• Home
  • »
  • News
  • »
  • coronavirus-latest-news
  • »
  • Corona Vaccine| ಲಸಿಕೆ ಪಡೆಯದ ಜನರು ಕೋವಿಡ್​ನಿಂದ ಸಾಯುವ ಸಾಧ್ಯತೆ 11 ಪಟ್ಟು ಹೆಚ್ಚು: ಆತಂಕ ಮೂಡಿಸಿದ CDC ಅಧ್ಯಯನ..!

Corona Vaccine| ಲಸಿಕೆ ಪಡೆಯದ ಜನರು ಕೋವಿಡ್​ನಿಂದ ಸಾಯುವ ಸಾಧ್ಯತೆ 11 ಪಟ್ಟು ಹೆಚ್ಚು: ಆತಂಕ ಮೂಡಿಸಿದ CDC ಅಧ್ಯಯನ..!

ಅಸ್ವಸ್ಥತೆ ಹೊಂದಿರುವ ಮಕ್ಕಳಿಗೆ ಆರೋಗ್ಯ ಕೇಂದ್ರಗಳಲ್ಲಿ ಲಸಿಕೆ ನೀಡಲು ಸೂಚನೆ ನೀಡಲಾಗಿದೆ.  ಆನ್ ಲೈನ್ ಮಕ್ಕಳಿಗೆ ಶಾಲೆಗಳೇ ದಿನಾಂಕ ನಿಗದಿ ಮಾಡಿ, ಬರಹೇಳಿ ಲಸಿಕೆ ನೀಡಬೇಕು ಎಂದು ಸೂಚಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಅಸ್ವಸ್ಥತೆ ಹೊಂದಿರುವ ಮಕ್ಕಳಿಗೆ ಆರೋಗ್ಯ ಕೇಂದ್ರಗಳಲ್ಲಿ ಲಸಿಕೆ ನೀಡಲು ಸೂಚನೆ ನೀಡಲಾಗಿದೆ.  ಆನ್ ಲೈನ್ ಮಕ್ಕಳಿಗೆ ಶಾಲೆಗಳೇ ದಿನಾಂಕ ನಿಗದಿ ಮಾಡಿ, ಬರಹೇಳಿ ಲಸಿಕೆ ನೀಡಬೇಕು ಎಂದು ಸೂಚಿಸಲಾಗಿದೆ. (ಸಾಂದರ್ಭಿಕ ಚಿತ್ರ)

ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಗುರುವಾರ ಕೊರೊನಾವೈರಸ್‌ ವಿರುದ್ಧ ಲಕ್ಷಾಂತರ ಅಮೆರಿಕನ್ನರಿಗೆ ಲಸಿಕೆ ಹಾಕಲು ವ್ಯಾಪಕ ಕ್ರಮಗಳು ಮತ್ತು ಕ್ರಮಗಳನ್ನು ಅನಾವರಣಗೊಳಿಸಿದ ನಂತರ ಅಧ್ಯಯನದ ವರದಿ ಬಿಡುಗಡೆಯಾಗಿದೆ.

  • Share this:

    ಕೊರೋನಾ ವೈರಸ್‌ ರೋಗ ಉಲ್ಬಣವಾದಾಗಿನಿಂದಲೂ ಕೊರೊನಾ ಲಸಿಕೆ ಬಗ್ಗೆ ಜಾಗೃತಿ ಮೂಡಿಸಲಾಗುತ್ತಿದೆ. ಆದರೆ, ಈಗಲೂ ಹಲವರು ಲಸಿಕೆ ಪಡೆಯಲು ಹಿಂದೆ ಮುಂದೆ ನೋಡುತ್ತಿದ್ದಾರೆ. ಲಸಿಕೆಗಳು ಲಭ್ಯವಿದ್ದರೂ, ತಾವು ಲಸಿಕೆ ಪಡೆಯಲ್ಲ ಎನ್ನುತ್ತಿದ್ದಾರೆ. ಇಂತಹವರಿಗೆ ಇಲ್ಲೊಂದು ಆತಂಕಕಾರಿ ವರದಿ ಇಲ್ಲಿದೆ ನೋಡಿ. ಲಸಿಕೆ ಹಾಕಿಸಿಕೊಳ್ಳದ ಜನರು ಸಂಪೂರ್ಣವಾಗಿ ಲಸಿಕೆ ಪಡೆದವರಿಗಿಂತ ಕೋವಿಡ್ -19 ನಿಂದ ಸೋಂಕು, ಆಸ್ಪತ್ರೆಗೆ ದಾಖಲಾಗುವುದು ಮತ್ತು ಸಾವಿಗೆ ತುತ್ತಾಗುತ್ತಾರೆ ಎಂದು ಶುಕ್ರವಾರ ಬಿಡುಗಡೆಯಾದ ಸಿಡಿಸಿಯ ಹೆಚ್ಚಿನ ಡೇಟಾ ತೋರಿಸುತ್ತದೆ. ಏಪ್ರಿಲ್ ಆರಂಭದಿಂದ ಜುಲೈ ಮಧ್ಯದವರೆಗೆ ದೇಶದ 13 ಪ್ರದೇಶಗಳಲ್ಲಿ ಕಂಡುಬಂದ 6,15,000 ಕ್ಕಿಂತ ಹೆಚ್ಚು ಕೋವಿಡ್ -19 ಪ್ರಕರಣಗಳು, ಯುಎಸ್‌ ನಾದ್ಯಂತ ಸಂಭವಿಸಿದ ಸಾವುಗಳ ಬಗ್ಗೆ ಈ ಅಧ್ಯಯನ ತೋರಿಸುತ್ತದೆ. ಯುಎಸ್‌ನಲ್ಲಿ ಡೆಲ್ಟಾ ಪ್ರಕರಣಗಳು ಹೊರಹೊಮ್ಮಿದ ನಂತರ ವ್ಯಾಕ್ಸಿನೇಷನ್ ನಂತರದ ಕೋವಿಡ್-ಪ್ರಕರಣಗಳು, ಆಸ್ಪತ್ರೆಗೆ ದಾಖಲು ಮತ್ತು ಸಾವುಗಳ ಕುರಿತಾಗಿಯೂ ನಡೆದ ಅತಿದೊಡ್ಡ ಅಧ್ಯಯನವಾಗಿದೆ.


    ಲಸಿಕೆ ಪಡೆಯದ ಜನರಿಂದಲೇ ದೇಶಾದ್ಯಂತ ಎಲ್ಲಾ ಪ್ರಕರಣಗಳಲ್ಲಿ ಹೆಚ್ಚಿನ ಪ್ರಕರಣಗಳು ವರದಿಯಾಗಿವೆ ಎಂದು ಅಮೆರಿಕದಲ್ಲಿ ಕಂಡುಬಂದಿದೆ. ಡೆಲ್ಟಾ ರೂಪಾಂತರವು ಪ್ರಬಲವಾಗಿದ್ದ ಸಂದರ್ಭದಲ್ಲಿ ಅಂದರೆ ಬೇಸಿಗೆಯ ಕೊನೆಯ ಭಾಗದಲ್ಲಿಯೂ ಸಹ, ಲಸಿಕೆ ಪಡೆಯದವರದೇ ಹೆಚ್ಚಿನ ಪಾಲು ಎಂದು ಮಂಡಳಿ ಹೇಳುತ್ತದೆ.


    ಏಪ್ರಿಲ್ 4 ರಿಂದ ಜೂನ್ 19 ರವರೆಗೆ, ಲಸಿಕೆ ಪಡೆಯದ ಜನರಿಂದಲೇ 95% ಕೋವಿಡ್‌ ಪ್ರಕರಣಗಳು ದಾಖಲಾಗಿದ್ದರೆ, 93% ಜನ ಆಸ್ಪತ್ರೆಗೆ ದಾಖಲಾಗಿದ್ದು, ಮತ್ತು 92% ಜನ ಸಾವುಗಳಿಗೆ ಕಾರಣರಾಗಿದ್ದಾರೆ ಎಂದು ಅಧ್ಯಯನದ ಮೊದಲ ಅವಧಿಯಲ್ಲಿ ಕಂಡುಬಂದಿತ್ತು.


    ನಂತರ, ಜೂನ್ 20 ರಿಂದ ಜುಲೈ 17ರವರೆಗೆ, ಹೆಚ್ಚು ಸಾಂಕ್ರಾಮಿಕ ಡೆಲ್ಟಾ ರೂಪಾಂತರವು ಯುಎಸ್ನಲ್ಲಿ ಬಲವಾದ ನೆಲೆ ಹೊಂದಿದ್ದಾಗ, ಲಸಿಕೆ ಪಡೆದ ಜನರಲ್ಲೂ ಪ್ರಕರಣಗಳ ಸಂಖ್ಯೆ ಹೆಚ್ಚಾಯಿತು. ಆದರೂ, ಲಸಿಕೆ ಪಡೆಯದ ಜನರಿಂದಲೇ 82% ಕೋವಿಡ್‌ ಪ್ರಕರಣಗಳು ದಾಖಲಾಗಿದ್ದರೆ, 86% ಆಸ್ಪತ್ರೆಗೆ ದಾಖಲುಗಳು, ಮತ್ತು 84% ಸಾವುಗಳಿಗೆ ಕಾರಣರಾಗಿದ್ದಾರೆ, ಅಂದರೆ ಲಸಿಕೆ ಹಾಕಿಸಿಕೊಳ್ಳದವರೇ ಕೋವಿಡ್ - 19ಗೆ ಹೆಚ್ಚು ದುರ್ಬಲರಾಗಿದ್ದಾರೆ ಎಂದು ತಿಳಿದುಬಂದಿದೆ.


    ಶುಕ್ರವಾರ ಅಮೆರಿಕದ ಶ್ವೇತಭವನದಲ್ಲಿ ನಡೆದ ಕೋವಿಡ್ - 19 ಸುದ್ದಿಗೋಷ್ಠಿ ವೇಳೆ ಲಸಿಕೆ ಪಡೆದ ಹೆಚ್ಚು ಅಮೆರಿಕನ್ನರು ಆಸ್ಪತ್ರೆಗೆ ದಾಖಲಾಗುತ್ತಿದ್ದರೂ, ಆ ಅಂಕಿಅಂಶವು ಲಸಿಕೆ ಪಡೆಯದ ಅಮೆರಿಕನ್ನರ ಸಂಖ್ಯೆಗೆ ಮತ್ತು ಕೋವಿಡ್ -19 ನಿಂದ ಸಾಯುತ್ತಿರುವ ಸಂಖ್ಯೆಗೆ ಹತ್ತಿರವಾಗಿಲ್ಲ ಎಂದು ಸಿಡಿಸಿ ನಿರ್ದೇಶಕಿ ರೊಚೆಲ್ ವಾಲೆನ್ಸ್ಕಿ ಹೇಳಿದರು.


    ಇದನ್ನೂ ಓದಿ: Shivraj Singh Chouhan| ಸುರಿಯುತ್ತಿರುವ ಮಳೆಗೆ ಛತ್ರಿಹಿಡಿದು ಗಿಡಕ್ಕೆ ನೀರುಣಿಸಿ ಟ್ರೋಲ್ ಆದ ಸಿಎಂ ಶಿವರಾಜ್ ಸಿಂಗ್ ಚೌಹಾಣ್

    ವಾಸ್ತವವಾಗಿ, ಕಳೆದ ಎರಡು ತಿಂಗಳಲ್ಲಿ, ಡೆಲ್ಟಾ ರೂಪಾಂತರವು ಪ್ರತಿಯೊಂದು ಕೋವಿಡ್ -19 ಪ್ರಕರಣಕ್ಕೂ ಕಾರಣವಾದಾಗ, ಲಸಿಕೆ ಪಡೆಯದವರು ಕೋವಿಡ್ -19 ಅನ್ನು ಪಡೆಯುವ ಸಾಧ್ಯತೆ ಐದು ಪಟ್ಟು ಹೆಚ್ಚು, ಆಸ್ಪತ್ರೆಗೆ ದಾಖಲಾಗುವ ಸಾಧ್ಯತೆ 10 ಪಟ್ಟು ಹೆಚ್ಚು ಮತ್ತು ಸಂಪೂರ್ಣವಾಗಿ ಲಸಿಕೆ ಹಾಕಿಸಿಕೊಂಡವರಿಗಿಂತ ಕೋವಿಡ್ -19ನಿಂದ ಸಾಯುವ ಸಾಧ್ಯತೆ 11 ಪಟ್ಟು ಹೆಚ್ಚು ಎಂದು ಅದ್ಯಯನ ಮಾಹಿತಿ ನೀಡಿದೆ.


    ಇದರರ್ಥ ಈ ಸಾಂಕ್ರಾಮಿಕ ರೋಗವನ್ನು ಮೂಲೆಗೆ ತಳ್ಳುವಂತೆ ಮಾಡಲು ಅಗತ್ಯವಿರುವ ವೈಜ್ಞಾನಿಕ ಸಾಧನಗಳು ನಮ್ಮ ಬಳಿ ಇವೆ. ವ್ಯಾಕ್ಸಿನೇಷನ್ ಕೆಲಸ ಮಾಡುತ್ತದೆ ಮತ್ತು COVID-19ನ ತೀವ್ರ ತೊಡಕುಗಳಿಂದ ನಮ್ಮನ್ನು ರಕ್ಷಿಸುತ್ತದೆ ಎಂದು ವಾಲೆನ್ಸ್ಕಿ ಹೇಳಿದರು.


    ಇದನ್ನೂ ಓದಿ: Jignesh Mevani| ಕೊರೋನಾ ದುರಾಡಳಿತದ ಫಲವಾಗಿ ವಿಜಯ್ ರೂಪಾನಿ ರಾಜೀನಾಮೆ ನೀಡಿದ್ದಾರೆ; ಜಿಗ್ನೇಶ್ ಮೇವಾನಿ


    ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಗುರುವಾರ ಕೊರೊನಾವೈರಸ್‌ ವಿರುದ್ಧ ಲಕ್ಷಾಂತರ ಅಮೆರಿಕನ್ನರಿಗೆ ಲಸಿಕೆ ಹಾಕಲು ವ್ಯಾಪಕ ಕ್ರಮಗಳು ಮತ್ತು ಕ್ರಮಗಳನ್ನು ಅನಾವರಣಗೊಳಿಸಿದ ನಂತರ ಅಧ್ಯಯನದ ವರದಿ ಬಿಡುಗಡೆಯಾಗಿದೆ.

    Published by:MAshok Kumar
    First published: