ಕೊರೋನಾ ಬಗ್ಗೆ ಕೋಡಿ ಮಠ ಭವಿಷ್ಯ; ಇಡೀ ಜಗತ್ತನ್ನೇ ಆವರಿಸುವ ಖಾಯಿಲೆಗೆ ಭಾರತದ ಮಂತ್ರಶಕ್ತಿಯಲ್ಲಿದೆಯಂತೆ ಪರಿಹಾರ!

ಹಾಸನ (ಮಾರ್ಚ್​ 05); "ನಾನು ಈ ಹಿಂದೆಯೇ ಹೇಳಿದ್ದೆ, ಮದ್ದಿಲ್ಲದ ಖಾಯಿಲೆ ಬರುತ್ತೆ ಅಂತ ಅದು ಈಗ ನಿಜವಾಗಿದೆ. ಪ್ರಸ್ತುತ ಇಡೀ ಜಗತ್ತಿಗೆ ಆವರಿಸಿರುವ ಕೊರೋನಾ ವೈರಸ್​ ಸಾವಿರಾರು ಸಂಖ್ಯೆಯಲ್ಲಿ ಜೀವ ಬಲಿ ಪಡೆಯಲಿದೆ. ಆದರೆ, ಈ ಮದ್ದಿಲ್ಲದ ಸೋಂಕಿಗೆ ಭಾರತದ ಮಂತ್ರಶಕ್ತಿಯಲ್ಲಿ ಮಾತ್ರ ಪರಿಹಾರ ಇದೆ" ಎಂದು ಕೋಡಿ ಮಠದ ಕೋಡಿ ಶ್ರೀ ಭವಿಷ್ಯ ನುಡಿದಿದ್ದಾರೆ.

ಕೊರೋನಾ ವೈರಸ್​ ಸೋಂಕಿನ ಕುರಿತು ಇಂದು ಹಾಸನ ತಾಲೂಕಿನ ಕೋಡಿ ಮಠದ ಶಿವಾನಂದ ಶಿವಯೋಗಿ ರಾಜೇಂದ್ರ ಶ್ರೀಗಳು ಭವಿಷ್ಯ ನುಡಿದಿದ್ದು, "ಈಗ ಬಂದಿರುವ ಕೊರೋನಾ ವೈರಸ್​ ಇಡೀ ವಿಶ್ವವನ್ನು ಆವರಿಸಲಿದೆ, ಇನ್ನೂ ಸಾವಿರಾರು ಜನ ಈ ಸೋಂಕಿಗೆ ಬಲಿಯಾಗಲಿದ್ದಾರೆ. ನಾನು ಈ ಹಿಂದೆಯೇ ಹೇಳಿದ್ದೆ ಮದ್ದಿಲ್ಲದ ಖಾಯಿಲೆ ಬರುತ್ತೆ ಅಂತ. ಆದರೆ, ಆ ಭವಿಷ್ಯ ಈಗ ನಿಜವಾಗಿದೆ. ಈಗ ಬಂದ ಖಾಯಿಲೆ ಭವಿಷ್ಯದಲ್ಲಿ ಜಡತ್ವದಂತಹ ಕಲ್ಲು, ಮಣ್ಣು, ಮರಗಳಿಗೂ ಆವರಿಸಲಿದೆ ಎಂದು ಭವಿಷ್ಯ ನುಡಿದಿದ್ದಾರೆ.

"ಮಹಾಮಾರಿಯಾಗಿರುವ ಈ ಸೋಂಕಿಗೆ ಮದ್ದು ಕಂಡು ಹಿಡಿಯುವುದು ಅಷ್ಟು ಸುಲಭದ ಕೆಲಸವಲ್ಲ. ಆದರೆ, ಇದಕ್ಕೆ ಭಾರತದಲ್ಲಿ ಮಾತ್ರ ಪಡಿಹಾರ ಇದೆ. ಕರೋನಾ ವೈರಸ್ ಗೆ ತಂತ್ರಕ್ಕಿಂತ ಭಾರತದ ಮಂತ್ರ ಶಕ್ತಿಯಲ್ಲೇ ಪರಿಹಾರವಿದೆ. ಋಷಿ ಮುನಿಗಳು ಕೊಟ್ಟ ಗಿಡಮೂಲಿಕೆ, ಹಳ್ಳಿ ನಾಟಿ ವೈದ್ಯರಿಂದ ಮಾತ್ರ ಈ ಸೋಂಕನ್ನು ಗುಣಪಡಿಸಲು ಸಾಧ್ಯ" ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ : ಕೊರೋನಾ ಸೋಂಕು ತಗುಲಿರುವ ಶಂಕೆ; ಭಯದಿಂದ ಹೆಂಡತಿಯನ್ನು ಸ್ನಾನಗೃಹದಲ್ಲೇ ಕೂಡಿ ಹಾಕಿದ ಗಂಡ