Google Vs Apple: ಇಬ್ಬರು ಐಐಟಿ ಎಂಜಿನಿಯರ್ಸ್‌ಗೆ ಸುಂದರ್ ಪಿಚ್ಚೈ-ಟಿಮ್ ಕುಕ್ ಗಾಳ! ಅಷ್ಟಕ್ಕೂ ಯಾರು ಆ ಪ್ರತಿಭಾವಂತರು?

ಕೃತಕ ಬುದ್ಧಿ ಮತ್ತೆ ತಂತ್ರಜ್ಞಾನ ಜಿದ್ದಿಗೆ ಬಿದ್ದಂತೆ ಪೈಪೋಟಿ ನಡೆಸಿಕೊಂಡು ಮುನ್ನುಗ್ಗುತ್ತಿದೆ. ವಿಶ್ವದ ಅತಿ ದೊಡ್ಡ ಸಂಸ್ಥೆ ಆ್ಯಪಲ್ ಕೂಡ ಇದೀಗ ಈ ಸ್ಪರ್ಧೆಯ ಬಿಸಿಗೆ ಕಂಗೆಟ್ಟಿದ್ದು ಪ್ರಸ್ತುತ ಕಂಗೆಟ್ಟಿರುವವರು ಆ್ಯಪಲ್ ಕೃತಕ ಬುದ್ಧಿಮತ್ತೆ (AI) ಮುಖ್ಯಸ್ಥ ಜಾನ್ ಜಿಯಾನಾಂಡ್ರಿಯಾ. ಓಪನ್‌ಎಐ, ಗೂಗಲ್ ಹಾಗೂ ಮೈಕ್ರೋಸಾಫ್ಟ್‌ನಂತಹ ದೊಡ್ಡ ದೊಡ್ಡ ಸಂಸ್ಥೆಗಳ ಪೈಪೋಟಿಯೊಂದಿಗೆ ಸ್ಪರ್ಧೆಯ ಅದೇ ವೇಗವನ್ನು ಉಳಿಸಿಕೊಳ್ಳಲು ಜಾನ್ ಹೆಣಗಾಡುತ್ತಿರುವ ಇದೇ ಸಮಯದಲ್ಲಿ ಕಾರ್ಯನಿರ್ವಾಹಕರು ಕಠಿಣ ಸವಾಲನ್ನು ಎದುರಿಸುತ್ತಿದ್ದಾರೆ. ಸಿರಿ ಮತ್ತು ಇತರ AI ಮತ್ತು ಯಂತ್ರ ಕಲಿಕೆಯ ಪ್ರಯತ್ನಗಳನ್ನು ಅಭಿವೃದ್ಧಿಪಡಿಸುವ ಜವಾಬ್ದಾರಿಯುತ ತಂಡವು ಇದೀಗ ಇನ್ನಿತರ ಬೃಹತ್ ಸಂಸ್ಥೆಗಳ ಕಠಿಣ ಸ್ಪರ್ಧೆಯಿಂದ ಆರಂಭಿಕ ಹಂತದಲ್ಲಿಯೇ ಮುಗ್ಗರಿಸುವ ಲಕ್ಷಣ ಕಂಡುಬರುತ್ತಿದೆ.

ಸರಿಯಾದ ಪ್ರತಿಭೆಯನ್ನು ನೇಮಿಸಿಕೊಳ್ಳುವ ಸವಾಲು

ಕೃತಕ ಬುದ್ಧಿಮತ್ತೆಯ ಈ ಕಠಿಣ ಪೈಪೋಟಿಯಲ್ಲಿ ಸರಿಯಾದ ಪ್ರತಿಭೆಯನ್ನು ನೇಮಿಸಿಕೊಳ್ಳುವುದೇ ಸವಾಲಾಗಿದೆ. ಪ್ರಮುಖ ಇಂಜಿನಿಯರ್‌ಗಳಾದ ಶ್ರೀನಿವಾಸನ್ ವೆಂಕಟಾಚಾರಿ, ಸ್ಟೀವನ್ ಬೇಕರ್ ಮತ್ತು ಆನಂದ್ ಶುಕ್ಲಾ ಗೂಗಲ್ ಹಾಗೂ ಆ್ಯಪಲ್ ಎರಡೂ ಸಂಸ್ಥೆಗಳಿಗೂ ಅಗತ್ಯವೆಂದೆನಿಸಿರುವ ಉದ್ಯೋಗಿಗಳಾಗಿದ್ದು ಎರಡೂ ಸಂಸ್ಥೆಗಳು ಮೂವರಿಗಾಗಿ ತಮ್ಮ ತಮ್ಮಲ್ಲೇ ಕಾದಾಡುತ್ತಿವೆ ಎಂಬುದು ವರದಿಯಾಗಿದೆ.

ಮೂವರಿಗಾಗಿ ಆ್ಯಪಲ್‌ ಹಾಗೂ ಗೂಗಲ್ ನಡುವೆ ಪೈಪೋಟಿ

ಈ ಮೂವರೂ ಕೂಡ ಆ್ಯಪಲ್‌ನ ಹುಡುಕಾಟ ತಂತ್ರಜ್ಞಾನವನ್ನು ಆಧುನೀಕರಿಸಲು ಸಹಾಯ ಮಾಡಿದರು ಜೊತೆಗೆ ಗೂಗಲ್‌ನ ಎಲ್‌ಎಲ್‌ಎಂನಲ್ಲಿ ಕಾರ್ಯನಿರ್ವಹಿಸುವುದಕ್ಕಾಗಿ ಆ್ಯಪಲ್‌ ಸಂಸ್ಥೆಯಿಂದ ಹೊರಬಂದರು. ಈ ಮೂವರು ಅಸಾಧಾರಣ ಎಂಜಿನಿಯರ್‌ಗಳಲ್ಲಿ ಇಬ್ಬರು ಐಐಟಿಯಲ್ಲಿ ತೇರ್ಗಡೆ ಹೊಂದಿದ ಪ್ರತಿಭಾವಂತರಾಗಿದ್ದಾರೆ.

ಪ್ರಸ್ತುತ ಗೂಗಲ್‌ನಲ್ಲಿ ಇಂಜಿನಿಯರಿಂಗ್, ಎಐ ಉತ್ಪನ್ನ ವಿಸ್ತರಣೆಯ ವಿಪಿ ಆಗಿರುವ ವೆಂಕಟಾಚಾರಿ ಅವರು ಐಐಟಿ ಮದ್ರಾಸ್‌ನಿಂದ ಕಂಪ್ಯೂಟರ್ ಸೈನ್ಸ್‌ನಲ್ಲಿ ಬಿ.ಟೆಕ್ ಅನ್ನು ಪೂರ್ಣಗೊಳಿಸಿದ್ದಾರೆ. ಗೂಗಲ್‌ನಲ್ಲಿ ಡಿಸ್ಟಿಂಗ್ವಿಶ್ಡ್ ಇಂಜಿನಿಯರ್ ಆಗಿರುವ ಆನಂದ್ ಶುಕ್ಲಾ ಅವರು ಐಐಟಿ ಕಾನ್ಪುರದಲ್ಲಿ ಕಂಪ್ಯೂಟರ್ ಸೈನ್ಸ್‌ನಲ್ಲಿ ಬಿ.ಟೆಕ್ ಅನ್ನು ಪೂರ್ಣಗೊಳಿಸಿದ್ದಾರೆ.

ಇದನ್ನೂ ಓದಿ: ಭಾರತದ 2ನೇ ಅತೀ ಶ್ರೀಮಂತ ಮಹಿಳೆ ಲೀನಾ ತಿವಾರಿ ಬಗ್ಗೆ ಗೊತ್ತಾ? ಇವರು ಸಾಧನೆ ಶಿಖರ ಏರಿದ್ದೇ ರೋಚಕ ಕಥೆ!

2022ರಲ್ಲಿ ಆ್ಯಪಲ್​ ತೊರೆದ ವೆಂಕಟಾಚಾರಿ!

ಇಬ್ಬರು ಎಂಜಿನಿಯರ್‌ಗಳ ಲಿಂಕ್ಡ್‌ಇನ್ ಪ್ರೊಫೈಲ್ ಪ್ರಕಾರ ವೆಂಕಟಾಚಾರಿ ಅಕ್ಟೋಬರ್ 2022 ರಲ್ಲಿ ಆ್ಯಪಲ್ ಅನ್ನು ತೊರೆದರು ಮತ್ತು ಶುಕ್ಲಾ ನವೆಂಬರ್ 2022 ರಲ್ಲಿ ಆ್ಯಪಲ್ ಅನ್ನು ತೊರೆದರು ಎಂದಾಗಿದೆ.

ಆ್ಯಪಲ್‌ ಹಾಗೂ ಗೂಗಲ್ ಪ್ರಯತ್ನ

ಮಾಹಿತಿಯ ವರದಿಯ ಪ್ರಕಾರ, LLM ಗಳಲ್ಲಿ ಕೆಲಸ ಮಾಡಲು ಗೂಗಲ್ ಉತ್ತಮ ಸ್ಥಳವಾಗಿದೆ ಎಂದು ಎಂಜಿನಿಯರ್‌ಗಳು ನಂಬಿದ್ದರು. ಗೂಗಲ್ ಸಿಇಒ ಸುಂದರ್ ಪಿಚೈ ಸಂಸ್ಥೆಯಲ್ಲಿ ನೆಲೆಸುವಂತೆ ವೈಯಕ್ತಿಕವಾಗಿ ಮೂವರನ್ನೂ ಓಲೈಸಿದ್ದು ಇತ್ತ ಆ್ಯಪಲ್ ಸಿಇಒ ಟಿಮ್ ಕುಕ್ ಎಂಜಿನಿಯರ್‌ಗಳನ್ನು ತಮ್ಮ ಸಂಸ್ಥೆಯಲ್ಲಿ ಕರೆತರಲು ಮನವೊಲಿಸಲು ಪ್ರಯತ್ನಿಸಿದ್ದಾರೆ ಎಂದು ವರದಿ ತಿಳಿಸಿದೆ.

ಪ್ರಸ್ತುತ ಮೂವರು ಉದ್ಯೋಗಿಗಳು ತರಬೇತಿಯ ವೆಚ್ಚವನ್ನು ಕಡಿಮೆ ಮಾಡಲು LLM ಗಳು ಮತ್ತು ಈ ಮಾದರಿಗಳ ಆಧಾರದ ಮೇಲೆ ಉತ್ಪನ್ನಗಳ ನಿಖರತೆಯನ್ನು ಸುಧಾರಿಸಲು ಗೂಗಲ್‌ನೊಂದಿಗೆ ಕೈ ಜೋಡಿಸುತ್ತಿದ್ದಾರೆ ಎಂಬುದು ವರದಿಯಾಗಿದೆ.

ಗೂಗಲ್ ಹಾಗೂ ಮೈಕ್ರೋಸಾಫ್ಟ್‌ ಸ್ಪರ್ಧೆ

ಇದುವರೆಗೆ ಆ್ಯಪಲ್‌ನ ಪ್ರಮುಖ ಆದಾಯ ಮೂಲಗಳು ಎಂದರೆ ಉತ್ಪನ್ನಗಳು ಮತ್ತು ಸೇವೆಗಳಾಗಿತ್ತು. ಕಂಪನಿಯು ತನ್ನ ಮೊದಲ LLM ಆಧಾರಿತ ತಂತ್ರಜ್ಞಾನವನ್ನು ಇನ್ನೂ ಪ್ರಕಟಿಸಿಲ್ಲ. ಮತ್ತೊಂದೆಡೆ, ಆಯ್ದ ಭೌಗೋಳಿಕತೆಗಳಲ್ಲಿ ಹುಡುಕಾಟಕ್ಕಾಗಿ ಗೂಗಲ್ ಬಾರ್ಡ್ ಎಐ (Google Bard AI) ಅನ್ನು ಪರಿಚಯಿಸಿದೆ.

ಕೃತಕ ಬುದ್ಧಿಮತ್ತೆ ಕ್ಷೇತ್ರದಲ್ಲಿ ಪ್ರಬಲ ಸ್ಪರ್ಧಿಗಳಲ್ಲಿ ಒಂದಾದ ಮೈಕ್ರೋಸಾಫ್ಟ್ ಈಗಾಗಲೇ ತನ್ನ ಉತ್ಪನ್ನಗಳಾದ ಬಿಂಗ್ ಹುಡುಕಾಟ ಮತ್ತು ಮೈಕ್ರೋಸಾಫ್ಟ್ ಆಫೀಸ್‌ಗಳಲ್ಲಿ ಆರ್ಟಿಫಿಶಿಯಲ್ ಇಂಟಲಿಜೆನ್ಸಿ ಮತ್ತು ಎಲ್‌ಎಲ್‌ಎಮ್‌ಗಳನ್ನು ಸಂಯೋಜಿಸಲು ಪ್ರಾರಂಭಿಸಿದೆ. ಈ ನಿಟ್ಟಿನಲ್ಲಿ ಆ್ಯಪಲ್ ತನ್ನ ಪ್ರತಿಸ್ಪರ್ಧಿಗಳನ್ನು ಹೇಗೆ ನಿಯಂತ್ರಿಸಲಿದೆ ಎಂಬುದನ್ನು ಕಾದು ನೋಡಬೇಕಾಗಿದೆ.