Ahmedabad: ಭಾರತದಲ್ಲೊಂದು ವುಹಾನ್ ನಗರಿ; ಕೊರೋನಾ ಹಾಟ್​ಸ್ಪಾಟ್ ಆದ ಅಹ್ಮದಾಬಾದ್

Ahmedabad Coronavirus Case: ಗುಜರಾತ್ ರಾಜ್ಯದಲ್ಲಿ ಈವರೆಗೆ 319 ಮಂದಿ ಸಾವನ್ನಪ್ಪಿದ್ದಾರೆ. ಅದರಲ್ಲಿ ಅಹ್ಮದಾಬಾದ್ ನಗರವೊಂದರಲ್ಲೇ ಸತ್ತವರ ಸಂಖ್ಯೆ 234 ಇದೆ.

news18
Updated:May 5, 2020, 5:07 PM IST
Ahmedabad: ಭಾರತದಲ್ಲೊಂದು ವುಹಾನ್ ನಗರಿ; ಕೊರೋನಾ ಹಾಟ್​ಸ್ಪಾಟ್ ಆದ ಅಹ್ಮದಾಬಾದ್
ಸಾಂದರ್ಭಿಕ ಚಿತ್ರ
  • News18
  • Last Updated: May 5, 2020, 5:07 PM IST
  • Share this:
ಅಹ್ಮದಾಬಾದ್(ಮೇ 05): ಕೊರೋನಾದಿಂದ ಇಡೀ ಭಾರತವೇ ಕಂಗೆಟ್ಟುಹೋಗಿದೆ. ಬಹುತೇಕ ಮಹಾನಗರಿಗಳಿಗೆ ಕೊರೋನಾ ಮಹಾಮಾರಿಯ ಕರಾಳ ಮುಖದ ದರ್ಶನವಾಗಿದೆ. ಮುಂಬೈ ನಗರಿಯಂತೂ ಅಕ್ಷರಶಃ ಜರ್ಝರಿತವಾಗಿದೆ. ಈಗ ಗುಜರಾತ್ ರಾಜ್ಯದ ಅಹ್ಮದಾಬಾದ್ ನಗರ ಕೂಡ ಅಷ್ಟೇ ಅಪಾಯಕಾರಿಯಾಗಿ ಪರಿಣಿಮಿಸುತ್ತಿದೆ. ಇಲ್ಲಿ ಕೇವಲ 5 ದಿನದಲ್ಲಿ 100 ಮಂದಿ ಸಾವನ್ನಪ್ಪಿರುವುದು ಗುಜರಾತಿಗರನ್ನು ಬೆಚ್ಚಿಬೀಳಿಸಿದೆ. ಚೀನಾದ ವುಹಾನ್ ನಗರಿಯಲ್ಲಿ ಆರಂಭಿಕ ಹಂತದಲ್ಲಾದಂತೆ ಅಹ್ಮದಾಬಾದ್​ನಲ್ಲೂ ಕ್ಷಿಪ್ರ ವೇಗದಲ್ಲಿ ಕೊರೋನಾ ಹರಡುತ್ತಿದೆಯಾ ಎಂಬ ಭಯ ಕಾಡುತ್ತಿದೆ.

ಗುಜರಾತ್ ರಾಜ್ಯದಲ್ಲಿ ಈವರೆಗೆ 319 ಮಂದಿ ಸಾವನ್ನಪ್ಪಿದ್ದಾರೆ. ಅದರಲ್ಲಿ ಅಹ್ಮದಾಬಾದ್ ನಗರವೊಂದರಲ್ಲೇ ಸತ್ತವರ ಸಂಖ್ಯೆ 234 ಇದೆ. ಅಂದರೆ ಗುಜರಾತ್​ನ ಶೇ. 73ರಷ್ಟು ಸಾವು ಅಹ್ಮದಾಬಾದ್​ನಲ್ಲೇ ಆಗಿದೆ. ಆತಂಕ ವಿಚಾರವೆಂದರೆ ಸೋಂಕು ಬಹಳ ವೇಗವಾಗಿ ಹರಡುತ್ತಿರುವುದು. ಕಳೆದ 10 ದಿನಗಳಲ್ಲಿ ಅಹ್ಮದಾಬಾದ್​ನಲ್ಲಿ 160 ಸಾವು ಸಂಭವಿಸಿವೆ. ಅಂದರೆ, ಅಹ್ಮದಾಬಾದ್​ನಲ್ಲಿ ಶೇ. 68ರಷ್ಟು ಸಾವು ಕಳೆದ 10 ದಿನಗಳಲ್ಲೇ ಆಗಿದೆ.

ಇದನ್ನೂ ಓದಿ: COVID-19 - ಕೊರೋನಾ ವೈರಸ್ ಅನ್ನು ಸೋಲಿಸಬಲ್ಲ ಪ್ರತಿಕಾಯ 47D11 ಈಗ ಲ್ಯಾಬ್​ನಲ್ಲಿ ಸಿದ್ಧ

ಏಪ್ರಿಲ್ 25ರಿಂದ ಮೇ 4ರವರೆಗೆ ಪ್ರತೀ ದಿನ ಅಹ್ಮದಾಬಾದ್​ನಲ್ಲಿ ಸಂಭವಿಸಿದ ಸಾವಿನ ಸಂಖ್ಯೆ ಇಲ್ಲಿದೆ:
ಏಪ್ರಿಲ್ 25: 4
ಏಪ್ರಿಲ್ 26: 18
ಏಪ್ರಿಲ್ 27: 5ಏಪ್ರಿಲ್ 28: 19
ಏಪ್ರಿಲ್ 29: 14
ಏಪ್ರಿಲ್ 30: 15
ಮೇ 01: 16
ಮೇ 02: 20
ಮೇ 03: 23
ಮೇ 04: 26

ಅಹ್ಮದಾಬಾದ್​ನಲ್ಲಿ ಒಟ್ಟು 4 ಸಾವಿರಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿವೆ. ಇಲ್ಲಿ ಹಲವು ಹಾಟ್​​ಸ್ಪಾಟ್​ಗಳನ್ನ ಗುರುತಿಸಿ ಕಂಟೈನ್ಮೆಂಟ್ ಜೋನ್ ಆಗಿ ಪರಿಗಣಿಸಲಾಗಿದೆ. ಇಲ್ಲಿ ಖಾಸಗಿ ಆಸ್ಪತ್ರೆಗಳನ್ನೂ ಕೋವಿಡ್ ಚಿಕಿತ್ಸೆಗಾಗಿ ಬಳಸಿಕೊಳ್ಳಲಾಗುತ್ತಿದೆ.

First published: May 5, 2020, 5:04 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading