ಲಾಕ್​ಡೌನ್ ನಡುವೆಯೂ ಗುಂಡ್ಲುಪೇಟೆ ಬಿಜೆಪಿ ಶಾಸಕ ನಿರಂಜನ್ ಕುಮಾರ್ ಮಗನ ಕುದುರೆ ಸವಾರಿ!

ಬೆಂಗಳೂರು: ಮಾರಕ ಕೊರೋನಾ ವೈರಸ್ ಭೀತಿಯಿಂದ ಇಡೀ ದೇಶವನ್ನೇ ಲಾಕ್​ಡೌನ್ ಮಾಡಲಾಗಿದೆ. ಅಗತ್ಯವಿದ್ದವರು ಮಾತ್ರ ರಸ್ತೆಗಳಲ್ಲಿ ಓಡಾಡಲು ಸರ್ಕಾರ ಅನುಮತಿ ನೀಡಿದೆ, ಅದು ಪಾಸ್​ ಪಡೆದು. ಒಂದು ವೇಳೆ ಸಾರ್ವಜನಿಕರು ಪಾಸ್​ ಪಡೆಯದೆ ಅನಗತ್ಯವಾಗಿ ರಸ್ತೆಯಲ್ಲಿ ಓಡಾಡಿದರೆ ಅವರಿಗೆ ದಂಡ ಹಾಕಲಾಗುತ್ತಿದೆ. ಆದರೆ, ಈ ಕಾನೂನು ಕೇವಲ ಜನ ಸಾಮಾನ್ಯರಿಗೆ ಮಾತ್ರ. ರಾಜಕಾರಣಿಗಳ ಮಕ್ಕಳಿಗೆ ಈ ಕಾನೂನು ಅನ್ವಯವಾಗುವುದಿಲ್ಲ!

ಇಲ್ಲೊಬ್ಬರು ಲಾಕ್​ಡೌನ್​ ಸಮಯದಲ್ಲಿ ರಸ್ತೆಯ ಮೇಲೆ ರಾಜಾರೋಷವಾಗಿ ಕುದುರೆ ಸವಾರಿ ಮಾಡಿದ್ದಾರೆ. ಆದರೂ ಅವರ ಮೇಲೆ ಯಾವುದೇ ಕ್ರಮವನ್ನು ಜರುಗಿಸಿಲ್ಲ. ಅಷ್ಟಕ್ಕೂ ಹೀಗೆ ರಸ್ತೆಯ ಮೇಲೆ ಸಿನಿಮಾ ಶೈಲಿಯಲ್ಲಿ ಕುದುರೆ ಮೇಲೆ ಸವಾರಿ ಮಾಡಿದವರು ಬೇರೆ ಯಾರೂ ಅಲ್ಲ, ಚಾಮರಾಜನಗರ ಜಿಲ್ಲೆ, ಗುಂಡ್ಲುಪೇಟೆಯ ಬಿಜೆಪಿ ಶಾಸಕ ನಿರಂಜನ ಕುಮಾರ್ ಅವರ ಮಗ ಭುವನ್ ಕುಮಾರ.

If your a common man in a red zone during lockdown, you have restrictions on using ur bike/car. If you are an MLAs son you can ride a horse on the Highway. 

Watch Gundlupet @BJP4Karnataka MLA Niranjan Kumars son riding his horse around like a prince. #COVID19 #VIP #Priorities pic.twitter.com/1VeEjC62hN

— Deepak Bopanna (@dpkBopanna) May 12, 2020

ಶಾಸಕರ ಮಗ ಕುದುರೆ ಸವಾರಿ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಜನಸಾಮಾನ್ಯರೂ ರಸ್ತೆಯಲ್ಲಿ ಓಡಾಡಿದರೆ ಹಿಡಿದು ಕೇಳುವ ಪೊಲೀಸರು ಶಾಸಕರ ಮಗ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮೇಲೆ ಕುದುರೆ ಸವಾರಿ ಶೋಕಿ ಮಾಡಿದರೂ ಕೇಳುವುದಿಲ್ಲ ಎಂದು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ಕೊರೋನಾ ಸಂಕಷ್ಟ ಸಮಯದಲ್ಲಿ ಜನರು ಅನಗತ್ಯವಾಗಿ ಮನೆಯಿಂದ ಹೊರಗೆ ಬರಬೇಡಿ ಎಂದು ಸರ್ಕಾರಗಳೇ ಜನರಲ್ಲಿ ಮನವಿ ಮಾಡಿಕೊಳ್ಳುತ್ತಿದೆ. ಆದರೆ, ಶಾಸಕರ ಮಕ್ಕಳೇ ಹೀಗೆ ಮಾಡಿದರೆ ಹೇಗೆ ಎಂದು ಜನರು ಪ್ರಶ್ನೆ ಮಾಡುತ್ತಿದ್ದಾರೆ.

ಇದನ್ನು ಓದಿ: ‘ಕರ್ನಾಟಕದ ಪಾಲಿನ 5,000 ಕೋಟಿ ರೂ. ಹಣ ನೀಡದೆ ಕನ್ನಡಿಗರಿಗೆ ದ್ರೋಹ ಬಗೆದ ನಿರ್ಮಲಾ ಸೀತರಾಮನ್​​’ - ಸಿದ್ದರಾಮಯ್ಯ