Salary Slip: ಈ ಸ್ಯಾಲರಿ ಸ್ಲಿಪ್ ಎಂದರೇನು? ಇದರ ಬಗ್ಗೆ ನಿಮಗೆ ಗೊತ್ತಿರಬೇಕಾದ ಮಾಹಿತಿ ಇಲ್ಲಿದೆ

ಸ್ಯಾಲರಿ ಸ್ಲಿಪ್ ನಲ್ಲಿರುವ ಅಂಶಗಳು ಯಾವುವು, ಅವುಗಳು ಏನೇನು ಎಂಬುದನ್ನು ನಾವಿಲ್ಲಿ ತಿಳಿದುಕೊಳ್ಳೋಣ. ಪ್ರತಿಯೊಬ್ಬ ಉದ್ಯೋಗಿಗೂ ಈ ಮಾಹಿತಿ ಪ್ರಯೋಜನ ನೀಡುತ್ತದೆ ಮತ್ತು ಬೇರೆಯವರಿಗೂ ನೀವು ಈ ಬಗ್ಗೆ ತಿಳಿಸಿಕೊಡಬಹುದು. ಇಲ್ಲಿ ನಾವು ಮೊದಲು ಸ್ಯಾಲರಿ ಸ್ಲಿಪ್ ಎಂದರೇನು? ನೋಡೋಣ.

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

  • Share this:
ತಿಂಗಳ ಮೊದಲ ವಾರ ಅಂದರೆ ಉದ್ಯೋಗಿಗಳಿಗೆ (Employees) ಖುಷಿ, ಏಕೆಂದರೆ ಸಂಬಳ (Salary) ಕೈ ಸೇರುವ ಅವಧಿ ಅದು. ಈಗೆಲ್ಲಾ ಮೊಬೈಲ್ ಗೆ ಸಂಬಳ ಬಂದ ತಕ್ಷಣ ಠಣ್ ಅಂತಾ ಸಂದೇಶ ಬಂದು ಬಿಡುತ್ತದೆ. ಸಂಬಳ ಪಡೆಯುವ ಪ್ರತಿಯೊಬ್ಬರೂ ಈ ಸ್ಯಾಲರಿ ಸ್ಲಿಪ್ (Salary Slip) ಬಗ್ಗೆ ಕೇಳಿರುತ್ತೀರಾ. ಸಂಬಳ ಬಂದ ಎಲ್ಲಾ ವಿವರಗಳು ನಮ್ಮ ಸ್ಯಾಲರಿ ಸ್ಲಿಪ್ ಎನ್ನಲಾಗುವ ಸಂಬಳ ಪಾವತಿ ಚೀಟಿಯಲ್ಲಿ ವೇತನದಿಂದ ಹಿಡಿದು ಇನ್ ಸೆಂಟಿವ್ (Incentive), ತೆರಿಗೆ ಕಡಿತ (Tax reduction), ಪಿಎಫ್ (PF) ಹೀಗೆ ಎಲ್ಲಾ ಮಾಹಿತಿಯನ್ನು (Information) ಒಳಗೊಂಡಿರುತ್ತದೆ.

ಸ್ಯಾಲರಿ ಸ್ಲಿಪ್ ವಿಭಾಗಗಳ ಬಗ್ಗೆ ಹೆಚ್ಚಿನವರಿಗೆ ಕೆಲವು ಗೊಂದಲಗಳಿರುತ್ತವೆ. ಹಾಗಾದರೆ ಸ್ಯಾಲರಿ ಸ್ಲಿಪ್ ನಲ್ಲಿರುವ ಅಂಶಗಳು ಯಾವುವು, ಅವುಗಳು ಏನೇನು ಎಂಬುದನ್ನು ನಾವಿಲ್ಲಿ ತಿಳಿದುಕೊಳ್ಳೋಣ. ಪ್ರತಿಯೊಬ್ಬ ಉದ್ಯೋಗಿಗೂ ಈ ಮಾಹಿತಿ ಪ್ರಯೋಜನ ನೀಡುತ್ತದೆ ಮತ್ತು ಬೇರೆಯವರಿಗೂ ನೀವು ಈ ಬಗ್ಗೆ ತಿಳಿಸಿಕೊಡಬಹುದು. ಇಲ್ಲಿ ನಾವು ಮೊದಲು ಸ್ಯಾಲರಿ ಸ್ಲಿಪ್ ಎಂದರೇನು? ನೋಡೋಣ.

ಸ್ಯಾಲರಿ ಸ್ಲಿಪ್ ಎಂದರೇನು?
ಸಂಬಳ ಪಾವತಿಯಲ್ಲಿನ ಎಲ್ಲಾ ಇತರ ವಿವರಗಳನ್ನು ಒಳಗೊಂಡಿರುವ ದಾಖಲೆಯನ್ನು ಪೇ ಸ್ಲಿಪ್ ಅಥವಾ ಸಂಬಳದ ಪಾವತಿ ಚೀಟಿ ಎನ್ನಲಾಗುತ್ತದೆ. ಒಟ್ಟು ವೇತನವು ಮೂಲ ವೇತನ, ಸೇರ್ಪಡೆಗಳು, ಭತ್ಯೆಗಳು, ಕಡಿತಗಳು, ತೆರಿಗೆಗಳು, ಉದ್ಯೋಗದಾತರ ವಿವರಗಳು, ಉದ್ಯೋಗಿ ವಿವರಗಳು ಇತ್ಯಾದಿಗಳನ್ನು ಒಳಗೊಂಡಿರುವ ಸ್ಯಾಲರಿ ಸ್ಲಿಪ್ ಅನ್ನು ಎಚ್ಆರ್ ಡಿಪಾರ್ಟ್ಮೆಂಟ್ ತಮ್ಮ ಸಿಬ್ಬಂದಿಗಳಿಗೆ ಕಳುಹಿಸುತ್ತಾರೆ. ಸಂಬಳದ ಚೀಟಿಯು ಉದ್ಯೋಗಿಗೆ ಪ್ರಮುಖ ದಾಖಲೆಗಳಲ್ಲಿ ಒಂದಾಗಿದೆ. ಸ್ಯಾಲರಿ ಸ್ಲಿಪ್ ಮಾದರಿ ಮುಖ್ಯವಾಗಿ ಗಳಿಕೆ ಮತ್ತು ಕಡಿತ ವಿಭಾಗಗಳನ್ನು ಒಳಗೊಂಡಿರುತ್ತದೆ.

1) ಮೂಲ ವೇತನ (ಬೇಸಿಕ್ ಸ್ಯಾಲರಿ)
ಸಂಬಳ ಪಾವತಿಯಲ್ಲಿನ ಎಲ್ಲಾ ಇತರ ವಿವರಗಳಲ್ಲಿ ಮೂಲ ವೇತನ ಅತ್ಯಂತ ಮುಖ್ಯವಾಗಿದೆ. ಮೂಲ ವೇತನವು ಉದ್ಯೋಗದಾತನು ನಿರ್ವಹಿಸಿದ ಕೆಲಸಕ್ಕಾಗಿ ಉದ್ಯೋಗಿಗೆ ಪಾವತಿಸುವ ನಿಗದಿತ ಮೊತ್ತವಾಗಿದೆ.

ಇದನ್ನೂ ಓದಿ:  Indian Railways: ರೈಲು ಪ್ರಯಾಣಿಕರೇ ಗಮನಿಸಿ, ಪ್ರಯಾಣಿಸುವ ಮುನ್ನ ಮಹತ್ವದ ಮಾಹಿತಿ ತಿಳಿಯಿರಿ

ಮೂಲ ವೇತನವು ಪ್ರಯೋಜನಗಳು, ಬೋನಸ್‌ಗಳು ಅಥವಾ ಹೆಚ್ಚಳವನ್ನು ಒಳಗೊಂಡಿರುವುದಿಲ್ಲ. ಇದು ಸಂಬಳದ ಶೇಕಡಾ 35-50 ರಷ್ಟಿರುತ್ತದೆ. ಉದ್ಯೋಗಿ ಬೆಳೆದಂತೆ, ಇತರ ಭತ್ಯೆಗಳು ಹೆಚ್ಚಾಗುತ್ತವೆ. ಸಂಸ್ಥೆಗಳು ಮೂಲಭೂತ ಅಂಶವನ್ನು ಕಡಿಮೆ ಇರಿಸಿಕೊಳ್ಳುತ್ತವೆ ಆದ್ದರಿಂದ ಭತ್ಯೆ ಪಾವತಿಯು ಅಗ್ರಸ್ಥಾನದಲ್ಲಿರುವುದಿಲ್ಲ. ಮತ್ತು ಮೂಲ ವೇತನದ ಮೇಲೆ ತೆರಿಗೆ ವಿಧಿಸಲಾಗುತ್ತದೆ.

2) ತುಟ್ಟಿ ಭತ್ಯ (ಡಿಯರ್ನೆಸ್ ಅಲೋಯೆನ್ಸ್)
ತುಟ್ಟಿ ಭತ್ಯ ಸಾಮಾನ್ಯವಾಗಿ ಮೂಲ ವೇತನದ ಶೇ.30-40ರಷ್ಟಿರುತ್ತದೆ. ತುಟ್ಟಿಭತ್ಯೆ ನೇರವಾಗಿ ಜೀವನ ವೆಚ್ಚವನ್ನು ಆಧರಿಸಿರುತ್ತದೆ. ಆದ್ದರಿಂದ ಇದು ವಿವಿಧ ಸ್ಥಳಗಳಿಗೆ ವಿಭಿನ್ನವಾಗಿರುತ್ತದೆ. ಆದಾಯ ತೆರಿಗೆಗೆ, ಮೂಲ ಮತ್ತು ಡಿಎಯನ್ನು ವೇತನವೆಂದು ಪರಿಗಣಿಸಲಾಗುತ್ತದೆ. ಆದ್ದರಿಂದ ಇದು ತೆರಿಗೆಗೆ ಒಳಪಟ್ಟಿರುತ್ತದೆ.

3) ಮನೆ ಬಾಡಿಗೆ ಭತ್ಯೆ: (ಹೋಮ್ ರೆಂಟ್ ಅಲೋಯೆನ್ಸ್)
ಗೃಹ ಬಾಡಿಗೆ ಭತ್ಯೆ ಎನ್ನುವುದು ಮನೆ ಬಾಡಿಗೆಯನ್ನು ಕಟ್ಟಲು ನೀಡುವ ಪ್ರಯೋಜನವಾಗಿದೆ. ನಗರಗಳಿಗೆ ಅನುಗುಣವಾಗಿ ಶೇಕಡಾವಾರು ಗೃಹ ಬಾಡಿಗೆ ಭತ್ಯೆ ಅವಲಂಬಿತವಾಗಿರುತ್ತದೆ. ಮೇಟ್ರೋ ನಲ್ಲಿ ವಾಸಿಸುವವರಾದರೆ ವೇತನದಲ್ಲಿ ಶೇ. 50ರಷ್ಟು ಮತ್ತು ಇತರ ನಗರಗಳಿಗೆ ಶೇ. 40ರಷ್ಟು ಸಂಬಳ ಅರ್ಹವಾಗಿರುತ್ತದೆ. ಇಲ್ಲಿ ಸಂಬಳದ ಭಾಗವಾಗಿ HRA ಭತ್ಯೆ ಪಡೆಯುವ ವ್ಯಕ್ತಿಗಳು ತೆರಿಗೆ ವಿನಾಯಿತಿ ಪಡೆಯುತ್ತಾರೆ.

4) ಪ್ರಯಾಣ ಭತ್ಯೆ
ಪ್ರಯಾಣ ಭತ್ಯೆ ಎಂದರೆ ಸಂಸ್ಥೆಗೆ ಸಂಬಂಧಪಟ್ಟ ವಿಚಾರಗಳಿಗೆ ಪ್ರಯಾಣಿಸಲು ಮತ್ತು ಕೆಲಸಕ್ಕೆ ಹೋಗಲು ಪಾವತಿಸುವ ಸಂಭಾವನೆಯಾಗಿದೆ. ಆದ್ದರಿಂದ ನಿರ್ದಿಷ್ಟ ಮಿತಿಯವರೆಗೆ ತೆರಿಗೆಯಿಂದ ವಿನಾಯಿತಿ ನೀಡಲಾಗಿದೆ. ಇದು ಸಂಬಳದ ಸ್ಲಿಪ್‌ನ ಗಳಿಕೆಯ ಭಾಗದಲ್ಲಿ ಕಾಣಿಸಿಕೊಳ್ಳುತ್ತದೆ. ಸಾರಿಗೆ ಭತ್ಯೆಯ ಮೇಲೆ ಆದಾಯ ತೆರಿಗೆಯನ್ನು ಇಲ್ಲಿ ಉದ್ಯೋಗಿಗಳು ಉಳಿಸಬಹುದು.

ಇದನ್ನೂ ಓದಿ: Stock Market: ಷೇರುಪೇಟೆ ನಷ್ಟದಲ್ಲಿರುವಾಗಲೂ ಅದ್ಭುತವಾಗಿ ಗಳಿಸಿದ ಷೇರು ಇದು!

5) ವೈದ್ಯಕೀಯ ಭತ್ಯೆ ( ಮೆಡಿಕಲ್ ಅಲೋಯೆನ್ಸ್)
ವೈದ್ಯಕೀಯ ಭತ್ಯೆ ಎಂದರೆ ಉದ್ಯೋಗದಾತನು ಉದ್ಯೋಗದ ಅವಧಿಯಲ್ಲಿ ವೈದ್ಯಕೀಯ ವೆಚ್ಚಗಳಿಗಾಗಿ ಉದ್ಯೋಗಿಗೆ ಪಾವತಿಸುವ ಮೊತ್ತವಾಗಿದೆ. ವೈದ್ಯಕೀಯ ಭತ್ಯೆಯ ಮೇಲೆ ಆದಾಯ ತೆರಿಗೆ ಉಳಿಸಬಹುದು. ವೈದ್ಯಕೀಯ ಬಿಲ್‌ಗಳನ್ನು ಸಲ್ಲಿಸಿದಲ್ಲಿ ಮಾತ್ರ ಉದ್ಯೋಗಿ ಈ ಮೊತ್ತವನ್ನು ಪಡೆಯುತ್ತಾನೆ. ಬಿಲ್‌ಗಳ ದಾಖಲೆ ಸಲ್ಲಿಸದಿದ್ದಲ್ಲಿ ಅವರು ಭತ್ಯೆಯನ್ನು ಸ್ವೀಕರಿಸುತ್ತಾರೆ, ಆದರೆ ಅದಕ್ಕೆ ಸಂಪೂರ್ಣವಾಗಿ ತೆರಿಗೆ ವಿಧಿಸಲಾಗುತ್ತದೆ.

6) ರಜೆ ಪ್ರಯಾಣ ಭತ್ಯೆ
ಉದ್ಯೋಗದಾತರು ರಜೆಯಲ್ಲಿರುವಾಗ ಕಂಪನಿ ಪ್ರಯಾಣದ ವೆಚ್ಚವನ್ನು ಭರಿಸಲು ಮೊತ್ತ ನೀಡುತ್ತದೆ. ಇದು ರಜೆಯ ಸಮಯದಲ್ಲಿ ಉದ್ಯೋಗಿ ಮತ್ತು ಅವರ ಕುಟುಂಬದ ಪ್ರಯಾಣದ ವೆಚ್ಚಗಳನ್ನು ಒಳಗೊಳ್ಳುತ್ತದೆ. ಕೆಲವು ಮಿತಿಗಳಿಗೆ ಒಳಪಟ್ಟು ಕಡಿತವನ್ನು ಪಡೆಯಲು ಪ್ರಯಾಣದ ದಾಖಲೆಗಳನ್ನು ಸಲ್ಲಿಸಬೇಕು.

7) ವೇತನದಲ್ಲಿ ವಿಶೇಷ ಭತ್ಯೆ
ವಿಶೇಷ ಭತ್ಯೆಗಳು ಕಾರ್ಯಕ್ಷಮತೆ ಆಧಾರಿತ ಭತ್ಯೆಗಳನ್ನು ಒಳಗೊಂಡಿವೆ. ನೌಕರರು ಉತ್ತಮವಾಗಿ ಕೆಲಸ ಮಾಡಲು ಪ್ರೋತ್ಸಾಹಿಸಲು ಇವುಗಳನ್ನು ಸಾಮಾನ್ಯವಾಗಿ ನೀಡಲಾಗುತ್ತದೆ. ಅಲ್ಲದೆ, ಈ ಭತ್ಯೆಗಳು ಕಂಪನಿಯಿಂದ ಕಂಪನಿಗೆ ಬದಲಾಗುತ್ತವೆ. ವಿಶೇಷ ಭತ್ಯೆಗಳು 100 ಪ್ರತಿಶತ ತೆರಿಗೆಗೆ ಒಳಪಡುತ್ತವೆ.

8) ಕಡಿತಗಳು ( ಡಿಡಕ್ಷನ್)
ಸಂಬಳದ ಸ್ಲಿಪ್‌ನ ಕಡಿತದ ಭಾಗವು ವೃತ್ತಿಪರ ತೆರಿಗೆ, TDS ಮತ್ತು EPF ಅನ್ನು ಒಳಗೊಂಡಿರುತ್ತದೆ.

9) ವೃತ್ತಿಪರ ತೆರಿಗೆ ( ಪ್ರೊಪೆಷನಲ್ ಟ್ಯಾಕ್ಸ್)
ವೃತ್ತಿಪರ ತೆರಿಗೆ ಎನ್ನುವುದು ರಾಜ್ಯ ಸರ್ಕಾರಗಳು ಜಾರಿಗೊಳಿಸಿದ ಒಂದು ವಿಧದ ಸಣ್ಣ ತೆರಿಗೆ. ಇದನ್ನು ಕರ್ನಾಟಕ, ಪಶ್ಚಿಮ ಬಂಗಾಳ, ಆಂಧ್ರಪ್ರದೇಶ, ತೆಲಂಗಾಣ, ಮಹಾರಾಷ್ಟ್ರ, ತಮಿಳುನಾಡು, ಗುಜರಾತ್, ಅಸ್ಸಾಂ, ಛತ್ತೀಸ್‌ಗಢ, ಕೇರಳ, ಮೇಘಾಲಯ, ಒರಿಸ್ಸಾ, ತ್ರಿಪುರ, ಜಾರ್ಖಂಡ್, ಬಿಹಾರ ಮತ್ತು ಮಧ್ಯಪ್ರದೇಶ ರಾಜ್ಯಗಳಲ್ಲಿ ಮಾತ್ರ ಪಾವತಿಸಲಾಗುತ್ತದೆ. ಈ ಮೊತ್ತವನ್ನು ತೆರಿಗೆಯ ಆದಾಯದಿಂದ ಕಡಿತಗೊಳಿಸಲಾಗುತ್ತದೆ.

10) ಟಿಡಿಎಸ್
ನಿಮ್ಮ ಆದಾಯಕ್ಕೆ ಅನುಗುಣವಾಗಿ ಟಿಡಿಎಸ್ ರೂಪದಲ್ಲಿ ಪ್ರತಿ ತಿಂಗಳು ನಿಮ್ಮ ಸಂಬಳದಿಂದ ನಿರ್ಧಿಷ್ಟ ಮೊತ್ತವನ್ನು ಸಂಸ್ಥೆ ಕಡಿತಗೊಳಿಸುತ್ತದೆ. ಕಡಿತಗೊಳಿಸಿದ ಈ ಮೊತ್ತವನ್ನು ತೆರಿಗೆ ಇಲಾಖೆಗೆ ಪಾವತಿಸಲಾಗುತ್ತದೆ. ಈಕ್ವಿಟಿ ಫಂಡ್‌ಗಳು, ಈಕ್ವಿಟಿ-ಲಿಂಕ್ಡ್ ಉಳಿತಾಯ ಯೋಜನೆಗಳು, ಸಾರ್ವಜನಿಕ ಭವಿಷ್ಯ ನಿಧಿ (ಪಿಪಿಎಫ್), ರಾಷ್ಟ್ರೀಯ ಪಿಂಚಣಿ ಯೋಜನೆ (ಎನ್‌ಪಿಎಸ್) ಮತ್ತು ತೆರಿಗೆ-ಉಳಿತಾಯ ಸ್ಥಿರ ಠೇವಣಿಗಳಂತಹ ತೆರಿಗೆ-ವಿನಾಯಿತಿ ಹೂಡಿಕೆಗಳಲ್ಲಿ ಹೂಡಿಕೆ ಮಾಡುವ ಮೂಲಕ ಇದನ್ನು ಕಡಿಮೆ ಮಾಡಬಹುದು.

ಇದನ್ನೂ ಓದಿ: Salary: ಈ ಕಾಯ್ದೆ ಜಾರಿಗೆ ಬಂದ್ರೆ ಕೆಲಸ ತೊರೆದ ಎರಡೇ ದಿನಗಳಲ್ಲಿ ಸಂಪೂರ್ಣ ವೇತನದ ಪಾವತಿ ಗ್ಯಾರೆಂಟಿ!

ಇದು ಸಂಬಳದ ಸ್ಲಿಪ್‌ನ ಕಡಿತಗಳ ಬದಿಯಲ್ಲಿ ಕಾಣಿಸಿಕೊಳ್ಳುತ್ತದೆ. ಆದ್ದರಿಂದ, ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 80C ಉಪಕರಣಗಳಲ್ಲಿ ಹೂಡಿಕೆ ಮಾಡುವುದರಿಂದ ನಿಮ್ಮ ಟೇಕ್-ಹೋಮ್ ಸಂಬಳ ಹೆಚ್ಚಾಗುತ್ತದೆ. ಒಬ್ಬರು ಮ್ಯೂಚುವಲ್ ಫಂಡ್‌ಗಳಲ್ಲಿ (ELSS) ಹೂಡಿಕೆ ಮಾಡಬಹುದು, ಕಂಪನಿಗೆ ಹೂಡಿಕೆ ಪುರಾವೆ ಸಲ್ಲಿಸಬಹುದು ಮತ್ತು ಟಿಡಿಎಸ್ ರಿಟರ್ನ್ಸ್ ಕ್ಲೈಮ್ ಕೂಡ ಮಾಡಬಹುದು

11) ಉದ್ಯೋಗಿ ಭವಿಷ್ಯ ನಿಧಿ (EPF)
ಸಂಬಳದ ಕಡಿತಗಳಲ್ಲಿ ಪಿಎಫ್ ಮುಖ್ಯವಾಗಿದ್ದು, ಇದು ಭವಿಷ್ಯ ನಿಧಿಗೆ ಉದ್ಯೋಗಿಯ ಕೊಡುಗೆಯಾಗಿದೆ. ಇದು ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 80C ಗೆ ಅರ್ಹವಾಗಿದೆ. ಭವಿಷ್ಯ ನಿಧಿ ಎಂದರೆ ಉದ್ಯೋಗಿಯ ನಿವೃತ್ತಿ ಅವಧಿಯ ನಿಧಿಯ ಸಂಗ್ರಹವಾಗಿದೆ. ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ ಇದನ್ನು ನಿಯಂತ್ರಿಸುತ್ತದೆ. ಮಾಸಿಕ ಆಧಾರದಲ್ಲಿ ಮೂಲ ವೇತನದಿಂದ ಶೇ. 12ರಷ್ಟು ಪ್ರಾವಿಡೆಂಟ್ ಫಂಡ್ ಇಪಿಎಫ್ ಖಾತೆಗೆ ಜಮಾ ಆಗುತ್ತದೆ
Published by:Ashwini Prabhu
First published: