ಚಿತ್ರದುರ್ಗದಿಂದ ಮಹಾರಾಷ್ಟ್ರಕ್ಕೆ ವಲಸೆ ಕಾರ್ಮಿಕರ ಅಕ್ರಮ ಸಾಗಾಟ; ಸಿಕ್ಕಿಬಿದ್ದ ಲಾರಿ ಮಾಲೀಕನ ವಿರುದ್ಧ ಕೇಸ್​

ಧಾರವಾಡ(ಮೇ.26): ಲಾರಿ ಮೂಲಕ ವಲಸೆ ಕಾರ್ಮಿಕರ ಅಕ್ರಮ ಸಾಗಾಟ‌ ಮಾಡುತ್ತಾ ಸಿಕ್ಕಿಬಿದ್ದ ಘಟನೆ ಧಾರವಾಡದಲ್ಲಿ ನಡೆದಿದೆ. ಇಲ್ಲಿನ ತೇಗೂರ ಎಂಬ ರಾಷ್ಟ್ರೀಯ ಹೆದ್ದಾರಿ ಚೆಕ್​​ಪೋಸ್ಟ್​​ನಲ್ಲಿ ಪೊಲೀಸರು ತಪಾಸಣೆ ನಡೆಸುತ್ತಿದ್ದ ವೇಳೆ ಲಾರಿಯಲ್ಲಿ ವಲಸಿಗರನ್ನು ಅಕ್ರಮವಾಗಿ ಪತ್ತೆಯಾಗಿದ್ದಾರೆ ಎಂದು ತಿಳಿದು ಬಂದಿದೆ.

ಇನ್ನು, 66 ಮಂದಿ ವಸಲೆ ಕಾರ್ಮಿಕರನ್ನು ತುಂಬಿಸಿಕೊಂಡು ಲಾರಿ ಹೊರಟಿತ್ತು. ಮಹಿಳೆಯರು, ಮಕ್ಕಳು ಲಾರಿಯಲ್ಲೇ ಪ್ರಯಾಣ ಮಾಡುತ್ತಿದ್ದರು. ಚಿತ್ರದುರ್ಗದ ಹಿರಿಯೂರಿನಿಂದ ಮಹಾರಾಷ್ಟ್ರದ ರಾಯಗಡ್‌ಗೆ ಹೋಗುತ್ತಿದ್ದ ವೇಳೆ ಮಾರ್ಗ ಮಧ್ಯೆಯೇ ಧಾರವಾಡದಲ್ಲಿ ಹೀಗೆ ಸಿಕ್ಕಿಬಿದ್ದಿದ್ಧಾರೆ.

ಸರಕು ಸಾಗಣೆಯ ಪಾಸ್ ಮಾಡಿಸಿಕೊಂಡು  ದುರ್ಬಳಕೆ ಮಾಡಿಕೊಳ್ಳಲಾಗಿದೆ. ಇದೇ ಪಾಸ್​ ಬಳಸಿಕೊಂಡು ಕಾರ್ಮಿಕರ ಅಕ್ರಮ ಸಾಗಾಟ ಮಾಡಲಾಗುತ್ತಿತ್ತು. ಇದೀಗ ಲಾರಿಯನ್ನು ಪೊಲೀಸರು ವಶಕ್ಕೆ ಪಡೆದಿದ್ದು, ಮಾಲೀಕನ ವಿರುದ್ಧ ಗರಗ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಇದನ್ನೂ ಓದಿ: ಕರ್ನಾಟಕದಲ್ಲಿ ಕೋವಿಡ್​​-19: ಒಂದೇ ದಿನ 100 ಮಂದಿಗೆ ವೈರಸ್​; 2,282ಕ್ಕೆ ಏರಿದ ಸೋಂಕಿತರ ಸಂಖ್ಯೆ

ಇನ್ನು, ಪೊಲೀಸ್​​ ಠಾಣಾಧಿಕಾರಿಗಳು ವಲಸೆ ಕಾರ್ಮಿಕರನ್ನು ನಗರದ ಸರ್ಕಾರಿ ಆಶ್ರಯ ತಾಣಕ್ಕೆ ಕಳಿಸಿದ್ದಾರೆ. ಈ ಕೊರೋನಾ ಲಾಕ್​ಡೌನ್​​ ಸಂದರ್ಭದಲ್ಲಿ ವಲಸೆ ಕಾರ್ಮಿಕರನ್ನು ಬಂಡವಾಳ ಮಾಡಿಕೊಂಡ ಕೆಲವು ಕಿಡಿಗೇಡಿಗಳು ಇಂತಹ ಕೆಲಸ ಮಾಡುತ್ತಿದ್ಧಾರೆ ಎಂದೇಳಲಾಗುತ್ತಿದೆ.