• Home
  • »
  • News
  • »
  • career
  • »
  • Career Guidance Books: ಕರಿಯರ್​ನಲ್ಲಿ ಸಕ್ಸಸ್ ಸಿಗಬೇಕೆಂದರೆ ಇವುಗಳಲ್ಲಿ ಒಂದು ಪುಸ್ತಕವನ್ನಾದರೂ ಓದಿ

Career Guidance Books: ಕರಿಯರ್​ನಲ್ಲಿ ಸಕ್ಸಸ್ ಸಿಗಬೇಕೆಂದರೆ ಇವುಗಳಲ್ಲಿ ಒಂದು ಪುಸ್ತಕವನ್ನಾದರೂ ಓದಿ

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ಇಂಟರ್‌ನೆಟ್‌ನಲ್ಲಿ ಹಲವು ವಿಚಾರಗಳು ಲಭ್ಯವಿದೆ. ಆದರೆ  ನೀವು ವೃತ್ತಿ ಮಾರ್ಗದರ್ಶನಕ್ಕಾಗಿ ಪುಸ್ತಕಗಳನ್ನು ಓದುವುದು ಉತ್ತಮ.

  • Share this:

    ಉತ್ತಮ ಸಂಬಳ (Good Salary) , ಒತ್ತಡವಿಲ್ಲದ ಆರಾಮದಾಯಕ ಕೆಲಸ (JOB) ಇಂದಿನ ದುಡಿಯುವ ಮನಸ್ಸುಗಳ ದೊಡ್ಡ ಬೇಡಿಕೆ. ಹಣ (Money) ಸಂಪಾದಿಸಲು ಮಾತ್ರವಲ್ಲದೆ ನಾಗರಿಕ ಸಮಾಜದಲ್ಲಿ ಒಂದೊಳ್ಳೆ ಗೌರವ ಪಡೆಯಲು ಉದ್ಯೋಗ ಖಂಡಿತ ಮುಖ್ಯ. ಇಂದು ಸ್ಪರ್ಧೆ ಮತ್ತು ನಿರುದ್ಯೋಗದಂತಹ ಸಮಸ್ಯೆಗಳ ನಡುವೆ ಒಂದೊಳ್ಳೆ ವೃತ್ತಿಜೀವನ ಕಟ್ಟಿಕೊಳ್ಳುವುದು ಸವಾಲಿನ ಕೆಲಸ. ಪ್ರತಿಯೊಬ್ಬರೂ ತಮ್ಮ ಕನಸಿನ (Dream) ಕೆಲಸವನ್ನು ಪಡೆಯಲು ಸಾಧ್ಯವಾಗುವುದಿಲ್ಲ.


     ಓದಿನ ನಂತರ ಮುಂದೇನು? ಪಿಯುಸಿ, ಪದವಿ ನಂತರ ಮುಂದೇನು? ಹೀಗೆ ಕೆಲಸ ಹುಡುಕುವ ಯುವ ಪೀಳಿಗೆಯಿಂದ ವಯಸ್ಕರವರೆಗೆ ವೃತ್ತಿ ಮಾರ್ಗದರ್ಶನವು ಪ್ರಯೋಜನಕಾರಿಯಾಗಿದೆ. ಆದಾಗ್ಯೂ, ವೃತ್ತಿ ಮಾರ್ಗದರ್ಶನವನ್ನು ಹೇಗೆ ಮತ್ತು ಎಲ್ಲಿಂದ ಪಡೆಯುವುದು ಎಂಬ ಪ್ರಶ್ನೆ ಉದ್ಭವಿಸುತ್ತದೆ. ಇದಕ್ಕೆ ಸಂಬಂಧಪಟ್ಟಂತೆ ಈಗ ಇಂಟರ್‌ನೆಟ್‌ನಲ್ಲಿ ಹಲವು ವಿಚಾರಗಳು ಲಭ್ಯವಿದೆ. ಆದರೆ  ನೀವು ವೃತ್ತಿ ಮಾರ್ಗದರ್ಶನಕ್ಕಾಗಿ ಪುಸ್ತಕಗಳನ್ನು ಓದುವುದು ಉತ್ತಮ.


    ವೃತ್ತಿ ಮಾರ್ಗದರ್ಶನದ 7 ಅದ್ಭುತ ಪುಸ್ತಕಗಳು


    1. ಡು ವಾಟ್‌ ಯು ಆರ್ - Do What You Are


    ಲೇಖಕ ಪಾಲ್ D. ಟೈಗರ್ ಮತ್ತು ಬಾರ್ಬರಾ ಬ್ಯಾರನ್-ಟೈಗರ್ ಬರೆದ ಈ ಪುಸ್ತಕ 1992ರಲ್ಲಿ ಪ್ರಕಟವಾಯಿತು. ಡು ವಾಟ್‌ ಯು ಆರ್ , ಡಿಸ್ಕವರ್‌ ದಿ ಪರ್ಪೆಕ್ಟ್‌ ಕರಿಯರ್‌, ಶೀರ್ಷಿಕೆ ಸೂಚಿಸುವಂತೆ ಈ ಪುಸ್ತಕವು ವ್ಯಕ್ತಿತ್ವ ಪ್ರಕಾರಕ್ಕೆ ಅನುಗುಣವಾಗಿ ಪರಿಪೂರ್ಣ ವೃತ್ತಿಜೀವನದ ಬಗ್ಗೆ ತಿಳಿಸಿಕೊಡುತ್ತದೆ. ಓದುಗರಿಗೆ ಉತ್ತಮವಾದ ವೃತ್ತಿಜೀವನವನ್ನು ಸೂಚಿಸುವಾಗ ವ್ಯಕ್ತಿತ್ವವನ್ನು ಗಣನೆಗೆ ತೆಗೆದುಕೊಳ್ಳುತ್ತದೆ.


    ಪ್ರತಿಯೊಬ್ಬರೂ ವಿಶಿಷ್ಟ ವ್ಯಕ್ತಿತ್ವವನ್ನು ಹೊಂದಿದ್ದಾರೆ, ಆದರೆ ಹೆಚ್ಚಿನ ಜನರನ್ನು ಅಂತರ್ಮುಖಿಗಳು ಅಥವಾ ಬಹಿರ್ಮುಖಿಗಳು ಎಂದು ವರ್ಗೀಕರಿಸಬಹುದು. ಗುಣಲಕ್ಷಣಗಳ ತೀವ್ರತೆಯು ಬಹಳವಾಗಿ ಬದಲಾಗುತ್ತದೆಯಾದರೂ ವ್ಯಕ್ತಿತ್ವ ಪರೀಕ್ಷೆಗಳು ಒಬ್ಬರ ಸಾಮರ್ಥ್ಯ ಮತ್ತು ದೌರ್ಬಲ್ಯಗಳನ್ನು ನಿರ್ಧರಿಸಲು ಅತ್ಯುತ್ತಮ ಸಾಧನವಾಗಿದೆ. ಯಾವ ವೃತ್ತಿಯು ನಿಮಗೆ ಉತ್ತಮವಾಗಿ ಹೊಂದಿಕೊಳ್ಳುತ್ತದೆ ಎಂಬುದನ್ನು ನಿರ್ಧರಿಸಲು ನೀವು ಪುಸ್ತಕದ ಸಹಾಯ ಪಡೆಯಬಹುದು.


    ಇದನ್ನೂ ಓದಿ: Bengaluru: ಪಾರ್ಟ್​ ಟೈಮ್​ ಉದ್ಯೋಗಿಗಳಿಗೆ ಬಿಗ್​ ಶಾಕ್​!


    ಡು ವಾಟ್ ಯು ಆರ್ ಪುಸ್ತಕ ಭೌತಿಕ ಮತ್ತು ಡಿಜಿಟಲ್ ರೂಪಗಳಲ್ಲಿ ಇ-ಕಾಮರ್ಸ್ ಸೈಟ್‌ಗಳಲ್ಲಿ ಲಭ್ಯವಿದೆ. ಆಧುನಿಕ ಉದ್ಯೋಗಗಳನ್ನು ಸೇರಿಸಲು ಡು ವಾಟ್ ಯು ಆರ್ ಅನ್ನು ನಿಯಮಿತವಾಗಿ ನವೀಕರಿಸಲಾಗಿದೆ. ಆದ್ದರಿಂದ ಇತ್ತೀಚಿನ ಆವೃತ್ತಿಯನ್ನು ಆಯ್ಕೆ ಮಾಡಿ ಓದಿರಿ.


    2. ವಾಟ್‌ ಕಲರ್‌ ಈಸ್‌ ಯುವರ್ ಪ್ಯಾರಾಚೂಟ್ ?  What Color is Your Parachute?


    ರಿಚರ್ಡ್ ನೆಲ್ಸನ್ ಬೊಲ್ಲೆಸ್ ಅವರ ಸ್ವಯಂ-ಸಹಾಯ ಪುಸ್ತಕವು ಉದ್ಯೋಗಾಕಾಂಕ್ಷಿಗಳಿಗಾಗಿ ಉದ್ದೇಶಿಸಿ ಬರೆಯಲಾಗಿದೆ. ಇದು 1970 ರಿಂದ ಮುದ್ರಣದಲ್ಲಿದೆ ಮತ್ತು 1975 ರಿಂದ ವಾರ್ಷಿಕವಾಗಿ ಪರಿಷ್ಕರಿಸಲ್ಪಟ್ಟಿದೆ.


    ಈ ಪುಸ್ತಕ ವೃತ್ತಿ ಮಾರ್ಗದರ್ಶನದಲ್ಲಿ ಹೆಚ್ಚು ಮಾರಾಟವಾಗುವ ಸ್ವ-ಸಹಾಯ (self-help) ಪುಸ್ತಕಗಳಲ್ಲಿ ಒಂದಾಗಿದೆ. ಪುಸ್ತಕವು ಎಲ್ಲಾ ವಯಸ್ಸಿನ ಮತ್ತು ಪದನಾಮಗಳ ಜನರನ್ನು ಗುರಿಯಾಗಿರಿಸಿಕೊಂಡಿದೆ. ಇದು ಉದ್ಯೋಗ ಹುಡುಕಾಟ, ಸಂವಹನ ಕೌಶಲ್ಯ ಮತ್ತು ಸಂದರ್ಶನಗಳ ಕುರಿತು ಪರಿಣಿತ ಮಾರ್ಗದರ್ಶಿಯನ್ನು ಒದಗಿಸುತ್ತದೆ


    3. ಥಿಂಕ್ ಅಗೇನ್: ದಿ ಪವರ್‌ ಆಪ್‌ ನೋವಿಂಗ್‌ ವಾಟ್‌ ಯು ಡೋಂಟ್‌ ನೋ -  Think Again: The Power of Knowing What You Don't Know


    ಪ್ರಸಿದ್ಧ ಅಮೇರಿಕನ್ ಮನಶ್ಶಾಸ್ತ್ರಜ್ಞ ಆಡಮ್ ಗ್ರಾಂಟ್, ಕಳೆದ ವರ್ಷ 2021ರಲ್ಲಿ ಬರೆದ ಥಿಂಕ್ ಅಗೇನ್: ದಿ ಪವರ್‌ ಆಪ್‌ ನೋವಿಂಗ್‌ ವಾಟ್‌ ಯು ಡೋಂಟ್‌ ನೋ ಪುಸ್ತಕ ವೃತ್ತಿ ಮಾರ್ಗದರ್ಶನದ ಸಲಹೆ ಪಡೆಯಲು ಒಂದು ಪ್ರಮುಖ ಬರಹವಾಗಿದೆ.


    ಮರುಚಿಂತನೆ ಮಾಡುವುದು ಮತ್ತು ಕಲಿಯುವುದು ಹೇಗೆ ಎಂಬುದನ್ನು ಪುಸ್ತಕವು ತಿಳಿಸುತ್ತದೆ. ಕಲಿಯಲು, ನಿಮಗೆ ತಿಳಿದಿರುವ ಅನಗತ್ಯ ವಿಷಯವನ್ನು ಮೊದಲು ಕಲಿಯುವುದು ಅವಶ್ಯಕ. ಥಿಂಕ್‌ ಅಗೇನ್‌ ಪುಸ್ತಕ ಅದನ್ನು ಸಾಧಿಸಲು ಸಹಾಯ ಮಾಡುತ್ತದೆ.


    4. ವಾಟ್‌ ಗಾಟ್‌ ಯು ಹಿಯರ್ ವೋಂಟ್‌ ಗೆಟ್‌ ಯು ದೇರ್‌ -  What Got You Here Won’t Get You There


    ಲೇಖಕ ಮಾರ್ಷಲ್ ಗೋಲ್ಡ್ ಸ್ಮಿತ್ 'ವಾಟ್‌ ಗಾಟ್‌ ಯು ಹಿಯರ್ ವೋಂಟ್‌ ಗೆಟ್‌ ಯು ದೇರ್‌' ಎಂಬ ವೃತ್ತಿ ಮಾರ್ಗದರ್ಶನದ ಪುಸ್ತಕವನ್ನು 2006ರಲ್ಲಿ ಪ್ರಕಟಿಸಿದರು. ಮಾರ್ಷಲ್ ಗೋಲ್ಡ್ ಸ್ಮಿತ್, USA ನಲ್ಲಿ ಕಾರ್ಪೊರೇಟ್‌ಗಳಿಗೆ ಕಾರ್ಯನಿರ್ವಾಹಕ ತರಬೇತುದಾರರಾಗಿದ್ದು, ಅಲ್ಲಿ ಜನರಿಗೆ ಸಲಹೆ ನೀಡಲು $250,000 ಬಿಲ್ ಮಾಡುತ್ತಾರೆ.


    ಆದಾಗ್ಯೂ, ಅವರ ಅತ್ಯುತ್ತಮ-ಮಾರಾಟದ ಪುಸ್ತಕ, ವಾಟ್ ಗಾಟ್ ಯು ಹಿಯರ್ ವೊಂಟ್ ಗೆಟ್‌ ಯು ದೇರ್ ಕೈಗೆಟುಕುವ ಬೆಲೆಯಲ್ಲಿ ಖರೀದಿಸಲು ಲಭ್ಯವಿದೆ ಮತ್ತು ವೃತ್ತಿಜೀವನದ ಯಶಸ್ಸಿಗೆ ಉತ್ತಮ ಮಾರ್ಗದರ್ಶಿಯಾಗಿದೆ.


    ಇದನ್ನೂ ಓದಿ: Dream Job: ಜಸ್ಟ್ ಪಕ್ಷಿಗಳನ್ನು ನೋಡಿಕೊಳ್ಳುವ ಕೆಲಸಕ್ಕೆ ತಿಂಗಳಿಗೆ 3,50,000 ರೂ. ಸಂಬಳ, ಹೀಗೂ ಉಂಟೇ?


    5. ಡಿಸೈನ್‌ ಯುವರ್‌ ಲೈಫ್‌ : ಹೌ ಟು ಬಿಲ್ಡ್‌ ಎ ವೆಲ್-ಲಿವ್ಡ್‌, ಜಾಯ್‌ಫುಲ್‌ ಲೈಫ್ ‌  Designing Your Life: How to Build a Well-Lived, Joyful Life


    ಬಿಲ್ ಬರ್ನೆಟ್, ಡೇವ್ ಇವಾನ್ಸ್ 2016ರಲ್ಲಿ ಪ್ರಕಟಿಸಿದ ಈ ಪುಸ್ತಕ ನಿಮ್ಮ ಜೀವನವನ್ನು "ವಿನ್ಯಾಸಗೊಳಿಸುವುದು", ಅಂದರೆ ಅದನ್ನು ಸಂಘಟಿಸಲು ಸಲಹೆ ನೀಡುತ್ತದೆ. ಜೀವನವನ್ನು ಅಚ್ಚುಕಟ್ಟಾಗಿ ಕಟ್ಟಿಕೊಳ್ಳಲು ಎಲ್ಲರೂ ಪ್ರಯತ್ನಿಸುತ್ತಾರೆ. ಅಂಥವರಿಗೆ ಈ ಪುಸ್ತಕ ಸೂಕ್ತವಾಗಿದೆ.


    6. ಪಿವೋಟ್: ದಿ ಓನ್ಲಿ ಮೂವ್‌ ದಟ್‌ ಮ್ಯಾಟರ್ಸ್‌ ಈಸ್‌ ಯುವರ್‌ ನೆಕ್ಟ್‌ ಒನ್  Pivot: The Only Move That Matters is Your Next One


    ಲೇಖಕ ಜೆನ್ನಿ ಬ್ಲೇಕ್ ಬರೆದ ಪಿವೋಟ್: ದಿ ಓನ್ಲಿ ಮೂವ್‌ ದಟ್‌ ಮ್ಯಾಟರ್ಸ್‌ ಈಸ್‌ ಯುವರ್‌ ನೆಕ್ಟ್‌ ಒನ್ ಲೇಖನ ಮೌಲ್ಯಯುತವಾದ ವೃತ್ತಿ ಸಲಹೆಯನ್ನು ನೀಡುವ ಸಲುವಾಗಿ ಇತ್ತೀಚೆಗೆ ಬಂದ ಪುಸ್ತಕಗಳಲ್ಲಿ ಪ್ರಮುಖವಾಗಿದೆ. "ಮುಂದೇನು?" ಎಂಬ ಪ್ರಶ್ನೆಗೆ ಉತ್ತರವನ್ನು ಹುಡುಕುವ ಜನರಿಗೆ ಈ ಪುಸ್ತಕ ಸಲಹೆ ನೀಡುತ್ತದೆ.


    7. ಎಮೋಷನಲ್‌ ಇಂಟೆಲಿಜೆನ್ಸ್  - Emotional Intelligence


    ಡೇನಿಯಲ್ ಗೋಲ್ಮನ್ ಅವರ ಎಮೋಷನಲ್‌ ಇಂಟೆಲಿಜೆನ್ಸ್ ಸ್ವ-ಸಹಾಯ ಮತ್ತು ಸ್ವಯಂ-ಸುಧಾರಣೆ ಕ್ರಿಯೆಗಳನ್ನು ಉತ್ತೇಜಿಸುವ ಪುಸ್ತಕಗಳಲ್ಲಿ ಒಂದಾಗಿದೆ. ಭಾವನಾತ್ಮಕ ಬುದ್ಧಿವಂತಿಕೆಯನ್ನು ಅಭಿವೃದ್ಧಿಪಡಿಸುವುದು ಮತ್ತು ನಿಮ್ಮ ಸಂಬಂಧಗಳು, ಸ್ನೇಹ ಮತ್ತು ವೃತ್ತಿಜೀವನದಲ್ಲಿ ಅದನ್ನು ಹೇಗೆ ಬಳಸಿಕೊಳ್ಳುವುದು ಎಂಬುದನ್ನು ಗೋಲ್ಮನ್ ಪುಸ್ತಕದಲ್ಲಿ ವಿವರಿಸಿದ್ದಾರೆ.

    Published by:Kavya V
    First published: