HOME » NEWS » Coronavirus-latest-news » AIR INDIA DELHI MOSCOW FLIGHT FORCED TO RETURN AS PILOT FOUND POSITIVE FOR COVID 19 MID AIR RMD

ಆಗಸದಲ್ಲಿ ಪೈಲಟ್​ಗೆ ಕೊರೋನಾ ಪಾಸಿಟಿವ್; ಮಾಸ್ಕೋ ಹೊರಟಿದ್ದ ವಿಮಾನ ಅರ್ಧ ದಾರಿಯಲ್ಲಿ ಭಾರತಕ್ಕೆ ವಾಪಸ್!

ವಂದೇ ಭಾರತ್​ ಯೋಜನೆ ಅಡಿಯಲ್ಲಿ ನಾನಾ ರಾಷ್ಟ್ರಗಳಿಗೆ ಭಾರತ ವಿಮಾನಗಳನ್ನು ಕಳುಹಿಸುತ್ತಿದೆ. ಈ ಮೂಲಕ ಅಲ್ಲಿ ಸಿಲುಕಿರುವ ಭಾರತೀಯರನ್ನು ಕರೆತರಲಾಗುತ್ತಿದೆ. ಹೀಗೆ ಮಾಸ್ಕೋದಲ್ಲಿರುವ ಸಿಲುಕಿರುವ ಭಾರತೀಯರನ್ನು ಕರೆತರಲು ಏರ್​ ಇಂಡಿಯಾ ವಿಮಾನ ದೆಹಲಿಯಿಂದ ಹೊರಟಿತ್ತು.

news18-kannada
Updated:May 31, 2020, 7:59 AM IST
ಆಗಸದಲ್ಲಿ ಪೈಲಟ್​ಗೆ ಕೊರೋನಾ ಪಾಸಿಟಿವ್; ಮಾಸ್ಕೋ ಹೊರಟಿದ್ದ ವಿಮಾನ ಅರ್ಧ ದಾರಿಯಲ್ಲಿ ಭಾರತಕ್ಕೆ ವಾಪಸ್!
ವಿಮಾನ
  • Share this:
ನವದೆಹಲಿ (ಮೇ 31): ಕೊರೋನಾ ವೈರಸ್​ ಈಗ ಭೀಕರವಾಗಿ ಕಾಡುತ್ತಿದೆ. ಸಾಮಾನ್ಯರು, ಶ್ರೀಮಂತರು ಎಂದು ನೋಡದೆ ಎಲ್ಲರ ಜೀವ ಹಿಂಡುತ್ತಿದೆ. ಅಚ್ಚರಿ ವಿಚಾರ ಎಂದರೆ, ದೆಹಲಿಯಿಂದ ಮಾಸ್ಕೋ ಹೊರಟಿದ್ದ ವಿಮಾನದಲ್ಲಿರುವ ಪೈಲಟ್​ಗೆ ಕೊರೋನಾ ಪಾಸಿಟಿವ್​ ಪತ್ತೆಯಾಗಿದೆ. ಹೀಗಾಗಿ, ವಿಮಾನವನ್ನು ಅರ್ಧದಿಂದ ಕರೆತರಲಾಗಿದೆ.

ಆಗಿದ್ದಿಷ್ಟೆ. ವಂದೇ ಭಾರತ್​ ಯೋಜನೆ ಅಡಿಯಲ್ಲಿ ನಾನಾ ರಾಷ್ಟ್ರಗಳಿಗೆ ಭಾರತ ವಿಮಾನಗಳನ್ನು ಕಳುಹಿಸುತ್ತಿದೆ. ಈ ಮೂಲಕ ಅಲ್ಲಿ ಸಿಲುಕಿರುವ ಭಾರತೀಯರನ್ನು ಕರೆತರಲಾಗುತ್ತಿದೆ. ಹೀಗೆ ಮಾಸ್ಕೋದಲ್ಲಿರುವ ಸಿಲುಕಿರುವ ಭಾರತೀಯರನ್ನು ಕರೆತರಲು ಏರ್​ ಇಂಡಿಯಾ ವಿಮಾನ ದೆಹಲಿಯಿಂದ ಹೊರಟಿತ್ತು. ಉಜ್​ಬೇಕಿಸ್ತಾನ್​ ಬಳಿ ತೆರಳುವಾಗ ಓರ್ವ ಪೈಲಟ್​ಗೆ ಕೊರೋನಾ ಪಾಸಿಟಿವ್​ ಇರುವ ವಿಚಾರ ಗೊತ್ತಾಗಿದೆ.

ಹೀಗಾಗಿ, ನಿಯಮದ ಪ್ರಕಾರ ತಕ್ಷಣ ವಾಪಾಸು ಬರುವಂತೆ ಪೈಲಟ್​ಗೆ ಸೂಚಿಸಲಾಗಿತ್ತು. ಹೀಗಾಗಿ, ಬೇರೆ ದಾರಿ ಕಾಣದೆ ಪೈಲಟ್ ವಿಮಾನವನ್ನು ಭಾರತಕ್ಕೆ ಹಿಂದಿರುಗಿಸಿದ್ದ.

ಇದನ್ನೂ ಓದಿ: ಶಾಕಿಂಗ್ ವಿಡಿಯೋ; ಕೊರೋನಾ ಶಂಕಿತರ ಸ್ಯಾಂಪಲ್​ ಕಿಟ್​ನೊಂದಿಗೆ ಮಂಗಗಳು ಪರಾರಿ!

ವಿಮಾನ ಹೊರಡುವುದಕ್ಕೂ ಎರಡು ದಿನ ಮೊದಲು ಎಲ್ಲ ಪೈಲಟ್​ಗಳ ರಕ್ತ ಪರೀಕ್ಷೆ ಮಾಡಲಾಗಿತ್ತು. ಈ ವೇಳೆ ಓರ್ವ ಪೈಲಟ್​ ಹೊರತುಪಡಿಸಿ ಉಳಿದ ಎಲ್ಲರದ್ದೂ ವರದಿ ನೆಗೆಟಿವ್​ ಬಂದಿತ್ತು. ಅಚ್ಚರಿ ವಿಚಾರ ಏನೆಂದರೆ, ಪಾಸಿಟಿವ್​​ ವರದಿ ಬಂದ ವ್ಯಕ್ತಿಯದ್ದು ನೆಗೆಟಿವ್ ಎಂದೇ ಓದಲಾಗಿತ್ತು. ಈ ತಪ್ಪಿನಿಂದಾಗಿ ಈ ರೀತಿ ಆಗಿತ್ತು. ನಂತರ ಮಾಸ್ಕೋಗೆ ಭಾರತದಿಂದ ಮತ್ತೊಂದು ವಿಮಾನ ಕಳುಹಿಸಲಾಗಿದೆ.
Youtube Video

  
First published: May 31, 2020, 7:57 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories