ಕೊರೋನಾ ಸೋಂಕಿನಿಂದ ಗುಣಮುಖರಾದ ಹೆಡ್​ ಕಾನ್​ಸ್ಟೇಬಲ್; ಹೂವಿನ ಸುರಿಮಳೆಗೈದು, ಬ್ಯಾಂಡ್ ಬಾರಿಸಿ ಬರಮಾಡಿಕೊಂಡ ನಗರ ಪೊಲೀಸರು

ಆಸ್ಪತ್ರೆಯ ಬಳಿ ಆಗಮಿಸಿದ ಪೊಲೀಸ್ ಕಮೀಷನರ್ ಭಾಸ್ಕರ್ ರಾವ್ ಅವರು ಕಾನ್ಸ್​ಟೇಬಲ್​ಗೆ ಚಿಕಿತ್ಸೆ ನೀಡಿದ್ದ ವಿಕ್ಟೋರಿಯಾ ಆಸ್ಪತ್ರೆ ವೈದ್ಯರಿಗೆ ಹೂಗುಚ್ಚ ನೀಡಿ ಸನ್ಮಾನ ಮಾಡಿದರು. ಜೊತೆಗೆ ಎರಡು ಕೈಗಳಿಂದ ನಮಸ್ಕಾರ ಸಹ ಮಾಡಿದರು. ಇನ್ನು ಗುಣಮುಖವಾದ ಕಾನ್ಸ್​ಟೇಬಲ್​ಗೆ ಆಸ್ಪತ್ರೆ ಆವರಣದಿಂದ ಗೇಟ್ ಬಳಿಯವರೆಗೂ ಹೂವಿನ ಸುರಿಮಳೆಯನ್ನೇ ಸುರಿಸಿದರು.

ಪ್ರಾತಿನಿಧಿಕ ಚಿತ್ರ

ಪ್ರಾತಿನಿಧಿಕ ಚಿತ್ರ

  • Share this:
ಬೆಂಗಳೂರು: ಕೊರೋನಾ ಸೋಂಕಿಗೆ ತುತ್ತಾಗಿದ್ದ ಪುಲಿಕೇಶಿ ನಗರ ಟ್ರಾಫಿಕ್ ಹೆಡ್ ಕಾನ್​ಸ್ಟೇಬಲ್ ಗುಣಮುಖರಾಗಿದ್ದಾರೆ. ಆಸ್ಪತ್ರೆಯಿಂದ ಇಂದು ಡಿಸ್ಚಾರ್ಜ್ ಆದ ಕಾನ್ಸ್​ಟೇಬಲ್​ನನ್ನು ನಗರ ಪೊಲೀಸರು ಹೂಮಳೆ ಸುರಿಸುವ ಮೂಲಕ ಅಭಿನಂದನೆ ಸಲ್ಲಿಸಿದ್ದಾರೆ.

ಒಂದು ವಾರದ ಹಿಂದೆ 38 ವರ್ಷದ ಪೊಲೀಸ್ ಕಾನ್​ಸ್ಟೇಬಲ್​ಗೆ ಸೋಂಕು ಇರೋದು ದೃಢವಾಗಿತ್ತು. ಕೂಡಲೇ ಕಾನ್ಸ್​ಟೇಬಲ್​ನನ್ನು ವಿಕ್ಟೋರಿಯಾ ಆಸ್ಪತ್ರೆಯ ಐಸೋಲೇಷನ್ ವಾರ್ಡ್​ಗೆ ಶಿಫ್ಟ್ ಮಾಡಿ ಚಿಕಿತ್ಸೆ ನೀಡಲಾಗಿತ್ತು. ಇಂದು ಕಾನ್ಸ್​ಟೇಬಲ್​ ಸಂಪೂರ್ಣ ವಾಗಿ ಗುಣಮುಖವಾಗಿದ್ದು, ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ.

ಡಿಸ್ಚಾರ್ಜ್ ಆದ ಸಮಯದಲ್ಲಿ ಪೊಲೀಸರು ಡ್ರಮ್, ಬ್ಯಾಂಡ್ ಬಾರಿಸಿದರು. ಜೊತೆಗೆ ಕಾನ್ಸ್​ಟೇಬಲ್​ ಮೇಲೆ ಹೂವು ಸುರಿದು ಸ್ವಾಗತ ಕೋರಿದರು. ಇನ್ನು ಇದೇ ವೇಳೆ ಖುದ್ದು ನಗರ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್, ಸಂಚಾರ ವಿಭಾಗದ ಜಂಟಿ ಆಯುಕ್ತ ಬಿ.ಆರ್ ರವಿಕಾಂತೇಗೌಡ, ಡಿಸಿಪಿಗಳಾದ ರೋಹಿಣಿ ಸೆಪಟ್, ನಾರಾಯಣ್, ಡಾ.ಸೌಮ್ಯಲತಾ ಹಾಗೂ ಹಲವರು ಪೊಲೀಸ್ ಇನ್​ಸ್ಪೆಕರ್​ಗಳು ಹಾಗೂ ಸಿಬ್ಬಂದಿಯವರು ಹಾಜರಾಗಿದ್ದರು.

ಆಸ್ಪತ್ರೆಯ ಬಳಿ ಆಗಮಿಸಿದ ಪೊಲೀಸ್ ಕಮೀಷನರ್ ಭಾಸ್ಕರ್ ರಾವ್ ಅವರು ಕಾನ್ಸ್​ಟೇಬಲ್​ಗೆ ಚಿಕಿತ್ಸೆ ನೀಡಿದ್ದ ವಿಕ್ಟೋರಿಯಾ ಆಸ್ಪತ್ರೆ ವೈದ್ಯರಿಗೆ ಹೂಗುಚ್ಚ ನೀಡಿ ಸನ್ಮಾನ ಮಾಡಿದರು. ಜೊತೆಗೆ ಎರಡು ಕೈಗಳಿಂದ ನಮಸ್ಕಾರ ಸಹ ಮಾಡಿದರು. ಇನ್ನು ಗುಣಮುಖವಾದ ಕಾನ್ಸ್​ಟೇಬಲ್​ಗೆ ಆಸ್ಪತ್ರೆ ಆವರಣದಿಂದ ಗೇಟ್ ಬಳಿಯವರೆಗೂ ಹೂವಿನ ಸುರಿಮಳೆಯನ್ನೇ ಸುರಿಸಿದರು. ನಂತರ ಹೂವಿನ ಹಾರ ಹಾಕಿ ಬರಮಾಡಿಕೊಂಡರು. ಇದೇ ವೇಳೆ ಪೊಲೀಸ್ ಹೆಡ್ ಕಾನ್ಸ್​ಟೇಬಲ್​ ನೋಡಲು ಸಾಕಷ್ಟು ಸಂಖ್ಯೆಯಲ್ಲಿ ಜನರು ಸಹ ಬಂದಿದ್ದರು.

ಇದನ್ನು ಓದಿ: ಲಾಕ್ಡೌನ್ 5.O ವೇಳೆ 13 ನಗರಗಳು ಸೇರಿದಂತೆ 145 ಜಿಲ್ಲೆಗಳಲ್ಲಿ ಮಾತ್ರ ಕಟ್ಟುನಿಟ್ಟು, ಉಳಿದೆಡೆ ಭಾರೀ ವಿನಾಯಿತಿ

ಪೊಲೀಸರು ಸಹ ಸಾಮಾಜಿಕ ಅಂತರದಲ್ಲಿ ನಿಂತು ಚಪ್ಪಾಳೆ ಹೊಡೆದು ಕಾನ್ಸ್​ಟೇಬಲ್​ನನ್ನು ಬರಮಾಡಿಕೊಂಡರು. ಮೇ 20 ರಂದು‌ ಫ್ರೇಜರ್ ಟೌನ್ ಟ್ರಾಫಿಕ್ ಠಾಣಾ ಸಿಬ್ಬಂದಿಗೆ  ಟೆಸ್ಟ್ ಮಾಡಿಸಲಾಗಿತ್ತು. ಮೇ 22ರಂದು ಬಂದ ಪರೀಕ್ಷಾ ವರದಿಯಲ್ಲಿ‌ ಹೆಡ್ ಕಾನ್ಸ್​ಟೇಬಲ್​ಗೆ ಸೋಂಕು ಇರುವುದು ದೃಢಪಟ್ಟಿತ್ತು.

ಹೆಗಡೆ ನಗರದ ಕ್ವಾಟ್ರಸ್​ನಲ್ಲಿ‌ ವಾಸವಿದ್ದ ಸೋಂಕಿತ ಕಾನ್ಸ್​ಟೇಬಲ್​ಗೆ ಸೋಂಕು ದೃಢವಾಗುತ್ತಿದ್ದಂತೆ ವಿಕ್ಟೋರಿಯಾ ಆಸ್ಪತ್ರೆಗೆ ರವಾನಿಸಲಾಗಿತ್ತು. ಸಂಪೂರ್ಣ ಗುಣಮುಖರಾದ ಬಳಿಕ ಇಂದು ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಮಾಡಲಾಗಿದೆ.
First published: