Covaxin| ಕೊರೋನಾ ವೈರಸ್​ ವಿರುದ್ಧ ಕೊವಾಕ್ಸಿನ್ ಶೇ.77.8 ರಷ್ಟು ಪರಿಣಾಮಕಾರಿ; ಮಾಹಿತಿ ನೀಡಿದ ಭಾರತ್ ಬಯೋಟೆಕ್

ನವ ದೆಹಲಿ (ಜುಲೈ 03); ದೇಶದಲ್ಲಿ ಕೊರೋನಾ ಮೂರನೇ ಅಲೆಯನ್ನು ತಪ್ಪಿಸಲು ಇರುವ ಏಕೈಕ ಅಸ್ತ್ರ ದೇಶದಲ್ಲಿರುವ ಎಲ್ಲರಿಗೂ ಲಸಿಕೆ ನೀಡುವುದು. ಇದೇ ಕಾರಣಕ್ಕೆ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಯುದ್ಧೋಪಾದಿಯಲ್ಲಿ ಜನರಿಗೆ ಲಸಿಕೆ ನೀಡುವ ಕಾರ್ಯಕ್ರಮಗಳನ್ನು ನಡೆಸುತ್ತಿವೆ. ಆದರೆ, ವಿಶ್ವ ಆರೋಗ್ಯ ಸಂಸ್ಥೆ (WHO- World Health Organisation) ಭಾರತದ ಕೊವಾಕ್ಸಿನ್ ಮತ್ತು ಕೋವಿಶೀಲ್ಡ್​ ಲಸಿಕೆಗಳಿಗೆ ಈವರೆಗೆ ಮಾನ್ಯತೆ ನೀಡಿಲ್ಲ. ಯುರೋಪ್​ ದೇಶಗಳೂ ಸಹ ಭಾರತದ ಲಸಿಕೆ ಪಡೆದವರಿಗೆ ವೀಸಾ ನೀಡಲು ಮುಂದಾಗುತ್ತಿಲ್ಲ. ಹೀಗಾಗಿ ಬಾರತದಲ್ಲೂ ಸಹ ಈ ಲಸಿಕೆ ಪಡೆಯಲು ಹಲವರು ಹಿಂದೇಟು ಹಾಕುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ  ಭಾರತ್ ಬಯೋಟೆಕ್ ಕೊವಾಕ್ಸಿನ್​ ಲಸಿಕೆಯ ಮೂರನೇ ಹಂತದ ಕ್ಲಿನಿಕಲ್ ಪ್ರಯೋಗ ನಡೆಸಿದ್ದು, ಸುರಕ್ಷತೆ ಮತ್ತು ಲಸಿಕೆಯ ಪರಿಣಾಮಕಾರಿತ್ವದ ವಿಶ್ಲೇಷಣೆಯ ಡೇಟಾವನ್ನು ಇಂದು ಪ್ರಕಟಿಸಿದೆ

ಭಾರತ್ ಬಯೋಟೆಕ್​ ಹೊರಡಿಸಿರುವ ಪ್ರಕಟಣೆಯಲ್ಲಿ, "ಕೊವಾಕ್ಸಿನ್ ಪರಿಣಾಮಕಾರಿತ್ವದ ವಿಶ್ಲೇಷಣೆಯು ಪರಿಣಾಮಕಾರಿಯಾಗಿ ಕೂಡಿದೆ. ಕೋವಿಡ್​ ವಿರುದ್ಧ ಈ ಲಸಿಕೆ ಶೇ.77.8 ರಷ್ಟು ಪರಿಣಾಮಕಾರಿಯಾಗಿ ಹೋರಾಡಲಿದೆ. ಧೃಡಪಡಿಸಿದ 130 ಪ್ರಕರಣಗಳ ಮೌಲ್ಯಮಾಪನದ ಮೂಲಕ ತೀವ್ರ ರೋಗಲಕ್ಷಣದ COVID-19 ಪ್ರಕರಣಗಳ ವಿರುದ್ಧ ಶೇ.93.4 ರಷ್ಟು ಪರಿಣಾಮಕಾರಿ ಎಂದು ಈ ಲಸಿಕೆ ತೋರಿಸಿದೆ. ‘

ಸುರಕ್ಷತಾ ವಿಶ್ಲೇಷಣೆಯ ವರದಿ ಮಾಡಿದ ಪ್ರತಿಕೂಲ ಘಟನೆಗಳು ಪ್ಲಸೀಬೊಗೆ ಹೋಲುತ್ತವೆ ಎಂದು ತೋರಿಸುತ್ತದೆ. ಶೇ.12 ರಷ್ಟು ವಿಷಯಗಳು ಸಾಮಾನ್ಯವಾಗಿ ತಿಳಿದಿರುವ ಅಡ್ಡಪರಿಣಾಮಗಳನ್ನು ಅನುಭವಿಸುತ್ತಿವೆ ಮತ್ತು ಶೇ.0.5 ಕ್ಕಿಂತ ಕಡಿಮೆ ವಿಷಯಗಳು ಗಂಭೀರ ಪ್ರತಿಕೂಲ ಘಟನೆಗಳನ್ನು ಅನುಭವಿಸುತ್ತವೆ. ದಕ್ಷತೆಯ ದತ್ತಾಂಶವು ಲಕ್ಷಣರಹಿತ COVID-19 ವಿರುದ್ಧ ಶೇ.63.6 ರಕ್ಷಣೆಯನ್ನು ಮತ್ತು SARS-CoV-2, B.1.617.2 ಡೆಲ್ಟಾ ರೂಪಾಂತರದ ವಿರುದ್ಧ ಶೇ.65.2% ರಕ್ಷಣೆಯನ್ನು ತೋರಿಸಿದೆ" ಎಂದು ತಿಳಿಸಲಾಗಿದೆ.

ಇದನ್ನೂ ಓದಿ: Tirath Singh Rawat Resign| ಅಧಿಕಾರ ವಹಿಸಿಕೊಂಡ 4 ತಿಂಗಳಲ್ಲೇ ತಮ್ಮ ಸ್ಥಾನಕ್ಕೆ ರಾಜೀನಾಮೆ ನೀಡಿದ ಉತ್ತರಾಖಂಡ ಸಿಎಂ!

ಅಲ್ಲದೆ, ಈ ಲಸಿಕೆಗಳಿಂದ ಯಾವುದೇ ಅಡ್ಡಪರಿಣಾಮಗಳು ಇಲ್ಲ. ಹೀಗಾಗಿ ಜನ ಭಯವಿಲ್ಲದೆ ಲಸಿಕೆಯನ್ನು ಪಡೆದು ಮಾರಕ ಕೊರೋನಾ ವೈರಸ್​ ಅನ್ನು ಸೋಲಿಸಬೇಕು ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.