Delta Plus​ ಸೋಂಕಿನ ಮೇಲೆ ಲಸಿಕೆ ಪರಿಣಾಮಕಾರಿತ್ವದ ಬಗ್ಗೆ ಶೀಘ್ರದಲ್ಲಿಯೇ ವರದಿ; ಆರೋಗ್ಯ ಸಚಿವಾಲಯ

ನವದೆಹಲಿ (ಜೂ. 25):  ಕೋವಿಡ್ ಸೋಂಕಿನಿಂದ ಚೇತರಿಕೆ ಪ್ರಮಾಣದಲ್ಲಿ ಭಾರತವು ಗಮನಾರ್ಹ ಸುಧಾರಣೆ ಕಂಡಿದೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ತಿಳಿಸಿದೆ. ಭಾರತದಲ್ಲಿ ಗರಿಷ್ಠ ಪ್ರಮಾಣದ ಸೋಂಕಿನ ಪ್ರಕರಣಗಳು ವರದಿಯಾದ ಬಳಿಕ ಅದರ ಚೇತರಿಕೆ ಪ್ರಮಾಣ ಶೇ 83ರಷ್ಟಿದೆ. ಇಲ್ಲಿಯವರೆಗೆ ಸುಮಾರು 30. 79 ಕೋಟಿ ಕೋವಿಡ್​ ಲಸಿಕೆಗಳನ್ನು ಜನರಿಗೆ ನೀಡಲಾಗಿದೆ, ಇದರಲ್ಲಿ 45 ವರ್ಷ ಮೇಲ್ಪಟ್ಟ ವರು ಗರಿಷ್ಠ ಪ್ರಮಾಣದ ಲಸಿಕೆ ಪಡೆದಿದ್ದಾರೆ ಎಂದು ಆರೋಗ್ಯ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಲಾವ್​​ ಅಗರ್ವಾಲ್​ ತಿಳಿಸಿದರು.

ಮೇ ತಿಂಗಳಲ್ಲಿ 4, 531 ಜಿಲ್ಲೆಗಳಲ್ಲಿ 100ಕ್ಕೂ ಹೆಚ್ಚು ಕೋವಿಡ್​ ಸೋಂಕು ಪ್ರಕರಣ ಕಂಡು ಬಂದಿತ್ತು. ಜೂನ್​ 2ನೇ ವಾರದಲ್ಲಿ ಅದರ ಸಂಖ್ಯೆ ಇಳಿಕೆ ಕಂಡು 262 ಆಗಿದೆ. ಪ್ರಸ್ತುತ ದೇಶದ 125 ಜಿಲ್ಲೆಗಳಲ್ಲಿ ಮಾತ್ರ ಸರಿಸುಮಾರು 100 ಪ್ರಕರಣಗಳಿ ಮಾತ್ರ ವರದಿಯಾಗುತ್ತಿವೆ. ದೈನಂದಿನ ಕೋವಿಡ್​ ಪ್ರಕರಣಗಳಲ್ಲೂ ಕೂಡ ಗಣನೀಯ ಪ್ರಮಾಣದ ಇಳಿಕೆ ಕಂಡು ಬಂದಿದೆ, ಮೇ 7 ರಂದು ಗರಿಷ್ಠ ಅಂದರೆ 3. 89,803 ಪ್ರಕಣ ಕಂಡುಬಂದರೆ, ಜೂನ್​ 19ರಿಂದ 25ರೊಳಗೆ 53,093 ಪ್ರಕರಣಗಳು ಕಂಡು ಬಂದಿದೆ.

Covidshield and Covaxin work against the variants of SARS CoV 2 — alpha, beta, gama as well as delta. Delta Plus is present in 12 countries; 48 cases have been identified in India but more importantly, they have been very localised: Balram Bhargava, Director General, ICMR pic.twitter.com/sTCVe1oXII

— ANI (@ANI) June 25, 2021

ದೇಶದಲ್ಲಿ ಸೋಂಕಿನಿಂದ ಗುಣಮುಖರಾಗುತ್ತಿರುವ ಸರಾಸರಿ ಪ್ರಮಾಣ ಶೇ 96.7ರಷ್ಟಿದೆ. ಕೋವಿಡ್​ ಪ್ರಕರಣ ಶೇ 83ರಷ್ಟು ಕುಸಿದಿದೆ ಎಂದರು.

ಲಸಿಕೆ ಪ್ರಮುಖ್ಯತೆ ಕುರಿತು ಮಾತನಾಡಿದ ಅವರು, ಭಾರತೀಯ ವೈದ್ಯಕೀಯ ಸಂಶೋಧನ ಮಂಡಳಿ ಡಿಜಿ ಡಾ. ಬಲರಾಮ್​ ಭರಗವ ಅವರು ಗರ್ಭಿಣಿ ಮಹಿಳೆಯರಿಗೂ ಲಸಿಕೆ ನೀಡಬಹುದು ಎಂದು ಒತ್ತಿ ಹೇಳಿದ್ದಾರೆ.

The Ministry of Health has given the guideline that vaccine can be given to pregnant women. Vaccination is useful in pregnant women and it should be given: Dr Balram Bhargava, DG, ICMR#COVID19 pic.twitter.com/Mr5vBiRMhz

— ANI (@ANI) June 25, 2021

ಪ್ರಸ್ತುತ ಒಂದೇ ಒಂದು ದೇಶ ಮಾತ್ರ ಮಕ್ಕಳಿಗೆ ಲಸಿಕೆ ನೀಡುತ್ತಿದೆ, ಮಕ್ಕಳಿಗೆ ಲಸಿಕೆ ಅಗತ್ಯವಿದೆಯಾ ಎಂಬುದು ಇನ್ನೂ ಪ್ರಶ್ನೆಯಾಗಿದೆ . ಈ ನಡುವೆಯೂ 2.18ವರ್ಷದವರಿಗೆ ಲಸಿಕೆ ನೀಡುವ ಪ್ರಯೋಗವನ್ನು ಆರಂಭಿಸಲಾಗಿದೆ. ಸೆಪ್ಟೆಂಬರ್​ ನಂತರದಲ್ಲಿ ಈ ಕುರಿತ ಫಲಿತಾಂಶ ಸಿಗಲಿದೆ. ಅಂತರಾಷ್ಟ್ರೀಯ ಮಟ್ಟದಲ್ಲೂ ಮಕ್ಕಳಿಗೆ ಲಸಿಕೆ ಹಾಕುವ ಅವಶ್ಯಕತೆ ಇದೆಯಾ ಎಂಬ ಬಗ್ಗೆ ಚರ್ಚೆ ನಡೆಯುತ್ತಿದೆ, . ಅಮೆರಿಕದಲ್ಲೂ ಕೂಡ ಈ ಬಗ್ಗೆ ಸಮಸ್ಯೆಗಳಿವೆ ಎಂದರು

ಕೋವಿಶೀಲ್ಡ್​ ಕೋವಾಕ್ಸಿನ್​ ಲಸಿಕೆ SARS CoV 2 -ಆಲ್ಫಾ, ಬೀಟಾ, ಗಾಮಾ ಮತ್ತು ಡೆಲ್ಟಾಗಳ ರೂಪಾಂತರಗಳ ವಿರುದ್ಧವೂ ಕಾರ್ಯನಿರ್ವಹಿಸುತ್ತದೆ. ದೇಶದಲ್ಲಿ ಪ್ರಸ್ತುತ 12 ಡೆಲ್ಟಾ ಪ್ಲಸ್​ ಪ್ರಕರಣಗಳಿವೆ. ದೇಶದಲ್ಲಿ 48 ಪ್ರಕರಣಗಳು ಪತ್ತೆಯಾಗಿವೆ . ಇವುಗಳ ಮೇಲೆ ಲಸಿಕೆ ಪರಿಣಾಮಕಾರಿತ್ವದ ಬಗ್ಗೆ ಪ್ರಯೋಗ ನಡೆಯುತ್ತಿದ್ದು, ಇನ್ನು 7 ರಿಂದ 10 ದಿನಗಳಲ್ಲಿ ವರದಿ ಸಿಗಲಿದೆ ಎಂದರು

ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ಲಾಕ್​​ಡೌನ್​ ನಿಯಮಗಳನ್ನು ಕಟ್ಟುನಿಟ್ಟಿನಿಂದ ಪಾಲಿಸಿ ಸೋಂಕಿನಿಂದ ತಮ್ಮನ್ನು ತಾವು ಕಾಪಾಡಿಕೊಳ್ಳುವ ಪ್ರತಿಜ್ಞೆ ತೆಗೆದುಕೊಳ್ಳಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು