ಕೋವಿಡ್-19 ಒಂದಕ್ಕೇ ಎಲ್ಲವೂ ಅಲ್ಲ, ಬೇರೆ ರೋಗಿಗಳಿಗೂ ಚಿಕಿತ್ಸೆ ಅಗತ್ಯ: WHO ಮುಖ್ಯ ವಿಜ್ಞಾನಿ ಸೌಮ್ಯಾ ಸ್ವಾಮಿನಾಥನ್

ಕೋವಿಡ್-19 ವಿರುದ್ಧದ ಹೋರಾಟದಿಂದ ವೈದ್ಯಕೀಯ ವ್ಯವಸ್ಥೆಗೆ ಬಲಬರುತ್ತಿದೆ. ಇದರಿಂದ ಮುಂದೆ ಇನ್ನಷ್ಟು ಇಂಥ ಸಾಂಕ್ರಾಮಿಕ ಕಾಯಿಲೆಗಳನ್ನ ಎದುರಿಸಲು ಸಾಧ್ಯವಾಗುತ್ತದೆ ಎಂದು ಡಬ್ಲ್ಯೂಎಚ್ಒ ಮುಖ್ಯ ವಿಜ್ಞಾನಿ ಹೇಳುತ್ತಾರೆ.

ಸೌಮ್ಯಾ ಸ್ವಾಮಿನಾಥನ್

ಸೌಮ್ಯಾ ಸ್ವಾಮಿನಾಥನ್

  • News18
  • Last Updated :
  • Share this:
    ನವದೆಹಲಿ(ಜೂನ್ 21): ವಿಶ್ವದ ಬಹುತೇಕ ರಾಷ್ಟ್ರಗಳು ಕೊರೋನಾ ರೋಗದ ವಿರುದ್ಧ ಸಂಪೂರ್ಣ ಪ್ರಯತ್ನ ಹಾಕಿ ಹೋರಾಟ ಮಾಡುತ್ತಿವೆ. ವೈದ್ಯಕೀಯ ವ್ಯವಸ್ಥೆಯ ಬಹುಪಾಲು ಈ ಕೋವಿಡ್-19 ವಿರುದ್ಧದ ಹೋರಾಟಕ್ಕೇ ಮೀಸಲಾಗಿದೆ. ಬೇರೆ ಬೇರೆ ರೋಗಗಳಿಂದ ಬಳಲುತ್ತಿರುವವರಿಗೆ ಸರಿಯಾದ ಚಿಕಿತ್ಸೆ ಸಿಗದೆ ಪರದಾಡುವ ಪರಿಸ್ಥಿತಿ ಬಂದಿದೆ. ವಿಶ್ವ ಆರೋಗ್ಯ ಸಂಸ್ಥೆಯ ಮುಖ್ಯ ವಿಜ್ಞಾನಿ ಸೌಮ್ಯಾ ಸ್ವಾಮಿನಾಥನ್ ಅವರು ಈ ವಿಚಾರದಲ್ಲಿ ಜಗತ್ತಿಗೆ ಎಚ್ಚರಿಕೆಯ ಸಂದೇಶ ನೀಡಿದ್ದಾರೆ. ಕೋವಿಡ್-19 ರೋಗವೊಂದಕ್ಕೇ ಎಲ್ಲರೂ ತಲೆಕೆಡಿಸಿಕೊಳ್ಳುವುದು ತರವಲ್ಲ. ಬೇರೆ ರೋಗಿಗಳಿಗೆ ಚಿಕಿತ್ಸೆಯ ಅಗತ್ಯವಿರುತ್ತದೆ ಎಂದು ಸೌಮ್ಯಾ ಸ್ವಾಮಿನಾಥನ್ ಹೇಳಿದರು.

    ಕೊರೋನಾ ವೈರಸ್ ವಿರುದ್ಧ ಹೋರಾಡುತ್ತಲೇ ನಮ್ಮ ವೈದ್ಯಕೀಯ ವ್ಯವಸ್ಥೆ ಪ್ರಬಲಗೊಳ್ಳುತ್ತದೆ. ಇದರಿಂದ ಮುಂದೆ ಇಂಥ ರೋಗ ಬಂದರೆ ಎದುರಿಸಲು ಸುಲಭಸಾಧ್ಯವಾಗುತ್ತದೆ. ಹಾಗೆಯೇ, ಕೋವಿಡ್-19 ಈ ವಿಶ್ವದ ಕೊನೆಯ ಸಾಂಕ್ರಾಮಿಕ ರೋಗವಲ್ಲ. ರೋಗಗಳು ಬರುತ್ತಲೇ ಇರುತ್ತವೆ. ಅವುಗಳನ್ನ ಸಮರ್ಥವಾಗಿ ಎದುರಿಸಬಹುದು ಎಂದು ಡಬ್ಲ್ಯೂಎಚ್​ಒ ಮುಖ್ಯ ವಿಜ್ಞಾನಿ ತಿಳಿಸಿದರು.

    ಇದನ್ನೂ ಓದಿ: ಭಾರತದಲ್ಲಿ ಕೋವಿಡ್​​-19 ಕಾವು: ಒಂದೇ ದಿನ 15,400 ಕೇಸ್​​, 4.10 ಲಕ್ಷ ದಾಟಿದ ಸೋಂಕಿತರ ಸಂಖ್ಯೆ



    ನ್ಯೂಸ್18 ಜೊತೆಗಿನ ಸಂದರ್ಶನದಲ್ಲಿ ಮಾತನಾಡಿದ ಅವರು ಲಾಕ್​ಡೌನ್ ತಂತ್ರಗಾರಿಕೆ ಬಗ್ಗೆ ಪ್ರಸ್ತಾಪ ಮಾಡಿದರು. ಭಾರತದಂಥ ಜನಸಂಖ್ಯೆ ಪ್ರಮಾಣ ಹೆಚ್ಚಿರುವ ದೇಶಗಳಲ್ಲಿ ಅಗತ್ಯಕ್ಕೆ ತಕ್ಕಂತೆ ಲಾಕ್​ಡೌನ್ ನಿಯಮಗಳನ್ನ ರೂಪಿಸಬೇಕು. ಗ್ರಾಮೀಣ ಭಾಗಕ್ಕೆ ಬೇರೆ ನಿಯಮ, ನಗರಗಳಿಗೆ ಬೇರೆ ನಿಯಮಗಳಿರಬೇಕು. ಭಾರತದ ನಗರಗಳಲ್ಲಿ ಹೆಚ್ಚು ಜನಸಂಖ್ಯೆ ಕೇಂದ್ರಿತವಾಗಿರುವುದರಿಂದ ಇಲ್ಲಿ ಸೋಂಕು ಹರಡುವುದನ್ನು ನಿಗ್ರಹಿಸಲು ಬಹಳ ಕಷ್ಟ. ನೋಡನೋಡುತ್ತಿದ್ದಂತೆಯೇ ಕ್ಲಸ್ಟರ್​ಗಳು ಹೆಚ್ಚುತ್ತಾ ಹೋಗುತ್ತದೆ. ಈ ಕ್ಲಸ್ಟರ್​ಗಳ ಏರಿಕೆಯನ್ನ ನಿಗ್ರಹಿಸಬೇಕು. ಕ್ಲಸ್ಟರ್​ಗಳಲ್ಲಿ ವೈರಸ್ ಹರಡುವಿಕೆಯನ್ನ ನಿಗ್ರಹಿಸಲು ಗಮನ ಕೊಡಬೇಕು. ಇದಕ್ಕೆ ಪರೀಕ್ಷೆ, ಕ್ವಾರಂಟೈನ್ ಇತ್ಯಾದಿಯನ್ನು ವ್ಯಾಪಕವಾಗಿ ಮಾಡಬೇಕು ಎಂದು ಅವರು ಸಲಹೆ ನೀಡಿದರು.

    - ಪೂರ್ಣಿಮಾ ಮುರಳಿ, CNN-News18
    First published: