Life insurance: 4.6 ಲಕ್ಷ ಪಾಲಿಸಿದಾರರಿಗೆ 532 ಕೋಟಿ ಬೋನಸ್: ಮಾನದಂಡವೇನು?

ಈ ವಿಮಾ ಕಂಪನಿಯ ಪ್ರಕಾರ, ಕನಿಷ್ಠ 4.6 ಲಕ್ಷ ಗ್ರಾಹಕರು ಬೋನಸ್‌ಗೆ ಅರ್ಹರಾಗಿರುತ್ತಾರೆ ಎಂದು ತನ್ನ ಹೇಳಿಕೆಯಲ್ಲಿ ತಿಳಿಸಿದೆ. ಹಿಂದಿನ ವರ್ಷಕ್ಕೆ ಹೋಲಿಸಿದರೆ, ಪಿಎನ್‌ಬಿ ಮೆಟ್‌ಲೈಫ್ ಬೋನಸ್ ಮೊತ್ತವನ್ನು ಶೇಕಡಾ 7 ರಷ್ಟು ಹೆಚ್ಚಿಸಿದೆ.

Photo: Google

Photo: Google

  • Share this:

    ಪಿಎನ್‌ಬಿ ಮೆಟ್‌ಲೈಫ್ ಇಂಡಿಯಾ ಇನ್​ಶ್ಯೂರೆನ್ಸ್ ಕಂಪನಿ ಲಿಮಿಟೆಡ್ (ಪಿಎನ್‌ಬಿ ಮೆಟ್‌ಲೈಫ್) ಕಳೆದ ವಾರ ಹೊಸಾ ಪ್ರಕಟಣೆ ಹೊರಡಿಸಿದ್ದು. ಇದರ ಪ್ರಕಾರ ಭಾಗವಹಿಸುವ ಉತ್ಪನ್ನಗಳ ಎಲ್ಲಾ ಅರ್ಹತಾ ಪಾಲಿಸಿದಾರರಿಗೆ 532 ಕೋಟಿ ರೂ.ಗಳ ಬೋನಸ್ ಸಿಗಲಿದೆ ಎನ್ನುವ ವಿಷಯವನ್ನು ತಿಳಿಸಿದೆ. ಈ ವಿಮಾ ಕಂಪನಿಯ ಪ್ರಕಾರ, ಕನಿಷ್ಠ 4.6 ಲಕ್ಷ ಗ್ರಾಹಕರು ಬೋನಸ್‌ಗೆ ಅರ್ಹರಾಗಿರುತ್ತಾರೆ ಎಂದು ತನ್ನ ಹೇಳಿಕೆಯಲ್ಲಿ ತಿಳಿಸಿದೆ. ಹಿಂದಿನ ವರ್ಷಕ್ಕೆ ಹೋಲಿಸಿದರೆ, ಪಿಎನ್‌ಬಿ ಮೆಟ್‌ಲೈಫ್ ಬೋನಸ್ ಮೊತ್ತವನ್ನು ಶೇಕಡಾ 7 ರಷ್ಟು ಹೆಚ್ಚಿಸಿದೆ.


    ಕಂಪನಿಯ ಭಾಗವಹಿಸುವ ಪಾಲಿಸಿದಾರರ ನಿಧಿಯಿಂದ ರಚಿಸಲಾದ ಗಳಿಕೆಯ ಪಾಲನ್ನು ಅವರ ಮೆಚುರಿಟಿ ಪ್ರಯೋಜನಗಳಿಗೆ ಸೇರಿಸಲಾಗುತ್ತದೆ. ಆದ್ದರಿಂದ ಕಾರ್ಪಸ್ ಅನ್ನು ಹೆಚ್ಚಿಸುವುದನ್ನು ಬೋನಸ್ ಎಂದು ಕರೆಯಲಾಗುತ್ತದೆ. "ಪಿಎನ್‌ಬಿ ಮೆಟ್‌ಲೈಫ್‌ನ ಉತ್ತಮ ನಿಧಿ ನಿರ್ವಹಣಾ ಸಾಮರ್ಥ್ಯಗಳು ಮತ್ತು ಅಪಾಯ ನಿರ್ವಹಣಾ ವಿಧಾನಗಳಿಂದ ಹೆಚ್ಚು ಪ್ರಶಂಸೆಗೆ ಪಾತ್ರವಾಗಿದೆ. ಈ ಕಾರಣದಿಂದ ಹೆಚ್ಚಿದ ಬೋನಸ್ ಪಾವತಿಯೊಂದಿಗೆ ಪಾಲಿಸಿದಾರರಿಗೆ ಪ್ರತಿಫಲ ನೀಡಲು ಸಾಮರ್ಥ್ಯವನ್ನು ಗಳಿಸಿದೆ" ಎಂದು ವಿಮಾದಾರರು ಹೇಳಿದರು.


    ಮಾರ್ಚ್ 31, 2021 ರವರೆಗೆ ಚಾಲ್ತಿಯಲ್ಲಿ ಇರುವ ಎಲ್ಲಾ ಪಾಲಿಸಿಗಳಿಗೆ ಈ ಬೋನಸ್ ಲಭ್ಯವಿದೆ. ಇದನ್ನು ಪಾಲಿಸಿದಾರರ ಪ್ರಯೋಜನಗಳಿಗೆ ಸೇರಿಸಲಾಗುತ್ತದೆ. ಇನ್ನೂ ಈ ಕೋವಿಡ್​ 19 ಎರಡನೇ ಅಲೆಯ ಸಂಕಷ್ಟದ ದಿನಗಳಲ್ಲಿ ತಮ್ಮ ಗ್ರಾಹಕರಿಗೆ ಈ ಬೆಳವಣಿಗೆ ಹೆಚ್ಚು ನೆರವಾಗುತ್ತದೆ ಎಂದು ವಿಮೆದಾರರು ಆಶ್ವಾಸನೆ ವ್ಯಕ್ತಪಡಿಸುತ್ತಾರೆ.


    ಪಿಎನ್‌ಬಿ ಮೆಟ್‌ಲೈಫ್‌ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಆಶಿಶ್ ಕುಮಾರ್ ಶ್ರೀವಾಸ್ತವ ಅವರು ಬೋನಸ್ ಕುರಿತು ಪ್ರತಿಕ್ರಿಯಿಸಿದ್ದಾರೆ. ಈ ಅನಿಶ್ಚಿತ ಸಮಯದಲ್ಲಂತೂ ನಮ್ಮ ಗಮನವು ನಮ್ಮ ಗ್ರಾಹಕರ ಯೋಗಕ್ಷೇಮದ ಮೇಲೆ ದೃಢವಾಗಿ ಉಳಿದಿದೆ.


    ನಮ್ಮ ಎಚ್ಚರಿಕೆಯ ನಿರ್ವಹಣಾ ಕಾರ್ಯವಿಧಾನಗಳ ಬಗ್ಗೆ ನಾವು ಹೆಮ್ಮೆಪಡುತ್ತೇವೆ, ಇದು ಕಷ್ಟಕರ ಸಮಯಗಳ ಹೊರತಾಗಿಯೂ ವರ್ಷಗಳಲ್ಲಿ ನಮ್ಮ ಭಾಗವಹಿಸುವ ಉತ್ಪನ್ನಗಳಲ್ಲಿ ಸ್ಥಿರವಾದ ಬೆಳವಣಿಗೆಗೆ ಕಾರಣವಾಗಿದೆ. ಈ ಘೋಷಣೆ ರೂ. 532 ಕೋಟಿ ಬೋನಸ್ ನಮ್ಮ ಗ್ರಾಹಕರಿಗೆ ಜೀವನದ ಪ್ರತಿಯೊಂದು ಹಂತದಲ್ಲೂ ಅವರ ಆರ್ಥಿಕ ಗುರಿಗಳನ್ನು ಸಾಧಿಸಲು ಸಹಾಯ ಮಾಡುವ ನಮ್ಮ ಬದ್ಧತೆಯನ್ನು ಪುನರುಚ್ಚರಿಸುತ್ತದೆ.


    ಪಿಎನ್‌ಬಿ ಮೆಟ್‌ಲೈಫ್ ಮಕ್ಕಳ ಶಿಕ್ಷಣ, ಕುಟುಂಬ ರಕ್ಷಣೆ, ದೀರ್ಘಕಾಲೀನ ಉಳಿತಾಯ ಮತ್ತು ನಿವೃತ್ತಿ ಪ್ರಯೋಜನಗಳನ್ನು ಒಳಗೊಂಡಂತೆ ಹಲವಾರು ಜೀವನದ ಪ್ರಮುಖ ಹಂತಗಳಿಗೆ ಪರಿಹಾರಗಳನ್ನು ಒದಗಿಸಲು "ಸರ್ಕಲ್ ಆಫ್ ಲೈಫ್" ವಿಧಾನವನ್ನು ಬಳಸುತ್ತದೆ ಎಂದು ಸಂಸ್ಥೆ ತನ್ನ ಹೇಳಿಕೆಯಲ್ಲಿ ತಿಳಿಸಿದೆ.
    "ಭಾಗವಹಿಸುವ ಜೀವ ವಿಮಾ ಪಾಲಿಸಿಗಳು ಗ್ರಾಹಕರಿಗೆ ಲಾಭಾಂಶ ಹಂಚುವ ಮೂಲಕ ಸಂಪತ್ತನ್ನು ನಿರ್ಮಿಸುವ ಸಾಮರ್ಥ್ಯವನ್ನು ಒದಗಿಸುತ್ತದೆ ಮತ್ತು ಖಾತರಿಪಡಿಸಿದ ಜೀವ ರಕ್ಷಣೆಯನ್ನು ಸಹ ಒದಗಿಸುತ್ತದೆ" ಎಂದು ಅದು ಹೇಳಿದೆ.


    ಭಾಗವಹಿಸುವ ಜೀವ ವಿಮಾ ಯೋಜನೆಯಾದ ಪಿಎನ್‌ಬಿ ಮೆಟ್‌ಲೈಫ್ ಸೆಂಚುರಿಯೂ ಯೋಜನೆಯನ್ನು 2021 ರಲ್ಲಿ ಪ್ರಾರಂಭಿಸಲಾಯಿತು. ಇದು ಗ್ರಾಹಕರಿಗೆ ಮುಂದಿನ 100 ವರ್ಷಗಳವರೆಗೆ ಖಾತರಿಯ ಆದಾಯವನ್ನು ನೀಡುವುದರ ಜೊತೆಗೆ ಆಜೀವ ವ್ಯಾಪ್ತಿಯನ್ನು ನೀಡುತ್ತದೆ. ಇದು ನಿಮ್ಮ ನಿವೃತ್ತಿ ವರ್ಷಗಳಲ್ಲಿ ಎರಡನೇ ಆದಾಯದ ಮೂಲವನ್ನು ಒದಗಿಸುವ ಭರವಸೆ ನೀಡುತ್ತದೆ. ಭವಿಷ್ಯದ ಪೀಳಿಗೆಗೆ ಪರಂಪರೆಯನ್ನು ಬೆಳೆಸುತ್ತದೆ.


    ಸ್ಪರ್ಧಾತ್ಮಕ ಮಾರುಕಟ್ಟೆಯಲ್ಲಿ ಪೀರ್ ಫಂಡ್ ಮತ್ತು ಬೆಂಚ್​ ಮಾರ್ಕ್ ಸೂಚ್ಯಂಕದ ಸಾಧನೆ, ಪಿಎನ್‌ಬಿ ಮೆಟ್‌ಲೈಫ್ ಪಾಲಿಸಿದಾರರಲ್ಲಿ ನಂಬಿಕೆ ಬೆಳೆಸುತ್ತದೆ. ಅವರ ಆರ್ಥಿಕ ಸಮೃದ್ಧಿಗೆ ನಮ್ಮೊಟ್ಟಿಗಿನ ಪ್ರಯಾಣ ಭರವಸೆ ಮೂಡಿಸುತ್ತದೆ ಎಂದು ಕಂಪನಿ ತಿಳಿಸಿದೆ.


    ಎನ್‌ಬಿ ಮೆಟ್‌ಲೈಫ್ ಇಂಡಿಯಾ ಇನ್​ಶ್ಯೂರೆನ್ಸ್​​​​ ಕಂಪನಿ ಲಿಮಿಟೆಡ್ (ಪಿಎನ್‌ಬಿ ಮೆಟ್‌ಲೈಫ್) ತನ್ನ ಷೇರುದಾರರಾಗಿ ಮೆಟ್‌ಲೈಫ್ ಇಂಟರ್​ನ್ಯಾಷನಲ್ ಹೋಲ್ಡಿಂಗ್ಸ್ ಎಲ್​ಐಸಿಯನ್ನು ಹೊಂದಿದೆ. (ಎಂಐಹೆಚ್ಎಲ್), ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಲಿಮಿಟೆಡ್ (ಪಿಎನ್‌ಬಿ), ಜಮ್ಮು ಮತ್ತು ಕಾಶ್ಮೀರ ಬ್ಯಾಂಕ್ ಲಿಮಿಟೆಡ್ (ಜೆಕೆಬಿ), ಎಂ.ಪಲ್ಲೊಂಜಿ ಮತ್ತು ಕಂಪನಿ ಪ್ರೈವೇಟ್ ಲಿಮಿಟೆಡ್ ಮತ್ತು ಇತರ ಖಾಸಗಿ ಹೂಡಿಕೆದಾರರಾಗಿದ್ದಾರೆ. ಎಂಐಹೆಚ್ಎಲ್ ಮತ್ತು ಪಿಎನ್‌ಬಿ ಬಹುಪಾಲು ಷೇರುದಾರರಾಗಿದ್ದಾರೆ ಎಂದು ವಿಮಾದಾರರು ತಿಳಿಸಿದ್ದಾರೆ.


    ಇದನ್ನೂ ಓದಿ: ಫೀಲ್ಡಿಗೆ ಇಳಿದ ಸೋನಿಯಾ ಗಾಂಧಿ; ಮುಂಗಾರು ಅಧಿವೇಶನಕ್ಕೂ ಮುನ್ನ ಭಿನ್ನಮತೀಯರಿಗೆ ಮಣೆ

    2020-21ರ ಆರ್ಥಿಕ ವರ್ಷದಲ್ಲಿ, ಐಸಿಐಸಿಐ ಪ್ರುಡೆನ್ಶಿಯಲ್ ಲೈಫ್ ಇನ್​ಶ್ಯೂರೆನ್ಸ್ ವಾರ್ಷಿಕ ಬೋನಸ್ 867 ಕೋಟಿ ರೂ.ಗಳನ್ನು ಜೂನ್​ನಲ್ಲಿ ಘೋಷಿಸಿತು. ಇದು ತನ್ನ ಅರ್ಹ ಗ್ರಾಹಕರಿಗೆ ಇದುವರೆಗೆ ನೀಡಿದ ಕೊಡುಗೆಗಗಲ್ಲಿ ದೊಡ್ಡದಾಗಿದೆ. ವಿಮಾದಾರರ ಪ್ರಕಾರ, ಇದು ಒಟ್ಟು 9.8 ಲಕ್ಷ ಪಾಲಿಸಿದಾರರಿಗೆ ಪ್ರಯೋಜನವನ್ನು ನೀಡುತ್ತದೆ.




    ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು.
    Published by:HR Ramesh
    First published: