• Home
  • »
  • News
  • »
  • coronavirus-latest-news
  • »
  • Bangalore Coronavirus: ಸ್ಯಾಂಡಲ್​ವುಡ್ ಹಿರಿಯ ನಟ ದೊಡ್ಡಣ್ಣಗೂ ಕೊರೋನಾ ಭೀತಿ

Bangalore Coronavirus: ಸ್ಯಾಂಡಲ್​ವುಡ್ ಹಿರಿಯ ನಟ ದೊಡ್ಡಣ್ಣಗೂ ಕೊರೋನಾ ಭೀತಿ

ಸಾಂದರ್ಭಿಕ ಚಿತ್ರ.

ಸಾಂದರ್ಭಿಕ ಚಿತ್ರ.

Sumalatha Ambareesh: ಕೊರೋನಾ ಸೋಂಕಿಗೆ ಒಳಗಾಗಿರುವ ಸುಮಲತಾ ಅಂಬರೀಶ್ ಸಂಪರ್ಕಕ್ಕೆ ಬಂದಿದ್ದರಿಂದ ನಟ ದೊಡ್ಡಣ್ಣನವರಿಗೂ ಕೊರೋನಾ ಆತಂಕ ಶುರುವಾಗಿದೆ.

  • Share this:

ಬೆಂಗಳೂರು (ಜು. 7): ಕೊರೋನಾ ವೈರಸ್ ರಾಜ್ಯದ ಉದ್ದಗಲಕ್ಕೂ ತನ್ನ ಬಾಹುಗಳನ್ನು ಚಾಚಿದೆ. ಬಡವ, ಸಿರಿವಂತ, ಪೊಲೀಸರು, ವೈದ್ಯರು, ಶಾಸಕರು ಸೇರಿದಂತೆ ಯಾರನ್ನೂ ಬೆಂಬಿಡದೆ ತನ್ನ ಕಪಿಮುಷ್ಟಿಯಲ್ಲಿ ಸಿಲುಕಿಸಿಕೊಂಡಿದೆ. ಚಿತ್ರರಂಗ ಹಾಗೂ ರಾಜಕಾರಣಿಗಳನ್ನು ಬಿಡದೆ ಈ ವೈರಸ್ ಕಾಡುತ್ತಿದೆ. ನಿನ್ನೆಯಷ್ಟೆ ನಟಿ ಹಾಗೂ ಸಂಸದೆ ಸುಮಲತಾ ಅಂಬರೀಶ್ ತಮಗೆ ಕೊರೋನಾ ಸೋಂಕು ತಗುಲಿರುವುದನ್ನು ಸಾಮಾಜಿಕ ಜಾಲತಾಣದ ಮುಖಾಂತರ ದೃಢಪಡಿಸಿದ್ದರು, ಇದರ ಬೆನ್ನಲ್ಲೇ ಚಂದನವನದ ಹಿರಿಯ ಹಾಸ್ಯ ನಟ ದೊಡ್ಡಣನವರಿಗೆ ಕೊರೋನಾ ಆತಂಕ ಎದುರಾಗಿದೆ.

ಕಳೆದ ಗುರುವಾರ ವಿಧಾನಸೌಧದಲ್ಲಿ ಅಂಬರೀಶ್ ಸ್ಮಾರಕ ನಿರ್ಮಾಣ ವಿಚಾರವಾಗಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪನವರು ಸಭೆ ನಡೆಸಿದ್ದರು. ಸಭೆಯಲ್ಲಿ ಮುಖ್ಯಮಂತ್ರಿಗಳ ಜೊತೆ ಸುಮಲತಾ ಅಂಬರೀಶ್, ರಾಕ್‌ಲೈನ್ ವೆಂಕಟೇಶ್, ದೊಡ್ಡಣ್ಣ ಸಹ ಪಾಲ್ಗೊಂಡಿದ್ದರು. ಸುಮಲತಾ ಅಂಬರೀಶ್ ಸಂಪರ್ಕಕ್ಕೆ ಬಂದಿದ್ದರಿಂದ ದೊಡ್ಡಣ್ಣನವರಿಗೂ ಕೊರೋನಾ ಆತಂಕ ಶುರುವಾಗಿದೆ. ಅಂಬರೀಶ್ ಸ್ಮಾರಕ‌ ನಿರ್ಮಾಣಕ್ಕೆ ಸುಮಲತಾ ಅನುಮತಿ ನೀಡಿ ಆದೇಶ ಪತ್ರಕ್ಕೆ ಸಹಿ ಹಾಕಿದ್ದರು. ಈ ವೇಳೆ ದೊಡ್ಡಣ್ಣ ಸಹ ಜೊತೆಯಲ್ಲಿ ಇದ್ದಿದ್ದರಿಂದ ಅವರಿಗೂ ಸಹ ಆತಂಕ ಎದುರಾಗಿದೆ.

ದೊಡ್ಡಣ್ಣ


ಇದನ್ನೂ ಓದಿ: ಸುಮಲತಾ ಅಂಬರೀಷ್​ಗೂ ತಗುಲಿದ ಕೊರೋನಾ ಸೋಂಕು; ಸೋಷಿಯಲ್ ಮೀಡಿಯಾದಲ್ಲಿ ಖಚಿತಪಡಿಸಿದ ಮಂಡ್ಯ ಸಂಸದೆ

ಆರೋಗ್ಯ ಇಲಾಖೆ ದೊಡ್ಡಣ್ಣರವರಿಗೂ ಹೋಂ ಕ್ವಾರಂಟೈನ್ ಸೂಚನೆ ನೀಡಬಹುದು ಎಂದು ಅಂದಾಜಿಸಲಾಗಿದ್ದು, ಬೆಂಗಳೂರು ಉತ್ತರ ತಾಲೂಕಿನ ಚನ್ನನಾಯಕನಪಾಳ್ಯದಲ್ಲಿರುವ ನಿವಾಸದಲ್ಲಿ ದೊಡ್ಡಣ್ಣನವರನ್ನು ಹೋಂ ಕ್ವಾರಂಟೈನ್ ಮಾಡುವ ಸಾಧ್ಯತೆ ಇದೆ. ಜುಲೈ 4ರಂದು ಸುಮಲತಾ ಅವರಿಗೆ ತಲೆನೋವು ಮತ್ತು ಗಂಟಲು ನೋವು ಕಾಣಿಸಿಕೊಂಡಿತ್ತು. ಕೊರೋನಾಪೀಡಿತ ಪ್ರದೇಶಗಳಲ್ಲಿ ಓಡಾಟ ನಡೆಸಿದ್ದ ಹಿನ್ನೆಲೆಯಲ್ಲಿ ಅವರು ಕೊರೋನಾ ಪರೀಕ್ಷೆಗೆ ಒಳಗಾಗಿದ್ದರು. ನಿನ್ನೆ ಅವರಿಗೆ ಕೊರೋನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ. ಅವರು ತಮ್ಮ ಮನೆಯಲ್ಲೇ ಕ್ವಾರಂಟೈನ್ ಆಗಿದ್ದಾರೆ.

Published by:Sushma Chakre
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು