ಹೆಣ್ಮಕ್ಕಳೇ ಸ್ಟ್ರಾಂಗ್ ಗುರೂ.. ಕೊರೊನಾದಿಂದ ಬಚಾವ್ ಆದವರಲ್ಲಿ ಪುರುಷರಗಿಂತ ಮಹಿಳೆಯರ ಸಂಖ್ಯೆಯೇ ಹೆಚ್ಚು!

ಸೋಂಕಿಗೆ ತುತ್ತಾಗಿಯೂ ಮಹಿಳೆಯರು ಚೇತರಿಸಿಕೊಂಡಿದ್ದಾರೆ. ಆದರೆ ಸೋಂಕಿಗೆ ತುತ್ತಾದ ಹೆಚ್ಚಿನ ಸಂಖ್ಯೆ ಪುರುಷರು ಮೃತಪಟ್ಟಿದ್ದಾರೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
ಕೊರೊನಾ 2ನೇ ಅಲೆ ಅಬ್ಬರದಿಂದ ಸಾವಿರಾರು ಮಂದಿ ಸಾವಿನ ಮನೆ ಸೇರಿದ್ದಾರೆ. ಸದ್ಯ ದೇಶಾದ್ಯಂತ ಸೋಂಕಿನ ಪ್ರಮಾಣ ದಿನೇ ದಿನೇ ತಗ್ಗುತ್ತಿರುವುದು ಸಮಾಧಾನಕಾರ ಸಂಗತಿ. ಆದರೆ ಸಾವಿನ ವಿಚಾರದಲ್ಲಿ ಇದೇ ಸಮಾಧಾನ ಸಿಗುತ್ತಿಲ್ಲ. ರಾಜ್ಯದಲ್ಲಂತೂ ಕೊರೊನಾಕ್ಕೆ ಬಲಿಯಾಗುವವರ ಸಂಖ್ಯೆ ದಿನೇ ದಿನೇ ಹೆಚ್ಚಾಗುತ್ತಿದೆ. ಈ ಮಧ್ಯೆ ಹೊಸ ಸಂಶೋಧನೆ ವಿಶೇಷ ಅಂಶವೊಂದನ್ನು ಹೊರ ಹಾಕಿದೆ. ಜೆಎಎಂಎ ನೆಟ್​ವರ್ಕ್​ ನಡೆಸಿರುವ ಅಧ್ಯಯನದ ಪ್ರಕಾರ ಸೋಂಕಿಗೆ ತುತ್ತಾದವರಲ್ಲಿ ಮಹಿಳೆಯರೇ ಹೆಚ್ಚಿನ ಸಂಖ್ಯೆಯಲ್ಲಿ ಗುಣಮುಖರಾಗಿದ್ದಾರಂತೆ. ಮಹಿಳೆಯರಿಗೆ ಹೋಲಿಸಿದರೆ ಪುರುಷ ಸೋಂಕಿತರು ಹೆಚ್ಚಾಗಿ ಕೊರೋನಾಗೆ ಬಲಿಯಾಗಿದ್ದಾರಂತೆ.  

ಸೋಂಕಿಗೆ ತುತ್ತಾಗಿಯೂ ಮಹಿಳೆಯರು ಚೇತರಿಸಿಕೊಂಡಿದ್ದಾರೆ. ಆದರೆ ಸೋಂಕಿಗೆ ತುತ್ತಾದ ಹೆಚ್ಚಿನ ಸಂಖ್ಯೆ ಪುರುಷರು ಮೃತಪಟ್ಟಿದ್ದಾರೆ. ಇದಕ್ಕೆ ಟೆಸ್ಟೋಸ್ಟೆರಾನ್​​ (testosterone) ಹಾರ್ಮೋನ್​ ಕಾರಣವಿರಬಹುದು ಎಂದು ಅಧ್ಯಯನದಲ್ಲಿ ಶಂಕಿಸಲಾಗಿದೆ. ಡೆಡ್ಲಿ ವೈರಸ್​​ನಿಂದ ದೇಹದ ಯಾವುದೇ ಹಾರ್ಮೋನ್​ ಮೇಲೆ ಪರಿಣಾಮ ಆಗದಿದ್ದರೂ ಪುರುಷರಲ್ಲಿ ಟೆಸ್ಟೋಸ್ಟೆರಾನ್​​ ಹಾರ್ಮೋನ್​ ಸ್ರವಿಸುವಿಕೆಯಲ್ಲಿ ವ್ಯತ್ಯಾಸ ಕಂಡು ಬಂದಿದೆ.

ಇದನ್ನೂ ಓದಿ: ದಾಂಪತ್ಯದ ರಸಘಳಿಗೆಗೆ ಮತ್ತಷ್ಟು ಜೀವ ತುಂಬುತ್ತದೆ ಕೊಹಿನೂರ್ ಪಾನ್.. ಆದರೆ ಒಂದು ಕಂಡೀಷನ್!

ದೆಹಲಿಯ ಭರ್ನೇಶ್​ ಜುವೀಷ್​ ಆಸ್ಪತ್ರೆಯ 90 ಪುರುಷ ಸೋಂಕಿತರು, 62 ಮಹಿಳಾ ಸೋಂಕಿತರಿಂದ ಸ್ಯಾಂಪಲ್​ಗಳನ್ನು ಪಡೆದು ಅಧ್ಯಯನ ಮಾಡಲಾಗಿದೆ. ಮಹಿಳಾ ಸೋಂಕಿತರ ಹಾಮೋರ್ನ್​ನಲ್ಲಿ ಯಾವುದೇ ವ್ಯತ್ಯಾಸ ಕಂಡು ಬಂದಿಲ್ಲ. ಆದರೆ ಪುರುಷರ ಹಾರ್ಮೋನ್​ಗಳಲ್ಲಿ ವ್ಯತ್ಯಾಸ ಕಂಡು ಬಂದಿದೆ. ಹಾರ್ಮೋನ್​ ವ್ಯತ್ಯಾಸದಿಂದಲೇ ಹೆಚ್ಚಿನ ಪುರುಷ ಸೋಂಕಿತರು ಸಾವನ್ನಪ್ಪುತ್ತಿದ್ದಾರೆ ಎಂದು ಹೇಳಲು ಸಾಧ್ಯವಿಲ್ಲ. ಆದರೆ ಕೊರೊನಾ ಸೋಂಕು ಪುರುಷರ ಹಾರ್ಮೋನ್​ ಮೇಲೆ ಪರಿಣಾಮ ಬೀರಿದೆ ಎಂಬುದು ಅಧ್ಯಯನದಿಂದ ಸಾಬೀತಾಗಿದೆ.

ಇನ್ನು ವೈದ್ಯಕೀಯ ಲೋಕದ ಹಲವು ಸಂಶೋಧನೆಗಳೂ ಮಹಿಳೆಯರಲ್ಲಿ ರೋಗಗಳನ್ನು ಸಹಿಸುವ ಶಕ್ತಿ ಹೆಚ್ಚಿರುತ್ತದೆ ಅಂತಲೇ ಹೇಳುತ್ತವೆ. ಬೇರೆ ಕಾಯಿಲೆಗಳ ಅಧ್ಯಯನದಲ್ಲೂ ಪುರುಷರಿಗಿಂತ ಮಹಿಳೆಯರು ಹೆಚ್ಚಾಗಿ ಕಾಯಿಲೆಗಳಿಂದ ಗುಣಮುಖರಾಗುವ ಸಾಮರ್ಥ್ಯವಿರುತ್ತದೆ ಎಂದೇ ಸಾಬೀತಾಗಿದೆ. ಜೊತೆಗೆ ಅವಧಿ ಪೂರ್ವ ಮಕ್ಕಳು ಹುಟ್ಟಿದ್ದರೆ ಶಿಶು ಗಂಡಾದರೆ ಬದುಕುವ ಸಾಧ್ಯತೆಗಳು ಕಡಿಮೆ. ಆದರೆ ಅವಧಿ ಪೂರ್ವ ಜನಿಸಿದ ಹೆಣ್ಣು ಶಿಶು ಬದುಕುವ ಸಾಧ್ಯತೆಗಳು ಹೆಚ್ಚಾಗಿರುತ್ತದೆ. ಅಷ್ಟಿಲ್ಲದೇ ಹೇಳುತ್ತಾರಾ ಹೆಣ್ಣು ಎಲ್ಲವನ್ನೂ ಹೆದರಿಸುವ ಧೈರ್ಯ, ಸಾಮರ್ಥ್ಯವುಳ್ಳವಳು ಅಂತ.

ಇನ್ನು ದೇಶದಲ್ಲಿ ಕಳೆದ 24ಗಂಟೆಗಳ ಅವಧಿಯಲ್ಲಿ 2,11,298 ಪ್ರಕರಣಗಳು ಪತ್ತೆಯಾಗಿವೆ. ಇದರಿಂದ ದೇಶದಲ್ಲಿ ಕೊರೋನಾ ಪ್ರಕರಣಗಳ ಸಂಖ್ಯೆ 2,73,69,093ಕ್ಕೆ ಏರಿಕೆ ಆಗಿದೆ.‌ ಬುಧವಾರ 3,847 ಜನರು ಬಲಿ ಆಗಿದ್ದು ಈವರೆಗೆ ಕೊರೋನಾದಿಂದ ಸತ್ತವರ ಸಂಖ್ಯೆ 3,15,235ಕ್ಕೆ ಏರಿಕೆ ಆಗಿದೆ. ಈವರೆಗೆ 2,46,33,951 ಮಂದಿ ಕೊರೋನಾದಿಂದ ಗುಣಮುಖರಾಗಿದ್ದಾರೆ. ದೇಶದಲ್ಲಿ ಇನ್ನೂ 24,19,907 ಆಕ್ಟಿವ್ ಕೇಸುಗಳಿವೆ. ದೇಶದಲ್ಲಿ ಕೊರೋನಾ ಲಸಿಕೆ ಪಡೆದುಕೊಂಡವರ ಸಂಖ್ಯೆ 20 ಕೋಟಿ ದಾಟಿದೆ.‌ ಈವರೆಗೆ 20,26,95,874 ಜನರಿಗೆ ಕೊರೋನಾ ಲಸಿಕೆ ಹಾಕಲಾಗಿದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ‌. ಈವರೆಗೆ 20,26,95,874 ಜನರಿಗೆ ಕೊರೋನಾ ಲಸಿಕೆ ಹಾಕಲಾಗಿದೆ ಎಂದು ಕೇಂದ್ರ ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ‌.



ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು. ಲಾಕ್​​ಡೌನ್​ ನಿಯಮಗಳನ್ನು ಕಟ್ಟುನಿಟ್ಟಿನಿಂದ ಪಾಲಿಸಿ ಸೋಂಕಿನಿಂದ ತಮ್ಮನ್ನು ತಾನು ಕಾಪಾಡಿಕೊಳ್ಳುವ ಪ್ರತಿಜ್ಞೆ ತೆಗೆದುಕೊಳ್ಳಬೇಕು. ನಾವು ಸುರಕ್ಷಿತವಾಗಿ ಇದ್ದು, ನಮ್ಮಿಂದ ಇತರರಿಗೆ ಸೋಂಕು ಹಬ್ಬದಂತೆ ಜವಾಬ್ದಾರಿಯುತವಾಗಿ ನಡೆದುಕೊಳ್ಳಬೇಕು.
Published by:Kavya V
First published: