Pushpak Viman: ಇಂದಿನ ಫ್ಲೈಟ್​ಗಿಂತ ಅಂದಿನ ಪುಷ್ಪಕ ವಿಮಾನವೇ ಬೆಸ್ಟ್​ ಅಂತೆ! ಕಾರಣ ನೋಡಿ ನೀವೂ ಹೌದು ಅಂತೀರಾ!

ಪುಷ್ಪಕ ವಿಮಾನ (Pushpak Viman) ಅಂದ್ರೆ ಥಟ್ ಅಂತ ರಾಮಾಯಣ (Ramayana) ನೆನಪಾಗುತ್ತೆ. ಈ ಪುಷ್ಪಕ ವಿಮಾನ ಕುಬೇರನದ್ದಾಗಿತ್ತಂತೆ. ಕುಬೇರನಿಂದ ಪ್ರಚಂಡ ರಾವಣ (Ravana) ಬಲವಂತವಾಗಿ ಕಸಿದುಕೊಂಡು ಹೋಗಿದ್ದರಂತೆ. ಈ ವಿಮಾನದಲ್ಲೇ ಸೀತಾ (Seetha) ಮಾತೆಯನ್ನು ರಾವಣ ಅಪಹರಿಸಿದನ್ನು. ರಾವಣನ ಕೊಂದ ಬಳಿಕ ಈ ಪುಷ್ಕಕ ವಿಮಾನವನ್ನು ಶ್ರೀರಾಮ (Lord Rama) ಬಳಸಿದ್ದರಂತೆ. ಈ ವಿಮಾನದ ಮೂಲಕವೇ ಲಂಕೆಯಿಂದ ಶ್ರೀರಾಮ, ಸೀತಾ ಮಾತೆ, ಲಕ್ಷ್ಮಣ  ಅಯೋಧ್ಯೆಗೆ ಬಂದಿದ್ದರು. ಈ ವಿಮಾನವನ್ನು ಬಳಸಿಕೊಂಡು, ರಾವಣನು ಪಂಚವಟಿ ಆಶ್ರಮದಿಂದ ಭಗವಾನ್ ಶ್ರೀರಾಮನ ಪತ್ನಿ ಸೀತಾಮಾತೆಯನ್ನು ಅಪಹರಿಸಿ ಶ್ರೀಲಂಕಾಕ್ಕೆ ಕರೆದೊಯ್ದನು. 

ಪುಷ್ಪಕ ವಿಮಾನ ಬಳಸುತ್ತಿದ್ದ ರಾವಣ!

ಈ ಸಮಯದಲ್ಲಿ ಜಟಾಯು ಪುಷ್ಪಕ ವಿಮಾನದಲ್ಲಿ ರಾವಣನ ಮೇಲೆ ದಾಳಿ ಮಾಡಿತ್ತು. ಆದರೆ ರಾವಣನ ಶಕ್ತಿಯ ಮುಂದೆ ಜಟಾಯು ಬದುಕಲು ಸಾಧ್ಯವಾಗಲಿಲ್ಲ ಈ ಎಲ್ಲಾ ಘಟನೆಗಳನ್ನು ವಿವಿಧ ಧಾರ್ಮಿಕ ಗ್ರಂಥಗಳಲ್ಲಿ ಉಲ್ಲೇಖಿಸಲಾಗಿದೆ.  ರಾಮಾಯಣದಲ್ಲಿ ಪುಷ್ಪಕ ವಿಮಾನದ ಉಲ್ಲೇಖವು ಇಂದಿನ ವಿಮಾನವನ್ನು ಹೋಲುತ್ತದೆ ಎಂದು ಸೂಚಿಸುತ್ತದೆ. ಆದರೆ ತಂತ್ರಜ್ಞಾನದ ವಿಷಯದಲ್ಲಿ ಇದು ಇಂದಿನ ಆಧುನಿಕ ವಿಮಾನಗಳಿಗಿಂತ ಬಹಳ ಮುಂದಿತ್ತು. ಇಂದು ನಾವು ಈ ವಿಮಾನದ ರಹಸ್ಯಗಳು ಮತ್ತು ವೈಶಿಷ್ಟ್ಯಗಳ ಬಗ್ಗೆ ಹೇಳಿದ್ದೇವೆ ನೋಡಿ.

ಪುಷ್ಪಕ ವಿಮಾನದ ರಹಸ್ಯ

ಪುರಾಣಗಳ ಪ್ರಕಾರ, ರಾವಣನಿಗೆ ಪುಷ್ಪಕ ವಿಮಾನದಂತಹ ಅನೇಕ ಯುದ್ಧ ವಿಮಾನಗಳು ಇದ್ದವು. ಪುಷ್ಪಕ ವಿಮಾನವನ್ನು ವಿಶ್ವಕರ್ಮನು ನಿರ್ಮಿಸಿದನು. ಈ ವಿಮಾನದ ವಿನ್ಯಾಸ ಮತ್ತು ತಂತ್ರಜ್ಞಾನವು ಅಂಗೀರ ಋಷಿ ಎಂದು ಕೆಲವು ಪುಸ್ತಕಗಳಲ್ಲಿ ಉಲ್ಲೇಖಿಸಲಾಗಿದೆ. ಋಷಿ ಅಂಗೀರನ ವಿನ್ಯಾಸವನ್ನು ನೋಡಿದ ನಂತರ, ವಿಶ್ವಕರ್ಮನು ಪುಷ್ಪಕ ವಿಮಾನವನ್ನು ನಿರ್ಮಿಸಿದನು. ನಂತರ ವಿಶ್ವಕರ್ಮನು ಆ ವಿಮಾನವನ್ನು ಬ್ರಹ್ಮನಿಗೆ ಕೊಟ್ಟನು.ಱ

ಕುಬೇರಿನಿಂದ ಪುಷ್ಪಕ ವಿಮಾನ ಕಸಿದುಕೊಂಡಿದ್ದ ರಾವಣ!

ಕೆಲವು ದಂತಕಥೆಗಳ ಪ್ರಕಾರ, ಪುಷ್ಪಕ ವಿಮಾನವನ್ನು ಸ್ವತಃ ಬ್ರಹ್ಮನು ನಿರ್ಮಿಸಿದ್ದಂತೆ. ಬ್ರಹ್ಮದೇವನು ಕುಬೇರನಿಗೆ ಈ ವಿಮಾನವನ್ನು ಉಡುಗೊರೆಯಾಗಿ ನೀಡಿದನು. ರಾವಣನು ತನ್ನ ಸ್ವಂತ ಬಲದಿಂದ ಈ ವಿಮಾನವನ್ನು ಕುಬೇರನಿಂದ ಕಿತ್ತುಕೊಂಡನು. ಆ ನಂತರ ರಾವಣ ತನ್ನ ಇಚ್ಛೆಯಂತೆ ಈ ವಿಮಾನವನ್ನು ಬಳಸಲು ಪ್ರಾರಂಭಿಸಿದನು. ಪುಷ್ಪಕ ವಿಮಾನದಿಂದ ರಾವಣನ ಸೇನಾ ಶಕ್ತಿ ಹೆಚ್ಚಾಯಿತು.

ಪುಷ್ಪಕ ವಿಮಾನದ ವೈಶಿಷ್ಟ್ಯಗಳೇನು?

ವಿವಿಧ ಪೌರಾಣಿಕ ಉಲ್ಲೇಖಗಳ ಪ್ರಕಾರ, ಪುಷ್ಪಕ ವಿಮಾನವು ಬಹು-ವೈಶಿಷ್ಟ್ಯದ ಯುದ್ಧ ವಿಮಾನವಾಗಿತ್ತು. ರಾಮಾಯಣದ ಸುಂದರಕಾಂಡದ ಏಳನೇ ಅಧ್ಯಾಯವು ಪುಷ್ಪಕ ವಿಮಾನದ ಬಗ್ಗೆ ಮಾಹಿತಿ ನೀಡುತ್ತದೆ. ಪುಷ್ಪಕ ವಿಮಾನ ನವಿಲಿನ ಆಕಾರದಲ್ಲಿತ್ತು. ಅದು ಬೆಂಕಿ ಮತ್ತು ಗಾಳಿಯ ಶಕ್ತಿಯ ಮೇಲೆ ಹಾರುತ್ತಿತ್ತು.

ಇದನ್ನೂ ಓದಿ: ಸೀತೆಯ ರಕ್ಷಣೆಗಾಗಿ ಪ್ರಾಣದ ಹಂಗು ತೊರೆದು ಹೋರಾಡಿದ ಜಟಾಯುವಿನ ಕಥೆ ಇದು

ಈ ವಿಮಾನದಲ್ಲಿ ರಾವಣನು ತನ್ನ ಸಂಪೂರ್ಣ ಸೈನ್ಯದೊಂದಿಗೆ ಹಾರುತ್ತಿದ್ದನು. ಪುಷ್ಪಕ ವಿಮಾನವು ಪೈಲಟ್‌ನ ಇಚ್ಛೆಯಂತೆ ವೇಗವನ್ನು ಪಡೆಯುತ್ತಿತ್ತು. ಅಂದರೆ, ನೀವು ಹೋಗಬೇಕಾದ ಸ್ಥಳದ ಬಗ್ಗೆ ನೀವು ಯೋಚಿಸಿದರೂ ಸಹ, ಈ ವಿಮಾನವು ನಿಮ್ಮನ್ನು ಬಯಸಿದ ಸ್ಥಳಕ್ಕೆ ಕರೆದೊಯ್ಯುತ್ತದೆ. ಅದು ಎಲ್ಲಾ ದಿಕ್ಕುಗಳಲ್ಲಿಯೂ ಹಾರಬಲ್ಲದು. ಅದೊಂದು ಹವಾನಿಯಂತ್ರಿತ ವಿಮಾನವಾಗಿತ್ತು.

ಚಿನ್ನದಿಂದ ಮಾಡಲಾಗಿದ್ದ ಪುಷ್ಪಕ ವಿಮಾನ!

ಪುಷ್ಪಕ ವಿಮಾನವು ಚಿನ್ನದ ಕಂಬಗಳನ್ನು ಹೊಂದಿತ್ತು. ವಿಮಾನದ ಮೆಟ್ಟಿಲುಗಳನ್ನು ಅಮೂಲ್ಯವಾದ ಕಲ್ಲುಗಳಿಂದ ಮಾಡಲಾಗಿತ್ತು. ವಿಮಾನದಲ್ಲಿ ವಿವಿಧ ಕ್ಯಾಬಿನ್‌ಗಳನ್ನು ಮಾಡಲಾಗಿತ್ತು. ನೀಲಮಣಿಯಿಂದ ಮಾಡಿದ ಸಿಂಹಾಸನವಿತ್ತು. ವಿಮಾನದಲ್ಲಿ ಕುಳಿತುಕೊಳ್ಳಲು ವಿವಿಧ ರೀತಿಯ ಆಸನಗಳನ್ನು ಸಿದ್ಧಪಡಿಸಲಾಗಿತ್ತು. ವಿಮಾನದಲ್ಲಿ ಹಲವು ಬಗೆಯ ವರ್ಣಚಿತ್ರಗಳನ್ನು ಅಳವಡಿಸಲಾಗಿತ್ತು. ಪುಷ್ಪಕ ವಿಮಾನವು ಹಗಲು ಹಾಗೂ ರಾತ್ರಿಯಲ್ಲಿ ಹಾರಾಟ ನಡೆಸುವ ಸಾಮರ್ಥ್ಯ ಹೊಂದಿತ್ತು. ಈ ಸಂಪೂರ್ಣ ವಿಮಾನವನ್ನು ಚಿನ್ನದಿಂದ ಮಾಡಲಾಗಿತ್ತು.

ಆಗಲೇ ಇತ್ತು ರಿಮೋಟ್ ಕಂಟ್ರೋಲ್!

ಪುಷ್ಪಕ ವಿಮಾನವು ಮಂತ್ರಗಳಿಂದ ಓಡುತ್ತಿತ್ತು ಎಂಬ ಧಾರ್ಮಿಕ ನಂಬಿಕೆ ಇದೆ. ವಿಮಾನದ ಪೈಲಟ್ ನಿರ್ದಿಷ್ಟ ಮಂತ್ರವನ್ನು ಪಠಿಸಿದಾಗ ಮಾತ್ರ ಅದು ಹಾರಲು ಸಾಧ್ಯವಾಗುತ್ತಿತ್ತು. ರಿಮೋಟ್ ಕಂಟ್ರೋಲ್ ಪ್ಲೇನ್ ಇದ್ದಂತೆ.  ಪುಷ್ಪಕ ವಿಮಾನವು ಒಂದು ಸ್ಥಳದಿಂದ ಇನ್ನೊಂದು ಸ್ಥಳಕ್ಕೆ ಮಾತ್ರವಲ್ಲದೆ ಒಂದು ಗ್ರಹದಿಂದ ಇನ್ನೊಂದು ಗ್ರಹಕ್ಕೆ ಹಾರಲು ಸಾಧ್ಯವಾಗುತ್ತಿತ್ತು. ಅಂದರೆ, ಇದು ಒಂದು ರೀತಿಯ ಅಂತರಿಕ್ಷ ನೌಕೆಯಾಗಿತ್ತು.

ಕೊನೆಗೆ ಈ ಪುಷ್ಪಕ ವಿಮಾನ ಏನಾಯ್ತು?

ಶ್ರೀರಾಮನು ರಾವಣನನ್ನು ಕೊಂದು ಲಂಕೆಯನ್ನು ಗೆದ್ದನು. ದಂತಕಥೆಯ ಪ್ರಕಾರ, ಯುದ್ಧದ ನಂತರ ಭಗವಾನ್ ರಾಮನು ಪುಷ್ಪಕ ವಿಮಾನವನ್ನು ಪೂಜಿಸಿ ಈ ದೈವಿಕ ವಿಮಾನವನ್ನು ಕುಬೇರನಿಗೆ ಹಿಂದಿರುಗಿಸಿದನು. ಆದರೆ ಕುಬೇರನು ಮತ್ತೊಮ್ಮೆ ಪುಷ್ಪಕ ವಿಮಾನವನ್ನು ಭಗವಾನ್ ಶ್ರೀರಾಮನಿಗೆ ಉಡುಗೊರೆಯಾಗಿ ನೀಡಿದನು. ಆ ನಂತರ ಭಗವಾನ್ ಶ್ರೀರಾಮ, ತಾಯಿ ಸೀತೆ ಮತ್ತು ಲಕ್ಷ್ಮಣರು ಪುಷ್ಪಕ ವಿಮಾನದಿಂದ ಅಯೋಧ್ಯೆಯನ್ನು ತಲುಪಿದರು.

ಪುಷ್ಪಕ ವಿಮಾನದ ಬಗ್ಗೆ ವಿವಿಧ ದಂತಕಥೆಗಳು

ಪುಷ್ಪಕ ವಿಮಾನದ ಬಗ್ಗೆ ಇನ್ನೂ ಅನೇಕ ಪೌರಾಣಿಕ ಕಥೆಗಳಿವೆ. ಇದು ಸುಧಾರಿತ ತಂತ್ರಜ್ಞಾನದೊಂದಿಗೆ ಪ್ರಾಚೀನ ವಿಮಾನಗಳ ಬಗ್ಗೆ ಮಾಹಿತಿಯನ್ನು ಒಳಗೊಂಡಿದೆ. ಇದನ್ನು ಸ್ಕಂದ ಪುರಾಣ ಸಂಪುಟ ಮೂರರ 23ನೇ ಅಧ್ಯಾಯದಲ್ಲಿ ಉಲ್ಲೇಖಿಸಲಾಗಿದೆ. ಋಷಿ ಕರ್ದಮ್ ತನ್ನ ಹೆಂಡತಿಯನ್ನು ಸಂತೋಷಪಡಿಸಲು ವಿಮಾನವನ್ನು ನಿರ್ಮಿಸಿದ. ಈ ವಿಮಾನದಲ್ಲಿ ಎಲ್ಲಿ ಬೇಕಾದರೂ ಪ್ರಯಾಣಿಸಬಹುದು. ಋಷಿ ಕರ್ದಮ್ ಮಾಡಿದ ವಿಮಾನ ಕೂಡ ಪುಷ್ಪಕ ವಿಮಾನವನ್ನು ಹೋಲುತ್ತದೆ.

ಶ್ರೀಲಂಕಾದ ಶ್ರೀ ರಾಮಾಯಣ ಸಂಶೋಧನಾ ಸಮಿತಿಯ ಪ್ರಕಾರ, ರಾವಣನು ತನ್ನ ವಿಮಾನಗಳಿಗಾಗಿ ನಾಲ್ಕು ವಿಮಾನ ನಿಲ್ದಾಣಗಳನ್ನು ಹೊಂದಿದ್ದನು. ಈ ನಾಲ್ಕು ವಿಮಾನ ನಿಲ್ದಾಣಗಳಲ್ಲಿ ಒಂದಕ್ಕೆ ಉಸಂಗೋಡ ಎಂದು ಹೆಸರಿಡಲಾಗಿತ್ತು. ಈ ವಿಮಾನ ನಿಲ್ದಾಣವನ್ನು ಲಂಕಾ ದಹನದ ಸಮಯದಲ್ಲಿ ಭಗವಾನ್ ಹನುಮಂತನು ಸುಟ್ಟು ನಾಶಪಡಿಸಿದನು. ಇತರ ಮೂರು ವಿಮಾನ ನಿಲ್ದಾಣಗಳಿಗೆ ಗುರುಲೋಪೋತ, ತೋಟುಪೋಲಕಂಡ ಮತ್ತು ವರಿಯಾಪೋಲ ಎಂದು ಹೆಸರಿಸಲಾಗಿತ್ತು.