ವಲಸೆ ಕಾರ್ಮಿಕರ ಪ್ರಾಣ ಉಳಿಸಿದ ಕಾನ್ಸ್​ಟೇಬಲ್​​ಗೆ ಪೊಲೀಸ್ ಆಯುಕ್ತರಿಂದ ಸನ್ಮಾನ

ಕಾನ್ಸ್ ಟೇಬಲ್ ರವಿಕುಮಾರ್​ ಅವರಿಗೆ‌ ಅಭಿನಂದನೆ ಸಲ್ಲಿಸಿ ಸನ್ಮಾನ ಮಾಡಿದ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ 10 ಸಾವಿರ ರೂಪಾಯಿ ಬಹುಮಾನ ಘೋಷಿಸಿದ್ದಾರೆ

ಕಾನ್ಸ್​ಟೇಬಲ್​​ ರವಿಕುಮಾರ್​ ಅವರನ್ನು ಸನ್ಮಾನ ಮಾಡಿದ ಕಮೀಷನರ್​ ಭಾಸ್ಕರ್​ ರಾವ್

ಕಾನ್ಸ್​ಟೇಬಲ್​​ ರವಿಕುಮಾರ್​ ಅವರನ್ನು ಸನ್ಮಾನ ಮಾಡಿದ ಕಮೀಷನರ್​ ಭಾಸ್ಕರ್​ ರಾವ್

  • Share this:
ಬೆಂಗಳೂರು(ಜೂನ್.01): ಅರಮೆನೆ ಮೈದಾನದಲ್ಲಿ ಭಾರೀ ಮಳೆಯಿಂದಾಗಿ ವಲಸೆ ಕಾರ್ಮಿಕರು ತೀವ್ರ ಸಂಕಷ್ಟಕ್ಕೆ ಸಿಲುಕಿದ್ದರು. ಈ ಸಂದರ್ಭದಲ್ಲಿ ತನ್ನ ಪ್ರಾಣವನ್ನು ಲೆಕ್ಕಿಸದೇ ಕಾನ್ಸ್ ಟೇಬಲ್ ರವಿಕುಮಾರ್​ ಎಲ್ಲರೂ ಪ್ರಾಣಾಪಾಯದಿಂದ‌ ಪಾರು ಮಾಡಿ ಮೆಚ್ಚುಗೆ ಪಾತ್ರರಾಗಿದ್ದಾರೆ.

ಶಿವಾಜಿನಗರ ಪೊಲೀಸ್ ಠಾಣೆಗೆ ಹೋಗಿ ಕಾನ್ಸ್ ಟೇಬಲ್ ರವಿಕುಮಾರ್​ ಅವರಿಗೆ‌  ಅಭಿನಂದನೆ ಸಲ್ಲಿಸಿ ಪೊಲೀಸ್ ಆಯುಕ್ತ ಭಾಸ್ಕರ್ ರಾವ್ ಮತ್ತು ಡಿಸಿಪಿ‌ ಡಾ.ಶರಣಪ್ಪ ಸನ್ಮಾನ ಸಹ ಮಾಡಿದ್ದಾರೆ. ಅಲ್ಲದೇ 10 ಸಾವಿರ ರೂಪಾಯಿ ನಗರದನ್ನು ಪೊಲೀಸ್​ ಆಯುಕ್ತರು ಘೋಷಿಸಿದ್ದಾರೆ.

ಕಳೆದ ಶುಕ್ರವಾರ ಅರಮನೆ ಮೈದಾನದಲ್ಲಿ ವಲಸೆ ಕಾರ್ಮಿಕರನ್ನು ಶಿಫ್ಟ್ ಮಾಡಲಾಗುತ್ತಿತ್ತು. ಆಗ ಮಳೆ - ಗಾಳಿ ಬಂದ ಕಾರಣ 400 ಕ್ಕೂ ಹೆಚ್ಚು ಜನರ ಮೇಲೆ ಶೆಲ್ಟರ್ ಕುಸಿದು ಬಿದ್ದಿತ್ತು. ಸಮಯಪ್ರಜ್ಞೆ ಮೆರೆದ ಪೊಲೀಸ್ ಕಾನ್ಸ್‌ಟೇಬಲ್ ರವಿಕುಮಾರ್​​ ಶೆಲ್ಟರ್ ಮೇಲೆತ್ತಿ, ಜನರನ್ನು ಹೊರ ಬರುವಂತೆ ಮಾಡಿದರು. ಶೆಲ್ಟರ್‌ ಅವಶೇಷದಡಿ ಸಿಲುಕಿದ್ದ ಮಗು, ಮಹಿಳೆಯನ್ನು ರಕ್ಷಣೆ ಮಾಡಿದ್ದರು.

ಇದನ್ನೂ ಓದಿ : ಹೊರ ರಾಜ್ಯಗಳಿಂದ ಬಂದವರು ಬೇಕಾಬಿಟ್ಟಿ ತಿರುಗಾಡಿದ್ರೆ ಬೀಳುತ್ತೆ ಕೇಸ್

ಎಂಬಿಎ ಗೋಲ್ಡ್ ಮೆಡಲಿಸ್ಟ್ ಆಗಿರುವ ಕಾನ್ಸ್ ಟೇಬಲ್ ರವಿಕುಮಾರ್ ಮೂಲತಹ ದಾವಣಗೆರೆ ಜಿಲ್ಲೆಯವರು. ಮೌಂಟ್ ಕಾರ್ಮೆಲ್ ಕಾಲೇಜಿನ ಉಪನ್ಯಾಸಕರಾಗಿ ಸೇವೆ ಸಲ್ಲಿಸಿದ್ದಾರೆ.  2019ರಲ್ಲಿ ನಗರ ಪೊಲೀಸ್​ ಕಾನ್ಸ್ ಟೇಬಲ್​​ ಆಗಿ ಕೆಲಸಕ್ಕೆ ನೇಮಕಗೊಂಡರು.
First published: