Sharmila Mandre: ಲಾಕ್​ಡೌನ್​ ಮಧ್ಯೆ ಜಾಗ್ವಾರ್ ಕಾರು ಅಪಘಾತ; ನಟಿ ಶರ್ಮಿಳಾ ಮಾಂಡ್ರೆ ಸೇರಿ ಇಬ್ಬರಿಗೆ ಗಾಯ..!

Shamila Mandre: ಬೆಳಗಿನ ಜಾವ ಮೂರು ಗಂಟೆ ಸುಮಾರಿಗೆ ಈ ಅಪಘಾತ ನಡೆದಿದ್ದು, ಈ ಅಪಘಾತ ನಡೆದಾಗ ಕಾರಿನಲ್ಲಿ ಸ್ಯಾಂಡಲ್​ವುಡ್​ ನಟಿ ಶರ್ಮಿಳಾ ಮಾಂಡ್ರೆ ಸಹ ಇದ್ದರಂತೆ. ಬೆಂಗಳೂರಿನ ವಸಂತ ನಗರ ಬಳಿಯ ರೈಲ್ವೆ ಪೋಲ್​ಗೆ ಕಾರು ಡಿಕ್ಕಿ ಹೊಡೆದು ಸೆಲ್ಫ್​ ಆಕ್ಸಿಡೆಂಟ್​ ಆಗಿದೆ. 

ಶರ್ಮಿಳಾ ಮಾಂಡ್ರೆ

ಶರ್ಮಿಳಾ ಮಾಂಡ್ರೆ

  • Share this:
ಕೊರೋನಾದಿಂದಾಗಿ ಇಡೀ ದೇಶವನ್ನೇ ಲಾಕ್​ಡೌನ್​ ಮಾಡಿ ಇಂದಿಗೆ ಬರೋಬ್ಬರಿ 10 ದಿನ. ಜನ ಸಾಮಾನ್ಯರು ಮನೆಗಳಿಂದ ಹೊರ ಬಾರದೆ ವೈರಸ್​ನಿಂದ ಸೋಂಕು ಹರಡದಂತೆ ಎಚ್ಚರಿಕೆ ವಹಿಸುತ್ತಿದ್ದಾರೆ. ಹೀಗಿರುವಾಗಲೇ ಮಿತಿಮೀರಿದ ವೇಗದಲ್ಲಿ ಕಾರು ಡ್ರೈವ್​ ಮಾಡಿ ಸೆಲ್ಫ್​ ಆಕ್ಸಿಡೆಂಟ್​ ಮಾಡಿಕೊಂಡಿರುವ ಘಟನೆ ನಡೆದಿದೆ. ಅಪಘಾತವಾದ ಕಾರಿನಲ್ಲಿ ಸ್ಯಾಂಡಲ್​ವುಡ್​ ನಟಿ ಸಹ ಇದ್ದರು.  

ಬೆಳಗಿನ ಜಾವ ಮೂರು ಗಂಟೆ ಸುಮಾರಿಗೆ ಈ ಅಪಘಾತ ನಡೆದಿದ್ದು, ಈ ಅಪಘಾತ ನಡೆದಾಗ ಕಾರಿನಲ್ಲಿ ಸ್ಯಾಂಡಲ್​ವುಡ್​ ನಟಿ ಶರ್ಮಿಳಾ ಮಾಂಡ್ರೆ ಸಹ ಇದ್ದರಂತೆ. ಬೆಂಗಳೂರಿನ ವಸಂತ ನಗರ ಬಳಿಯ ರೈಲ್ವೆ ಪೋಲ್​ಗೆ ಕಾರು ಡಿಕ್ಕಿ ಹೊಡೆದು ಸೆಲ್ಫ್​ ಆಕ್ಸಿಡೆಂಟ್​ ಆಗಿದೆ.

ಶರ್ಮಿಳಾ ಮಾಂಡ್ರೆ


ನಟಿ ಶರ್ಮಿಳಾ ಮಾಂಡ್ರೆ ತಮ್ಮ ಸ್ನೇಹಿತ ಲೋಕೇಶ್ ಎಂಬವರ ಜತೆ ಕಾರಿನಲ್ಲಿದ್ದರಂತೆ. ಆದರೆ ಅಪಘಾತವಾದಾಗ ಯಾರು ಕಾರು ಚಾಲನೆ ಮಾಡುತ್ತಿದ್ದರು ಎನ್ನುವುದು ಮಾತ್ರ ಪೊಲೀಸರ ತನಿಖೆಯಿಂದ ತಿಳಿಯಬೇಕಿದೆ.

ಇದನ್ನೂ ಓದಿ: HBD Shivraj: ಹಳ್ಳಿ ಸ್ಟೈಲ್​ನಲ್ಲಿ ರಾಗಿ ಮುದ್ದೆ​ ಕತ್ತರಿಸಿ ಹುಟ್ಟುಹಬ್ಬ ಆಚರಿಸಿದ ಸ್ಯಾಂಡಲ್​ವುಡ್​ ನಟ..!

ಆನ್​ಲೈನ್​ನಲ್ಲಿ ಅಗತ್ಯ ಸೇವೆಗಳ ಪಾಸ್​ ಪಡೆದು ಇವರು ಬೆಳಗಿನ ಜಾವ ಕಾರು ತೆಗೆದುಕೊಂಡು ರಸ್ತೆಗಿಳಿದಿದ್ದಾರೆ ಎನ್ನಲಾಗುತ್ತಿದೆ. ಅತಿ ವೇಗವಾಗಿ ಕಾರು ಓಡಿಸುತ್ತಿದ್ದು, ನಿಯಂತ್ರಣ ತಪ್ಪಿ ಈ ಅಪಘಾತ ಸಂಭವಿಸಿರಬಹುದು ಎಂದು ಪೊಲೀಸರು ಅನುಮಾನಿಸುತ್ತಿದ್ದಾರೆ.

ಅಪಘಾತದ ನಂತರ  ಗಾಯಗಳಾಗಿ ಶರ್ಮಿಳಾ ಹಾಗೂ ಲೋಕೇಶ್​ ಫೋರ್ಟಿಸ್​ ಆಸ್ಪತ್ರೆಗೆ ತೆರಳಿ, ಚಿಕಿತ್ಸೆ ಪಡೆದು ಮನೆಗೆ ವಾಪಸ್ಸಾಗಿದ್ದಾರೆ. ಅಪಘಾತದಲ್ಲಿ ಇಬ್ಬರಿಗೂ ಸಣ್ಣಪುಟ್ಟ ಗಾಯಗಳಾಗಿವೆಯಂತೆ.

ಇದನ್ನೂ ಓದಿ: Lock Down: ಲಾಕ್​ಡೌನ್​ನಲ್ಲಿ ಗಂಡ-ಮಗಳ ಜೊತೆ ಕಾಲ ಕಳೆಯುತ್ತಿದ್ದಾರೆ ಈ ಖ್ಯಾತ ನಟಿ..!

ಚಿಕಿತ್ಸೆಗಾಗಿ ಆಸ್ಪತ್ರೆಗೆ ತೆರೆಳಿದ ಶರ್ಮಿಳಾ ಹಾಗೂ ಲೋಕೇಶ್​ ಜೆಪಿ ನಗರದಲ್ಲಿ ಅಪಘಾತ ಆಗಿದೆ ಎಂದು ಸುಳ್ಳು ಮಾಹಿತಿ ನೀಡಿದ್ದಾರೆ . ಅಪಘಾತ ನಡೆದು ಸುಮಾರು ಅರ್ಧ ಗಂಟೆಯ ಬಳಿಕ ಪೊಲೀಸರಿಗೆ ಮಾಹಿತಿ ಸಿಕ್ಕಿದೆ. ತಕ್ಷಣ ಸ್ಥಳಕ್ಕೆ ಆಗಮಿಸಿದ ಪೊಲೀಸರಿಗೆ ಕಾರಿನ ಬಳಿ ಇದ್ದ ಓರ್ವ ಯುವಕ ತಾನೇ ಅಪಘಾತ ಮಾಡಿರುವುದಾಗಿ ಹೇಳಿದ್ದಾನೆ.

ಅಪಘಾತಕ್ಕೀಡಾಗಿರುವ ಜಾಗ್ವಾರ್​ ಕಾರು ಜಾನ್​ ಥಾಮಸ್​ ಎಂಬುವರ ಹೆಸರಲ್ಲಿದೆ. ಕಾರಿನ ಪರಿಶೀಲನೆ ಬಳಿಕ ನಟಿ ಕಾರಿನಲ್ಲಿ ಪ್ರಯಾಣಿಸಿದ್ದು ಬೆಳಕಿಗೆ ಬಂದಿದೆ. ಡ್ರಿಂಕ್ ಆ್ಯಂಡ್​ ಡ್ರೈವ್ ಮಾಡಿದ್ದ ಬಗ್ಗೆ ಯಾವುದೇ ಮಾಹಿತಿ ಇಲ್ಲ ಎನ್ನುತ್ತಿದ್ದಾರೆ ಪೊಲೀಸರು.

Urvashi Rautela: ಸಖತ್​ ಹಾಟಾಗಿ ಬ್ಯಾಕ್​ಲೆಸ್​ ಪೋಸ್​ ಕೊಟ್ಟ ಐರಾವತ ಬೆಡಗಿ ಊರ್ವಶಿ..!

First published: