Mahindra: ಕೋವಿಡ್-19 ಇನ್ಶುರೆನ್ಸ್ ಪ್ಲಾನ್ ಪರಿಚಯಿಸಿದ ಮಹೀಂದ್ರಾ ಸಂಸ್ಥೆ; ಆದರೆ ಈ ಗ್ರಾಹಕರಿಗೆ ಮಾತ್ರ!

ಕೊರೋನಾ ಕಾಲಘಟ್ಟದಲ್ಲಿ ಮಹೀಂದ್ರಾ ಕಂಪನಿ ಕೋವಿಡ್​ 19 ಇನ್ಶುರೆನ್ಸ್​ ಪ್ಲಾನ್​ ಅನ್ನು ನೀಡಿದೆ. ಆ ಮೂಲಕ ಗ್ರಾಹಕರ ಕುಟುಂಬಕ್ಕೆ ಆಸರೆಯಾಗಿದೆ.

ಕೊರೋನಾ ಸಮಯದಲ್ಲಿ ಹಣದ ಅಭಾವ ಹೆಚ್ಚಾಗಿದೆ. ಹೀಗಾಗಿ ಹಲವಾರು ಕಂಪನಿಗಳು ಇನ್ಶುರೆನ್ಸ್​ ಪ್ಲಾನ್​​​ಗಳನ್ನು ನೀಡುತ್ತಾ ಬಂದಿದೆ. ಇದೀಗ ಮಹೀಂದ್ರಾ ಸಂಸ್ಥೆ ಬುಲೆರೋ ಪಿಕ್-​ಅಪ್ ವಾಹನದ​ ಮಾಲೀಕರಿಗೆ 1 ಲಕ್ಷದವರೆಗೆ ಆರೋಗ್ಯ ವಿಮೆಯನ್ನು​ ನೀಡುತ್ತಿದೆ. ಅದರ ಜೊತೆಗೆ ಕುಟುಂಬ ಸದಸ್ಯರಿಗೆ (ಇಬ್ಬರು ಮಕ್ಕಳಿಗೆ) ಈ ಸೇವೆಯನ್ನು ಒದಗಿಸುತ್ತಿದೆ.

ಮಹೀಂದ್ರಾ ತನ್ನ ಬುಲೆಲೋ ಪಿಕ್​-ಅಪ್​ ಮೇಲೆ ನೀಡಿರುವ ಇನ್ಶುರೆನ್ಸ್​ ಪ್ಲಾನ್​​ ಅಕ್ಟೋಬರ್​ 1 ರಿಂದ ಪ್ರಾರಂಭವಾಗಿ ನವೆಂಬರ್​​ 30ರ ವರೆಗೆ ಚಾಲ್ತಿಯಲ್ಲಿ ಇರಲಿದೆ ಎಂದು ಕಂಪನಿ ತಿಳಿಸಿದೆ.

ಕೊರೋನಾ ಸಮಯದಲ್ಲಿ ಚಾಲಕರು ಎದೆಗುಂದದೆ ಕೆಲಸ ಮಾಡುತ್ತಿದ್ದಾರೆ. ಇದನ್ನು ಮನಗಂಡ ಮಹೀಂದ್ರಾ ಸಂಸ್ಥೆ ಬುಲೆರೋ ಪಿಕ್-​ಅಪ್​ ವಾಹನದ ಮೇಲೆ ಇನ್ಶುರೆನ್ಸ್​ ನೀಡುತ್ತಿದೆ. ಸಂಕಷ್ಟದಲ್ಲಿ ಕಾಲದಲ್ಲಿ ನೆರವಾಗಲಿ ಎಂದು ಈ ಸೇವೆಯನ್ನು ತಂದಿದೆ.



ಮಹೀಂದ್ರಾ ಕಂಪನಿ ಇನ್ಶುರೆನ್ಸ್​ ಪ್ಲಾನ್​ಗಾಗಿ ಒರಿಯಂಟಲ್​​ ಇನ್ಶುರೆನ್ಸ್​ ಕಂಪನಿ ಜೊತೆ ಕೈಜೋಡಿಸಿದೆ. ಪಿಕ್​-ಅಪ್​ ವಾಹನ ಚಾಲಕಮ ಫ್ಯಾಮಿಲಿಗೆ ಕೊರೋನಾ ಸೋಂಕು ತಗುಲಿದರೆ. ಈ ಆರೋಗ್ಯ ವಿಮೆ ಮೂಲಕ ಆಸ್ಪತ್ರೆಯ ಖರ್ಚು ಭರಿಸಬಹುದಾಗಿದೆ.