• Home
  • »
  • News
  • »
  • coronavirus-latest-news
  • »
  • ಕೊರೋನಾ ತಡೆಗೆ ತುರ್ತು ಜಿ20 ಶೃಂಗಸಭೆ; ಸಾಂಕ್ರಾಮಿಕ ರೋಗ ತಡೆಗಟ್ಟಲು ಜಾಗತಿಕ ವೇದಿಕೆಯಲ್ಲಿ ಪ್ರಧಾನಿ ಮೋದಿ ಮನವಿ

ಕೊರೋನಾ ತಡೆಗೆ ತುರ್ತು ಜಿ20 ಶೃಂಗಸಭೆ; ಸಾಂಕ್ರಾಮಿಕ ರೋಗ ತಡೆಗಟ್ಟಲು ಜಾಗತಿಕ ವೇದಿಕೆಯಲ್ಲಿ ಪ್ರಧಾನಿ ಮೋದಿ ಮನವಿ

ಪ್ರಧಾನಿ ಮೋದಿ.

ಪ್ರಧಾನಿ ಮೋದಿ.

ಜಿ 20 ಖಾತೆಯಲ್ಲಿ ಜಗತ್ತಿನ ಶೇ.80ರಷ್ಟು ಜಿಡಿಪಿ ಇದೆ ಮತ್ತು ಜಾಗತಿಕವಾಗಿ ಶೇ.60ರಷ್ಟು ಜನಸಂಖ್ಯೆ ಇದೆ. ಇದೇ ಸಮಯದಲ್ಲಿ ನಮ್ಮ ಬಳಿ ಜಾಗತಿಕವಾಗಿ ಶೇ.90ರಷ್ಟು ಕೋವಿಡ್-19 ಪ್ರಕರಣಗಳಿವೆ ಮತ್ತು ಇದರಿಂದ ಉಂಟಾದ ಮರಣ ಪ್ರಮಾಣ ಶೇ.88ರಷ್ಟಿದೆ ಎಂದು ಹೇಳಿದರು.

  • Share this:

    ನವದೆಹಲಿ: ಮಾರಣಾಂತಿಕ ಕೊರೋನಾ ವೈರಸ್ ಜಾಗತಿಕ ಸಾಂಕ್ರಾಮಿಕ ರೋಗದ ವಿರುದ್ಧ ಪರಸ್ಪರ ಸಹಕಾರದೊಂದಿಗೆ ಹೋರಾಡುವ ಸಲುವಾಗಿ ಇಂದು ತುರ್ತು ಜಿ20 ​ ಶೃಂಗಸಭೆ ನಡೆಯಿತು. 


    ಕೋವಿಡ್-19 ವಿಷಯವಾಗಿ ನಡೆದ ತುರ್ತು ಜಿ20 ಸಮ್ಮೇಳನ ನಾಯಕರಿಗೆ ಮಾತ್ರ ಮುಕ್ತವಾಗಿ, ಗೌಪ್ಯವಾಗಿ ನಡೆಯಿತು. ಸಭೆಯ ಬಳಿಕ ನಾಯಕರು ಜಂಟಿ ಹೇಳಿಕೆ ನೀಡಲಿದ್ದಾರೆ.


    ಶೃಂಗಸಭೆಯಲ್ಲಿ ಪಾಲ್ಗೊಂಡ ಪ್ರಧಾನಿ ಮೋದಿ ಅವರು, ಈ ದುರಂತದಲ್ಲಿ ಸಾವಿರಾರು ಮಂದಿ ತಮ್ಮ ಪ್ರಾಣ ಕಳೆದುಕೊಂಡಿದ್ದಾರೆ. ಅದರ ಸಾಮಾಜಿಕ ಮತ್ತು ಆರ್ಥಿಕ ವೆಚ್ಚಗಳು ಅಷ್ಟೇ ಆತಂಕಕಾರಿ. ಅದು ಎಲ್ಲರಿಗೂ ಎಚ್ಚರಿಕೆಯ ಗಂಟೆ ಕೂಡ ಹೌದು. ಹೇಗಾದರೂ ನಾವು ನಮ್ಮ ತಕ್ಷಣದ ಆಘಾತವನ್ನು ಮೀರಿ, ಈ ಸಾಂಕ್ರಾಮಿಕ ರೋಗ ಹರಡದಂತೆ ತಡೆಗಟ್ಟಬೇಕಿದೆ ಎಂದು ಹೇಳಿದರು.


    2008ರ ಜಾಗತಿಕ ಆರ್ಥಿಕ ಬಿಕ್ಕಟ್ಟನ್ನು ತಗ್ಗಿಸುವ  ಪ್ರಮುಖ ವೇದಿಕೆಯಾಗಿ ಜಿ20 ಹೊರಹೊಮ್ಮಿತು. ಇದು ಆರ್ಥಿಕ ಸ್ಥಿರತೆ ಮತ್ತು ಬೆಳವಣಿಗೆಯನ್ನು ಉತ್ತೇಜಿಸಿದೆ. ಆದಾಗ್ಯೂ, ಈ ಪ್ರಕ್ರಿಯೆಯಲ್ಲಿ ನಾವು ಜಾಗತೀಕರಣವನ್ನು ವ್ಯಾಖ್ಯಾನಿಸುವ ಆರ್ಥಿಕ ಕಾರ್ಯಸೂಚಿಯನ್ನು ಸಂಪೂರ್ಣವಾಗಿ ಅನುಮೋದಿಸಿದ್ದೇವೆ ಎಂದರು.


    ಬಹುಪಕ್ಷಿಯ ವೇದಿಕೆಗಳು ಮಾನವೀಯ ಹಿತಾಸಕ್ತಿ ಉತ್ತೇಜಿಸುವಲ್ಲಿ ಕಡಿಮೆ ಪರಿಣಾಮಕಾರಿಯಾಗಿವೆ. ಅದು ಭಯೋತ್ಪಾದನೆ ವಿಷಯವಾಗಿರಬಹುದು ಅಥವಾ ಹವಾಮಾನ ಬದಲಾವಣೆ ವಿಷಯವಾಗಿರಬಹುದು. ಮತ್ತು ಈಗ ಇನ್ನೊಂದು ಉದಾಹರಣೆಯಿದೆ. ಈ ಬಿಕ್ಕಟ್ಟು ನಮ್ಮ ಅಮೂಲ್ಯವಾದ ಸಂಪನ್ಮೂಲವಾದ ನಮ್ಮ ಜೀವನ ಮತ್ತು ನಮ್ಮ ಆರೋಗ್ಯವನ್ನು ಕಸಿದುಕೊಳ್ಳುತ್ತಿದೆ. ಜಿ 20 ಖಾತೆಯಲ್ಲಿ ಜಗತ್ತಿನ ಶೇ.80ರಷ್ಟು ಜಿಡಿಪಿ ಇದೆ ಮತ್ತು ಜಾಗತಿಕವಾಗಿ ಶೇ.60ರಷ್ಟು ಜನಸಂಖ್ಯೆ ಇದೆ. ಇದೇ ಸಮಯದಲ್ಲಿ ನಮ್ಮ ಬಳಿ ಜಾಗತಿಕವಾಗಿ ಶೇ.90ರಷ್ಟು ಕೋವಿಡ್-19 ಪ್ರಕರಣಗಳಿವೆ ಮತ್ತು ಇದರಿಂದ ಉಂಟಾದ ಮರಣ ಪ್ರಮಾಣ ಶೇ.88ರಷ್ಟಿದೆ ಎಂದು ಹೇಳಿದರು. ಜೊತೆಗೆ ನಮ್ಮ ಆರ್ಥಿಕತೆಗಳು ಬಲವಾಗಿರಬಹುದು, ಆದರೆ ನಮ್ಮ ವ್ಯವಸ್ಥೆಗಳು ಸ್ಪಷ್ಟವಾಗಿ ದುರ್ಬಲವಾಗಿವೆ ಎಂದರು.


    ಇದನ್ನು ಓದಿ: ಕೋವಿಡ್-19: ದೇಶದಲ್ಲಿ ಸೋಂಕಿತರ ಸಂಖ್ಯೆ 649, 16 ಮಂದಿ ಸಾವು

    Published by:HR Ramesh
    First published: