Covid-19: ಈ ಮೂರು ಲಕ್ಷಣಗಳು ಕಂಡು ಬಂದರೆ ಎಚ್ಚರ, ಕೊರೊನಾ ಸೋಂಕಿನ ಹೊಸ ಲಕ್ಷಣಗಳಿವು, ಕೂಡಲೇ ಎಚ್ಚೆತ್ತುಕೊಳ್ಳಿ!

ಇಡೀ ವಿಶ್ವವನ್ನು ಕಂಗೆಡಿಸಿದ್ದ ಸಾಂಕ್ರಾಮಿಕ ಕೊರೋನಾ ವೈರಸ್ (Coronavirus) ನಿರಂತರವಾಗಿ ರೂಪಾಂತರಗೊಳ್ಳುತ್ತದೆ (Coronavirus Variants). ಹೀಗಾಗಿಯೇ ಕಾಲ ಕಾಲಕ್ಕೆ ಹೊಸ ಹೊಸ ರೂಪಾಂತರಗಳು ಹೊರಹೊಮ್ಮುತ್ತಿವೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ, Omicron ನ 500 ಕ್ಕೂ ಹೆಚ್ಚು ರೂಪಾಂತರಗಳು ಸದ್ಯ ಪ್ರಪಂಚದಾದ್ಯಂತ ಹರಡಿಕೊಂಡಿವೆ. ಅದರಲ್ಲಿ ಇತ್ತೀಚಿನ ರೂಪಾಂತರಗಳೆಂದರೆ XBB.15 ಮತ್ತು BF.7. ಇನ್ನು, ಈ ಹೊಸ ರೂಪಾಂತರಗಳ ಜೊತೆಗೆ ರೋಗಕ್ಕೆ ಸಂಬಂಧಿಸಿದ ರೋಗಲಕ್ಷಣಗಳು (Covid Variant Symptoms) ಸಹ ಗಮನಾರ್ಹವಾಗಿ ಬದಲಾಗಿವೆ. ಆದ್ದರಿಂದ, ನೀವು ಬಾಯಿ ರುಚಿ ಇಲ್ಲದಿರುವುದು, ವಿಪರೀತ ಜ್ವರ, ತಲೆನೋವುಗಳಂಥ 'ಕ್ಲಾಸಿಕ್' ಅಥವಾ ಸಾಂಪ್ರದಾಯಿಕ ರೋಗಲಕ್ಷಣಗಳನ್ನು ಅವಲಂಬಿಸಿ ಕೋವಿಡ್‌ಗೆ (Covid-19) ತುತ್ತಾಗಿದ್ದೀರಾ ಎಂದು ಗುರುತಿಸುವುದು ಕಷ್ಟಕರವಾಗಿದೆ. ಸದ್ಯ ಕೋವಿಡ್ ಹೊಂದಿರುವ ಜನರು ಅನುಭವಿಸುವ ಪ್ರಮುಖ ಮೂರು ಲಕ್ಷಣಗಳು ಇಲ್ಲಿವೆ.

ಟಾಪ್ 3 COVID ಲಕ್ಷಣಗಳು

ಗಂಟಲು ಕೆರೆತ ಅಥವಾ ಗಂಟಲು ನೋವು : ಪ್ರಸ್ತುತ, ಇದು ಕೋವಿಡ್‌ನ ಅತ್ಯಂತ ಸಾಮಾನ್ಯ ಲಕ್ಷಣವಾಗಿದೆ ಮತ್ತು ನೀವು ವೈರಸ್‌ಗೆ ತುತ್ತಾಗಿದ್ದೀರಿ ಎಂದು ಗುರುತಿಸುವ ಆರಂಭಿಕ ಚಿಹ್ನೆಯಾಗಿದೆ. ಸಾಮಾನ್ಯವಾಗಿ, ರೋಗಲಕ್ಷಣವು ಮೊದಲ ವಾರದ ಮೇಲೆ ಪರಿಣಾಮ ಬೀರಲು ಪ್ರಾರಂಭಿಸುತ್ತದೆ. ರೋಗಿಗಳು ತಮ್ಮ ಗಂಟಲಿನಲ್ಲಿ ಅಸ್ವಸ್ಥತೆ, ನೋವು ಅಥವಾ ಕಿರಿಕಿರಿಗಳನ್ನು ಅನುಭವಿಸುತ್ತಾರೆ. ಇದು ನಿಮ್ಮ ಆಹಾರವನ್ನು ನುಂಗಲು ತೊಂದರೆಗೆ ಕಾರಣವಾಗಬಹುದು. ಆದರೆ, ಅಸ್ವಸ್ಥತೆಯು ದಿನದಿಂದ ದಿನಕ್ಕೆ ಹೆಚ್ಚಾಗಬಹುದು.

ಸಾಂದರ್ಭಿಕ ಚಿತ್ರ

ಇದನ್ನೂ ಓದಿ: COVID-19 Booster: ಬೂಸ್ಟರ್​ ಡೋಸ್​ ಪಡೆದವರಿಗೆ ಗುಡ್​​ನ್ಯೂಸ್​; ಕೋವಿಡ್​ ಹೊಸ ಅಲೆಯಿಂದ ನೀವು ಸೇಫ್​​ ಎಂದ ಜಯದೇವ ವರದಿ

ಸೋರುವ ಮೂಗು : ಇತ್ತೀಚಿನ ದಿನಗಳಲ್ಲಿ ಇದು ಕೋವಿಡ್‌ನ ತುಂಬಾ ಸಾಮಾನ್ಯವಾದ ಚಿಹ್ನೆಯಾಗಿದ್ದು, ಅನೇಕ ರೋಗಿಗಳು ಅದೇ ರೀತಿ ದೂರು ನೀಡುತ್ತಾರೆ. ಮೊದಲಿನಿಂದಲೂ ಕೋವಿಡ್‌ ರೋಗಲಕ್ಷಣಗಳನ್ನು ಟ್ರ್ಯಾಕ್ ಮಾಡುತ್ತಿರುವ ZOE ಕೋವಿಡ್ ಅಪ್ಲಿಕೇಶನ್, "COVID-19 ದರಗಳು ಹೆಚ್ಚಾದಾಗ, ಕೊರೊನಾವೈರಸ್ ಸೋಂಕಿನಿಂದ ಮೂಗು ಸೋರುವ ಸಾಧ್ಯತೆಗಳು ಹೆಚ್ಚು” ಎಂದು ಹೇಳಿದೆ.

ಕಟ್ಟಿದ ಮೂಗು: ಸೋರುವ ಮೂಗನ್ನು ಹೊರತುಪಡಿಸಿ, ಅನೇಕರು ಕಟ್ಟಿದ ಮೂಗಿನಂತಹ ಆರೋಗ್ಯ ಸಮಸ್ಯೆಯನ್ನು ಅನುಭವಿಸುತ್ತಾರೆ. ನಿಮ್ಮ ಮೂಗಿನಲ್ಲಿರುವ ರಕ್ತನಾಳಗಳು ಹೆಚ್ಚುವರಿ ದ್ರವದಿಂದ ಊದಿಕೊಂಡಾಗ ಮೂಗಿನ ದಟ್ಟಣೆ ಉಂಟಾಗುತ್ತದೆ. ಮೂಗಿನಲ್ಲಿ ಉಸಿರುಕಟ್ಟಿಕೊಳ್ಳುವ ಭಾವನೆಯನ್ನು ಅವರು ಅನುಭವಿಸುತ್ತಾರೆ.

ಕೋವಿಡ್‌ನ ಇತರ ಸಾಮಾನ್ಯ ರೋಗಲಕ್ಷಣಗಳು

ಈ ಮೂರು ರೋಗಲಕ್ಷಣಗಳಲ್ಲದೆ, ವೈರಸ್‌ಗೆ ತುತ್ತದ ರೋಗಿಗಳು ಸೀನುವಿಕೆ, ಕಫ ಇಲ್ಲದ ಕೆಮ್ಮು, ತಲೆನೋವು, ಕಫದೊಂದಿಗೆ ಕೆಮ್ಮು, ಕರ್ಕಶ ಧ್ವನಿ, ಸ್ನಾಯು ನೋವು ಮತ್ತು ಇತರ ನೋವುಗಳ ಬಗ್ಗೆಯೂ ದೂರು ನೀಡುತ್ತಿದ್ದಾರೆ.

ಕಾಲಾನಂತರದಲ್ಲಿ COVID ರೋಗಲಕ್ಷಣಗಳು ಹೇಗೆ ಗಮನಾರ್ಹವಾಗಿ ಬದಲಾಗಿವೆ ಎಂಬುದು ಇಲ್ಲಿ ಗಮನಾರ್ಹವಾಗಿದೆ. ಒಮ್ಮೆ ಸೋಂಕಿನ ಸಾಂಪ್ರದಾಯಿಕ ಲಕ್ಷಣಗಳೆಂದು ಗುರುತಿಸಲ್ಪಟ್ಟ ರುಚಿ ಮತ್ತು ವಾಸನೆಯ ತಿಳಿಯದಿರುವುದು, ಅಧಿಕ ಜ್ವರ ಮತ್ತು ಆಯಾಸವು ಇನ್ನು ಮುಂದೆ ಪ್ರಮುಖ COVID ಚಿಹ್ನೆಗಳಾಗಿರುವುದಿಲ್ಲ.

ಕೊರೋನಾ

XBB.15 ಮತ್ತು BF.7 ರೂಪಾಂತರಿಯ ಪ್ರಮುಖ ಲಕ್ಷಣಗಳು

XBB.15 ಮತ್ತು BF.7 ಎರಡೂ ಒಮಿಕ್ರಾನ್‌ನ ಉಪ-ರೂಪಾಂತರಗಳಾಗಿರುವುದರಿಂದ, ಅವುಗಳಿಗೆ ಸಂಬಂಧಿಸಿದ ರೋಗಲಕ್ಷಣಗಳು ಹಿಂದಿನ ಕೋವಿಡ್‌ ಲಕ್ಷಣಗಳಿಗೇ ಹೆಚ್ಚು ಹೋಲುತ್ತವೆ. ಇಲ್ಲಿಯವರೆಗೆ, ಈ ರೂಪಾಂತರಗಳಿಗೆ ನಿರ್ದಿಷ್ಟವಾಗಿ ಹೇಳಬಹುದಾದ ಯಾವುದೇ ರೋಗಲಕ್ಷಣಗಳು ವರದಿಯಾಗಿಲ್ಲ.

ಇದನ್ನೂ ಓದಿ: China Corona Virus: ಮತ್ತೆ ಕೊರೊನಾ ಆರ್ಭಟ; ಒಂದೇ ರಾಜ್ಯದಲ್ಲಿ 8 ಕೋಟಿಗೂ ಹೆಚ್ಚು ಮಂದಿಗೆ ಸೋಂಕು!

ಒಟ್ಟಾರೆ, ಕೋವಿಡ್‌ನ ಹೊಸ ರೂಪಾಂತರದ ಲಕ್ಷಣಗಳಲ್ಲಿ ಸ್ವಲ್ಪ ಬದಲಾವಣೆಗಳಾದ್ದರೂ ಕೆಮ್ಮು, ಗಂಟಲು ನೋವು ನೆಗಡಿ ಇವು ಈಗ ಸಾಮಾನ್ಯವಾಗಿವೆ. ಹಾಗಾಗಿ ಇಂಥ ಲಕ್ಷಣಗಳು ಕಂಡುಬಂದಲ್ಲಿ ತಕ್ಷಣ ವೈದ್ಯರನ್ನು ಕಂಡು ಸಲಹೆ ಪಡೆಯಿರಿ. ಅಲ್ಲದೇ ವಯಸ್ಸಾದವರು, ರೋಗನಿರೋಧಕ ಶಕ್ತಿ ಕಡಿಮೆ ಇರುವವರು ಜನದಟ್ಟಣೆಯಿಂದ ದೂರವಿದ್ದಕ್ಕೂ ಒಳ್ಳೆಯದು. ಅಲ್ಲದೇ ಮುನ್ನೆಚ್ಚರಿಕೆ ಕ್ರಮವಾಗಿ ಮಾಸ್ಕ್‌ ಧರಿಸುವುದು ಹಾಗೂ ಕೈಗಳನ್ನು ತೊಳೆಯುತ್ತಿರುವುದನ್ನು ಖಚಿತಪಡಿಸಿಕೊಳ್ಳಿ. ಇದರಿಂದ ಸ್ವಲ್ಪ ಮಟ್ಟಿಗೆ ವೈರಸ್‌ ನ ಆಕ್ರಮಣದಿಂದ ಪಾರಾಗಬಹುದು.