vaccine: ಕೋವಿಡ್​ ಲಸಿಕೆ ಪಡೆದ ವೃದ್ದೆ: ಮರಳಿ ಬಂದ ದೃಷ್ಟಿ- ಮಹಾರಾಷ್ಟದಲ್ಲೊಂದು ವಿಚಿತ್ರ ಘಟನೆ

ಕಳೆದ ಜೂನ್​ ತಿಂಗಳಲ್ಲಿ ಇದೇ ಮಹಾರಾಷ್ಟ್ರದ ಅರವಿಂದ್​ ಸೋನಾರ್​ (71) ವಿಚಿತ್ರ ಹೇಳಿಕೆ ನೀಡಿದ್ದರು. ವ್ಯಾಕ್ಸಿನ್​ ಪಡೆದುಕೊಂಡ ಮೇಲೆ ನನ್ನ ದೇಹದಲ್ಲಿ ಅಯಸ್ಕಾಂತೀಯ ಶಕ್ತಿ ಉಂಟಾಗಿದೆ. ಈ ಕುರಿತು ವಿಡಿಯೋ ಒಂದನ್ನು ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡಲಾಗಿತ್ತು. ಇದು ಸಾಕಷ್ಟು ವೈರಲ್​ ಸಹ ಆಗಿತ್ತು.

ಸಾಂಧರ್ಬಿಕ ಚಿತ್ರ
ಚಿತ್ರ ಕೃಪೆ ಬಿಬಿಸಿ

ಸಾಂಧರ್ಬಿಕ ಚಿತ್ರ ಚಿತ್ರ ಕೃಪೆ ಬಿಬಿಸಿ

  • Share this:
    ಈ ಘಟನೆಯ ಬಗ್ಗೆ ಕೇಳಿದರೆ ಯಾವುದೋ ಪೌರಣಿಕ ಸಿನಿಮಾ ಅಥವಾ ಬಾಲಿವುಡ್​ ಸಿನಿಮಾದ ಕಥೆ ಎಂದೇ ಅನೇಕರು ಭಾವಿಸುತ್ತಾರೆ. ಆದರೆ ಈ ರೀತಿಯ ವಿಚಿತ್ರ ಘಟನೆಯೊಂದು ನಮ್ಮಗಳ ನಡುವೆಯೇ ನಡೆದಿದೆ ಎನ್ನುವುದು ನಿಜಕ್ಕೂ ಆಶ್ಚರ್ಯಕರ. ಆ ಘಟನೆ ಏನು ಎಂದು ತಿಳಿಯಲು ನೀವು ಈ ವರದಿಯನ್ನು ಸಂಪೂರ್ಣವಾಗಿ ಓದಬೇಕು. 

    ಮಹಾರಾಷ್ಟ್ರ 70 ವರ್ಷದ ಅಂದ ಮಹಿಳೆ ಕೋವಿಶೀಲ್ಡ್​ ಲಸಿಕೆ ಪಡೆದ ಮೇಲೆ ಭಾಗಶಃ ಕಣ್ಣು ಕಾಣಲು ಪ್ರಾರಂಭವಾಗಿದೆ ಎನ್ನುವ ಘಟನೆ ವರದಿಯಾಗಿದೆ. ಯಾವಾಗ ಎರಡನೇ ಅಲೆಯ ತೀವ್ರತೆ ಜನರನ್ನು ಹೆಚ್ಚು ಭಾದಿಸಿತೋ ಈಗ ಎಲ್ಲರೂ ಕೂಡ ಕೋವಿಡ್​ ವ್ಯಾಕ್ಸಿನ್​ ಪಡೆದುಕೊಳ್ಳಲು ಮುಗಿಬೀಳುತ್ತಿದ್ದಾರೆ.  ಕೋವಿಡ್​ ವ್ಯಾಕ್ಸಿನ್​ ಸುರಕ್ಷಿತ ಎನ್ನುವುದಕ್ಕೆ ಈ ಘಟನೆ ಸಾಕ್ಷಿಯಾಗಿದೆ.

    ಮಹಾರಾಷ್ಟ್ರದ ವಾಸಿಂ ಜಿಲ್ಲೆಯ ಮಥುರಾ ಬಾಯಿ ಬಿಢೆಯೇ ದೃಷ್ಟಿ ಪಡೆದುಕೊಂಡ ಅದೃಷ್ಟವಂತ ಮಹಿಳೆ. ಸುಮಾರು 9 ವರ್ಷಗಳ ಹಿಂದೆ ಕಣ್ಣಿನ ಪೊರೆಯ ಸಮಸ್ಯೆಯಿಂದ ಹಾಗೂ  ಕಣ್ಣಿನ ಐರಿಶ್ ಭಾಗ ಬಿಳಿಯಾದ ಪರಿಣಾಮ ಈ ಮಹಿಳೆ ಸಂಪೂರ್ಣವಾಗಿ ತನ್ನ ದೃಷ್ಟಿ ಕಳೆದುಕೊಂಡಿದ್ದರು. ಜೂನ್​ ತಿಂಗಳ 26 ರಂದು ಕೋವಿಶೀಲ್ಡ್​ ವ್ಯಾಕ್ಸಿನಿನ ಮೊದಲ ಡೋಸ್​ ಪಡೆದ ಮಾರನೇಯ ದಿನಕ್ಕೆ ಶೇ 30-40 ಪ್ರತಿಶತ ಕಣ್ಣು ಕಾಣಲು ಪ್ರಾರಂಭವಾಗಿದೆ ಎಂದು ಮಹಿಳೆ ಹೇಳಿರುವುದಾಗಿ ಜೀ ನ್ಯೂಸ್​ ವರದಿ ಮಾಡಿದೆ.

    ಮಥುರಾ ಬಾಯಿ ಮೂಲ ಜಲಾನ್​ ಜಿಲ್ಲೆಯ ಪಾರ್ತೂರಿನವರು. ರಿಸೋದ್​ ತೆಹಸಿಲ್​ ನಲ್ಲಿ ಇರುವ ತನ್ನ ಸಂಬಂಧಿಕರ ಮನೆಯಲ್ಲಿ ವಾಸವಿದ್ದಾರೆ. ವ್ಯಾಕ್ಸಿನ್​ ಪಡೆದ ಮೇಲೆಯೇ ನನಗೆ ನನ್ನ ದೃಷ್ಟಿ ಮರಳಿ ಬಂದಿದೆ ಎನ್ನುವ ಈ ಮಹಿಳೆಯ ಹೇಳಿಕೆಗೆ ಯಾವುದೇ ವೈಜ್ಞಾನಿಕ ಪುರಾವೆಗಳು ಇಲ್ಲ ಎನ್ನುವುದು ಪರಿಣಿತರ ಮಾತು.

    ಕಳೆದ ಜೂನ್​ ತಿಂಗಳಲ್ಲಿ ಇದೇ ಮಹಾರಾಷ್ಟ್ರದ ಅರವಿಂದ್​ ಸೋನಾರ್​ (71) ವಿಚಿತ್ರ ಹೇಳಿಕೆ ನೀಡಿದ್ದರು. ವ್ಯಾಕ್ಸಿನ್​ ಪಡೆದುಕೊಂಡ ಮೇಲೆ ನನ್ನ ದೇಹದಲ್ಲಿ ಅಯಸ್ಕಾಂತೀಯ ಶಕ್ತಿ ಉಂಟಾಗಿದೆ. ಈ ಕುರಿತು ವಿಡಿಯೋ ಒಂದನ್ನು ಮಾಡಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡಲಾಗಿತ್ತು. ಇದು ಸಾಕಷ್ಟು ವೈರಲ್​ ಸಹ ಆಗಿತ್ತು.

    ಇದೇ ರೀತಿಯ ಘಟನೆಯೊಂದು ಸೂರತ್​ನಲ್ಲೂ ಸಹ ವರದಿಯಾಗಿತ್ತು. ಪ್ರಭಾತ್​ ಪಾಟಿಯಾದ ಸುಭಾಷ್​ ನಗರ ಸೊಸೈಟಿಯಲ್ಲಿ ವಾಸವಾಗಿದ್ದ  ಒಂದೇ ಕುಟುಂಬದ ಇಬ್ಬರು ವ್ಯಕ್ತಿಗಳು ನಮಗೂ ಸಹ ಕೋವಿಡ್​ ವ್ಯಾಕ್ಸಿನ್​ ಪಡೆದುಕೊಂಡ ಮೇಲೆ ಅಯಸ್ಕಾಂತೀಯ ಶಕ್ತಿ ಬಂದಿದೆ ಎಂದು ಹೇಳಿದ್ದು ವರದಿಯಾಗಿತ್ತು. ಪೂನಮ ಜಗತಾಪ್​ ಅವರ ಇಡೀ ಕುಟುಂಬದಲ್ಲಿ ಮಗುವೊಂದು ಬಿಟ್ಟು ಎಲ್ಲಾ ಸದಸ್ಯರು ವ್ಯಾಕ್ಸಿನ್​ ತೆಗೆದುಕೊಂಡಿದ್ದರು ಆದರೆ ಅವರ ಕುಟುಂಬದಲ್ಲಿ ಇಬ್ಬರಿಗೆ ಮಾತ್ರ ಈ ರೀತಿ ಆಗಲು ಹೇಗೆ ಸಾಧ್ಯ ಎನ್ನುವ ಅನುಮಾನ ಮೂಡಿತ್ತು, ಆ ನಂತರ ಇದೆಲ್ಲ ಸುಳ್ಳು ಸುದ್ದಿ ಎನ್ನುವುದು ತಿಳಿಯಿತು. ಅಲ್ಲದೇ ಅನೇಕ ಪರಿಣಿತರು ಈ ರೀತಿ ಉಂಟಾಗುವುದಿಲ್ಲ ಎಂದು ಸ್ಪಷ್ಟನೆ ನೀಡಿದರು.

    ಈ ವಿಚಾರವಾಗಿ ಪ್ರೆಸ್​ ಇನ್​ಫರ್ಮೆಷನ್​ ಬ್ಯೂರೋ ನಡೆಸಿದ ಫ್ಯಾಕ್ಟ್​ ಚೆಕ್​ನಲ್ಲೂ ಸಹ ಸುಳ್ಳು ಸಂಗತಿ ಎನ್ನುವುದು ತಿಳಿಯಿತು.

    ಇದನ್ನೂ ಓದಿ:  Vinay Guruji: ಕುಮಾರಸ್ವಾಮಿ ಮತ್ತೆ ಸಿಎಂ ಆಗ್ತಾರೆ ಅಂತ ಭವಿಷ್ಯ ನುಡಿದಿಲ್ಲ; ಅವಧೂತ ವಿನಯ್​ ಗುರೂಜಿ ಸ್ಪಷ್ಟನೆ

    ಈಗ ಮಹಿಳೆಯೊಬ್ಬರ ದೃಷ್ಟಿ ಮರಳಿ ಬಂದಿದೆ. ಈ ಸುದ್ದಿ ಎಷ್ಟು ನಿಜವೋ ಸುಳ್ಳೊ ಎಂಬುದು ಮುಂದಿನ ದಿನಗಳಲ್ಲಿ ತಿಳಿಯಬೇಕಷ್ಟೆ.




    ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆಯಾದರೂ ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ  ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು.
    Published by:HR Ramesh
    First published: