ಮಾರಕ ಕೊರೋನಾ ಸೋಂಕಿಗೆ ತುತ್ತಾಗಿ ಗೆದ್ದು ಬಂದ 113 ವರ್ಷದ ಸ್ಪೇನ್​ ವೃದ್ಧೆ!

ಡೈಲಿ ಮೇಲ್ ವರದಿ ಪ್ರಕಾರ, ಮಾರಿಯಾ  ಬ್ರಾನ್ಯಾಸ್ ಅವರು ಆರೋಗ್ಯವಾಗಿರುವುದಾಗಿ ಹೇಳಿದ್ದಾರೆ. ಆದರೆ, ಪ್ರತಿಯೊಬ್ಬರಿಗೂ ಇರುವಂತೆ ಅವರು ಕೆಲವು ಸಣ್ಣ-ಪುಟ್ಟ ನೋವುಗಳಿಂದ ಬಳಲುತ್ತಿದ್ದಾರೆ. ತಮ್ಮನ್ನು ಆರೈಕೆ ಮಾಡಿ, ಬೆಂಬಲ ನೀಡಿದ ಪ್ರತಿಯೊಬ್ಬರಿಗೂ ಮಾರಿಯಾ ಬ್ರಾನ್ಯಾಸ್ ಧನ್ಯವಾದ ಅರ್ಪಿಸಿದ್ದಾರೆ.

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

  • Share this:
    ಜಗತ್ತಿನ ಅತಿ ಹಿರಿಕ ಮಹಿಳೆಯಾಗಿರುವ ಸ್ಪೇನ್​ನ 113 ವರ್ಷದ ವೃದ್ಧೆ ಮಾರಕ ಕೊರೋನಾ ಸಾಂಕ್ರಾಮಿಕ ವೈರಸ್​ನಿಂದ ಬದುಕುಳಿದಿದ್ದಾರೆ.

    ಮೂರು ಮಕ್ಕಳ ತಾಯಿಯಾಗಿರುವ ಮಾರಿಯಾ ಬ್ರಾನ್ಯಾಸ್​ ಅವರು ಏಪ್ರಿಲ್​ನಲ್ಲಿ ಕೊರೋನಾ ವೈರಸ್​ಗೆ ತುತ್ತಾಗಿದ್ದರು. ಇವರನ್ನು ವೃದ್ಧರ ಆರೈಕೆ ಕೇಂದ್ರದ ಕೊಠಡಿಯಲ್ಲಿ ಐಸೋಲೆಷನ್​ ಮಾಡಲಾಗಿತ್ತು. ಮೂಲತಃ ಯುಎಸ್​ನ ಸ್ಯಾನ್​ ಫ್ರಾನ್ಸಿಸ್ಕೊದವರಾದ ಇವರು 1918-19ರಲ್ಲಿ ಸ್ಪಾನಿಷ್ ಫ್ಲೂ ಸಾಂಕ್ರಾಮಿಕ ಹಾಗೂ ವಿಶ್ವ ಯುದ್ಧ ಮತ್ತು 1936-1939ರಲ್ಲಿ ನಡೆದ ಸ್ಪಾನಿಷ್ ನಾಗರಿಕ ಯುದ್ಧದಂತಹ ಭೀಕರ ಸನ್ನಿವೇಶದಲ್ಲೂ ಬದುಕುಳಿದಿದ್ದರು.

    ವರದಿಯ ಪ್ರಕಾರ, ಬ್ರಾನ್ಯಾಸ್​ ಸ್ಪೇನ್​ನ ಅತಿ ಹಿರಿಯ ಮಹಿಳೆ ಎಂದು ವೃದ್ಧಾಪ್ಯಶಾಸ್ತ್ರ ಅಧ್ಯಯನ ಸಂಸ್ಥೆ ಗುರುತಿಸಿದೆ. ಈ ಸಂಸ್ಥೆ ನಡೆಸಿದ ನೂರು ವರ್ಷ ಪೂರೈಸಿದವರ ಸೂಪರ್ ಸೆಂಚುರಿಯನ್ಸ್​ ಸಮೀಕ್ಷೆಯಲ್ಲಿ ಬ್ರಾನ್ಯಾಸ್ ಸ್ಪೇನ್​ನ ಅತಿ ಹಿರಿಯ ಮಹಿಳೆ ಎಂಬುದು ತಿಳಿದುಬಂದಿದೆ.

    ವೃದ್ಧರ ಮೇಲೆ ಕೊರೋನಾ ವೈರಸ್ ಮಾರಕ ಪರಿಣಾಮ ಬೀರುತ್ತಿದ್ದು, ಈವರೆಗೂ ಕೊರೋನಾ ವೈರಸ್​ನಿಂದ ಮೃತಪಟ್ಟವರಲ್ಲಿ ಬಹುತೇಕ ಎಲ್ಲರೂ ವಯೋವೃದ್ಧರೇ ಆಗಿದ್ದಾರೆ. ಇಂತಹ ವಿಷಮ ಸ್ಥಿತಿಯಲ್ಲಿ ಬ್ರಾನ್ಯಾಸ್ ಕೋವಿಡ್-19ನಿಂದ ಚೇತರಿಸಿಕೊಂಡಿರುವುದು ಗಮನಾರ್ಹವಾಗಿದೆ.

    ಡೈಲಿ ಮೇಲ್ ವರದಿ ಪ್ರಕಾರ, ಮಾರಿಯಾ  ಬ್ರಾನ್ಯಾಸ್ ಅವರು ಆರೋಗ್ಯವಾಗಿರುವುದಾಗಿ ಹೇಳಿದ್ದಾರೆ. ಆದರೆ, ಪ್ರತಿಯೊಬ್ಬರಿಗೂ ಇರುವಂತೆ ಅವರು ಕೆಲವು ಸಣ್ಣ-ಪುಟ್ಟ ನೋವುಗಳಿಂದ ಬಳಲುತ್ತಿದ್ದಾರೆ. ತಮ್ಮನ್ನು ಆರೈಕೆ ಮಾಡಿ, ಬೆಂಬಲ ನೀಡಿದ ಪ್ರತಿಯೊಬ್ಬರಿಗೂ ಮಾರಿಯಾ ಬ್ರಾನ್ಯಾಸ್ ಧನ್ಯವಾದ ಅರ್ಪಿಸಿದ್ದಾರೆ.

    ಇದನ್ನು ಓದಿ: ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಆರೋಗ್ಯದಲ್ಲಿ ಚೇತರಿಕೆ; ಏಮ್ಸ್ ಆಸ್ಪತ್ರೆಯಿಂದ ಡಿಸ್ಚಾರ್ಜ್

    ಇದಕ್ಕೂ ಮುನ್ನ ಸ್ಪಾನಿಷ್​ನ 106 ವರ್ಷದ ಆನಾ ದೆಲ್ ವಾಲೆ ಅವರು ಕೊರೋನಾ ವೈರಸ್​ನಿಂದ ಬದುಕುಳಿದಿದ್ದರು. ಸ್ಪೇನ್​ನಲ್ಲಿ 2 ಲಕ್ಷಕ್ಕೂ ಹೆಚ್ಚು ಮಂದಿ ಮಾರಕ ಸೋಂಕಿನಿಂದ ಬಳಲುತ್ತಿದ್ದು, ಈವರೆಗೂ 27 ಸಾವಿರ ಜನರು ಮೃತಪಟ್ಟಿದ್ದಾರೆ.
    First published: