರಾ ಗಾಂಧಿ ಎಂದು ಕ್ಯಾಂಟೀನ್​​ಗೆ ಹೆಸರಿಟ್ಟಾಗ ವಿರೋಧ ಮಾಡಿದ್ದೇವಾ? ಈಗ ನಾವು ದೇಶಕ್ಕಾಗಿ ಹೋರಾಡಿದ ಸ್ವಾತಂತ್ರ್ಯ ಸೇನಾನಿ ಸಾವರ್ಕರ್​​ ಹೆಸರು ಇಡಬಾರದೇ ಎಂದರು.
First published: