ಧಾರ್ಮಿಕ ಆಚರಣೆ ಓಕೆ, ಮುಟ್ಟಬೇಡಿ, ಅಪ್ಪಿಕೊಳ್ಳಬೇಡಿ; ಕೊರೋನಾ ಮೃತದೇಹ ಅಂತ್ಯಕ್ರಿಯೆಗೆ ಮಾರ್ಗಸೂಚಿ

ಬೆಂಗಳೂರು; ಕೊರೋನಾ ಮೃತದೇಹಗಳ ನಿರ್ವಹಣೆ ಹಿನ್ನೆಲೆಯಲ್ಲಿ ಆರೋಗ್ಯ ಇಲಾಖೆ ಸರಳೀಕೃತ ಮಾರ್ಗಸೂಚಿಯನ್ನು ಸರ್ಕಾರ ಬಿಡುಗಡೆ ಮಾಡಿದೆ. ಇದರ‌ ಹಿನ್ನೆಲೆಯಲ್ಲಿ ಇನ್ನು ಮುಂದೆ ಮೃತದೇಹ ಅಂತ್ಯಕ್ರಿಯ ಧಾರ್ಮಿಕ ಆಚರಣೆಗಳನ್ನು ನಡೆಸಲು ಮೃತ ಕುಟುಂಬಗಳಿಗೆ ಅವಕಾಶ ಸಿಗುತ್ತದೆ. ಹಾಗಂತ ಮೃತ ದೇಹವನ್ನು ಮುಟ್ಟುವುದು, ಸ್ನಾನ ಮಾಡಿಸುವುದು, ಅಪ್ಪಿಕೊಂಡು ಚುಂಬಿಸುವಂತಿಲ್ಲ ಎಂದು ಸೂಚಿಸಿದೆ.

ಕೊರೋನಾ ಪಾಸಿಟಿವ್ ಹೊಂದಿ ಸಾವನ್ನಪ್ಪಿದವರ ಅಂತ್ಯಕ್ರಿಯೆಯನ್ನು ಈ ಮೊದಲು ಆರೋಗ್ಯ ಇಲಾಖೆ ಸಿಬ್ಬಂದಿ, ಸರ್ಕಾರದ ಸಿಬ್ಬಂದಿ ಕೋವಿಡ್ ಅಂತ್ಯಕ್ರಿಯೆ ಮಾರ್ಗಸೂಚಿ ಪ್ರಕಾರ ಅಂತ್ಯಕ್ರಿಯೆ ಮಾಡುತ್ತಿದ್ದರು. ಆದರೆ ರಾಜ್ಯದೆಲ್ಲೆಡೆ ಅಂತ್ಯಕ್ರಿಯೆ ನಿರ್ಲಕ್ಷ್ಯ ವಹಿಸುವುದು ದೃಶ್ಯ ಸಮೇತ ನಿರ್ಲಕ್ಷ್ಯ ಮಾಡುತ್ತಿರುವುದು ಕಂಡುಬಂದಿತು. ಭಾರತದಲ್ಲಿ ಮೃತದೇಹಗಳಿಗೆ ಧಾರ್ಮಿಕ ಆಚರಣೆ ಮೂಲಕ ವಿಧಿವಿಧಾನದ ರೀತಿಯಲ್ಲಿ ಅಂತ್ಯಕ್ರಿಯೆ ಮಾಡಲಾಗುತ್ತಿತ್ತು. ಇದೀಗ ಕೊರೋನಾದಿಂದ ಮೃತರಾದ್ರೂ ಮೃತದೇಹವನ್ನು ಕೆಲ‌ ಷರತ್ತು, ಮಾರ್ಗಸೂಚಿ ಮೇರೆಗೆ ಕುಟುಂಬಕ್ಕೆ ಒಪ್ಪಿಸಬಹುದಾಗಿದೆ. ಕೋವಿಡ್ ಅಂತ್ಯಕ್ರಿಯೆಯಲ್ಲಿ 20ಕ್ಕಿಂತ ಹೆಚ್ಚು ಸದಸ್ಯರು ಸಭೆಗೆ ಹಾಜರಾಗುವಂತಿಲ್ಲ. ಕುಟುಂಬಗಳು ಆಸ್ಪತ್ರೆ ನೀಡಿದ ಮೃತದೇಹದ ಬ್ಯಾಗ್ ಅನ್ನು ತೆರೆಯಬಾರದು.‌ ಮುಖದ ಬಳಿ ಅನ್‌ ಜಿಪ್ ಮಾಡಿ ಮುಖತುದಿಯನ್ನು ವೀಕ್ಷಿಸಬಹುದು, ಮುಟ್ಟುವಂತಿಲ್ಲ. ಚಿತೆ/ಸಮಾಧಿ ಬಳಿ ದೇಹದ ಚೀಲವನ್ನು ತೆರೆಯುವಂತಿಲ್ಲ. ಅಗತ್ಯ ಮುನ್ನೆಚ್ಚರಿಕೆಯೊಂದಿಗೆ ಧಾರ್ಮಿಕ ಆಚರಣೆಗೆ ಅವಕಾಶ ನೀಡಿದೆ.

ಸ್ಮಶಾನ ಅಥವಾ ಸ್ಮಶಾನದಲ್ಲಿ ಮುಖವಾಡ ಧರಿಸುವ, ದೈಹಿಕವಾಗಿ ಸ್ಪರ್ಶಿಸುವಂತಿಲ್ಲ. ಕೆಮ್ಮುವುದು, ಕೈ ಶುಚಿತ್ವದ ಸೂಚನೆಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಬೇಕು ಎಂದು ಸೂಚಿಸಿದೆ. ಆಸ್ಪತ್ರೆಗಳು ಮೃತ ಕುಟುಂಬಗಳಿಗೆ ಏನು ಮಾಡಬೇಕು? ಏನು ಮಾಡಬಾರದು ಎಂಬುದು ಸ್ಪಷ್ಟವಾಗಿ ತಿಳಿಸಬೇಕು‌. ಕೊರೋನಾ ಮೃತರಾದ ದೇಹಗಳನ್ನು ಘನತೆಯಿಂದ ಮೃತ ಕುಟುಂಬದವರಿಗೆ ಹಸ್ತಾಂತರಿಸಬೇಕು. ಆಸ್ಪತ್ರೆಯವರು ಕುಟುಂಬದ ಸದಸ್ಯರಿಗೆ ಆಪ್ತ ಸಮಾಲೋಚನೆ ನಡೆಸಿ, ಅವರ ಭಾವನೆಗಳನ್ನು ಗೌರವಿಸಬೇಕು ಎಂದು ತಿಳಿಸಿದೆ. ಮೃತದೇಹದಲ್ಲಿ ಸೋಂಕು ಇಲ್ಲದಿದ್ದರೂ, ಓರಿಫಿಸ್ ನಿಂದ ಬರುವ ಸ್ರವಿಕೆಗಳು ಸಾಂಕ್ರಾಮಿಕ ಇರುತ್ತದೆ. ಇದರ‌ ಬಗ್ಗೆ ಮುಂಜಾಗ್ರತೆ‌ ವಹಿಸಬೇಕು ಎಂದು ತಿಳಿಸಿದೆ.

ಇದನ್ನು ಓದಿ: Karnataka KSEEB SSLC Result 2020: 625ಕ್ಕೆ 625 ಅಂಕ ಪಡೆದ ಟಾಪರ್ ಆಗಿ ಹೊರಹೊಮ್ಮಿದ ಸನ್ನಿಧಿ, ಚಿರಾಯು ಸೇರಿ 6 ವಿದ್ಯಾರ್ಥಿಗಳು!

ಅಂತ್ಯಕ್ರಿಯೆ ವೇಳೆ ಬಳಸಿದ ಪರಿಕರಗಳನ್ನು ಮುನ್ನೆಚ್ಚರಿಕೆಗಳೊಂದಿಗೆ ನಿರ್ವಹಣೆ ಮಾಡಬೇಕು. ಹೊರಮೈಯನ್ನು ಶೇ.1 ಸೋಡಿಯಂ ಹೈಪೊಕ್ಲೋರಿಟ್ ದ್ರಾವಣದಿಂದ ಸೋಂಕು ಬಳಸಬೇಕು. ಬಳಸಿದ ಉಪಕರಣಗಳನ್ನು ಸೋಂಕು ತಡೆಗಟ್ಟುವಿಕೆ ಮತ್ತು ನಿಯಂತ್ರಣ ಅಭ್ಯಾಸಗಳಿಗೆ ಅನುಗುಣವಾಗಿ ಬಳಸಬೇಕು. ಸೋಂಕು ನಿವಾರಕ ದ್ರಾವಣಗಳಿಂದ ಡಿಸೋನ್ಸಿಯಂಟ್ ದ್ರಾವಣಗಳನ್ನು ಬಳಸಬೇಕು. ಜೈವಿಕ ವೈದ್ಯಕೀಯ ತ್ಯಾಜ್ಯ ನಿರ್ವಹಣಾ ನಿಯಮಗಳ ಅನುಸಾರ ವೈದ್ಯಕೀಯ ತ್ಯಾಜ್ಯವನ್ನು ವಿಲೇವಾರಿ ಮಾಡಬೇಕು. ಇದೇ ರೀತಿ ಸ್ಮಶಾನ, ಆರೋಗ್ಯ ಕಾರ್ಯಕರ್ತರು, ಆಸ್ಪತ್ರೆ ಸಿಬ್ಬಂದಿ ಅನುಸರಿಸಬೇಕಾದ ಕ್ರಮಗಳ ಬಗ್ಗೆಯೂ ಮಾರ್ಗಸೂಚಿಯಲ್ಲಿ ವಿವರಿಸಲಾಗಿದೆ.