‘ಕೋವಿಡ್​​-19 ಮರಣ ಪ್ರಮಾಣದಲ್ಲೂ ಗುಜರಾತ್​​ ಮಾಡೆಲ್​​‘ - ರಾಹುಲ್​​ ಗಾಂಧಿ ಲೇವಡಿ

ನವದೆಹಲಿ(ಜೂ.16): ದೇಶಾದ್ಯಂತ ಶರವೇಗದಲ್ಲಿ ಹರಡುತ್ತಿರುವ ಕೊರೋನಾ ವೈರಸ್​​ ಸೋಂಕನ್ನೇ ಮುಂದಿಟ್ಟುಕೊಂಡು ಎಐಸಿಸಿ ಮಾಜಿ ಅಧ್ಯಕ್ಷ ರಾಹುಲ್​​ ಗಾಂಧಿ ಗುಜರಾತ್​​​ ಮಾಡೆಲ್​​ ಬಗ್ಗೆ ವ್ಯಂಗ್ಯವಾಡಿದ್ದಾರೆ. ಈ ಸಂಬಂಧ ಬಿಬಿಬಿ ವರದಿ ಆಧರಿಸಿ ಟ್ವೀಟ್​​ ಮಾಡಿರುವ ರಾಹುಲ್​​ ಗಾಂಧಿ, ಭಾರತದಲ್ಲಿ ಗುಜರಾತ್‌ನಲ್ಲೇ ಕೋವಿಡ್​​-19 ವೈರಸ್​​ಗೆ ಬಲಿಯಾದವರ ಪ್ರಮಾಣ ಹೆಚ್ಚಿದೆ ಎಂದು ಲೇವಡಿ ಮಾಡಿದ್ದಾರೆ.

ಗುಜರಾತ್‌ನಲ್ಲಿ ಮರಣ ಪ್ರಮಾಣ ಶೇ.6.25ರಷ್ಟಿದೆ. ಹಾಗೆಯೇ ಮಹಾರಾಷ್ಟ್ರದಲ್ಲಿ 3.73, ರಾಜಸ್ಥಾನದಲ್ಲಿ ಶೇ.2.32, ಪಂಜಾಬ್ ಶೇ.2.17, ಪುದುಚೆರಿ ಶೇ.1.98, ಜಾರ್ಖಂಡ್ ಶೇ.0.5, ಛತ್ತೀಸ್‌ಗಢ ಶೇ.0.35 ರಷ್ಟಿದೆ. ಕಾಂಗ್ರೆಸ್​​ ಆಡಳಿರ ರಾಜ್ಯಗಳಲ್ಲಿ ಕೊರೋನಾ ಮರಣ ಪ್ರಮಾಣ ಇಷ್ಟು ಕಡಿಮೆ ಇದೆ. ಬಿಜೆಪಿ ಆಡಳಿತರೂಢ ಗುಜರಾತ್​​ನಲ್ಲಿ ಮಾತ್ರ ಯಾಕೇ ಹೆಚ್ಚಿದೆ ಎಂದು ರಾಹುಲ್​​ ಗಾಂಧಿ ಪ್ರಶ್ನಿಸಿದ್ಧಾರೆ.

Covid19 mortality rate:

Gujarat: 6.25%
Maharashtra: 3.73%
Rajasthan: 2.32%
Punjab: 2.17%
Puducherry: 1.98%
Jharkhand: 0.5%
Chhattisgarh: 0.35%

Gujarat Model exposed.https://t.co/ObbYi7oOoD

— Rahul Gandhi (@RahulGandhi) June 16, 2020

ಹೀಗೆ ಮುಂದುವರಿದ ಅವರು, ಗುಜರಾತ್​​ನಲ್ಲಿ ಕೊರೋನಾ ವೈರಸ್​ ತಹಬದಿಗೆ ತರುವಲ್ಲಿ ಬಿಜೆಪಿ ಸರ್ಕಾರ ವಿಫಲವಾಗಿದೆ. ಇದೊಂದು ಬೆತ್ತಲಾದ ಗುಜರಾತ್​​ ಮಾಡೆಲ್​​​ ಎಂದಿದ್ದಾರೆ ರಾಹುಲ್​​​. ಬಿಜೆಪಿ ಅಧಿಕಾರದಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ ತವರು ರಾಜ್ಯ ಗುಜರಾತ್​​ ಅನ್ನು ಕಾಂಗ್ರೆಸ್​ ಆಡಳಿತರೂಢ ರಾಜ್ಯಗಳಿಗೆ ಹೋಲಿಕೆ ಮಾಡಿ ರಾಹುಲ್​​ ತರಾಟೆ ತೆಗೆದುಕೊಂಡಿದ್ದಾರೆ.

ಇತ್ತೀಚೆಗೆ ಬಿಬಿಸಿ ಭಾರತದ ಕೋವಿಡ್​​-19 ಪರಿಸ್ಥಿತಿ ಸಂಬಂಧ ವರದಿಯೊಂದು ಮಾಡಿತ್ತು. ಇದರಲ್ಲಿ ಗುಜರಾತ್‌ ರಾಜಧಾನಿ ಅಹಮದಾಬಾದ್‌ನ ಆಸ್ಪತ್ರೆಗಳ ಸ್ಥಿತಿಗತಿಗಳ ಬಗ್ಗೆ ವಿಶ್ಲೇಷಣೆ ಮಾಡಿತ್ತು. ಜತೆಗೆ ಭಾರತದಲ್ಲಿ ಕೋವಿಡ್​-19 ಏರಿಕೆಯಾಗಲು ಅನಿವಾಸಿ ಭಾರತೀಯರ ಆಗಮನ, ದೆಹಲಿ ತಬ್ಲಿಘಿ ಧಾರ್ಮಿಕ ಸಭೆ ಕಾರಣ ಎಂದು ಗುಜರಾತ್​​ ಸರ್ಕಾರ ಹೇಳುತ್ತಿದೆ. ಇದು ನಿಜವಲ್ಲ ಎಂದು ಹೇಳಿತ್ತು.

ಇನ್ನು, ಗುಜರಾತ್​​ ಸರ್ಕಾರ ಹೇಳಿದ ಘಟನೆಗಳೇ ಕೊರೋನಾ ಹರಡಲು ಕಾರಣವಾದರೇ ಕೇರಳ ಹಾಗೂ ತಮಿಳುನಾಡಿನಲ್ಲಿ ಮರಣ ಪ್ರಮಾಣ ಕಡಿಮೆ ಇದೆ. ಗುಜರಾತ್​​ನಲ್ಲಿ ಮಾತ್ರ ಮರಣ ಪ್ರಮಾಣ ಜಾಸ್ತಿ ಇದೆ ಎಂದು ಬಿಬಿಸಿ ಪ್ರಶ್ನಿಸಿತ್ತು.