Wheat Export Ban: ದೇಶದಲ್ಲಿ ಗೋಧಿ ಬೆಲೆ ಹೆಚ್ಚಳ ತಪ್ಪಿಸೋಕೆ ಮಾಸ್ಟರ್ ಪ್ಲಾನ್! ವಿದೇಶಗಳಿಗೆ ರಫ್ತು ಬಂದ್

ಭಾರತವು ದಾಖಲೆಯ 10 ಮಿಲಿಯನ್ ಟನ್ ಗೋಧಿ ಉತ್ಪಾದನೆಯ ಗುರಿಯನ್ನು ಹೊಂದಿದೆ. 2022-23 ರಲ್ಲಿ ಜಾಗತಿಕ ಮಟ್ಟದಲ್ಲಿ ಗೋಧಿಗೆ ಬೇಡಿಕೆ ಹೆಚ್ಚುತ್ತಿರುವ ಸಂದರ್ಭದಲ್ಲೇ ಕೇಂದ್ರ ಸರ್ಕಾರ ಗೋಧಿ ರಫ್ತು ಮಾಡುವುದನ್ನು ನಿರ್ಬಂಧಿಸಿದೆ.

ಗೋಧಿ

ಗೋಧಿ

  • Share this:
    ದೆಹಲಿ: ಭಾರತದಲ್ಲಿನ ಗೋಧಿಯ ಬೆಲೆ ಏರಿಕೆಯನ್ನು (Wheat Price Hike) ನಿಯಂತ್ರಿಸುವ ಕ್ರಮಗಳ ಭಾಗವಾಗಿ ಭಾರತ ತಕ್ಷಣದಿಂದಲೇ ಜಾರಿಗೆ ಬರುವಂತೆ ಗೋಧಿ ರಫ್ತು (India Bans Wheat Exports) ನಿಷೇಧಿಸಿದೆ. ನಿನ್ನೆಯ (ಮೇ 13) ಅಧಿಸೂಚನೆಯ ಮೊದಲು ಅಥವಾ ಅದಕ್ಕಿಂತ ಮೊದಲು ಕ್ರೆಡಿಟ್ ಪತ್ರಗಳನ್ನು ನೀಡಲಾದ ರಫ್ತು ಸಾಗಣೆಗೆ ಮಾತ್ರ ಅನುಮತಿಸಲಾಗುವುದು ಎಂದು ಸರ್ಕಾರ ಹೇಳಿದೆ. ಅಲ್ಲದೆ, ಇತರ ದೇಶಗಳ ಕೋರಿಕೆಯ ಮೇರೆಗೆ ಸರ್ಕಾರವು ರಫ್ತು ಮಾಡಲು ಅವಕಾಶ ನೀಡುತ್ತದೆ ಎಂದು ಡೈರೆಕ್ಟರೇಟ್ ಜನರಲ್ ಆಫ್ ಫಾರಿನ್ ಟ್ರೇಡ್ (ಡಿಜಿಎಫ್‌ಟಿ) ಹೊರಡಿಸಿದ ಅಧಿಸೂಚನೆ ತಿಳಿಸಿದೆ.

    ದೇಶದ ಒಟ್ಟಾರೆ ಆಹಾರ ಭದ್ರತೆಯನ್ನು ನಿರ್ವಹಿಸಲು ಮತ್ತು ನೆರೆಯ ಮತ್ತು ಇತರ ದುರ್ಬಲ ರಾಷ್ಟ್ರಗಳ ಅಗತ್ಯಗಳನ್ನು ಬೆಂಬಲಿಸುವ ಸಲುವಾಗಿ ಸರ್ಕಾರವು ಈ ನಿರ್ಧಾರವನ್ನು ತೆಗೆದುಕೊಂಡಿದೆ ಎಂದು ಅಧಿಸೂಚನೆಯಲ್ಲಿ ತಿಳಿಸಲಾಗಿದೆ.

    ಹಣದುಬ್ಬರವನ್ನು ನಿಯಂತ್ರಿಸುವ ಒತ್ತಡದಲ್ಲಿ ಸರ್ಕಾರ
    ಮಾರ್ಚ್‌ನಲ್ಲಿ ಬಿರು ಬೇಸಿಗೆಯ  ಅಲೆಯಿಂದಾಗಿ ಭಾರಿ ಬೆಳೆ ನಷ್ಟದ ನಂತರ ಗೋಧಿ ರಫ್ತು ನಿಷೇಧಿಸುವ ಕ್ರಮವನ್ನು ಕೈಗೊಳ್ಳಲಾಗಿದೆ. ಏಪ್ರಿಲ್‌ನಲ್ಲಿ ಶೇಕಡಾ 7.79 ಕ್ಕೆ ಏರಿದ ಹಣದುಬ್ಬರವನ್ನು ನಿಯಂತ್ರಿಸಲು ಸರ್ಕಾರವು ಒತ್ತಡದಲ್ಲಿದೆ. ಅಲ್ಲದೆ, ಎರಡು ದಿನಗಳ ಹಿಂದಷ್ಟೇ ಸರ್ಕಾರವು ದೊಡ್ಡ ಪ್ರಮಾಣದಲ್ಲಿ ರಫ್ತು ಯೋಜನೆಗಳನ್ನು ಘೋಷಿಸಿತ್ತು. ಆದರೆ ಎರಡೇ ದಿನಗಳಲ್ಲಿ ಈ ಯೋಜನೆಗೆ ಗೋಧಿ ರಫ್ತು ನಿರ್ಬಂಧವು ಹಿನ್ನೆಡೆ ಉಂಟುಮಾಡಿದೆ. ದೇಶದಲ್ಲಿ ಗೋಧಿ ಬೆಲೆ ಹೆಚ್ಚಳ ಆಗದಂತೆ ತಡೆಯಲು ಸರ್ಕಾರ ಈ ಕ್ರಮ ಕೈಗೊಂಡಿದೆ. 

    ಇದನ್ನೂ ಓದಿ: Cement Prices: ಒಂದು ಚೀಲ ಸಿಮೆಂಟ್ ತರೋದೂ ಕಷ್ಟ ಆಗಬಹುದು! ಎಷ್ಟು ಏರಲಿದೆ ಬೆಲೆ?

    ಭಾರತದಿಂದ ಗೋಧಿ ರಫ್ತು ಹೆಚ್ಚಿಸುವ ಸಾಧ್ಯತೆಗಳನ್ನು ಅನ್ವೇಷಿಸಲು ಕೇಂದ್ರವು ಮೊರಾಕೊ, ಟುನೀಶಿಯಾ, ಇಂಡೋನೇಷ್ಯಾ, ಫಿಲಿಪೈನ್ಸ್, ಥೈಲ್ಯಾಂಡ್, ವಿಯೆಟ್ನಾಂ, ಟರ್ಕಿ, ಅಲ್ಜೀರಿಯಾ ಮತ್ತು ಲೆಬನಾನ್‌ಗೆ ವ್ಯಾಪಾರ ನಿಯೋಗಗಳನ್ನು ಕಳುಹಿಸಲಿದೆ.

    10 ಮಿಲಿಯನ್ ಟನ್ ಗೋಧಿ ಉತ್ಪಾದನೆಯ ಗುರಿ
    ಭಾರತವು ದಾಖಲೆಯ 10 ಮಿಲಿಯನ್ ಟನ್ ಗೋಧಿ ಉತ್ಪಾದನೆಯ ಗುರಿಯನ್ನು ಹೊಂದಿದೆ. 2022-23 ರಲ್ಲಿ ಜಾಗತಿಕ ಮಟ್ಟದಲ್ಲಿ ಗೋಧಿಗೆ ಬೇಡಿಕೆ ಹೆಚ್ಚುತ್ತಿರುವ ಸಂದರ್ಭದಲ್ಲೇ ಕೇಂದ್ರ ಸರ್ಕಾರ ಗೋಧಿ ರಫ್ತು ಮಾಡುವುದನ್ನು ನಿರ್ಬಂಧಿಸಿದೆ.

    ಇದನ್ನೂ ಓದಿ: Top 10 Safest Cars: ಭಾರತದ ಟಾಪ್ 10 ಸುರಕ್ಷಿತ ಕಾರುಗಳಲ್ಲಿ ನೀವು ಪ್ರಯಾಣಿಸಿದ್ದೀರಾ?

    ಈ ತಿಂಗಳ ಆರಂಭದಲ್ಲಿ ರಾಯಿಟರ್ಸ್ ವರದಿಯು ಗ್ರಾಹಕ ವ್ಯವಹಾರಗಳು  ಮತ್ತು  ಆಹಾರ ಮತ್ತು ಸಾರ್ವಜನಿಕ ವಿತರಣಾ ಸಚಿವಾಲಯದ ಉನ್ನತ ಅಧಿಕಾರಿಯೊಬ್ಬರನ್ನು ಉಲ್ಲೇಖಿಸಿ ಭಾರತವು ಗೋಧಿ ರಫ್ತಿಗೆ ಕಡಿವಾಣ ಹಾಕಲು ಬಯಸುವುದಿಲ್ಲ ಎಂದು ಹೇಳಿತ್ತು.

    ರಷ್ಯಾ ಉಕ್ರೇನ್ ಯುದ್ಧದಿಂದ ಏನೆಲ್ಲ ಆಗ್ತಿದೆ..
    ಯುರೋಪಿಯನ್ ಮಾರುಕಟ್ಟೆಗೆ ದೊಡ್ಡ ಪೂರೈಕೆದಾರರಾಗಿರುವ ಪ್ರಮುಖ ಗೋಧಿ ಉತ್ಪಾದಿಸುವ ರಾಷ್ಟ್ರವಾದ ಉಕ್ರೇನ್‌ ಮೇಲೆ ರಷ್ಯಾದ ಆಕ್ರಮಣದಿಂದ ಜಾಗತಿಕ ಕೃಷಿ ಮಾರುಕಟ್ಟೆಯು ಅಸ್ಥಿರವಾಗಿದೆ. ಭಾರತದ ಒಳಗಿನ ಅವಶ್ಯಕತೆಗಳ ಹೊರತಾಗಿ, ಜಾಗತಿಕ ಗೋಧಿ ಬೆಲೆಗಳ ಏರಿಕೆಯೊಂದಿಗೆ ವ್ಯವಹರಿಸುವಾಗ ದಕ್ಷಿಣ ಏಷ್ಯಾದ ನೆರೆಹೊರೆಯ ಆದ್ಯತೆಗಳನ್ನು ಆದೇಶವು ಉಲ್ಲೇಖಿಸುತ್ತದೆ.

    ಭಾರತವೂ ಪ್ರಮುಖ ಪೂರೈಕೆದಾರ
    ಭಾರತವು ತನ್ನ ನೆರೆಹೊರೆಯವರಿಗೆ ಗೋಧಿಯ ಪ್ರಮುಖ ಪೂರೈಕೆದಾರ ದೇಶವಾಗಿದೆ. ಮಾನವೀಯ ಆಧಾರದ ಮೇಲೆ ಇತ್ತೀಚೆಗೆ ಭಾರತದಿಂದ ದೊಡ್ಡ ಪ್ರಮಾಣದ ಗೋಧಿಯನ್ನು ಸ್ವೀಕರಿಸಿದ ಅಫ್ಘಾನಿಸ್ತಾನದ ಹೊರತಾಗಿ, ಬಾಂಗ್ಲಾದೇಶವು ಭಾರತೀಯ ಗೋಧಿಯ ಮತ್ತೊಂದು ದೊಡ್ಡ ಆಮದುದಾರ ದೇಶವಾಗಿದೆ. ಭಾರತವು 2021-'22ರಲ್ಲಿ ಸುಮಾರು 7 ಮಿಲಿಯನ್ ಟನ್ ಗೋಧಿಯನ್ನು ಉತ್ಪಾದಿಸಿತ್ತು.
    Published by:guruganesh bhat
    First published: