Indian Railway: ರೈಲುಗಳ ಎಸಿ ಕೋಚ್, ಜನರಲ್ ಬೋಗಿಗಳು ಅಲ್ಲಲ್ಲೇ ಇರೋದೇಕೆ? ರೈಲುಗಳ ಬಗ್ಗೆ ನಿಮಗೆ ಗೊತ್ತಿಲ್ಲದ ಸಂಗತಿ ಇದು!

ರೈಲುಗಳಲ್ಲಿ ಕೋಚ್ ವ್ಯವಸ್ಥೆಯನ್ನು ಏಕೆ ಜಾರಿಗೆ ತರಲಾಗಿದೆಎಂದು ನೀವು ಎಂದಾದರೂ ಯೋಚಿಸಿದ್ದೀರಾ?

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

  • Share this:
    ಎಲ್ಲರೂ ಒಂದಲ್ಲ ಒಂದು ಸಲ ರೈಲು ಪ್ರಯಾಣ ಮಾಡೇ ಮಾಡಿರುತ್ತಾರೆ. ಉದ್ದ ರೈಲಿನ ಬೋಗಿಗಳನ್ನು ಕುಳಿತು ಪ್ರಯಾಣ ಮಾಡುವುದೆಂದರೆ ಒಂಥರಾ ಖುಷಿ, ಒಂಥರಾ ಕುತೂಹಲ! ಅದರಲ್ಲೂ ಭಾರತೀಯ ರೈಲ್ವೆ (Indian Railways) ಎಂಬುದು ಅನೇಕ ಕುತೂಹಲಕರ ಸಂಗತಿಗಳ ಆಗರ. ರೈಲುಗಳಲ್ಲಿ ಎಸಿ ಕೋಚ್‌ಗಳು (AC Coach) ಯಾವಾಗಲೂ ಮಧ್ಯದಲ್ಲಿ ಇರುವುದನ್ನು ನೀವು ಗಮನಿಸಿರಬಹುದು. ರೈಲಿನಲ್ಲಿ ಏಕೆ ಹೀಗಿರುತ್ತದೆ? ರೈಲುಗಳಲ್ಲಿ ಕೋಚ್ ವ್ಯವಸ್ಥೆಯನ್ನು (Rail Coach System) ಏಕೆ ಜಾರಿಗೆ ತರಲಾಗಿದೆ ಎಂದು ನೀವು ಎಂದಾದರೂ ಯೋಚಿಸಿದ್ದೀರಾ? ಎಸಿ ಕೋಚ್​ಗಳು ಯಾವಾಗಲೂ ಏಕೆ ರೈಲಿನ ಮಧ್ಯಭಾಗದಲ್ಲೇ ಇರುತ್ತವೆ? ಈ ಕುತೂಹಲಕರ ಪ್ರಶ್ನೆಗೆ (Interesting Facts) ಇಲ್ಲಿದೆ ಉತ್ತರ! ನೀವೂ ತಿಳಿದುಕೊಳ್ಳಿ. 

    ರಾಜಧಾನಿ, ಶತಾಬ್ದಿ, ವಂದೇ ಭಾರತ್ ಮುಂತಾದ ರೈಲುಗಳನ್ನು ಹೊರತುಪಡಿಸಿ ಇತರ ಎಕ್ಸ್‌ಪ್ರೆಸ್ ಅಥವಾ ಸೂಪರ್‌ಫಾಸ್ಟ್ ರೈಲುಗಳಲ್ಲಿ (Super Fast Train) ಜನರಲ್ ಬೋಗಿ ನಂತರ ಎಂಜಿನ್, ನಂತರ ಸ್ಲೀಪರ್ ಕ್ಲಾಸ್, ನಂತರ ಎಸಿ ಬೋಗಿ ಮತ್ತು ಅಂತಿಮವಾಗಿ ಸಾಮಾನ್ಯ ವರ್ಗ ಮತ್ತು ನಂತರ ಗಾರ್ಡ್ ಬಾಕ್ಸ್ ಇರುತ್ತದೆ.

    ಪ್ರಯಾಣಿಕರ ಅನುಕೂಲತೆ ಮತ್ತು ಸುರಕ್ಷತೆಯೇ ಉದ್ದೇಶ!
    ಭಾರತೀಯ ರೈಲ್ವೆಯು ಪ್ರಯಾಣಿಕರ ಅನುಕೂಲತೆ ಮತ್ತು ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ರೈಲಿನಲ್ಲಿ ಕೋಚ್‌ಗಳನ್ನು ಅಳವಡಿಸಲು ವ್ಯವಸ್ಥೆ ಮಾಡಿದೆ.

    ಜನಸಂದಣಿಯೂ ಕಾರಣ
    ಯಾವುದೇ ರೈಲಿನಲ್ಲಿ ಮೇಲ್ವರ್ಗದ ಕೋಚ್‌ಗಳು ಮತ್ತು ಮಹಿಳಾ ಕೋಚ್‌ಗಳು ಇತ್ಯಾದಿಗಳನ್ನು ರೈಲಿನ ಮಧ್ಯದಲ್ಲಿ ಇರಿಸಲಾಗುತ್ತದೆ. ಆದರೆ ಜನಸಂದಣಿಯ ಸಾಮಾನ್ಯ ಬೋಗಿಗಳನ್ನು ರೈಲಿನ ಎರಡೂ ಬದಿಗಳಲ್ಲಿ ಇರಿಸಲಾಗುತ್ತದೆ. ಪ್ರಯಾಣಿಕರ ಅನುಕೂಲಕ್ಕಾಗಿ ಇದನ್ನು ಮಾಡಲಾಗಿದೆ ಎಂದು ರೈಲ್ವೆ ಅಧಿಕಾರಿಗಳು ತಿಳಿಸಿದ್ದಾರೆ.

    ರೈಲ್ವೆ ನಿಲ್ದಾಣದ ನಿರ್ಗಮನ ದ್ವಾರ ಅಲ್ಲೇ ಇರುವುದೇಕೆ?
    ಸಾಮಾನ್ಯವಾಗಿ ರೈಲ್ವೆ ನಿಲ್ದಾಣದ ನಿರ್ಗಮನ ದ್ವಾರವನ್ನು ಮಧ್ಯದಲ್ಲಿ ಇರಿಸಲಾಗುತ್ತದೆ. ರೈಲು ನಿಲ್ದಾಣದಲ್ಲಿ ನಿಲ್ಲಿಸಿದ ನಂತ ಎಸಿ ಕೋಚ್‌ಗಳಲ್ಲಿ ಪ್ರಯಾಣಿಸುವ ಪ್ರಯಾಣಿಕರು ಸುಲಭವಾಗಿ ನಿಲ್ದಾಣವನ್ನು ಪ್ರವೇಶಿಸಬಹುದು ಅಥವಾ ನಿರ್ಗಮಿಸಬಹುದು.

    ಇದನ್ನೂ ಓದಿ:Toyota Invest in Karnataka: ಟೊಯೋಟಾ ಕರ್ನಾಟಕದಲ್ಲೇ 4,800 ಕೋಟಿ ಹೂಡಿಕೆ ಮಾಡಿದ್ದೇಕೆ?

    ಸಾಮಾನ್ಯ ಬೋಗಿಗಳಲ್ಲಿ ಪ್ರಯಾಣಿಸುವ ಪ್ರಯಾಣಿಕರು ಲೊಕೊಮೊಟಿವ್ ಅಥವಾ ಗಾರ್ಡ್ ಕಂಪಾರ್ಟ್‌ಮೆಂಟ್‌ನ ಸಮೀಪದಲ್ಲಿರಬಹುದು. ಪ್ರಯಾಣಿಕರ ಗುಂಪಿಗೆ ಅನುಕೂಲ ಮಾಡಿಕೊಡಲು ಎಂದೇ ಈ ರೀತಿ ವಿನ್ಯಾಸ ಮಾಡಿರಲಾಗುತ್ತದೆ.  ಇದು ನಿಲ್ದಾಣ ಮತ್ತು ರೈಲಿನ ಭದ್ರತೆಯನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ.

    ಸಾಮಾನ್ಯ ಕೋಚ್‌ಗಳನ್ನು ಮಧ್ಯದಲ್ಲಿದ್ದರೆ ಏನಾಗುತ್ತಿತ್ತು?
    ಸಾಮಾನ್ಯ ದರ್ಜೆಯ ಕೋಚ್  ಮತ್ತು ಸ್ಲೀಪರ್ ದರ್ಜೆಯ ಕೋಚ್‌ಗಳು ಹೆಚ್ಚು ಜನದಟ್ಟಣೆಯಿಂದ ಕೂಡಿರುತ್ತವೆ ಎಂದು ರೈಲ್ವೆ ಅಧಿಕಾರಿಗಳು ಹೇಳುತ್ತಾರೆ. ಒಂದುವೇಳೆ, ಸಾಮಾನ್ಯ ಕೋಚ್‌ಗಳನ್ನು ಮಧ್ಯದಲ್ಲಿ ಇರಿಸಲಾಗಿದೆ ಎಂದು ಭಾವಿಸೋಣ, ಸಾಮಾನ್ಯ ಕೋಚ್ ಅನ್ನು ಮಧ್ಯದಲ್ಲಿ ಇರಿಸುವುದರಿಂದ ರೈಲು ಹತ್ತಲು ಅಥವಾ ಇಳಿಯಲು ಪ್ರಯತ್ನಿಸುವಾಗ ಪ್ಲಾಟ್‌ಫಾರ್ಮ್‌ನಲ್ಲಿ ದಟ್ಟಣೆ ಉಂಟಾಗಬಹುದು. ಈ ದಟ್ಟಣೆ ಇತರ ಪ್ರಯಾಣಿಕರಿಗೂ ಅನಾನುಕೂಲತೆಯನ್ನು ಸೃಷ್ಟಿಸಬಹುದು. ಹೀಗಾಗಿ ಜನರಲ್ ಬೋಗಿಗಳನ್ನು ರೈಲಿನ ಮಧ್ಯಭಾಗದಲ್ಲಿ ಇರಿಸುವುದಿಲ್ಲ.

    ಇದನ್ನೂ ಓದಿ:EV Charging Stations: ಎಲೆಕ್ಟ್ರಿಕ್ ವಾಹನಗಳನ್ನು ಎಲ್ ಬೇಕಾದ್ರೂ ಚಾರ್ಜ್ ಮಾಡಿ! ಕರ್ನಾಟಕದಲ್ಲೇ 1000 ಚಾರ್ಜಿಂಗ್ ಸ್ಟೇಶನ್ ಶುರು 

    ಹಾಗೇನಾದರೂ ಜನರಲ್ ಬೋಗಿಗಳನ್ನು ರೈಲಿನ ಮಧ್ಯಭಾಗದಲ್ಲಿ ಇರಿಸಿದರೆ ಉಳಿದ ಜನರು ರೈಲಿನ ಎರಡೂ ದಿಕ್ಕುಗಳಲ್ಲಿ ಜನದಟ್ಟಣೆಯ ಕಾರಣದಿಂದ ನಡೆದುಕೊಂಡು ಹೋಗಲೂ ಸಾಧ್ಯವಾಗುವುದಿಲ್ಲ. ಆದ್ದರಿಂದ ಪ್ರಯಾಣಿಕರ ಅನುಕೂಲಕ್ಕಾಗಿ ರೈಲಿನ ಎರಡೂ ತುದಿಗಳಲ್ಲಿ ಸಾಮಾನ್ಯ ಬೋಗಿಗಳನ್ನು ಅಳವಡಿಸಲಾಗಿದೆ.
    Published by:guruganesh bhat
    First published: