Sukanya Yojana Calculator: ನಿಮ್ಮ ಮಗಳ ಭವಿಷ್ಯಕ್ಕೆ ಈಗಿನಿಂದಲೇ ಹಣ ಸೇವ್​ ಮಾಡಿ, ಮದುವೆ ವಯಸ್ಸಿಗೆ 63 ಲಕ್ಷ ಬರುತ್ತೆ!

ಸುಕನ್ಯಾ ಸಮೃದ್ಧಿ ಯೋಜನೆಯು (SSY) ಹೆಣ್ಣುಮಕ್ಕಳ ಪೋಷಕರಿಗೆ ಗರಿಷ್ಠ ಲಾಭ ತಂದುಕೊಡುವ ಉಳಿತಾಯ ಯೋಜನೆಯಾಗಿದೆ. ಹೆಣ್ಣುಮಕ್ಕಳ ಪೋಷಕರನ್ನು ಗುರಿಯಾಗಿಸಿಕೊಂಡು ಭಾರತ ಸರ್ಕಾರದ ಬೆಂಬಲಿತ ಉಳಿತಾಯ ಯೋಜನೆ ಇದಾಗಿದೆ. ಈ ಯೋಜನೆಯು ತಮ್ಮ ಹೆಣ್ಣು ಮಗುವಿನ ಭವಿಷ್ಯದ ಶಿಕ್ಷಣಕ್ಕಾಗಿ ಹಣವನ್ನು ಕೂಡಿಡಲು ಪೋಷಕರನ್ನು ಪ್ರೋತ್ಸಾಹಿಸುತ್ತದೆ. ಕೇಂದ್ರ ಸರ್ಕಾರವು (Cenral Govt) 2023-24ನೇ ಹಣಕಾಸು ವರ್ಷದ ಮೊದಲ ತ್ರೈಮಾಸಿಕಕ್ಕೆ ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರವನ್ನು ಘೋಷಿಸಿದೆ. ಸರ್ಕಾರದ ಬೆಂಬಲಿತ ಸಣ್ಣ ಉಳಿತಾಯ ಯೋಜನೆಗಳಿಗೆ ಈ ಬಡ್ಡಿ ದರ ಘೋಷಣೆಯಲ್ಲಿ, ಕೇಂದ್ರ ಸರ್ಕಾರವು ಸುಕನ್ಯಾ ಸಮೃದ್ಧಿ ಯೋಜನೆ (Sukanya Samriddhi Yojana) ಬಡ್ಡಿ ದರವನ್ನು 7.60% ರಿಂದ 8% ಕ್ಕೆ ಹೆಚ್ಚಿಸಿದೆ. ಇದರಿಂದ ಹೂಡಿಕೆದಾರರು ದೀರ್ಘಾವಧಿಗೆ ತಮ್ಮ ಹೂಡಿಕೆಯ ಮೇಲೆ ಗರಿಷ್ಠ ಲಾಭವನ್ನು ಪಡೆಯಬಹುದಾಗಿದೆ.

ಶೇ.7.60 ರಿಂದ 8% ರಷ್ಟು ಬಡ್ಡಿ ದರ!

ಹೌದು, ಕೇಂದ್ರ ಸರ್ಕಾರವು ಸುಕನ್ಯಾ ಸಮೃದ್ಧಿ ಯೋಜನೆ ಬಡ್ಡಿ ದರವನ್ನು 7.60% ರಿಂದ 8% ಕ್ಕೆ ಹೆಚ್ಚಿಸಿದೆ. ಆದಾಗ್ಯೂ, ಈ SSY ಬಡ್ಡಿ ದರವು ತ್ರೈಮಾಸಿಕ ಆಧಾರದ ಮೇಲೆ ಬದಲಾಗಬಹುದು. ಆದರೆ ಯಾರಾದರೂ ತಮ್ಮ ಹೆಣ್ಣು ಮಗುವಿನ ಜನನದ ನಂತರ ಸುಕನ್ಯಾ ಸಮೃದ್ಧಿ ಯೋಜನೆ ಖಾತೆಯಲ್ಲಿ ಹೂಡಿಕೆ ಮಾಡಲು ಪ್ರಾರಂಭಿಸಿದರೆ ಸುಮಾರು ಶೇ. 7.60 ರಿಂದ 8 ಪ್ರತಿಶತದಷ್ಟು ಲಾಭವನ್ನು ಪಡೆಯಬಹುದು.

ಒಬ್ಬ ಹೂಡಿಕೆದಾರನು ತನ್ನ ಹೆಣ್ಣು ಮಗುವಿನ ಜನನದ ನಂತರ ತಕ್ಷಣವೇ SSY ಖಾತೆಯಲ್ಲಿ ಹೂಡಿಕೆ ಮಾಡಲು ಪ್ರಾರಂಭಿಸಿದರೆ, 15 ವರ್ಷಗಳವರೆಗೆ ಠೇವಣಿ ಇಡಲು ಸಾಧ್ಯವಾಗುತ್ತದೆ. ಏಕೆಂದರೆ ಒಬ್ಬರ ಸುಕನ್ಯಾ ಸಮೃದ್ಧಿ ಯೋಜನೆ ಖಾತೆಗೆ 14 ವರ್ಷ ವಯಸ್ಸಾಗುವವರೆಗೆ ಠೇವಣಿ ಮಾಡಬಹುದು. ನಂತರ ನೀವು ಆ ಹೆಣ್ಣುಮಗಳಿಗೆ 18 ವರ್ಷವಾದಾಗ ಮೆಚ್ಯೂರಿಟಿ ಮೊತ್ತದ 50 ಪ್ರತಿಶತವನ್ನು ಹಿಂಪಡೆಯಬಹುದು. ಉಳಿದ ಮೆಚ್ಯೂರಿಟಿ ಮೊತ್ತವನ್ನು ಹೆಣ್ಣು ಮಗುವಿಗೆ 21 ವರ್ಷವಾದಾಗ ಹಿಂಪಡೆಯಬಹುದು.

ಇದನ್ನೂ ಓದಿ: ಕೇಂದ್ರ ಸರ್ಕಾರದಿಂದ ಗುಡ್ ನ್ಯೂಸ್; ಬೆಂಗಳೂರಿನಲ್ಲಿ 7 ರೂಪಾಯಿ ಇಳಿಕೆ

ಆದಾಗ್ಯೂ, ಒಬ್ಬರ SSY ಖಾತೆಯಿಂದ ಹಣವನ್ನು ಹಿಂಪಡೆಯಲು ಸೂಕ್ತವಲ್ಲದಿದ್ದಲ್ಲಿ, ಹುಡುಗಿ 21 ವರ್ಷ ವಯಸ್ಸಿನ ನಂತರ ಪೂರ್ಣ ಹಿಂಪಡೆಯುವ ಮೊತ್ತವನ್ನು ತೆಗೆದುಕೊಳ್ಳಬಹುದು.

ಹೆಣ್ಣುಮಗಳಿಗೆ 21 ವರ್ಷವಾದಾಗ ಮೆಚ್ಯೂರಿಟಿ ಮೊತ್ತ 63 ಲಕ್ಷವಾಗಿರುತ್ತದೆ!

ಮೆಚ್ಯೂರಿಟಿಯ ಸಮಯದಲ್ಲಿ ಒಬ್ಬರ ಹಣದ ಮೇಲೆ ಶೇಕಡಾ 7.6 ರಷ್ಟು ಲಾಭವನ್ನು ಊಹಿಸಿದರೆ ಅಥವಾ ಒಬ್ಬ ವ್ಯಕ್ತಿಯು 12 ಕಂತುಗಳಲ್ಲಿ ತಿಂಗಳಿಗೆ ₹ 12,500 ಹೂಡಿಕೆ ಮಾಡಿದರೆ ಹೂಡಿಕೆದಾರನು ಒಂದು ಹಣಕಾಸಿನ ಮಿತಿಯಲ್ಲಿ ಸೆಕ್ಷನ್ 80C ಮಿತಿಯಲ್ಲಿ ₹ 1.5 ಲಕ್ಷ ಆದಾಯ ತೆರಿಗೆ ಲಾಭದ ಮಿತಿಯನ್ನು ಪಡೆಯಲು ಸಾಧ್ಯವಾಗುತ್ತದೆ.

ಸಾಂದರ್ಭಿಕ ಚಿತ್ರ

ಆದ್ದರಿಂದ ಹುಡುಗಿಗೆ 21 ವರ್ಷವಾದಾಗ ಹೂಡಿಕೆದಾರರು ಪೂರ್ಣ ಹಿಂಪಡೆಯುವಿಕೆಯನ್ನು ತೆಗೆದುಕೊಂಡರೆ, ನಂತರ SSY ಮೆಚುರಿಟಿ ಮೊತ್ತವು ಸುಮಾರು ₹63,79,634 ಆಗಿರುತ್ತದೆ. ಹಾಗಾಗಿ, ಹೂಡಿಕೆದಾರರು ಹೆಣ್ಣು ಮಗು ಜನಿಸಿದ ತಕ್ಷಣ ಸುಕನ್ಯಾ ಸಮೃದ್ಧಿ ಯೋಜನೆ ಖಾತೆಯಲ್ಲಿ ತಿಂಗಳಿಗೆ ₹12,500 ಹೂಡಿಕೆ ಮಾಡಲು ಪ್ರಾರಂಭಿಸಿದರೆ, ಆ ಹುಡುಗಿ 21 ನೇ ವಯಸ್ಸಿನಲ್ಲಿ ಮಿಲಿಯನೇರ್ ಆಗುತ್ತಾಳೆ!

ಆದಾಯ ತೆರಿಗೆ ಪ್ರಯೋಜನ

ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಹೂಡಿಕೆದಾರರು ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 80C ಅಡಿಯಲ್ಲಿ ಒಂದೇ ಹಣಕಾಸು ವರ್ಷದಲ್ಲಿ ಹೂಡಿಕೆ ಮಾಡಿದ ₹1.50 ಲಕ್ಷದವರೆಗೆ ಆದಾಯ ತೆರಿಗೆ ಪ್ರಯೋಜನವನ್ನು ಪಡೆಯಬಹುದು. ಗಳಿಸಿದ SSY ಬಡ್ಡಿ ಮತ್ತು ಮೆಚ್ಯೂರಿಟಿ ಮೊತ್ತವು 100 ಪ್ರತಿಶತ ತೆರಿಗೆ ವಿನಾಯಿತಿಯನ್ನು ಹೊಂದಿರುತ್ತದೆ.

ಹೆಣ್ಣುಮಕ್ಕಳನ್ನು ಚೆನ್ನಾಗಿ ಬೆಳೆಸುವ, ಒಳ್ಳೆಯ ವಿದ್ಯಾಭ್ಯಾಸ ನೀಡಲಿ ಎಂಬ ಉದ್ದೇಶದಿಂದ ಆರಂಭಿಸಲಾದ ಈ ಯೋಜನೆ ಪೋಷಕರಿಗೆ ಒಂದು ಒಳ್ಳೆಯ ಲಾಭ ತಂದುಕೊಡುವಂಥ ಯೋಜನೆಯಾಗಿದೆ. ಈ ಸಣ್ಣ ಉಳಿತಾದಿಂದ ಹೆಣ್ಣುಮಕ್ಕಳ ಶಿಕ್ಷಣಕ್ಕೆ ಸಹಾಯವಾಗುವುದಲ್ಲದೇ ಒಮ್ಮೆಲೇ ಹಣ ನೀಡುವಂಥ ಹೊರೆಯೂ ಪೋಷಕರಿಗೆ ಕಡಿಮೆಯಾಗುತ್ತದೆ.

Story Link : https://www.livemint.com/money/personal-finance/sukanya-samriddhi-yojana-calculator-your-girl-may-own-rs-41-lakh-at-age-21-11680844108527.html

Sujatha Gaonkar