ಡೈಮೆಂಡ್ ವಾಚ್, ಚಿನ್ನದ ಬಿಸ್ಕೆಟ್, ಗನ್.. ವಾಕ್ಸಿನ್ ಹಾಕಿಸಿಕೊಂಡವರಿಗೆ ಭರ್ಜರಿ ಗಿಫ್ಟ್, ಎಲ್ಲಿ ಗೊತ್ತಾ?

ಕೊರೊನಾ ಲಸಿಕೆ ಪಡೆಯುವವರಿಗೆ ಚಿನ್ನದ ಬಾರ್​ಗಳು, ರೋಲೆಕ್ಸ್ ಕೈಗಡಿಯಾರಗಳು ಮತ್ತು ಶಾಪಿಂಗ್ ವೋಚರ್ಸ್ ಸಹ ನೀಡಲು ಹಾಂಗ್ ಕಾಂಗ್‍ ಸಿದ್ಧವಾಗಿವೆ.

ಪ್ರಾತಿನಿಧಿಕ ಚಿತ್ರ

ಪ್ರಾತಿನಿಧಿಕ ಚಿತ್ರ

  • Share this:

    ಕೋವಿಡ್ ಇಡೀ ಜಗತ್ತನ್ನು ಭಯಭೀತಗೊಳಿಸಿದ ಕಾರಣ ಜನ ಇದುವರೆಗೂ ಮುಂದಿನ ದಿನಗಳಲ್ಲಿ ಯಾವ ಅಲೆ ಬರುತ್ತದೋ, ಎಷ್ಟು ಜನರನ್ನು ಬಲಿತೆಗೆದುಕೊಳ್ಳುತ್ತದೋ ಎಂಬ ಭಯದಲ್ಲೇ ಇದ್ದಾರೆ. ಆದರೆ ಈ ಭಯವನ್ನು ವ್ಯಾಕ್ಸಿನೇಷನ್  ಕೊಂಚ ಕಡಿಮೆ ಮಾಡಿದೆಯಾದರೂ ಇಂದಿಗೂ ಎಷ್ಟೋ ಮಂದಿ ಮೊದಲನೆ ಡೋಸ್ ಹಾಕಿಸಿಕೊಂಡಿಲ್ಲ. ಹಾಗಾಗಿ ಕೋವಿಡ್ -19 ಲಸಿಕೆಗಳನ್ನು ತೆಗೆದುಕೊಳ್ಳಲು ವಿಶ್ವದಾದ್ಯಂತದ ಜನರನ್ನು ಪ್ರೋತ್ಸಾಹಿಸುತ್ತಿರುವುದರಿಂದ, ಅವರು ನೀಡುವ ಪ್ರೋತ್ಸಾಹಗಳು ದಿನ ಕಳೆದಂತೆ ದೊಡ್ಡ ಪ್ರಮಾಣದಲ್ಲೇ ಮುಂದುವರೆಯುತ್ತಿದೆ. ಕಳೆದ ಕೆಲವು ತಿಂಗಳುಗಳಲ್ಲಿ ಹಲವಾರು ದೇಶಗಳಲ್ಲಿನ ಸರ್ಕಾರಗಳು ವ್ಯಾಕ್ಸಿನೇಷನ್ ಡ್ರೈವ್‍ಗಳನ್ನು ವೇಗಗೊಳಿಸಲು ಹಲವು ನವೀನ ಕ್ರಮಗಳನ್ನು ಕೈಗೊಂಡಿವೆ.


    ಎಲ್ಲಾ ವಯಸ್ಸಿನ ಜನರಲ್ಲಿ ಗಮನಾರ್ಹ ಶೇಕಡಾವಾರು ಜನರು ಇನ್ನೂ ಡೋಸ್ ತೆಗೆದುಕೊಳ್ಳಲು ಹಿಂಜರಿಯುತ್ತಿರುವುದರಿಂದ, ಅಧಿಕಾರಿಗಳು ಉಚಿತ ಆಟದ ಟಿಕೆಟ್, ಬಿಯರ್ ಮತ್ತು ಆಹಾರ ಪದಾರ್ಥಗಳಂತಹ ಆಫರ್‌ಗಳನ್ನು ಜನರ ಮುಂದಿಡುತ್ತಿದ್ದಾರೆ. ಕೆಲವು ವಾರಗಳ ಹಿಂದೆ, ಯುಎಸ್ ರಾಜ್ಯವಾದ ಪಶ್ಚಿಮ ವರ್ಜೀನಿಯಾದ ಆಡಳಿತವು ಲಾಟರಿ ಯೋಜನೆಯ ಮೂಲಕ ಲಸಿಕೆ ತೆಗೆದುಕೊಳ್ಳುವವರಿಗೆ ಬಂದೂಕುಗಳು, ಟ್ರಕ್ಕುಗಳು ಮತ್ತು ಹಣವನ್ನು ನೀಡಲು ನಿರ್ಧರಿಸಿತು. ಪಶ್ಚಿಮ ವರ್ಜೀನಿಯಾ ಗವರ್ನರ್ ಜಿಮ್ ಜಸ್ಟೀಸ್ ಹೊಸ ವ್ಯಾಕ್ಸಿನೇಷನ್ ಪ್ರೋತ್ಸಾಹಕ ಲಾಟರಿಯ ವಿವರಗಳನ್ನು ಹಂಚಿಕೊಂಡರು, ಇದು ಜೂನ್ 20 ರಂದು ಪ್ರಾರಂಭವಾಗಿ ಆಗಸ್ಟ್ 4 ಕ್ಕೆ ಕೊನೆಗೊಳ್ಳುತ್ತದೆ.


    ಇತರ ದೇಶಗಳಲ್ಲಿ, ಕೋವಿಡ್-19 ಲಸಿಕೆಗಳನ್ನು ತೆಗೆದುಕೊಳ್ಳುವವರಿಗೆ ಉಚಿತ ಬಿಯರ್, ಉಬರ್ ಸವಾರಿ ಮತ್ತು ಲಾಟರಿ ಹಣದಂತಹ ಪ್ರೋತ್ಸಾಹ ಧನ ನೀಡಲಾಗಿದೆ. ಆದರೆ ಈಗ, ಆಫರ್‌ಗಳು ಇನ್ನಷ್ಟು ದೊಡ್ಡದಾಗುತ್ತಿವೆ.ಹಾಂಗ್ ಕಾಂಗ್‌ನಲ್ಲಿ  ನೀವು ಲಸಿಕೆ ಡೋಸ್ ತೆಗೆದುಕೊಂಡರೆ ನೀವು ಟೆಸ್ಲಾ ಅಥವಾ ಸ್ವಾಂಕಿ ಹೊಸ ಅಪಾರ್ಟ್‍ಮೆಂಟಿನ ಮಾಲೀಕರಾಗಬಹುದು ಎಂದು ಹೇಳಿದೆ.


    ಬ್ಲೂಮ್‍ಬರ್ಗ್‍ನ ವರದಿಯ ಪ್ರಕಾರ, ಚಿನ್ನದ ಬಾರ್​ಗಳು, ರೋಲೆಕ್ಸ್ ಕೈಗಡಿಯಾರಗಳು ಮತ್ತು ಶಾಪಿಂಗ್ ವೋಚರ್ಸ್ ಸಹ ಹಾಂಗ್ ಕಾಂಗ್‍ನಲ್ಲಿ ನೀಡಲು ಸಿದ್ಧವಾಗಿವೆ. ಮತ್ತೊಂದೆಡೆ, ರಷ್ಯಾವು ಶೀತ ಪ್ರದೇಶಗಳಲ್ಲಿ ವಾಸಿಸುವ ಜನರಿಗೆ ನಿಜವಾಗಿಯೂ ಉಪಯುಕ್ತವಾಗುವ ಸ್ನೋಮೊಬೈಲ್ ನೀಡುತ್ತಿದೆ.ಡೆಲ್ಟಾ ರೂಪಾಂತರವು ತ್ವರಿತಗತಿಯಲ್ಲಿ ಹರಡಲು ಪ್ರಾರಂಭಿಸಿದ ನಂತರ ಅನೇಕ ದೇಶಗಳಲ್ಲಿ ಜನರು ಲಸಿಕೆ ಪಡೆಯಬೇಕೆಂಬ ಮನವಿ ಹೆಚ್ಚಾಗಿದೆ ಎಂದು ಬ್ಲೂಮ್‍ಬರ್ಗ್ ವರದಿ ಹೇಳಿದೆ.


    ಇದನ್ನೂ ಓದಿ: Bachpan Ka Pyaar : ಹಾಡಿನ ಮೂಲಕ ವೈರಲ್ ಆದ ಹಳ್ಳಿ ಬಾಲಕನಿಗೆ ಚಾನ್ಸ್ ಕೊಟ್ಟ ಬಾಲಿವುಡ್ ಗಾಯಕ ಬಾದ್​ಶಾ

    ಆದರೆ ಆಫರ್‌ಗಳು ಯಶಸ್ವಿ ವ್ಯಾಕ್ಸಿನೇಷನ್ ಡ್ರೈವ್‍ಗಳ ಉಲ್ಬಣಕ್ಕೆ ಕಾರಣವಾಗುತ್ತವೆಯೇ? ಇದು ಇನ್ನೂ ಸ್ಪಷ್ಟವಾಗಿಲ್ಲ.ಹಾಂಗ್ ಕಾಂಗ್‌ನಲ್ಲಿ, ಬ್ಲೂಮ್ಬರ್ಗ್ ಪ್ರಕಾರ, ಖಾಸಗಿ ವಲಯದ ಪ್ರೋತ್ಸಾಹ ಧನಗಳನ್ನು ಹೊರತಂದ ನಂತರ ಕಳೆದ ಏಳು ವಾರಗಳಲ್ಲಿ ಸಂಪೂರ್ಣ ಲಸಿಕೆ ಹಾಕಿದ ನಿವಾಸಿಗಳ ಸಂಖ್ಯೆ ದ್ವಿಗುಣಗೊಂಡಿದೆ.ಆರೋಗ್ಯ ಸಲಹೆಗಾರರು ಮಾತ್ರ ಜನಸಾಮಾನ್ಯರಿಗೆ ವ್ಯಾಕ್ಸಿನ್ ತೆಗೆದುಕೊಳ್ಳಲು ಪ್ರೋತ್ಸಾಹಿಸಲು ಪ್ರೋತ್ಸಾಹಕ ಯೋಜನೆಗಳು ಸಾಕಾಗುವುದಿಲ್ಲ ಎಂದು ತಜ್ಞರು ಇನ್ನೂ ನಂಬಿದ್ದಾರೆ.


    ನುಡ್ಜಸ್ ಎಂದರೆ ಜನರ ನಡವಳಿಕೆಯಲ್ಲಾಗುವ ಬದಲಾವಣೆಯನ್ನು ಸೂಚಿಸುತ್ತದೆ. ಭಯ ಸಂವಹನ ಅಥವಾ ಅಪಾಯದ ಸಂವಹನವು ನಿಷ್ಪರಿಣಾಮಕಾರಿಯಾಗಿದೆ "ಎಂದು ಉತ್ತರ ಕೆರೊಲಿನಾ ವಿಶ್ವವಿದ್ಯಾಲಯದಲ್ಲಿ ಲಸಿಕೆ ತೆಗೆದುಕೊಳ್ಳುವ ಸಂಶೋಧನೆಯಲ್ಲಿ ಪರಿಣತಿ ಹೊಂದಿರುವ ಪ್ರಾಧ್ಯಾಪಕ ನೋಯೆಲ್ ಬ್ರೂಯರ್ ಬ್ಲೂಮ್‍ಬರ್ಗ್ ಉಲ್ಲೇಖಿಸಿದ್ದಾರೆ.

    Published by:Kavya V
    First published: