ಪಿಎಂ ಗರೀಬ್ ಕಲ್ಯಾಣ್ ಯೋಜನೆ: 3ನೇ ಕಂತಿನ ಹಣ ನೀಡಲು ಎಸ್​ಬಿಐ ವಿಶೇಷ ವ್ಯವಸ್ಥೆ

ಜೂನ್ 5 ರಿಂದ 10ರವರೆಗೆ  ಖಾತೆಗಳ ಕೊನೆಯ ಸಂಖ್ಯೆಗಳ ಆಧಾರದಲ್ಲಿ ಹಣ ನೀಡುವುದಾಗಿ ಎಸ್​ಬಿಐ ಪಟ್ಟಿ ಬಿಡುಗಡೆ ಮಾಡಿದೆ.

news18-kannada
Updated:June 3, 2020, 4:13 PM IST
ಪಿಎಂ ಗರೀಬ್ ಕಲ್ಯಾಣ್ ಯೋಜನೆ: 3ನೇ ಕಂತಿನ ಹಣ ನೀಡಲು ಎಸ್​ಬಿಐ ವಿಶೇಷ ವ್ಯವಸ್ಥೆ
ಸಾಂದರ್ಭಿಕ ಚಿತ್ರ
  • Share this:
ನವದೆಹಲಿ: ಜನ್ ಧನ್ ಖಾತೆ ಇರುವ ಮಹಿಳೆಯರಿಗೆ ಪ್ರಧಾನಮಂತ್ರಿ ಗರೀಬ್ ಕಲ್ಯಾಣ್ ಯೋಜನೆಯ ಮೂರನೇ ಕಂತಾಗಿ  500 ರುಪಾಯಿಯನ್ನು ನೀಡಲಾಗುತ್ತಿದೆ. ಭಾರತೀಯ ಸ್ಟೇಟ್ ಬ್ಯಾಂಕ್ ಈ ಹಣವನ್ನು ಫಲಾನುಭವಿಗಳಿಗೆ ನೀಡಲು ವಿಶೇಷ ವ್ಯವಸ್ಥೆ ಮಾಡಿದೆ. ತುರ್ತಾಗಿ ಹಣ ಬೇಕಿದ್ದವರು ಒಮ್ಮೆಲೇ ಬ್ಯಾಂಕ್​ಗಳಿಗೆ ಗುಂಪುಗೂಡುವ ಬದಲು ಪ್ರತ್ಯೇಕ ದಿನಗಳನ್ನು ನಿಗದಿಪಡಿಸಿದೆ. ಅದರಂತೆ, ಜೂನ್​ 5 ರಿಂದ 10 ವರೆಗೆ ಖಾತೆದಾರರು ಸಾಮಾಜಿಕ ಅಂತರ ಕಾಯ್ದುಕೊಂಡು ಹಣ ಹಿಂಪಡೆಯುವಂತೆ ವ್ಯವಸ್ಥೆ ಮಾಡಲಾಗಿದೆ.

ಪ್ರಧಾನ್ ಮಂತ್ರಿ ಗರಿಬ್ ಕಲ್ಯಾಣ್ ಯೋಜನೆ ಅಡಿಯಲ್ಲಿ ಮೂರು ತಿಂಗಳಲ್ಲಿ ನೀಡಲಾಗುವ ಒಟ್ಟು 1,500 ರೂ.ಗಳ ಮೂರನೇ ಕಂತಾಗಿದೆ.  ಈಗಾಗಲೇ ಎರಡು ಕಂತುಗಳಲ್ಲಿ  ಹಣವನ್ನು ನೀಡಲಾಗಿದೆ. ಈಗ 500 ರೂನ ಕೊನೆಯ ಕಂತು ಸಂದಾಯವಾಗುತ್ತಿದೆ.




ಜೂನ್ 5 ರಿಂದ 10ರವರೆಗೆ  ಖಾತೆಗಳ ಕೊನೆಯ ಸಂಖ್ಯೆಗಳ ಆಧಾರದಲ್ಲಿ ಹಣ ನೀಡುವುದಾಗಿ ಎಸ್​ಬಿಐ ಪಟ್ಟಿ ಬಿಡುಗಡೆ ಮಾಡಿದೆ. ಅದರಂತೆ. ಖಾತೆ ಸಂಖ್ಯೆಯ ಕೊನೆ ಅಂಕಿ 0 ಅಥವಾ 1 ಇರುವ ಖಾತೆದಾರರು ಜೂನ್ 5 ರಂದು ಹಣ ಪಡೆದುಕೊಳ್ಳಬಹುದಾಗಿದೆ. ಜೂನ್ 6 ರಂದು ಕೊನೆಯ ಅಂಕಿಯಾಗಿ 2 ಅಥವಾ 3 ಇರುವ ಖಾತೆದಾರರು ಹಣ ಪಡೆದುಕೊಳ್ಳಬಹುದು. ಜೂನ್ 8 ರಂದು ಕೊನೆ ಅಂಕಿ 4 ಅಥವಾ 5 ಇರುವ ಖಾತೆದಾರರಿಗೆ; ಜೂನ್ 9 ರಂದು 6 ಅಥವಾ 7 ಕೊನೆಯಂಕಿ ಇರುವ ಖಾತೆದಾರರಿಗೆ; ಹಾಗೂ ಜೂನ್ 10 ರಂದು ಕೊನೆ ಅಂಕಿ 8 ಅಥವಾ 9 ಇರುವ ಖಾತೆದಾರರಿಗೆ ಹಣ ಕೊಡಲಾಗುತ್ತದೆ.ಆದರೆ, ಇದು ತುರ್ತಾಗಿ ಬೇಕೆನ್ನುವವರಿಗೆ ನೀಡಲಾಗಿರುವ ಅವಕಾಶ. ಜೂನ್ 10ರಿಂದ ಯಾರು ಬೇಕಾದರೂ ಎಟಿಎಂ ಅಥವಾ ಬ್ಯಾಂಕ್ ಶಾಖೆಯ ಮೂಲಕ ಹಣ ವಿತ್​ಡ್ರಾ ಮಾಡಿಕೊಳ್ಳಬಹುದಾಗಿದೆ. ಆದರೆ, ಎಲ್ಲಿಯೇ ಆದರೂ ಗ್ರಾಹಕರು ಸಾಮಾಜಿಕ ಅಂತರ ಸೇರಿದಂತೆ ಅಗತ್ಯ ಮುಂಜಾಗ್ರತಾ ಕ್ರಮಗಳನ್ನ ಕೈಗೊಳ್ಳಬೇಕು ಎಂದು ಎಸ್​ಬಿಐ ಮನವಿ ಮಾಡಿದೆ.

ಇದನ್ನೂ ಓದಿ : SBI interest rates - ಎಸ್​​ಬಿಐ, ಐಸಿಐಸಿಐ ಗ್ರಾಹಕರಿಗೆ ಶಾಕ್; ದೇಶದ ಎರಡು ಅತಿದೊಡ್ಡ ಬ್ಯಾಂಕುಗಳಿಂದ ಬಡ್ಡಿ ಇಳಿಕೆ

38.08 ಕೋಟಿ ಪ್ರಧಾನ್ ಮಂತ್ರಿ ಜನ್ ಧನ್ ಯೋಜನಾ ಖಾತೆಗಳು ಇದ್ದು, ಅದರಲ್ಲಿ 20.60 ಕೋಟಿ ಖಾತೆಗಳು ಮಹಿಳೆಯರು ಹೊಂದಿದ್ದಾರೆ. ಏಪ್ರಿಲ್ 1ನೇ ತಾರೀಕಿಗೆ ಜನ್ ಧನ್ ಖಾತೆಗೆ ಠೇವಣಿ ಮಾಡಿದ ಮೊತ್ತ 1.19 ಲಕ್ಷ ಕೋಟಿ ರುಪಾಯಿ. ಕೊರೋನಾ ವೈರಾಣು ಲಾಕ್ ಡೌನ್ ಹಿನ್ನೆಲೆಯಲ್ಲಿ ಏಪ್ರಿಲ್- ಮೇ- ಜೂನ್ ಮೂರು ತಿಂಗಳು ತಲಾ 500 ರುಪಾಯಿಯಂತೆ 20.5 ಕೋಟಿ ಮಹಿಳೆಯರ ಖಾತೆಗೆ ಹಣ ವರ್ಗಾವಣೆ ಮಾಡುವುದಾಗಿ ಘೋಷಣೆ ಮಾಡಲಾಗಿತ್ತು.



 
First published: June 3, 2020, 3:50 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories

corona virus btn
corona virus btn
Loading