HOME » NEWS » Coronavirus-latest-news » BICYCLE MAYOR AND HIS TEAM IN HYDERABAD ARE WORKING BIG TIME FOR COVID RELIEF STG SKTV

Corona Virus: ಹೈದರಾಬಾದಿನ ಸೈಕಲ್ ಸವಾರರು ಈಗ ನಿಜವಾದ ಕೊರೊನಾ ವಾರಿಯರ್​ಗಳು !

ಸೆಲ್ವನ್ ಸಾಮಾಜಿಕ ಮಾಧ್ಯಮದಲ್ಲಿ ಒಂದು ಸಂದೇಶವನ್ನು ಹಂಚಿಕೊಂಡರು. ಕೊರೊನಾ ವೈರಸ್‌ ಸೋಂಕು ತಗುಲುವ ಅಥವಾ ತಮ್ಮಿಂದ ಬೇರೆಯವರಿಗೆ ಹರಡುವ ಭೀತಿಯಿಂದ ತಮ್ಮ ಮನೆಗಳಿಂದ ಹೊರಬರಲು ಸಾಧ್ಯವಾಗದ ವೃದ್ಧರಿಗೆ ಔಷಧಿಗಳಂತಹ ಅಗತ್ಯ ವಸ್ತುಗಳ ಸೇವೆ ಒದಗಿಸುವುದಾಗಿ ಪೋಸ್ಟ್‌ ಮಾಡಿದ್ದರು.

news18-kannada
Updated:May 8, 2021, 3:22 PM IST
Corona Virus: ಹೈದರಾಬಾದಿನ ಸೈಕಲ್ ಸವಾರರು ಈಗ ನಿಜವಾದ ಕೊರೊನಾ ವಾರಿಯರ್​ಗಳು !
ಬೈಸಿಕಲ್ ಮೇಯರ್ ಸೆಲ್ವನ್
  • Share this:
Corona Warrior: ಕೋವಿಡ್‌ - 19 ಸಾಂಕ್ರಾಮಿಕ ಬಹುತೇಕರ ಬದುಕನ್ನು ಕಂಗೆಡಿಸುತ್ತಿದೆ. ಸೋಂಕು ಬಂದವರ ಸ್ಥಿತಿ ಒಂದು ರೀತಿಯಾದರೆ, ಸೋಂಕು ಹರಡುವ ಭೀತಿಯಿಂದ ಮನೆಯಿಂದ ಹೊರಗೆ ಕಾಲಿಡಲು ಹೆದರುವವವರ ಸ್ಥಿತಿ ಇನ್ನೊಂದು ರೀತಿ. ಮನೆಯ ಅಗತ್ಯ ಸಾಮಗ್ರಿಗಳನ್ನು ತರಲು ಹೊರಗೆ ಹೋದರೆ ಕೊರೊನಾ ಸೋಂಕು ಹರಡಿಬಿಡುವ ಭಯದಿಂದ ಮನೆಯಲ್ಲೇ ಇರುತ್ತಾರೆ ಹಲವರು. ಅಲ್ಲದೆ, ಕೊರೊನಾವೈರಸ್ ಸಾಂಕ್ರಾಮಿಕ ರೋಗದಿಂದಾಗಿ ಸಂಪನ್ಮೂಲಗಳ ಲಭ್ಯತೆ ವಿರಳವಾಗಿದೆ. ಮತ್ತು ಸೇವೆಗೆ ಸಂಪೂರ್ಣವಾಗಿ ಅಡ್ಡಿಯಾಗಿರುವ ಅಥವಾ ನಿರ್ಬಂಧಿಸಲ್ಪಟ್ಟಿರುವ ಸಮಯದಲ್ಲಿ, ಹೈದರಾಬಾದ್‌ನ ‘ಬೈಸಿಕಲ್ ಮೇಯರ್’ ತನ್ನ ಸೈಕಲ್‌ ಬಳಸಿ ವೃದ್ಧರ ಅಗತ್ಯತೆಗಳನ್ನು ನಗುವಿನೊಂದಿಗೆ ಮನೆ ಬಾಗಿಲಿಗೆ ತಲುಪಿಸುತ್ತಿದ್ದಾರೆ. ಅವರಿಗೆ ಹಲವು ಸ್ವಯಂಸೇವಕರು ಬೆಂಬಲ ನೀಡುತ್ತಿದ್ದಾರೆ.

ಹೈದರಾಬಾದ್ ನಿವಾಸಿ ಸಂತನಾ ಸೆಲ್ವನ್ (41) ಅವರನ್ನು ನಗರದ ‘ಬೈಸಿಕಲ್ ಮೇಯರ್’ಎಂದು ಅಂತಾರಾಷ್ಟ್ರೀಯ ಬೈಸಿಕಲ್ ಸಂಸ್ಥೆ ‘BYCS’ ಏಪ್ರಿಲ್‌ನಲ್ಲಿ ಕರೆಯಲಾಯಿತು. ಜನದಟ್ಟಣೆಯ ಸ್ಥಳಗಳಲ್ಲಿ ಮಾಲಿನ್ಯವನ್ನು ಕಡಿಮೆ ಮಾಡಲು ನಗರಗಳಲ್ಲಿ ಬೈಸಿಕಲ್ ಬಳಕೆಯನ್ನು ಉತ್ತೇಜಿಸುವ ಉದ್ದೇಶವನ್ನು ಈ ಸಂಸ್ಥೆ ಹೊಂದಿದೆ. ಕೆಲವು ವಾರಗಳ ಹಿಂದೆ, ಕೊರೊನಾ ವೈರಸ್‌ ಸಾಂಕ್ರಾಮಿಕ ರೋಗದ ಎರಡನೇ ಅಲೆಯು ಹೈದರಾಬಾದ್ ಸೇರಿದಂತೆ ಭಾರತದ ಬಹುತೇಕ ಭಾಗಗಳನ್ನು ಆವರಿಸಲಾರಂಭಿಸಿತು.

ಈ ಹಿನ್ನೆಲೆ ಸೆಲ್ವನ್ ಸಾಮಾಜಿಕ ಮಾಧ್ಯಮದಲ್ಲಿ ಒಂದು ಸಂದೇಶವನ್ನು ಹಂಚಿಕೊಂಡರು. ಕೊರೊನಾ ವೈರಸ್‌ ಸೋಂಕು ತಗುಲುವ ಅಥವಾ ತಮ್ಮಿಂದ ಬೇರೆಯವರಿಗೆ ಹರಡುವ ಭೀತಿಯಿಂದ ತಮ್ಮ ಮನೆಗಳಿಂದ ಹೊರಬರಲು ಸಾಧ್ಯವಾಗದ ವೃದ್ಧರಿಗೆ ಔಷಧಿಗಳಂತಹ ಅಗತ್ಯ ವಸ್ತುಗಳ ಸೇವೆ ಒದಗಿಸುವುದಾಗಿ ಪೋಸ್ಟ್‌ ಮಾಡಿದ್ದರು.

ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿದ್ದು ಅಷ್ಟೇ ಅಲ್ಲ, ಹೇಳಿದಂತೆ ನೆರವಾಗಲು ಸೆಲ್ವನ್‌ ಮತ್ತು ಅವರ ಸ್ವಯಂ ಸೇವಕರು ಹೆಜ್ಜೆ ಇಟ್ಟರು. ಸೆಲ್ವನ್‌ ಔಷಧಿಗಳನ್ನು ತಲುಪಿಸಲು ನೆರವು ಕೇಳಿದ್ದಕ್ಕೆ ಇನ್ನೂ ಹಲವು ಸ್ವಯಂ ಸೇವಕರು ಈ ಪೋಸ್ಟ್‌ಗೆ ಪ್ರತಿಕ್ರಯಿಸಿದ್ದು, ತಾವೂ ಸೇವೆಗೆ ಮುಂದಾದರು.

ಇದನ್ನೂ ಓದಿhttps://kannada.news18.com/news/coronavirus-latest-news/new-chinese-vaccine-sinopharm-gets-who-emergency-approval-sktv-561999.html

ವೃದ್ಧರಿಗೆ ಔಷಧಿಗಳನ್ನು ತಲುಪಿಸುವ ಒಂದು ಸಣ್ಣ ಉಪಕ್ರಮವಾಗಿ ಪ್ರಾರಂಭವಾದದ್ದು, ಈಗ ಸುಮಾರು 100 ಸ್ವಯಂಸೇವಕರ ಸಮೂಹವಾಗಿ ಬೆಳೆದಿದೆ. ಈ ತಂಡಕ್ಕೆ ‘ರಿಲೀಫ್ ರೈಡರ್ಸ್’ ಎಂದು ಹೆಸರಿಡಲಾಗಿದೆ. ಸ್ವಯಂಸೇವಕರು ಆರಂಭದಲ್ಲಿ ವಯಸ್ಸಾದವರಿಗೆ ಕೇವಲ ಔಷಧಿಗಳನ್ನು ತಲುಪಿಸುತ್ತಿದ್ದರೆ. ಆದರೆ, ಈಗ ಆಮ್ಲಜನಕ ಸಿಲಿಂಡರ್‌ಗಳು ಮತ್ತು ಸಾಂದ್ರಕಗಳು, ಆಸ್ಪತ್ರೆಯಲ್ಲಿ ಬೆಡ್‌, ವೆಂಟಿಲೇಟರ್‌ಗಳು, ಪ್ಲಾಸ್ಮಾ ದಾನಿಗಳು ಮತ್ತು ಕೋವಿಡ್ -19 ರೋಗಿಗಳಿಗೆ ಅಗತ್ಯವಿರುವ ಔಷಧಿಗಳನ್ನು ಹುಡುಕಲು ಮತ್ತು ಈ ಸಂಪನ್ಮೂಲಗಳನ್ನು ಅಗತ್ಯವಿರುವವರಿಗೆ ಸಂಪರ್ಕಿಸಲು ವಿಸ್ತರಿಸಿದೆ. .

ದಿ ಇಂಡಿಯನ್ ಎಕ್ಸ್‌ಪ್ರೆಸ್‌ನ ವರದಿಯ ಪ್ರಕಾರ, ಸೆಲ್ವನ್ ಮತ್ತು ಅವರ ಸ್ನೇಹಿತರು ಈಗ ತಮ್ಮ ಸೇವೆಗಳನ್ನು ಹೆಚ್ಚಿಸಲು ಮತ್ತು ಆಹಾರ ಹಾಗೂ ಇತರ ಅಗತ್ಯ ವಸ್ತುಗಳನ್ನು ತಲುಪಿಸಲು ಯೋಜಿಸುತ್ತಿದ್ದಾರೆ.
Youtube Video

ಈ ಮಧ್ಯೆ, ಭಾರತದಾದ್ಯಂತ ಸಾಂಕ್ರಾಮಿಕ ರೋಗ ಹರಡುವಿಕೆಯ ಎರಡನೇ ಅಲೆಯ ಹಿನ್ನೆಲೆಯಲ್ಲಿ 2022 ರವರೆಗೆ ಕೋವಿಡ್ ಸಂಬಂಧಿತ ಆರೋಗ್ಯ ಮೂಲಸೌಕರ್ಯ ಮತ್ತು ಸೇವೆಗಳನ್ನು ಹೆಚ್ಚಿಸಲು 50,000 ಕೋಟಿ ರೂ.ಗಳ ನೆರವನ್ನು ರಿಸರ್ವ್ ಬ್ಯಾಂಕ್ ಬುಧವಾರ ಪ್ರಕಟಿಸಿದೆ. ಮಂಗಳವಾರ, ಭಾರತದಲ್ಲಿ 3.57 ಲಕ್ಷ ಹೊಸ ಕೊರೊನಾ ಪ್ರಕರಣಗಳು ದಾಖಲಾಗಿದ್ದು, 3,460 ಜನ ಸೋಂಕಿನಿಂದಾಗಿ ಮೃತಪಟ್ಟಿದ್ದಾರೆ.
Published by: Soumya KN
First published: May 8, 2021, 3:22 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories