Coronavirus: ಮನೆಯೊಳಗೆ ಕ್ರಿಕೆಟ್ ಆಡಿ ಜನತೆಗೆ ವಿಶೇಷ ಸಂದೇಶ ನೀಡಿದ ಪಾಂಡ್ಯ ಬ್ರದರ್ಸ್​​

ದೇಶಾದ್ಯಂತ ಸೋಮವಾರ 227 ಹೊಸ ಕೊರೋನಾ ವೈರಸ್ ಪ್ರಕರಣ ದಾಖಲಾಗಿದೆ. ಈ ಮೂಲಕ ಕೊರೋನಾ ಸೋಂಕು ತಗುಲಿದವರ ಸಂಖ್ಯೆ 1251ಕ್ಕೆ ಏರಿಕೆ ಆಗಿದೆ. ಸಾವಿನ ಸಂಖ್ಯೆ 32ರ ಗಡಿ ತಲುಪಿದೆ. ಕಟ್ಟುನಿಟ್ಟಾಗಿ ಲಾಕ್ ಡೌನ್ ಜಾರಿಗೆ ತಂದರೂ ಭಾರತದಲ್ಲಿ ಕೊರೋನಾ ಸೋಂಕಿತರ ಸಂಖ್ಯೆ ಏರುತ್ತಲೇಯಿದೆ.

ಹೀಗಾಗಿ ಸಿನಿ ತಾರೆಯರು, ಕ್ರಿಕೆಟಿಗರು ಸಾಮಾಜಿಕ ತಾಲತಾಣಗಳಲ್ಲಿ ಮನೆಯ ಒಳಗೆಯೆ ಸುರಕ್ಷಿತವಾಗಿರಿ ಎಂಬ ಸಂದೇಶ ನೀಡುತ್ತಿದ್ದಾರೆ. ಸದ್ಯ ಟೀಂ ಇಂಡಿಯಾ ಡ್ಯಾಶಿಂಗ್ ಆಲ್​ರೌಂಡರ್​ಗಳಾದ ಹಾರ್ದಿಕ್ ಪಾಂಡ್ಯ ಮತ್ತು ಕೃನಾಲ್ ಪಾಂಡ್ಯ ದೇಶದ ಜನತೆಗೆ ವಿಶೇಷವಾಗಿ ಸಂದೇಶವೊಂದನ್ನು ನೀಡಿದ್ದಾರೆ.

COVID-19: ಕೊರೋನಾ ವಿರುದ್ಧದ ಹೋರಾಟಕ್ಕೆ 1.25 ಕೋಟಿ ರೂಪಾಯಿ ನೀಡಿದ ಸಾನಿಯಾ ಮಿರ್ಜಾ

ಪಾಂಡ್ಯ ಬ್ರದರ್ಸ್​ ತಮ್ಮ ಮನೆಯ ಕೊಠಡಿಯಲ್ಲೇ ಕ್ರಿಕೆಟ್ ಆಟವಾಡಿ, 'ಎಲ್ಲರೂ ಮನೆಯಲ್ಲಿಯೇ ಇರಿ, ಸುರಕ್ಷಿತವಾಗಿರಿ. ಎಲ್ಲರಿಗೂ ಮನವಿ ಮಾಡುತ್ತೇನೆ ಲಾಕ್‌ಡೌನ್‌ ಅನ್ನು ಚಾಚು ತಪ್ಪದೇ ಪಾಲಿಸಿ ಹಾಗೂ ಕೊರೋನಾ ವೈರಸ್‌ ಹರಡುವುದನ್ನು ನಿಲ್ಲಿಸಿ' ಎಂಬ ಸಂದೇಶವನ್ನು ನೀಡಿದ್ದಾರೆ. ಈ ವೀಡಿಯೋವನ್ನು ಇನ್‌ಸ್ಟಾಗ್ರಾಂ ಹಾಗೂ ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಿದ್ದಾರೆ.

We can have fun indoors too 😊 Please stay home and be safe everyone 🤗 @hardikpandya7 pic.twitter.com/bje9m5n99j

— Krunal Pandya (@krunalpandya24) March 29, 2020

ಇ‌ಂಡೋರ್ ಕ್ರಿಕೆಟ್ ಸೆಷನ್ ನಂತರ ಹಾರ್ದಿಕ್ ಹಾಗೂ ಕ್ರುನಾಲ್, ಹ್ಯಾಂಡ್ ಸ್ಯಾನಿಟೈಸರ್ ಬಳಸಿ ಕೊರೋನಾ ವಿರುದ್ದ ನಾವೆಲ್ಲಾ ಒಟ್ಟಾಗಿ ಹೋರಾಡೋಣ ಎಂದು ದೇಶದ ಜನತೆಗೆ ಕರೆ ನೀಡಿದ್ದಾರೆ.

RCB ವಿರುದ್ಧ ಅತೀ ಹೆಚ್ಚು ಸಿಕ್ಸ್ ಸಿಡಿಸಿದ ಬ್ಯಾಟ್ಸ್​ಮನ್​ಗಳು ಇವರು..!

ಮೊನ್ನೆಯಷ್ಟೆ ಹಾರ್ದಿಕ್ ಪಾಂಡ್ಯ ತಮ್ಮ ಭಾವಿ ಪತ್ನಿ ನತಾಶ ಸ್ಟ್ಯಾನ್​​ಕೊವಿಚ್, ಸಹೋದರ ಕ್ರುನಾಲ್ ಪಾಂಡ್ಯ ಮತ್ತು ಅವರ ಪತ್ನಿ ಪಾಂಖುರಿ ಶರ್ಮಾರೊಂದಿಗೆ ವರ್ಕ್​ಔಟ್ ಮಾಡುತ್ತಿರುವ ಫೋಟೋವನ್ನು ಹಂಚಿಕೊಂಡಿದ್ದರು.

What a fun session with my babies 💪🏾✌🏾 pic.twitter.com/PFWk7kcKoD

— hardik pandya (@hardikpandya7) March 28, 2020

ಕೇಂದ್ರ ಆರೋಗ್ಯ ಸಚಿವಾಲಯದ ಮಾಹಿತಿ ಪ್ರಕಾರ, 1,117 ಮಂದಿಯಲ್ಲಿ ಈಗ ಕೊರೋನಾ ಸೋಂಕು ಇರುವುದು (Active cases) ಪತ್ತೆಯಾಗಿದೆ. 102 ಮಂದಿ ಸೋಂಕಿನಿಂದ ಮುಕ್ತಗೊಂಡು ಆಸ್ಪತ್ರೆಯಿಂದ ಡಿಸ್​ಚಾರ್ಜ್ ಆಗಿದ್ದಾರೆ. 32 ಜನ ಮೃತಪಟ್ಟಿದ್ದಾರೆ. ಮುಂದಿನ ದಿನಗಳಲ್ಲಿ ಸೋಂಕಿತರ ಸಂಖ್ಯೆ ಹೆಚ್ಚುವ ಸಾಧ್ಯತೆ ಇದೆ ಎಂದು ಆರೋಗ್ಯ ಇಲಾಖೆ ಎಚ್ಚರಿಕೆ ನೀಡಿದೆ.