HOME » NEWS » Coronavirus-latest-news » INDIAN AIR FORCE IAF AIRLIFTS OXYGEN CONTAINERS FROM GERMANY AND UNITED KINGDOM TO INDIA SCT

IAF ವಿಮಾನದ ಮೂಲಕ ಇಂಗ್ಲೆಂಡ್, ಜರ್ಮನಿಯಿಂದ ಭಾರತಕ್ಕೆ ಆಕ್ಸಿಜನ್ ಕಂಟೇನರ್​ಗಳ ಏರ್​ಲಿಫ್ಟ್​

Indian Air Force: ಜರ್ಮನಿಯಿಂದ 4 ಆಕ್ಸಿಜನ್ ಕಂಟೇನರ್​​ಗಳನ್ನು ಭಾರತೀಯ ವಾಯುಪಡೆ ಭಾರತಕ್ಕೆ ಏರ್​ಲಿಫ್ಟ್​ ಮಾಡಿದೆ. ಇದರ ಜೊತೆಗೆ ವಾಯುಸೇನೆಯ ವಿಮಾನಗಳಲ್ಲಿ ಇಂಗ್ಲೆಂಡ್​ನಿಂದ 450 ಆಕ್ಸಿಜನ್ ಸಿಲಿಂಡರ್​ಗಳನ್ನು ತಮಿಳುನಾಡಿನ ಚೆನ್ನೈ ವಾಯುನೆಲೆಗೆ ಏರ್​ಲಿಫ್ಟ್​ ಮಾಡಲಾಗಿದೆ.

Sushma Chakre | news18-kannada
Updated:May 3, 2021, 9:35 AM IST
IAF ವಿಮಾನದ ಮೂಲಕ ಇಂಗ್ಲೆಂಡ್, ಜರ್ಮನಿಯಿಂದ ಭಾರತಕ್ಕೆ ಆಕ್ಸಿಜನ್ ಕಂಟೇನರ್​ಗಳ ಏರ್​ಲಿಫ್ಟ್​
ಭಾರತೀಯ ವಾಯುಸೇನಾ ವಿಮಾನದ ಮೂಲಕ ಆಕ್ಸಿಜನ್ ಕಂಟೇನರ್​​ಗಳ ಏರ್​ಲಿಫ್ಟ್​
  • Share this:
ನವದೆಹಲಿ (ಮೇ 3): ಭಾರತದಲ್ಲಿ ಕೊರೋನಾ ಅಬ್ಬರ ಮುಂದುವರೆದಿದ್ದು, ಕರ್ನಾಟಕ ಸೇರಿದಂತೆ ಹಲವು ರಾಜ್ಯಗಳಲ್ಲಿ ಪ್ರತಿದಿನ 40 ಸಾವಿರಕ್ಕೂ ಅಧಿಕ ಕೊರೋನಾ ಪಾಸಿಟಿವ್ ಕೇಸ್​ಗಳು ದಾಖಲಾಗುತ್ತಿವೆ. ಆಕ್ಸಿಜನ್ ಸಿಲಿಂಡರ್ ಇಲ್ಲದೆ ರೋಗಿಗಳು ಸಾವನ್ನಪ್ಪಿದ ಪ್ರಕರಣಗಳೂ ನಡೆದಿವೆ. ಹೀಗಾಗಿ, ಈಗಾಗಲೇ ನಾನಾ ದೇಶಗಳು ಭಾರತಕ್ಕೆ ಆಕ್ಸಿಜನ್ ಸರಬರಾಜು ಮಾಡಿವೆ. ದೇಶದ ನಾನಾ ಭಾಗಗಳಿಗೆ ತ್ವರಿತವಾಗಿ ಆಕ್ಸಿಜನ್ ಪೂರೈಕೆ ಮಾಡಲು ಭಾರತೀಯ ವಾಯುಪಡೆ ಕೂಡ ಕೈ ಜೋಡಿಸಿದ್ದು, ಸೇನಾ ವಿಮಾನದ ಮೂಲಕ ಆಕ್ಸಿಜನ್ ಟ್ಯಾಂಕರ್​ಗಳ ಸಾಗಾಟ ಮಾಡಲಾಗುತ್ತಿದೆ.

ಇದರ ಜೊತೆಗೆ ಇದೀಗ ಜರ್ಮನಿಯಿಂದ 4 ಆಕ್ಸಿಜನ್ ಕಂಟೇನರ್​​ಗಳನ್ನು ಭಾರತೀಯ ವಾಯುಪಡೆ ಭಾರತಕ್ಕೆ ಏರ್​ಲಿಫ್ಟ್​ ಮಾಡಿದೆ. ಭಾರತೀಯ ವಾಯುಸೇನೆಯ ಸಿ-17 ವಿಮಾನದ ಮೂಲಕ ಭಾನುವಾರ 4 ಕ್ರಿಯೋಜೆನಿಕ್ ಆಕ್ಸಿಜನ್ ಕಂಟೇನರ್​ಗಳನ್ನು ದೆಹಲಿಯ ಹಿಂಡನ್ ವಾಯುನೆಲೆಗೆ ಶಿಫ್ಟ್ ಮಾಡಲಾಗಿದೆ.




ಇದರ ಜೊತೆಗೆ ವಾಯುಸೇನೆಯ ವಿಮಾನಗಳಲ್ಲಿ ಇಂಗ್ಲೆಂಡ್​ನಿಂದ 450 ಆಕ್ಸಿಜನ್ ಸಿಲಿಂಡರ್​ಗಳನ್ನು ತಮಿಳುನಾಡಿನ ಚೆನ್ನೈ ವಾಯುನೆಲೆಗೆ ಏರ್​ಲಿಫ್ಟ್​ ಮಾಡಲಾಗಿದೆ. ಹಾಗೇ, ಸಿ-17 ವಿಮಾನಗಳಲ್ಲಿ ಚಂಡೀಗಢದಿಂದ ಭುವನೇಶ್ವರಕ್ಕೆ 2 ಕ್ರಿಯೋಜೆನಿಕ್ ಆಕ್ಸಿಜನ್ ಕಂಟೇನರ್​ಗಳನ್ನು ಏರ್​ಲಿಫ್ಟ್ ಮಾಡಲಾಗಿದೆ.


ಜೋಧ್​ಪುರದಿಂದ ಜಾಮ್ನಾಗರಕ್ಕೆ 2 ಆಕ್ಸಿಜನ್ ಕಂಟೇನರ್​ಗಳು, ಹಿಂಡನ್​ನಿಂದ ರಾಂಚಿಗೆ 2 ಆಕ್ಸಿಜನ್ ಕಂಟೇನರ್​ಗಳು, ಇಂದೋರ್​ನಿಂದ ಜಾಮ್ನಾಗರಕ್ಕೆ 2 ಮತ್ತು ಹಿಂಡನ್​ನಿಂದ ಭುವನೇಶ್ವರಕ್ಕೆ 2 ಆಕ್ಸಿಜನ್ ಕಂಟೇನರ್​ಗಳನ್ನು ಏರ್​ಲಿಫ್ಟ್ ಮಾಡಲಾಗಿದೆ ಎಂದು ಭಾರತೀಯ ವಾಯುಪಡೆ ಮಾಹಿತಿ ನೀಡಿದೆ.

ದೇಶದಲ್ಲಿ ಕೊರೊನಾ ಆರ್ಭಟ ಮುಂದುವರೆದಿದ್ದು, ಕಳೆದ 24 ಗಂಟೆಯಲ್ಲಿ 3,68,147 ಮಂದಿಗೆ ಸೋಂಕು ಪತ್ತೆಯಾಗಿದೆ. ಈ ಮೂಲಕ ಕೊರೋನಾ ಪೀಡಿತರ ಸಂಖ್ಯೆ 1,99,25,604ಕ್ಕೆ ಏರಿಕೆಯಾಗಿದೆ. ಕಳೆದ 24 ಗಂಟೆಯಲ್ಲಿ ಗುಣ ಆದವರು 3,00,732 ಜನ. ಇನ್ನೂ ಸಕ್ರಿಯವಾಗಿರುವ ಪ್ರಕರಣಗಳು 34,13,642. ಕಳೆದ 24 ಗಂಟೆಯಲ್ಲಿ ಕೊರೋನಾಗೆ 3,417 ಜನ ಬಲಿಯಾಗಿದ್ದಾರೆ. ಭಾರತದಲ್ಲಿ ಈವರೆಗೆ ಕೊರೋನಾಗೆ 2,18,959 ಜನ ಬಲಿಯಾಗಿದ್ದಾರೆ.
Published by: Sushma Chakre
First published: May 3, 2021, 9:35 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories