ಬೆಂಗಳೂರಿನಲ್ಲಿ ಕೊರೋನಾದಿಂದ ಮೃತಪಡುವವರ ಸಂಖ್ಯೆ ಏರಿಕೆ; ಚಿತಾಗಾರದಲ್ಲಿ ಶವ ಸಂಸ್ಕಾರಕ್ಕೂ ಪರದಾಟ

ಕೋವಿಡ್​ನಿಂದ ಮೃತಪಟ್ಟವರ ಮುಖವನ್ನು ಕೊನೆಯದಾಗಿ ನೋಡಲು ಸಂಬಂಧಿಕರು ಕಡ್ಡಾಯವಾಗಿ ಚಿತಾಗಾರದ ಪ್ರವೇಶದ್ವಾರದಲ್ಲಿ ಪಿಪಿಇ ಕಿಟ್ ಧರಿಸಿ ಬರಬೇಕು.  ಪಿಪಿಇ ಕಿಟ್ ಧರಿಸದಿದ್ದರೆ ಮುಖ ನೋಡಲು ಅವಕಾಶವಿಲ್ಲ. ಈ ಮೊದಲು ಕೋವಿಡ್​ನಿಂದ ಮೃತಪಟ್ಟವರ ಮೃತದೇಹದ ಮುಂದೆ ಕರ್ಪೂರ ಹಚ್ಚಿ ಪೂಜೆ ಮಾಡಲು ಅವಕಾಶವಿತ್ತು.  ಈಗ ಕರ್ಪೂರ ಹಚ್ಚುವುದಕ್ಕೂ ನಿರ್ಬಂಧ ವಿಧಿಸಲಾಗಿದೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಬೆಂಗಳೂರು; ರಾಜಧಾನಿ ಬೆಂಗಳೂರಿನಲ್ಲಿ ಮಾರಕ ಕೊರೋನಾ ವೈರಸ್​ನಿಂದ ಮೃತಪಡುವವರ ಸಂಖ್ಯೆ ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಿದ್ದು, ಚಿತಾಗಾರದಲ್ಲಿ ಶವ ಸಂಸ್ಕಾರಕ್ಕೂ ಪರದಾಡುವಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ.

    ಬೆಂಗಳೂರಿನ ಬನಶಂಕರಿ, ಸುಂಕದಕಟ್ಟೆ , ಕಲ್ಲಹಳ್ಳಿ, ಹೆಬ್ಬಾಳ , ಕೂಡ್ಲು ಚಿತಾಗಾರದಲ್ಲಿ ಅಂತ್ಯಸಂಸ್ಕಾರ ನಡೆಯುತ್ತಿವೆ. ನಗರದ ಪ್ರತಿ ಚಿತಾಗಾರಕ್ಕೂ ಏಳರಿಂದ ಹತ್ತು ಮೃತದೇಹಗಳನ್ನು ಕಳುಹಿಸಲು ಬಿಬಿಎಂಪಿ ವ್ಯವಸ್ಥೆ ಮಾಡಿದೆ. ಅದರಂತೆ ಚಿತಾಗಾರದಲ್ಲಿ ಒಂದು ಮೃತ ದೇಹ ಸುಡಲು 1 ರಿಂದ 2 ಗಂಟೆ ಸಮಯ ಬೇಕು. ಹೀಗಾಗಿ  ಶವ ಸಂಸ್ಕಾರ ತಡವಾಗುವುದರಿಂದ ಮೃತರ ಸಂಬಂಧಿಕರು ಎಲ್ಲರೂ ಕಾಯಬೇಕಾದ ದುಸ್ಥಿತಿ ನಿರ್ಮಾಣವಾಗಿದೆ. ಚಿತಾಗಾರದಲ್ಲಿ ಶವಸಂಸ್ಕಾರಕ್ಕೆ ಮೃತದೇಹಗಳನ್ನು ತಂದ ಆ್ಯಂಬುಲೆನ್ಸ್​ಗಳು ಸಾಲಿನಲ್ಲಿ ಕಾದು ನಿಂತಿವೆ.

    ಆರೋಗ್ಯಾಧಿಕಾರಿಗಳ ಸಮ್ಮುಖದಲ್ಲಿ ಮೃತದೇಹಗಳ ಅಂತ್ಯ ಸಂಸ್ಕಾರ ನಡೆಯುತ್ತಿದೆ. ಆದರೆ, ದಿನಪೂರ್ತಿ ಸ್ಮಶಾನದಲ್ಲಿ ಇರಲು ಆರೋಗ್ಯಾಧಿಕಾರಿಗಳಿಗೂ ಭಯ ಕಾಡಲಾರಂಭಿಸಿದೆ.

    ಇದನ್ನು ಓದಿ: BBMP Commissioner: ಬಿಬಿಎಂಪಿ ಕಮಿಷನರ್​ ಅನಿಲ್​ ಕುಮಾರ್​ ವರ್ಗಾವಣೆ; ಮಂಜುನಾಥ್ ಪ್ರಸಾದ್ ನೂತನ ಆಯುಕ್ತ

    ಕೋವಿಡ್​ನಿಂದ ಮೃತಪಟ್ಟವರ ಮುಖವನ್ನು ಕೊನೆಯದಾಗಿ ನೋಡಲು ಸಂಬಂಧಿಕರು ಕಡ್ಡಾಯವಾಗಿ ಚಿತಾಗಾರದ ಪ್ರವೇಶದ್ವಾರದಲ್ಲಿ ಪಿಪಿಇ ಕಿಟ್ ಧರಿಸಿ ಬರಬೇಕು.  ಪಿಪಿಇ ಕಿಟ್ ಧರಿಸದಿದ್ದರೆ ಮುಖ ನೋಡಲು ಅವಕಾಶವಿಲ್ಲ. ಈ ಮೊದಲು ಕೋವಿಡ್​ನಿಂದ ಮೃತಪಟ್ಟವರ ಮೃತದೇಹದ ಮುಂದೆ ಕರ್ಪೂರ ಹಚ್ಚಿ ಪೂಜೆ ಮಾಡಲು ಅವಕಾಶವಿತ್ತು.  ಈಗ ಕರ್ಪೂರ ಹಚ್ಚುವುದಕ್ಕೂ ನಿರ್ಬಂಧ ವಿಧಿಸಲಾಗಿದೆ.
    Published by:HR Ramesh
    First published: