Job Security: ಆರ್ಥಿಕ ಹಿಂಜರಿತದ ಸಮಯದಲ್ಲಿ ಕೆಲಸ ಕಳೆದುಕೊಳ್ಳದಿರಲು ಇವುಗಳನ್ನು ಕಲಿಯಲೇಬೇಕು

2023ರಲ್ಲಿ ಇಡೀ ವಿಶ್ವವೇ ತೀವ್ರ ಆರ್ಥಿಕ ಹಿಂಜರಿತವನ್ನು (Recession) ಅನುಭವಿಸಲಿದೆ ಎಂದು ಈಗಾಗ್ಲೇ ವರದಿಗಳು ಎಚ್ಚರಿಸಿವೆ. ಕೋವಿಡ್ -19 (Covid-19) ಸಾಂಕ್ರಾಮಿಕದ ನಂತರದ ಪರಿಣಾಮಗಳು ಮತ್ತು ಉಕ್ರೇನ್‌-ರಷ್ಯಾ ಯುದ್ಧ ಹೀಗೆ ಅನೇಕ ಕಾರಣಗಳು ವಿಶ್ವದ ಆರ್ಥಿಕತೆಗೆ ಪ್ರಬಲ ಪೆಟ್ಟು ನೀಡಿದೆ. ಈ ಪರಿಣಾಮವಾಗಿ ಮೂಲ ಸರಕುಗಳ ಬೆಲೆ ದಾಖಲೆ ಮಟ್ಟದಲ್ಲಿ ಏರಿಕೆ ಕಂಡರೆ ಅತ್ತ ಹಣದುಬ್ಬರವು ಏರುತ್ತಿದೆ. ಪ್ರಪಂಚದಾದ್ಯಂತದ ಅನೇಕ ದೇಶಗಳು ಹಣದುಬ್ಬರ ನಿಗ್ರಹಿಸಲು ಸಾಲದ ಬಡ್ಡಿ ದರವನ್ನು ಸಹ ಹೆಚ್ಚಿಸುತ್ತಿವೆ.

ಒಟ್ಟಾರೆ ಆರ್ಥಿಕ ಹಿಂಜರಿತ, ಕಂಪನಿ, ಸ್ಟಾರ್ಟ್‌ಅಪ್‌ಗಳ ಮೇಲೆಯೂ ವ್ಯಾಪಾಕವಾದ ಪರಿಣಾಮ ಬೀರುತ್ತಿದೆ. ಹಣಕಾಸಿನ ವೆಚ್ಚ ನಿರ್ವಹಿಸಲು ಕಂಪನಿಗಳು ಸೇರಿ ಸ್ಟಾರ್ಟ್‌ಅಪ್‌ಗಳು ಸಾವಿರಾರು ಉದ್ಯೋಗಿಗಳನ್ನು ಉದ್ಯೋಗದಿಂದ ವಜಾಗೊಳಿಸಿವೆ. ಉದ್ಯೋಗ ವಜಾದ ನಂತರ ಮತ್ತು 2023 ರಲ್ಲಿ ಆರ್ಥಿಕ ಹಿಂಜರಿತದಂತಹ ಸಮಯದಲ್ಲಿ ಉದ್ಯೋಗಿಗಳು ಉದ್ಯೋಗವನ್ನು ಗಿಟ್ಟಿಸಿಕೊಳ್ಳಲು ಕೆಲವು  ಕೌಶಲ್ಯಗಳನ್ನು ಅಗತ್ಯವಾಗಿ ಹೊಂದಿರಬೇಕಾಗಿದೆ.

ಸಾಂದರ್ಭಿಕ ಚಿತ್ರ

ಉದ್ಯೋಗಕ್ಕೆ ಅರ್ಜಿ ಸಲ್ಲಿಸುವವರು ಕಲಿಯಬೇಕಿರುವ ಪರಿಕರಗಳು

1. ಕಲಿಕೆ ನಿರ್ವಹಣಾ ವ್ಯವಸ್ಥೆ (LMS)
ಇಲ್ಲಿ ಉದ್ಯೋಗಿಗಳು iSpring Learn, BetterUpನಂತಹ ಕಲಿಕೆ ನಿರ್ವಹಣಾ ವ್ಯವಸ್ಥೆಯಯಂತಹ ಟೂಲ್‌ಗಳನ್ನು ಹೊಂದಿರುವುದು ಅಗತ್ಯವಾಗಿರುತ್ತದೆ.

ಕಲಿಕೆ ನಿರ್ವಹಣಾ ವ್ಯವಸ್ಥೆಯು ಆಡಳಿತ, ದಾಖಲಾತಿ, ಟ್ರ್ಯಾಕಿಂಗ್, ವರದಿ ಮಾಡುವಿಕೆ, ಯಾಂತ್ರೀಕೃತಗೊಂಡ ಮತ್ತು ಶೈಕ್ಷಣಿಕ ಕೋರ್ಸ್‌ಗಳು, ತರಬೇತಿ ಕಾರ್ಯಕ್ರಮಗಳು, ಸಾಮಗ್ರಿಗಳು ಅಥವಾ ಕಲಿಕೆ ಮತ್ತು ಅಭಿವೃದ್ಧಿ ಕಾರ್ಯಕ್ರಮಗಳ ವಿತರಣೆಗಾಗಿ ಸಾಫ್ಟ್‌ವೇರ್ ಅಪ್ಲಿಕೇಶನ್ ಆಗಿದೆ. ಹಲವು ವಲಯಗಳಲ್ಲಿ ಈ ಟೂಲ್‌ ಬಳಕೆಯಲ್ಲಿರುವುದರಿಂದ ಇದು ಉದ್ಯೋಗಿಗಳು ಕಲಿಯಬೇಕಾದ ಟೂಲ್‌ ಆಗಿದೆ.

2. ಕಲಿಕೆ ಮತ್ತು ಅಭಿವೃದ್ಧಿ ಸಾಧನ
Microsoft Teams, Slack, NovoEd ನಂತಹ ಕಲಿಕೆ ಮತ್ತು ಅಭಿವೃದ್ಧಿ ಸಾಧನಗಳು ಓರ್ವ ಉದ್ಯೋಗಿ ಎಂತಹ ಪರಿಸ್ಥಿತಿಯಲ್ಲೂ ಹೊಂದಿರಬೇಕಾದ ಪರಿಕರಗಳು. ಹಾಗೆಯೇ Mettl ನಂತಹ ಪರಿಕರಗಳು ಉದ್ಯೋಗಿಗೆ ಕೋಡಿಂಗ್ ಕೌಶಲ್ಯಗಳನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

3. ಡಿಜಿಟಲ್ ಕಲಿಕೆಯ ಟೂಲ್‌
ಈಗಂತೂ ಎಲ್ಲವೂ ಡಿಜಿಟಲ್‌ ಮಯ. ಹೀಗಾಗಿ ಡಿಜಿಟಲ್‌ ಪ್ರೋಗ್ರಾಂ ಬಗ್ಗೆ ಹೆಚ್ಚಿನ ಕೌಶಲ್ಯ, ಟೂಲ್‌ ಹೊಂದಿರುವುದು ಮುಖ್ಯ. ಡಿಜಿಟಲ್‌ ಕಲಿಕೆ ಎಂಬುವುದು ಸಾಫ್ಟ್‌ವೇರ್ ಪ್ರೋಗ್ರಾಂನ ಕಲಿಕೆಯ ಸಾಮರ್ಥ್ಯಗಳಿಗೆ ಸಹಾಯ ಮಾಡುವ ಮತ್ತೊಂದು ಪ್ರೋಗ್ರಾಂ ಆಗಿದೆ.

ಸಾಫ್ಟ್‌ವೇರ್ ಮತ್ತು ಡಿಜಿಟಲ್ ರೂಪಾಂತರದ ಬಳಕೆಯನ್ನು ವೇಗಗೊಳಿಸುವುದರಿಂದ ಕಲಿಯುವವರು ಅಪ್ಲಿಕೇಶನ್‌ನಲ್ಲಿ ಹೆಚ್ಚು ಪ್ರವೀಣರಾಗುತ್ತಾರೆ. ಇದನ್ನು ಸ್ವಯಂ-ಸಹಾಯ ಮಾಹಿತಿ ಮತ್ತು ನೋಂದಾಯಿತ ಬಳಕೆದಾರರಿಗೆ ಸಂಪನ್ಮೂಲವಾಗಿ ಬಳಸಬಹುದು.

ಉದಾಹರಣೆ: ಆಪ್ಟಿ, ಗೋಸುಂಬೆ, ಯೂಸರ್‌ಲೇನ್, ಇತ್ಯಾದಿ.

ಸಾಂದರ್ಭಿಕ ಚಿತ್ರ

4. ವಿಡಿಯೋ ಕಾನ್ಫರೆನ್ಸಿಂಗ್ ಟೂಲ್
ವರ್ಕ್‌ ಫ್ರಮ್‌ ಹೋಮ್‌ ಬಂದಮೇಲೆ ವಿಡಿಯೋ ಕಾನ್ಫರೆನ್ಸಿಂಗ್ ಟೂಲ್ ಸಾಕಷ್ಟು ಜನಪ್ರಿಯವಾಗಿದೆ. ಹೀಗಾಗಿ ಉದ್ಯೋಗಿಗಳು ತಮ್ಮ ಸಹೋದ್ಯೋಗಿಗಳು, ಮ್ಯಾನೇಜರ್‌, ಮತ್ತು ಗ್ರಾಹಕರೊಂದಿಗೆ ಸಂವಹನ ನಡೆಸಲು ವೀಡಿಯೊ ಕಾನ್ಫರೆನ್ಸಿಂಗ್ ಪರಿಕರಗಳನ್ನು ಹೇಗೆ ನಿರ್ವಹಿಸಬೇಕು ಎಂಬುದರ ಬಗ್ಗೆ ತಿಳಿದುಕೊಂಡಿರಬೇಕು.

ಉದಾಹರಣೆಗೆ ವಿಡಿಯೋ ಕಾನ್ಫರೆನ್ಸಿಂಗ್ ಸಾಧನಗಳಾದ Zoom, Google Meet, GoToMeeting, ಇತ್ಯಾದಿಗಳ ಬಗ್ಗೆ ತಿಳಿದುಕೊಂಡಿರಬೇಕು.

ಉದ್ಯೋಗಕ್ಕಾಗಿ ಅರ್ಜಿ ಸಲ್ಲಿಸುವ ಮೊದಲು ಹೊಸ-ಯುಗದ ಈ ತಾಂತ್ರಿಕ ಕೌಶಲ್ಯಗಳು ತಿಳಿದಿರಲಿ

ಆರ್ಥಿಕ ಹಿಂಜರಿತದಂತಹ ಈ ಸಂದರ್ಭದಲ್ಲಿ ಕಂಪನಿಗಳು ಕೌಶಲ್ಯಗಳನ್ನು ಹೊಂದಿರುವವರಿಗೆ ಮತ್ತು ವೃತ್ತಿಪರರಿಗೆ ಆದ್ಯತೆ ನೀಡುತ್ತದೆ. ಹೀಗಾಗಿ ಉದ್ಯೋಗಕ್ಕಾಗಿ ಅರ್ಜಿ ಸಲ್ಲಿಸುವ ಮೊದಲು ಅಗತ್ಯವಿರುವ ಕೆಲವು ಕೌಶಲ್ಯಗಳನ್ನು ಅಗತ್ಯವಾಗಿ ಅಳವಡಿಸಿಕೊಂಡಿರಿ.

1. ಕ್ಲೌಡ್ ಕಂಪ್ಯೂಟಿಂಗ್

ಕ್ಲೌಡ್ ಕಂಪ್ಯೂಟಿಂಗ್, ಕಂಪ್ಯೂಟರ್ ಉದ್ಯಮದ ವೇಗವಾಗಿ ಬೆಳೆಯುತ್ತಿರುವ ವಲಯ, ಇಂಟರ್ನೆಟ್ ಮೂಲಕ ಕಂಪ್ಯೂಟರ್ ಸಂಪನ್ಮೂಲಗಳು ಮತ್ತು ಸೇವೆಗಳನ್ನು ಒದಗಿಸುವುದರ ಮೇಲೆ ಕೇಂದ್ರೀಕರಿಸುತ್ತದೆ.

ಕ್ಲೌಡ್ ಕಂಪ್ಯೂಟಿಂಗ್‌ನ ಸ್ಕೇಲೆಬಿಲಿಟಿ, ವಿಶ್ವಾಸಾರ್ಹತೆ ಮತ್ತು ವೆಚ್ಚ-ಪರಿಣಾಮಕಾರಿತ್ವದ ಲಾಭವನ್ನು ಪಡೆಯಲು ಹೆಚ್ಚಿನ ಕಂಪನಿಗಳು ತಮ್ಮ ಕಾರ್ಯಾಚರಣೆಗಳನ್ನು ಕ್ಲೌಡ್‌ಗೆ ಸ್ಥಳಾಂತರಿಸುತ್ತವೆ. ಹೀಗಾಗಿ ಉದ್ಯೋಗಿಗಳು ಇದರ ಬಗ್ಗೆ ಹೆಚ್ಚಿನ ಜ್ಞಾನ, ಕೌಶಲ್ಯ ಹೊಂದಿರಬೇಕು.

2. ಬ್ಲಾಕ್‌ಚೈನ್

ಬ್ಲಾಕ್‌ಚೈನ್ ಒಂದು ಅತ್ಯಾಧುನಿಕ ತಂತ್ರಜ್ಞಾನವಾಗಿದ್ದು ಅದು ವಿವಿಧ ಕ್ಷೇತ್ರಗಳಲ್ಲಿ ತನ್ನ ಛಾಪನ್ನು ಮೂಡಿಸಿದೆ. ಆದರಲ್ಲೂ ವಿಶೇಷವಾಗಿ ಹಣಕಾಸು, ಆರೋಗ್ಯ ಮತ್ತು ಲಾಜಿಸ್ಟಿಕ್ಸ್‌ನಲ್ಲಿ ಬ್ಲಾಕ್‌ಚೈನ್ ಪಾತ್ರ ದೊಡ್ಡದು. ವಿಶೇಷವಾಗಿ ಡಿಜಿಟಲ್ ಸ್ವತ್ತುಗಳು ಮತ್ತು ಸ್ಮಾರ್ಟ್ ಒಪ್ಪಂದಗಳ ಕ್ಷೇತ್ರಗಳಲ್ಲಿ ಡೇಟಾವನ್ನು ಮುಕ್ತವಾಗಿ ಮತ್ತು ಸುರಕ್ಷಿತವಾಗಿ ಸಂಗ್ರಹಿಸುವ ಸಾಮರ್ಥ್ಯದಿಂದಾಗಿ ಮತ್ತು ತಂತ್ರಜ್ಞಾನವು ಹೊಸ ವ್ಯವಹಾರ ಮಾದರಿಗಳನ್ನು ರಚಿಸಲು ಉಪಯುಕ್ತವಾಗಿರುವುದರಿಂದ ಕಂಪನಿಗಳು ಇದನ್ನು ಅಳವಡಿಸಿಕೊಳ್ಳುತ್ತವೆ.

ಈ ಕ್ಷೇತ್ರದಲ್ಲಿ ವೃತ್ತಿ ಆರಂಭಿಸುವವರು ಅಗತ್ಯವಾಗಿ ಬ್ಲಾಕ್‌ಚೈನ್ ಬಗ್ಗೆ ಅರಿವು ಹೊಂದಿರಬೇಕು.

3. ಸೈಬರ್ ಸೆಕ್ಯುರಿಟಿ

ಡಿಜಿಟಲ್ ಯುಗದಲ್ಲಿ ಸೈಬರ್ ಭದ್ರತೆಯ ಪ್ರಾಮುಖ್ಯತೆಯು ಹೆಚ್ಚುತ್ತಿದೆ. ತಂತ್ರಜ್ಞಾನ ಮತ್ತು ಅಂತರ್ಜಾಲದ ಮೇಲೆ ನಮ್ಮ ಹೆಚ್ಚುತ್ತಿರುವ ಅವಲಂಬನೆಯ ಪರಿಣಾಮವಾಗಿ ಸೈಬರ್‌ ಕ್ರೈಮ್‌ಗಳು ಹೆಚ್ಚುತ್ತಿವೆ. ಹೀಗಾಗಿ ಸೈಬರ್ ಸೆಕ್ಯೂರಿಟಿ ಬಗ್ಗೆ ತಿಳಿದುಕೊಂಡಿರುವ ಉದ್ಯೋಗಿಗಳಿಗೆ ಕಂಪನಿ ಆದ್ಯತೆ ನೀಡುತ್ತದೆ. ಈ ಕೌಶಲ್ಯ ತತುಂಬಾ ಮುಖ್ಯವಾಗಿದ್ದು, ಇದು ನಿಮ್ಮ ಕೆಲಸದ ಭದ್ರತೆಯನ್ನು ಹೆಚ್ಚಿಸುತ್ತದೆ.

ಸೈಬರ್‌ಸೆಕ್ಯುರಿಟಿ ಕೌಶಲ್ಯಗಳ ಉದಾಹರಣೆಗಳಲ್ಲಿ ಸೈಬರ್‌ದಾಳಿಗಳನ್ನು ಗುರುತಿಸುವ ಮತ್ತು ತಡೆಯುವ ಸಾಮರ್ಥ್ಯ ಹಾಗೂ ನೆಟ್‌ವರ್ಕ್‌ಗಳು ಮತ್ತು ಸಿಸ್ಟಮ್‌ಗಳನ್ನು ರಕ್ಷಿಸಲು ಬಳಸುವ ಹಲವಾರು ಉಪಕರಣಗಳು ಮತ್ತು ತಂತ್ರಜ್ಞಾನಗಳ ಜ್ಞಾನವನ್ನು ಉದ್ಯೋಗಿಗಳು ಹೊಂದಿರಬೇಕಾಗುತ್ತದೆ.